地產博客 > 弼尖言論 返回
瀏覽人次:49345    回應:125
弼尖言論
三厘半的大志
 
王弼
專業投資者
香港奧國經濟學院院長
易方資本首席經濟師
2015年6月2日

  明報上月的一個投資講座,找來了王弼評論未來半年的股市走勢,詳情可按這裡,在此不贅。講座中,王弼講了一句話,可能會傷了不少地產資訊網朋友的心。著名的地產評論員陸振球先生是這樣引述我的:「王弼說,他看到一些人拒絕投資『磚頭』以外的其他資產,認為收那約2厘的租金回報,只要高於近零的存款息口,便已覺得滿意,其實是沒有『志氣』的表現,當然樓價升了多年,也有人會說租金回報低不緊要,只要樓價升,賺價便成,在王的投資思考裏頭,買入的投資工具不能提供合理的現金流回報,只是博別人搶高價,然後轉售圖利,那其實投機高於投資成分。」

  首先,關於「投機」和「投資」的部份,王弼是實用主義者,可以捉到老鼠的就是好貓,賺到錢的,那管是投資投機,況且我覺得企圖為兩者定義,非常多餘。我認為樓市目前不值得投資,是基於許多買樓的人已經是不管租金回報,只渴望樓價升值,這明顯是牛市末期的現象。客觀上,零售已死,自由行概念玩完,大陸實體經濟亦敗象已露,我已經有一半的資產是地舖、工廠和住宅,不再跟人癲,就是如此簡單。

  至於租金回報方面,我看見有網友說:「2厘回報?王弼不懂找筍盤吧?我可以找到3厘多的!」首先,2厘沒志氣,3厘半就有志氣嗎?那麼恭喜這位兄台了。做人如此容易滿足,一定身心康泰。事實上,王弼收租的經驗所得,3厘半gross yield,扣除經紀佣、管理費、物業稅、空租等,厘數不就變為2字嗎?不過磚頭塔利班很奇怪,他們竟然可以用自己多年前的買入價,來衡量自己的租金回報,例如一間與2009年以1600萬買入的單位,業主現以3600萬放售,同時在市場以7萬元放租,年收84萬,塔利班可以和跟自己說,回報超過5厘!實在對金融有些少認識的人都會明白,如果該單位現市值3600萬,回報就是2厘多一點。有人可以如此阿Q精神,稱回報率5厘,除了香港樓市,實在罕見。

  至於我認識在樓市的真正勁人(不是一些手上只有幾個單位便也文也武的散戶),例如最近我在飯局遇到的蔡志忠老闆,他當然仍在市場活躍買賣。在這個樓市牛市末期,他仍有能力賺大錢,理由非常簡單,就是蔡老闆的層次,已經遠遠超越了普通投資者。例如許多「舖王」,他們有能力把整幢大廈或停車場買下,然後拆售,把潛力釋放,並非像許多散戶,買樓收租然後被動地等大市把價值推上。王弼就是看通這點,如果不能夠專業得像蔡老闆一樣(更不要說自己不夠規模,有筍舖位經紀也不會給我這現實了),只有退而求其次,投資國際股票市場,買賣期權年收15-20厘息好了。三厘多的磚頭回報,還是留給別人賺吧。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. yyfan 2015-06-02 15:58:22
作為六十後生意佬本人絕對同意三釐半微不足道,我借錢比幫我做Oem加工廠隨時三四分起步,但我地賣貨嘅毛利可以由2%至100%完全視乎產品同風險而定,此道理用係樓市投資上也一樣,對於一個冇其他投資經驗嘅人來講,與其擺舊錢係銀行,有番三釐收又唔可以笑佢on 9

利益申報,2010年中已停止買住宅投資,2013年停止商廈投資,上年賣出所有寫字樓除自用果層以及質數差嘅住宅貨,上年換入一D質數好而呎價近二手嘅一手貨
2. My good fan 2015-06-02 16:38:39
Bond, security and other financial investments are suitable for those experienced
and knowledgeable players. Not even experts can make money, so
new comers an easily be the 'dim sum' of the sharks. 
3. 引刀一快 2015-06-02 17:12:23
例如一間與2009年以1600萬買入的單位,業主現以3600萬放售,同時在市場以7萬元放租,年收84萬,塔利班可以和跟自己說,回報超過5厘!實在對金融有些少認識的人都會明白,如果該單位現市值3600萬,回報就是2厘多一點。有人可以如此阿Q精神,稱回報率5厘,除了香港樓市,實在罕見。”

其實有一些情况之下(我要強調一下,係某一些情况),的確可以一直以1600萬作爲本金計算,更甚者,將過去收到租金扣除各項開支之後的歷史純利,以買入物業價錢減之,例如1600萬買入物業,每年得純利160萬,十年之後抵消全數買入成本,即係歸本,之後以本金為零去計算,都得!再去盡D,就係歸本之後純利,計入“負成本”,以負成本計算回報率。
到底係咩情况之下,可以咁計法呢?小弟心裏有個計算方法,夜少少揭曉,希望各路大仙不吝指點,睇下有冇師兄有同樣嘅諗法。
4. 歷史長河 2015-06-02 19:26:46
王生,你花了很大篇幅攻擊樓市塔利班,卻對文章重點 '投資國際股票市場,買賣期權年收15-20厘息好了' 一筆代過。小弟願聞其詳。
5. 亮劍 2015-06-02 20:07:35
歷史長河兄……畀着我係 RM,小弟會咁sell你。
X兄,上次聽你講,如果汇丰跌破66元你想入幾拾手,而升破77元你就想止賺轉買941,不如同你設計一個 short strangle 好唔好?
運用呢個方案,如果汇丰在66~77元內上落,咁你兩個月後可收取3元期權金(利息),如不幸汇丰跌破66元,你可用折讓入汇丰,無壞;反之汇丰升破77元,你横掂都想喺呢個位楼上沽啦。

仲驚的話你可做 long condor,用回汇丰做例子,你沽出66及77認沽及認購;同時用部分收回的期權金,分別買入60及85認沽及認購,咁你根本立於不敗之地。
6. 期權遊戲 2015-06-02 20:09:27
做option一年可以有十幾厘係會比人一種安心聰明既感覺,但可以一輸輸清光,當年大劉都係輸都要賣古董,當然,如果有D好似中移動咁慢升慢跌,short covered call呢招都幾可取。
我有朋友當年用50萬中移動正股加上short ratio call,之前一年回報over 30厘,結果2007年升到上150蚊要打把輸淨5萬。
7. To 6 2015-06-02 20:52:58
有正股在手做short call,點可以由50萬輸剩5萬?short put仲有些少可能。唔該指教下,你朋友一定叻過畢非特,或者老作塔利班至得。
8. 無敵神人 2015-06-02 20:54:31
又一個無敵神人,我老豆點解唔係李嘉誠。
9. 70後小弟 2015-06-02 21:24:24
小弟是樓市塔利班,我有朋友是股市塔利班,2007年後,八年過去了,你估下邊過贏得多?
10. To 9 2015-06-02 21:34:03
係你的朋友,點會有運行?
11. 歷史長河 2015-06-02 21:44:26
亮劍兄,我明你明,哈哈,共樂之!
12. yy 2015-06-02 22:06:25
無論任何投資,風險永遠存在,財技令中信榮家離塲,買實物也可以令胡家失去虎豹別墅。
賺兩三輪錢就認屎認屁你人,香港多得很。記否神童輝?Alan Bond?陳松青和今天不知身在何方的黃坤。總之夠膽講投資心得的人,肯定是自命成功,可能有些人以為有三數十億就算成功吧,當中又有幾人敢肯定可以終生擁有呢?公園的伯伯當中也不乏潦倒富豪呢!
13. 亮劍 2015-06-02 22:14:13
歷史長河……
正常計你隨機喺街問一百個人,呢個 long condor 要点買同沽,小弟保證答倒正確答案者都唔知有無十個。
而用過呢個策略者,有無5個?
最後可賺倒使費者離場,可能只得真正期權高手,例如王弼兄。
呢個就是知識不對稱!!
但買層楼收租,理論上連文盲亦知点玩。
14. 朗晴 2015-06-02 22:51:06
十個炒股七個輸,一個打和,一個賺雞碎,真正最終修成正果只有一個.
至於當年買正Lehman既就total loss.
15. 雲在青天水在瓶 2015-06-02 23:18:29
曾經講過 "樓市賺錢,絕大多數靠的是運氣;股市賺錢,方顯出英雄本色。" 結果在此網站激起了少少漣漪。

如今王生講樓市投資者胸懹大志,但不過三厘半,恐怕⋯⋯。


16. 大寶二寶 2015-06-02 23:29:59
投資嘅嘢各適其適,边樣熟咪玩边樣囉,我都費事駁佢! 慳番啖氣。

17. 蜕变中嘅懒人 2015-06-03 01:40:18
王弼兄話:至於我認識在樓市的真正勁人(不是一些手上只有幾個單位便也文也武的散戶)

本來只想做塘邊鶴,既然有feel就回應两句:
懒人13歲輟學捱世界,到今日都係投資盲毛,回想呢世人無任何記錄嘅不知謂投資结果:
股票:總投資约100萬元、現總值约30萬元。
樓市:總投資约200萬元、現在幸成為擁有幾個單位也文也武的散戶

如果重頭嚟過以股票為重點投資,今日王兄路邊見到推着木頭車執紙皮維生者,中一人嘅背影應該係屬於懶人無誤。

木頭車,共推之,唱着:鬼叫你傻,頂硬上。
18. 明白了 2015-06-03 02:38:34
一班低能仔,撞正牛市,有兩三層樓,物以類聚,就係咁簡單!
19. 大寶二寶 2015-06-03 03:45:02
午夜夢迴,學人夜觀天象,星星就睇唔到,喜見昔日風趣、幽默、抵死嘅懶人兄歸位,可喜可賀!

共賀之,哈哈!
20. Fund佬朋友 2015-06-03 06:21:37
傻瓜都睇得出有人想幫基金做勢、引D經驗淺樓市投資者出貨轉買股票。我班基金fund老朋友話最近樓市又轉好,生意難做,好多人不買基金轉番買樓,叫大家幫幫手唱番淡樓市,之後再出貨。王生必然係有D個人用意,不便致評,大家用雪亮的眼睛看清楚,身邊有幾多朋友在基金𧶄到錢?做大鱷點心就有份。
21. 打工仔 Andy 2015-06-03 07:29:08
作者
不要睇小人, 不要眼似狗! 你無資格批評小投資者! 
22. Oscar Lam 2015-06-03 07:34:54
王先生,早上好!

有一點投資常識的人都知道,高回報的背後一定是高風險,期權年回報有15-20厘,不知它的風險如何?如果只講回報,不講風險,這是不負責任的行為。

另外,王先生以蔡先生作為例子似乎是找錯對像了,大家都知道,蔡先生極少投資股票,他就是靠房地產致富的最佳例子。在香港靠房地產發達的人大有人在,靠股票或期權發逹的人我至今仍未找到。

萬里尋他/她千百度,共尋之,哈哈!
23. 蜕变中嘅懒人 2015-06-03 08:08:10
懶人三大憾事:少年失學、中年炒股、臨老執纸皮。

好彩無儍!
共執生,哈哈。
24. 亮劍 2015-06-03 08:53:01
王弼兄:馬鞍式、勒束式、蝴蝶式、飛鹰式、吉斯式、海式、蘭保式、爭辯式、側手翻式、圍牆式……上述期權的攻略,小弟相信你耳熟能詳,並能因應各種市況靈活運用,仲可隨時開班授徒㖭。

但香幾港有D咁嘅段数嘅人,極其量咪得拾幾萬人,嚴格來說連我亮劍亦可稱為期權白痴!

在證券及其衍生市場中,就是錢多、能最快揾倒正確市場訊息、有投資知識及能掌握合適軟件者勝,我唔係睇小散戶,以中長期例如5年,用累計盈虧計,贏你好彩,輸係應該。
這因為老散在明,等同你打開晒D牌,同人賭鋤大 D 或 13張;而那班能掌握消息來源真偽、有錢、有投資常識者在暗,就可擇肥而噬!

反之在2手楼市,無論買或賣,你的對手極可能都是老散,随時出現錯價或有死鸡執。
楼、股及債市的升跌,其實同貨幣供應有密切關係,而小弟相信在對下兩叁年,環球政府都是行量寞,正路當然要買股啦……若你自問是高手的話!!
25. 小小業主 2015-06-03 08:55:36
喜見風趣的懶人兄回來,good!
另外,小弟好奇一問,何謂樓市搭利班?好像帶有眨意,唔明。
26. Robert 2015-06-03 08:59:39
呢個世界行嘅係森林定律,成王敗寇,你賺到錢攞,人哋咪話你投資成功囉,如果唔好彩輸咗嘅,人哋梗係話你投機失敗架啦.
27. Oscar Lam 2015-06-03 09:21:50
王先生,

你說投資期權年回報有15-20%,是不是搞錯概念了?實情可能是投資期權的贏錢機會率是15-20%,既10個投資期權的有一至二個人贏錢。

共避之,嘻嘻!
28. AH-HO 2015-06-03 09:59:44
我的個人經驗,都是買股票唔輸已經當贏了。FUND,除左MPF焗買外,我更加唔會買,一入場已經輸手續費、管理費。

買樓就真的幫我財富增值,而且樓可以安心用來保持財富。

29. 歷史長河 2015-06-03 10:03:46
Oscar 兄,要知如何有10-15% 回報,請參加王弼的講座。文章中兩幅照片已說明。哈哈,不知辦講座回報率是幾多?
30. 路人丙 2015-06-03 10:22:11
的投資講座有時的確係好有問題,記得幾年前參加過一次,個主持人由頭到尾都講佢啲投資方法係幾咁容易賺錢,過去投資記錄係幾咁威水,一啲都唔講啲投資方法嘅風險,加上由頭播到尾嘅火箭升空背景音樂,搞到啲聽講座嘅師奶和阿伯對眼好似有個$$字咁,傻Q晒!

唔知王弼果啲講座係唔係都係果啲嘢.

31. Oscar Lam 2015-06-03 10:22:24
回23樓懶人兄,

小弟三大幸事:少年努力學習但成績一般,中年投資物業、臨老估計應可以豐衣足食。

好彩無投資期權!
共執生,哈哈。
32. Oscar Lam 2015-06-03 10:37:06
回29.歷史兄,

為講座宣傳沒有問題。但寫文章要客觀,要有廣濶的胸襟,更不應該隨意攻擊人。什麼叫樓市搭利班?
33. 自我陶醉 2015-06-03 11:33:09
王先生:期權15~20厘回報, 不會是運用槓桿後的回報率吧! 如果真的是用槓桿後回報與樓市沒有槓桿時2厘多回報來相比, 確實有點誤導之嫌, 王生精於計算, 相信不會像閣下口中那些阿Q一樣犯這些低級錯誤吧!
34. 大寶二寶 2015-06-03 12:05:49
王兄,

每個人投資取態同投資產品種類都係建基於:

1. 对投資產品熟悉程度
2. 預期回報
3. 風險承受能力
4. 個人EQ
5. 機會成本
6. 套現能力等……

當然,世事係绝对,高回報高風險係必然,而結果又會間接受個人EQ同以上因素所影响,所以只可取個平衡。因此,各人投資係各適其適,各取所需,係冇一條硬性數學公式應用係投資道路上。

王兄可能見到呢幾日留言版悶悶地而出文想增添吓網友火花, 你嘅理論好比藥丸理論,係你身上嘅良藥可能係别人嘅毒藥, 你啱食其他人未必啱,何必要其他人跟你食同一隻藥? 或去踩其他人?

要知股樓息息相關,傳統智慧股市走在樓市前方,股市旺樓市旺,樓市跌股市也好不到那裏。

王兄用到咩'也文也武','樓市塔利班',似乎有心想向呢度D物業投資者挑機。对於一個初來步到嘅筆者,似係不智嘅行為。望王兄三思!

35. 蜕变中嘅懒人 2015-06-03 12:06:06
TO 大寳二寶兄,打工仔兄,Oscar Lam兄,小小業主兄,早上好。

亞乜生篇勸人棄樓買股鴻文,字裡行間充滿挑逗性,令懒人興奮莫明。

懒人若股藝超群(唔好會錯意),想hard sell人幫趁買股,一定會用甜言蜜語、花言巧語嚟請君入甕,唔會窒親班準老細,係今時今日扯客嘅應有態度。

共温柔扯客買股,哈哈。
36. 明明白白 2015-06-03 12:26:57
一班低能兒,肯認蠢認傻,知道碰上牛市好彩買左D樓賺錢,仲有得救。
37. 期權遊戲 2015-06-03 12:29:28
to 7
short ratio call 即係short 多過自已有的,正股被call走,多左仲要補錢
佢之前果年回報30%, 
正常covered call 會有10%咁上下,仲要你手上夠多先可以有低overhead.
王兄現金多,我估佢做埋short call等接貨,所以有15%。
38. 亮劍 2015-06-03 12:33:11
各位巴打,如果大家仲年輕,其實上D講期權的課程無壞。
呢個世界有強姦無焗賭,在學完期權28式後,就當學一門知識傍身,最低限度,都知基金大戶、莊家大鱷,點玩財富轉移,同埋果D外資大行,點揾咁多錢出來交租、請埋精英之餘,仲可謀取暴利!
39. 期權遊戲 2015-06-03 12:34:34
王兄係高手,但炒股一要心理天份,二要時間,09-12年還好,而家個市咁高,如果得一百幾十萬本唔通一日用幾個鐘睇幾個市?玩埋期權仲忙!如果唔係家族本身都有D錢,一個要養自己同父母既人,都係用完買樓丁權先好考慮玩股。
40. 自我陶醉 2015-06-03 12:39:34
37/F

我估你意思係short "put" 等接貨。Short call 多過手上持貨就係naked call, 理論上風險可以無限大, 制唔過。
41. 期權遊戲 2015-06-03 12:41:36
fully covered call可以做到1年10%無槓桿回報無報,但典解?因為你一個short option, 正股一年升三年你都冇份,即係give up the up side to make your 10% return more likely.  如果定力唔夠,係正股升左3成再去short call想用低市價幾個%接翻,又可能會跌突,正如2007-2008果次咁....
進入大時代,short call/put既黃金時期已經過左,除非你有王兄咁多buffer,比錢學就無謂,因為上youtube大把免費教學。
42. 各有利弊 2015-06-03 12:46:39
投資市場各有各風險,各有各週期,但金融產品可以沽空和無限供應,是對睹。物業則週期很長和抗通脹特性。假若不是太大槓桿,長遠可守。還有,物業投資需要相對少的時間管理,金融產品要時刻睇實,可能忙到無時間歎世界。
43. Scoliosis 2015-06-03 12:52:30
好高興又見到各位舊友,懶人兄,亮劍,大寶.... I missed you all!
44. 打工仔 Andy 2015-06-03 12:53:10

懒人兄你好,

好高興看見你!

講到作者,無啦啦係到挑机向小投資者作出攻擊 ,真係無品!

要睇期指期權都睇梁×豪既分析啦!

 

哈哈哈!

45. 新丁 2015-06-03 14:40:20
王弼一句三厘半的志氣真掂!
引得一眾前輩師兄共聚!連引刀兄都唔夠快呢😆
46. 兩餐一宿 2015-06-03 14:47:14
哈哈! 本人正是王兄口中的阿Q...

本人早10年前用了75萬做首期,買了將軍澳一個約250萬的單位。住了幾年,有幸再置業。原來的屋仔租了出去。

早兩年加按,套回120萬現金。月供都是1萬左右。

在阿Q的概念來說,我是已經回本了,(我拿出去的75萬首期再加頭幾年的供款都全拿回來了)。現在層樓已經是零成本。而且每月有幾千元正現金流。而且剛剛同租客訂立新租約,加了兩千大元。租客還謝謝我們加得少。

再者有少少現金在手,可以買下大藍籌收息。基本上,我們打工仔都沒有時間跟得個市大貼。起碼我自己就不是“有膽有識”嘞!但我賺的錢,自己睡得著覺。

而且,人人的機會成本不同。叫我套樓換股,真的是有心無力了! 
47. To 29 & 30 2015-06-03 15:08:48
Very successful - my son borrowed $3000 from me to listen the talks!
48. to 38 2015-06-03 15:21:49
My son has spent over $40,000 in the past few years to learn "kung fu" from the
investment experts. But so far he has lost at least 20% of his mother's investment managed by
him. These talks must have a kind of seductive power and push for some special purpose.
49. 蜕变中嘅懒人 2015-06-03 15:38:13
TO 44樓 打工仔兄

都係45樓 新丁兄心水清,王先生真係可能用激將法增加回應率,王先生你好嘢,佩服。

TO 45樓 新丁兄

兄台好眼力,心水清,老手也,佩服。
50. 蜕变中嘅懒人 2015-06-03 16:04:18

番睇王先生之前文章回應率,客客氣氣文章零回應。 

後來幾篇老實不客氣回應即上升近50,原來擊石真係會生火,熱鬧好多。

策略成功,恭喜恭喜。

51. 引刀一快 2015-06-03 16:16:29
To 45樓 新丁兄

呢勻你搞錯嘞,引刀咁啱不在被踩之列,事關引刀一件港貨都冇,原來唔關我事呀。
52. 新丁 2015-06-03 16:22:17
懶前輩,新丁好用心看你們的意見架!
因為正苦三蕉限制再入樓市,現在迫向股山行!
聽完你哋講,真係😨
53. 新丁 2015-06-03 16:33:31
To 引刀兄
今晚夜少少,等你教數✌
54. 路人甲 2015-06-03 17:24:55

剛看到王生有新文章.
在投資巿場上有人賺, 就一定有人輸架拉.

要賺上10%以上, 我唔敢妄想. 乜權乜期都唔識的我, 真係幾蠢, 除了自己份工外,
至叻係手上物業升值與租金上升所帶來的效應.

有好多人認為你擁有不是自住物業, 其實, 就係與想買樓的人對著幹, 不是好人!
這點我不認同, 雖然係, 對社會發展不算有任何益處, 但是, 收租不是什麼壞事, 沒有需求, 地產也不會提供SUPPLY.這些道理誰都懂!

今時今日, 有乜唔係商業化既呢, 我們不喜歡, 並不代表不存在或不能存在.
好似商場咁, 絕大部份都是連鎖店, 以往的個人化/小舖, 根本無空間, 生存唔到.
做生意的, 走LINK STORE的路, 
做商場的, 選LINK STORE的客路,
做客戶的, 選擇不到其他的門路, 買貴貨,選擇又少, 
唔通就唔俾到佢地做咩?
全球化後, 情況更嚴重, 貧愈貧, 富愈富.

我們小業主只係求生存, 不是在剝削人家, 情況與大企業/大業主或許有多少出入.

有得,必有失, 只是看誰在那一個位置!

55. CD ROM 2015-06-03 18:26:25
自醉兄, 

"用槓桿後回報與樓市沒有槓桿時2厘多回報來相比" <-- 似乎最無醉果個係你wor ~~~

懶人兄,

遠處有好多你既老朋友在想你呢!?!?
56. 新新新丁 2015-06-03 19:11:29

給王弼兄


如閣下想打嚮頭炮,可推介一條三個月或半年內保証年化回報有15~20%的期權組合,咁三個月或半年內成績真喺有15~20%回報或更甚,就真喺立即聲名大噪過遠方嘅細價樓爆煲論了。


57. 運輸工人 2015-06-03 19:23:17
呢D言論早几年講都唔敢講
58. 歷史長河 2015-06-03 22:31:25
銀行志在2厘,Fed志在2厘,澳門賭仔志在100%, 買六合彩志在萬倍。哪個志更大?
59. 引刀一快 2015-06-03 22:57:53
開六合彩嘅馬會志最大。
60. Joe 2015-06-03 23:58:16


三厘半的租金回報,同股市比較,真的是少得可恥,印象中樓市近二十多年來,就算最高租金回報也不過五、六厘,仍和弼兄最低要求的15-20厘回報相差甚遠。

所以,如人人都有弼兄如此大志,莫說香港,全世界任何地方的樓市都不值得投資,人人都係巴非特、索羅斯了....

然而,樓市正是在回報如此低的環境中不斷上升,就是長期都得到那些毫無大志、磚頭塔利班們的支持,而高踞不下。

可以說,樓市因為具有某些特質,非常符合大部份毫無大志的小市民的投資偏好,而我等盲毛又無如弼兄般的才高八斗,就只能獨孤一味樂做磚頭塔利班,睇住D高人換樓炒股算了。

其實小弟相信,很多樓市投資者,只不過想在不斷有直升機派錢的環境下,盡量減少自己的資產被吞沒,或避免每隔幾年成為金融大鱷之晚餐... 

每年三厘半回報,係好冇大志,但係呢十多年又真係好安心,15-20厘回報,只會令我每晚睡不著....


61. 潘朵拉 2015-06-04 00:18:45
鹹魚清菜,各有所好
甲之熊掌,乙之砒霜
有人以改為守
有人以守為攻
最緊要揾到適合自己嘅方法
62. 小小業主 2015-06-04 03:46:58
小小愚見,不喜勿插:
樓除了投資需要,還有自住需要;
樓有安全摃扦,不怕日日俾call loan;
樓冇得put, 唔似股票期權可short sell 或naked put;
樓較難做假,又不怕大股東抽水, 更加不用担心忽然停牌;
樓有實物參考,好睇過年報;
樓較難受外圍因素影響;
樓較難套現,但可加按及有mortage link 作後盾;
樓是實物,不能無限加印,風險較易管理;
買了樓後,不用時常看市,對打工仔來說最方便;
最後,相比銀行零利息,三厘半回報不算可恥。

當然,現在是不是timing 買樓及以上所講永恒不變則另作別論。

還有,小弟是窮一代,買樓事實上有血有淚,少D定力及智慧都冇可能成功買樓。
63. 小小業主 2015-06-04 04:01:25
對本人來說,買樓收租是將租客斷供及跌市風險轉移到我身上, 收取租金就像保險收premium 一樣天經地義。老來又不用靠政府還要付差餉地租物業税。另外租客能夠安居樂業,將買樓的錢用在其他地方貢獻社會,因此我不覺得是邪惡,對坊間很多人將此妖魔化不吐不快。

以上只是個人感想,不喜勿插。
64. 引刀一快 2015-06-04 04:43:25
當然,現在是不是timing 買樓及以上所講永恒不變則另作別論”

呢個就係重點,以今日呢個價格買樓,當然係高喇。
65. 亮劍 2015-06-04 06:25:37
48 楼……
在不少投資市場中,輸贏的比率係 8 對 2。
你上過投資理論課程,咁就可於投資路上馳騁嗎?
投資有時都要講慧根,除睇你能否融會貫通外,一個成功的炒家還需時間浸淫、沉澱,輸幾次大錢才能得道。
要知道你買賣股票果陣,你的對手可能係一個全職的基金經理。
而在你落盤買賣期權時,開價畀你果位人兄,可能係一位精算師。
66. 湯文亮 2015-06-04 07:29:41
弼哥,
你比美斯仲好嘢,一個扭四十幾個,班友平時向我果邊也文也武,吟詩作對都識,你一句三厘半的志氣,他們air 都冇得air,好嘢
67. 路人Q 2015-06-04 07:51:21
被逼係王弼嘅場留言都係比湯生你逼架啦,只不過係你嘅"沙士文"批評咗湯生少少就無情咁用"鏡子程式"封殺,大家睇睇啦,我以下嘅留言講得公唔公道? 有無道理 ? 湯生真係傷透我呢個100%湯粉嘅心.

---->"唔同嘅身份地位應該要講返符合佢身份地位嘅嘢,舉個例子,大劉個仔含住金鎖匙出世,成世人都未經歷過儲錢嘅辛苦,就好心佢醒小小唔好口輕輕咁教啲窮人學儲錢啦,豬八戒照鏡,唔衰攞黎衰.

同樣地,湯生揸住過300億嘅中上價高檔物業,就唔應該係咁唱衰啲中下價嘅細價樓,又同時話啲高檔物業今年會繼續係咁升,利益衝突就係呢味嘢, 湯生呢排俾人係咁踩就係源於呢種錯誤嘅做人方法."
68. 湯文亮 2015-06-04 08:15:38
留言非常好,不過要識得數王弼。
69. 湯文亮 2015-06-04 08:17:03
駁王弼
70. 小小業主 2015-06-04 08:32:00
早晨博土,王弼兄及各位網友:
小弟見呢度咁多高手雲集才落場push 一下,不喜勿插,哈哈!
71. 引刀--快 2015-06-04 09:49:51
今次好囉,弼兄會拎出一條保证年回報有15~20%的期權組合,咁香港嘅房屋問題及各深層次茅盾都會一一剔除,港燦同廢青都變精英,再加今日湯生推波助瀾,各位要給力推呀!
72. 路人Q 2015-06-04 09:51:26
To:湯大大

呢7年我每年係物業投資嘅回報率至少都有100%,王弼嘅15%-20%同我無得比,加上我唔係佢嘅粉絲,就唔花時間批評佢教精佢啦,至於佢講果啲三厘半大志,其實係王弼先生小看了天下英雄了,可笑.
73. 亮劍 2015-06-04 10:22:04
弼兄會拎出一條保证年回報有15~20%的期權組合,咁香港嘅房屋問題及各深層次茅盾都會一一剔除…………
理論上唔得囉,因為呢個 implied volatility 及delta 的变化,會影響你成套期權策略,呢度真的要成日實佢,否則贏变輸係彈指之間嘅事。
74. to 65 2015-06-04 10:31:47
Agree. It is always the case that professionals make money out of the novices. Lessons
are to be learnt.

75. 占士 2015-06-04 10:59:13

弼兄,博士,各位老友早晨!

 

弼兄,我都認為厲害。正所謂招不怕舊,最緊要受!

無論如何,謝謝您把我們的一些好朋友請了出來。

激將法,厲害!

激之, 哈哈哈

76. 地盤佬 2015-06-04 11:05:04
其實王生串少少但不無道理。網友無必要比較股票同物業投資,Why not both?事實上王生認為樓市現價唔值得投資而唔係否定物業投資價值,佢無論點講依然有一半資產係物業,做法好正路亦相信同大部份人相似。反駁王生嘅又有幾多會現價買入物業?就小弟而言,投資物業可以鎖定自住支出,低call loan風險低息推大槓桿兼創造現金流,而且長遠都保值,另一方面債券回報穩定可抵押而股票轉身快波幅大,整體投資組合多元化好d
77. 引刀一快 2015-06-04 12:09:16
To 75樓 占士兄

王生係好嘢呀,連撈波弟都請咗出山喇!哈哈哈哈
78. 發財立品李十X 2015-06-04 18:04:46
原來發了財不立品,學下+x哥,幾千億都不大口氣
79. 蜕变中嘅懒人 2015-06-04 18:06:12
根據隔離閒人兄嘅貼士:首期俾3成=480萬,當6年租金=6年供款同總支出,6年後估值3600萬。

即係話,投資480萬坐6年連本帶利共3600萬,賺3120萬。
6年賺3120/480=6.5倍。
年度複利率以倍計 = 1.36 x 1.36 x 1.36 x 1.36 x 1.36 x 1.36 = 6.3275倍
即係年度複利率多過136厘

如果無計錯,懒人一定懶得炒股;到底懶人係數盲,定係王先生俾咗個反面教材。
80. 蜕变中嘅懒人 2015-06-04 18:12:20
TO 72樓 路人Q兄

呢個例子如果無計錯數,足以證明兄台無晒命,而且係謙虛咗啲。
81. 蜕变中嘅懒人 2015-06-04 18:23:35
諗諗吓,懶人呢10年樓市投資成績.........會心微笑。

股市投資成績.........不消提。
82. To懶兄 2015-06-04 18:40:45
香港地,有$人大L把,何必介意,或者根本無得介意,何不試試想一下所謂專業投資人仍要幫人挽x!!!!!!!試想下也許只打手,不過高級些吧!
83. 雷曼兄弟再現江湖 2015-06-04 18:46:01
講果時天下無敵,而家阿爺放水,水到渠成,吹噓十足,無法的timing 問題,搵吃友想出位。
84. 路人Q 2015-06-05 08:51:27
TO:懶人兄

其實,我講嘅嘢已經好低調好謙虛啦,可惜我嘅謙虛一向都係人哋嘅高調,有時做人真係好似鄭少秋首歌咁~~~~~~~無敵是最寂寞,最是痛苦......


85. 蜕变中嘅懒人 2015-06-05 13:36:27
多謝隔離閒人兄老師指正,小學生懒人改正重交功課。

首期俾3成=480萬,當6年租金=6年供款同總支出,6年後估值3600萬,還銀行1120萬,賺2000萬。

即係話,投資480萬坐6年賺2000萬。
6年賺2000/480=4.1667倍。
年度複利率以倍計 = 1.26 x 1.26 x 1.26 x 1.26 x 1.26 x 1.26 = 4.0015倍
即係年度複利率多過126厘

人兄老師批閱,如果正確,都係low tech 投資樓比股票理想得多。
86. 珍惜香港 2015-06-06 22:14:20
珍惜香港

湯生讚王生,話佢一個扭四十幾個,又話我地 AIR 都冇得 AIR 喎!我當堂 O 咗,呢度幾時變成咗擂台?我真喺唔明白,王弼呢篇撩交打,有乜咁值得回應?我地留言,喺為咗討論議題,分享心得,唔喺要幫邊個造勢。撩埋啲無謂嘢,我一定要覆架?坦白講,我連搬番啲舊文出嚟嘅興趣都冇。

但既然王生提到「投機」同「投資」,似乎有影射我早前對投資定義嘅討論之嫌,咁响禮貌上,我都應該要俾番啲「反應」嘅。不過我呢份人,從來都唔鍾意咁高調,到今日呢個留言箱已經冷清哂,就喺咁易寫少少。都喺果句,我唔介意有幾多人睇到;你睇到嘅話,就喺你有緣

其實,好多人都好似王生咁話,唔會關心自己究竟喺投資定喺投機,總之賺到錢就得。「捉到老鼠的就是好貓,賺到錢的,那管是投資投機」喎!呢啲咁好聽嘅說話,開班授徒,用嚟做開場白,振奮一下士氣就得。到真喺教人地實戰果陣,就唔該王生認真啲,唔好累人地輸走哂啲血汗錢啦!

我同人講投資、講投機,從來都喺咁唔啱聽。我認為,你唔先去了解乜嘢叫做「蝕」、乜嘢叫做「輸」,就冇資格學會點樣去「賺」、點樣去「贏」。至於,投資、投機、賭博,呢啲王生認為咁無聊兼多餘嘅定義,我就非常重視。因為,你唔知道自己做緊啲乜,或者搞錯咗自己心態嘅話,個風險就會好大。

所以,如果我開班授徒,就一定會拍烏蠅。

要了解投資,了解投機,可以從唔同嘅角度去睇。例如,投資者,喺唔會用「輸贏」去衡量自己賺錢嘅成果,但投機者(或賭博者)就會。响投機世界裡面,你賺到嘅錢,喺人地「輸」俾你;而响投資世界裡面,你賺錢喺基於投資目標本身嘅「值」衍生出嚟,而唔喺賺人地「蝕」果啲。所以,買樓收租,喺一種投資,亦唔可以叫做「贏」,因為人地「用」你個物業嚟住,交租喺住房費,唔可以話個租客「輸」俾你。

當一個投資者,開始用「輸贏」角度,去睇自己嘅投資果陣,就會不由自主咁,由一個投資者,轉化成為一個投機者,而因為心態嘅轉變,就會決定佢行為嘅改變。

其實好多時,就算做生意,都會有投機嘅成份,要好清楚自己做緊啲乜。我之所以分得咁清楚,喺基於以前做生意果陣得嚟嘅體驗。一定要知道自己賺嘅錢喺點嚟,你自己個價值响邊度。人地喺基於你嘅價值俾你賺,定喺要人地輸俾你至有得賺。如果喺後者,就要搞清楚,邊啲人輸俾你,同點解要輸,因為人地輸俾你,可以喺贏你嘅第一步。

以前做生意,研發產品,搵廠生產,再賣俾啲海外客,可以話喺賺辛苦錢。記得有個客,越做越大,唔夠一年,走貨量已達總營業額嘅一半。我俾佢嘅價,喺高於市場同類產品,但佢從來都唔介意;而唯一嘅唔好處,就喺要放數,而隨著走貨量越嚟越大,個應收賬亦隨之擴大。其實呢個世界,邊有咁著數?佢只不過當我喺銀行,賣貴俾佢,我賺多咗,佢蝕果啲,咪當喺利息囉!而當我深入了解咗,呢個集團其他嘅生意之後,就決定終止同佢再做,而最後仲好巧妙咁,成功收番哂所有應收賬款添。後嚟聽聞其他行家就中哂佢招,真喺一額汗!

我嘅生意,喺一門實業投資,投放資源,以製造出嚟嘅產品價值,穫取利益。但喺,當我以高於市場價去賣,而又唔去了解自己賺多咗果啲,究竟喺嚟自乜嘢果陣,咁呢啲額外利潤,就喺投機嘅成份。如果我好似王生咁講,話之佢喺乜,總之有賺就得嘅話,咁今日,大家就唔會見到我,响呢度也文也武。

同樣地,我唔玩股票,喺因為睇唔穿股票背後嘅操作,太多人為因素,而呢啲人為因素,又冇得參考。例如,最近一間上市公司,發行可換股債,股價即跌一成,你真喺吹佢唔脹。不過,佢嘅舊債價就升咗,皆因新債嘅票面息低咗喎。揸佢股票啲人,就真喺喊三聲啦!而我呢,就揸緊佢舊債,買債券,只喺為收息啫,佢升咗,我又唔會賣嘅!

芳間一般認為,賺錢越多,風險越大。其實,真正嘅風險,唔喺嚟自你賺幾多錢,而喺嚟自你嘅目標,究竟有幾多喺投資成份、幾多喺投機成份、幾多喺賭博成份。點樣可以得到最大嘅利潤,而同時面對最細嘅風險,就睇你對自己投放嘅目標,了解有幾深入啦!
87. 打工仔 Andy 2015-06-06 22:52:23
To 86 珍惜兄

你講得好有道理, 好精彩! 我覺得作者為咗出位, 無啦啦攞小投資者來過橋! 
真低莊! 
88. 小小業主 2015-06-06 22:54:13
珍港兄,說得好,十個讚!

對我來說,買樓收租是將租客的風險轉移到我身上,租客可騰出金錢做他們想做的事,升值是bonus, 並不是零和遊戲。相反股票期權我覺得是賭搏,而且嬴面不大,因如亮劍兄所言你的對手可以是一team專業人士,當然小賭怡情並無不可。只要認清投資的我及投機的我,正如樓上地盤佬師兄所言,why not both?

回引刀兄,小弟也覺得現在不是good timing 買樓收租。對二十出頭後生仔我會說儲吓錢等多幾年,但對一些早時賣了自住等跌又近40人士,我就不敢多給意見,因實在買又死,唔買又死,真的不知點算好……

小小感想,不喜勿插!
89. 知足 2015-06-06 23:12:08
王生這篇根本就是江湖術仕揾兩餐的技倆,低手.
90. Niceman01 2015-06-07 02:04:12

三厘半的智慧,財演你懂嗎 ? 

http://www.investfans.com/2015/06/06

三厘半的智慧,財演你懂嗎 ? by 李尋歡

近日有個財演表演高難度動作「阿Q式15-20厘息買賣期權」,又話收租佬無大志只懂搵到三厘半租金的就滿足,又話自己識邊個炒家,做炒家才是勁人。睇完佢講野真係唔識就比佢嚇死,識就比佢笑死。等小弟逐點踢爆佢。
1. 阿Q式15-20厘息買賣期權 :
真係年年有咁好搵就真係「有財演,無窮人」,要年年賺到佢所講既回報真你係要年年行好運才得。財演你懂嗎?
2. 收租佬無大志 :
要做到收租佬唔係難亦唔係易,此話何解呢 ﹖如果你得一間自住樓當然不能叫收租佬。收租佬最低入場費要有一層樓收租,當你有第一層收租樓自然有動力推動你買入更加多物業收租。正如小弟經過多年買入物業收租,每年租金收入等於特首年薪,財演你懂嗎?

3. 識乜識物勁人:
呢個財演真係識小小就扮代表,真正既富豪你又識幾多呢? 財演你懂嗎?
小弟又睇下呢個財演靠咩生存呢? 原來靠開班搵大錢。哈哈。
財演我同你做一個實驗你就知你做人幾失敗,如你有財困,比你打一個電話你可借到幾多錢返來解困﹖小弟曾經做過最大銀碼是6千萬,財演你能嗎? 哈哈。
下期預告 : 細說往事,的士借貸

91. 引刀一快 2015-06-07 03:55:09
To 88樓 小小業主兄

相反股票期權我覺得是賭搏,而且嬴面不大,因如亮劍兄所言你的對手可以是一team專業人士,”

亮劍兄呢個講法有商榷,因爲證卷呢個“賭博”,往往唔係同一team專業人士對賭,而係賭能唔能夠同呢team人企同一邊。

至于“對一些早時賣了自住等跌又近40人士,我就不敢多給意見,因實在買又死,唔買又死,”

投資當然有賺蝕,但係大家都入咗一個誤區,就係將過去嘅回顧,偸換為未來嘅展望,明日係點大家都只不過估估下。
或者我話如果買會死,咁唔買就唔死,反之亦然。
92. 八十後 2015-06-07 13:54:55
謝謝珍港兄。
93. 小小業主 2015-06-07 19:36:06
回91 樓引刀兄,

第一點同意。即是搭順風車。不過要懂'華麗轉身',此乃小弟弱項也。

第二點建基於小弟認為未來數年樓市不會大升(not good timing for 投資),但亦不會大跌,可惜租金年年加。身邊有朋友剛被業主加租,他正正是早兩年賣了自住的。年近40, 不想降低生活質素住cheap d, 小朋友教育開支又不斷增加,所以我才說買又死,唔買又死。

上年年頭法子兄爆邊論前已叫他買住細價收租對沖,可惜又諗住佔中令樓價跌,事與願違。博士的爆煲論一出佢即時forward條link 我睇(佢唔知我有上開這綱),諗住實跌,現又收緊按揭, 所以佢要再睇定D,我都唔識再俾意見。

小小分享,不喜勿插。
94. 引刀一快 2015-06-08 00:36:59
小小業主兄

我一直都講佔中唔會影響樓價,相反有機會帶上樓價,當時喺一片討伐聲浪裏面,好少人聼得明。
其實買樓嘅嘢,冇話死唔死嘅,最緊要大把錢兼睇得開,買貴買錯都唔介意嘅人,冇咩投資難得到佢地嘅,係咪?如果喺呢個網站搵唔到答案,可以睇睇胡孟青講乜,女流之輩有大將之風。
95. Good point 2015-06-08 08:27:45
投資當然有賺蝕,但係塔利班都入咗一個誤區,就係將過去嘅回顧,偸換為未來嘅展望
96. 引刀一快 2015-06-08 11:29:05
樓上唔好篡改人地嘅發言,唔該。
97. 聚沾沾 2015-06-08 18:10:55
王弼先生,你既為金融界人士,應該對金融術語很清楚.
借問一下,為何房地產投資非要用ROE,但用ROIC來計卻不可?
何況房地產投資耆一向很少FULL PAID.
請賜教.

98. To 2015-06-11 11:19:48
2. 如果有能力,會不會只投資細價的資產,公平d  2015-06-11 10:30:10
不同人不同角度,正如李十X話沒撤離香港當然是真的,但他的兒子有沒有誰會知道,當然人人想搵錢,你有能力背景,人脈,玩大碼野易過借火,人家也想搵錢條件不一,誰不是以自身利益行先,只不過你做大茶飯,人家吃糊仔,有分別?都係一句話,公平d。沒底子的人只能慢慢儲下儲下,等時間等時機,香港地沒有専業者,都係被大財團控制生死,以人工的遞增,你等一世都未必交到豪宅的管理費,重話買豪宅,都係一句公平d,要爆的阻也阻不到,最好洗牌論能力再來一次,否則上等人有永續發展,下等人都係等,等等和等等,好快又一世了。哪裡會有公平,例如(新紅機),大部分的收購的地皮點解剛剛有鐡路呢,果然神算,個世界話你知人地玩的東西你們都係等下吧!
99. Peter Paker 2015-06-11 11:54:10

最近有財演講收租佬係咩樓市塔利班、什麼3厘半的大志、收租佬冇大志等等之類發 up 瘋的言論。


我真想回一句,財演呀財演,住宅物業不是一張定息債劵,或者固定收益的投資產品。住宅物業本身是一件必需品、投資品及/或奢侈品的混合體。在分析住宅價格時,除投資品的角色外,亦必須同時考慮其必需品及/或奢侈品的角色。


撇除豪宅奢侈品不談,一般住宅基本是普羅大眾的必需品,每個人亦須有瓦遮頭,難道財演可以不用住屋而睡在街上嗎?從A - C類過去20多年的長期空置率趨勢去看,今天普羅大眾的住宅市場(A - C類住宅)正處於嚴重的供不應求之中。試問財演有冇聽過一樣必需品,在持續供不應求及新供應不足的情況下,其價格(售價及租金)會出現大跌?


若然財演你只以3厘半的大志去形容收租佬的行為,你根本沒有考慮到住宅物業有其必需品的角色,好明顯閣下只以一件3厘半的固定收益產品去看住宅的收租行為,可見財演對收租行為及住宅市場是何等的不理解。根據差估署數字,20121月至20154月,佔存量>8成的A - B類單位,其租金指數每年平均約10%的速度上升。老實說,3厘半的智慧你懂什麼?
 
不如這樣,既然閣下認為住宅物業投資是何等的差劣,不如閣下考慮寫一篇文章去分析未來住宅市場的走勢及發展,讓小弟可以跟您學學野及回應吧!
100. 收租王Tony 2015-06-11 12:38:45

王先生貴為受保護人士挽鞋專員,忠心護主係必然的事~

 

財演國際股票市場,買賣期權年收15-20厘息,方顯出英雄本色~

 

年收20厘息,好快就由100萬變成10000億,好快就買起全港物業!

 

我地收租佬靠運既識條鐵咩~

101. 交易员 2015-06-11 15:05:36
'買賣期權年收15-20厘息'  如果你年年做得到的話 為何 “我已經有一半的資產是地舖、 工廠和住宅 ”  ??? 你 應該 100 %  資產 TRADE OPTION 啦。。。
102. 正所謂 2015-06-11 18:00:49
正 經人家只教人投資籃籌和物業,點會鼓勵散戶去炒輪証期權??
唔係個個承受到風險,見過鬼嘅人才會保守!買幾個物業收租就算!
你笑人沒大志都係咁話!
103. 知足 2015-06-11 19:24:52
洗米華話百家樂回報最高,幾年間由欠債幾十萬到身家幾百億。
104. 苦前業主 2015-06-11 20:50:08
4厘半至5厘六,又如何??
現時入貨仲有冇??
搵位德高望重人答!!
105. ooo 2015-06-11 21:05:47
呢度真係多收租白痴!乜都唔識,就知亂吠。
106. 苦前業主 2015-06-11 21:22:56
版主,
有人違規!!!
107. 正所謂 2015-06-11 21:38:18

為何身邊有朋友突然富起來,而自己永遠原地踏步呢?

by  | Jun 5, 2015 | 地產博客 | 3 comments | 245 人已閱讀

係呢十幾年,現實世界為何身邊有朋友突然富起來,而自己永遠原地踏步呢? 好少人會思考呢個問題,人們只會人云亦云,什麼樓價高,什麼逢三退一,什麼爆煲論,什麼沽樓買股,什麼不要加按買樓,買樓得三厘半無大志。本來我想提出M1,M2,M3既理論,但我估這裡大多數朋友未必明,咁我就簡單些來講全球印銀印既現象,相信大家會較易明白。

今次我們經歷緊一個自有人類歷史以來從未遇過之災難,就係全球QE大海嘯,點解我會用海嘯來形容QE ? 我記得我亞爺同我講過,國民黨在內戰末期因為要應付軍費開支,一要用錢就猛印銀紙,最誇張時他去茶樓飲茶是比一喼錢找數。即係咩意思 ? 意思是超級通貨膨脹,引起物價每日都上漲。

簡單來講,全球競賽印銀紙引起超級通脹,再引致貨品及資產上升,但群眾始終幻想有一日可等到價格回落,一年等下又一年,始終等不到,大家係唔係好有共嗚呢? 我及你們身邊總會一批人,當樓價低時如沙士期間,他們會說遲些連工都無得返,你仲敢買樓 ? 當經濟好時他們又會說花無百日紅,樓價太高了,好快下跌,遲些有好多業主BBQ了。


108. 正所謂 2015-06-11 21:40:33

我們香港政府也好像中左毒一般,認為好快加息樓價又會如97年一樣大跌,,由09年政府不斷出招打壓樓市,令我想起「出師表」有句名句就是 : 六出祈山無寸土,九伐中原枉用功。香港政府根本不知道或不想市民知道今次樓價之所以上升,根本同炒家無關,主因是全球QE。全球不單只樓價升,食品價格比香港樓價升得更快。在香港我們不能自己大量種植糧食,我們要保持購買力的只有買樓一途,好多人以為業主買貴晒樓宇,他們始終沒有察覺到超級通脹之來臨,業主們買樓只為保命而已。

如果現在你既身家唔多過十年前既三,四倍,你既人生可算失敗。咁而家仲有冇得追呢?一定有,既然全世界印銀紙競賽仍然發生,即代表超級通脹繼續發生。

現在要做的有兩件事:

1. 有能力的儘快上車或買多間收租

2. 低過年息5釐的貸款要儘借,要知道負債是固定及持逐減少的,通脹都幫緊你將負債減少。負債減小身家自然水漲船高。

109. 苦前業主 2015-06-11 22:40:23
正所謂:
你係邊個??殊不是凡夫俗子!
所言說及QE帶動資產上升???

照我看法有4個簡單嘅觀點:
1.當朋友覺得新沙士時大跌才入貨?
 》仲有邊間銀行願借錢出嚟比你!

2.真的是沙士殺埋身,大跌5成好未?
》冇人同你爭貨!冇一炮過你都唔夠力同人爭過!

3.沙士經已在南韓爆過嚟青衣城!
》而家有青衣業主鑑平鑑賤賣走自住單位嗎?

4.新沙士為何不及舊沙嘅恐懼情緒?
》人們已經消化了,睇嚟要等到頸都長埋嘅朋友失望!
110. 小小業主 2015-06-12 11:15:29
多謝PP兄的回應,實在說出小弟的心聲!

点解要矮化收租佬為樓市塔利班?有冇股票塔利班?或許真的有基金塔利班,我的強迫金(MPF)利潤去了哪裏?

一句到尾,樓價上升是貨幣現像。小市民最终只能買樓自保。

香港人經歷了這麼多風風雨雨,除了戰爭或核爆,想不到原因已供滿的業主要纷纷賤賣(唔計個别情況)。共想之,哈哈!
111. Peter Paker 2015-06-12 12:17:27
我件細野,19000蚊租,9000幾供款,2011年入

另一件,9800蚊租(預交6個月加2個月按金),供6100,2012年中入

自住果件,月供16000,市值租24000,2012年BSD前入

這就是當年3.5厘的大志,你有冇計算過,塔利班?老實說,收租佬收租得罪你呀?
112. 小小業主 2015-06-12 12:33:10
PP 兄,真的得罪了,小市民買樓抗通脹咪冇餘錢買股票lo. 我的'理財顧問'自08年從來冇叫我買樓,如聽佢話就……
113. 引刀一快 2015-06-12 12:42:26
To 111樓 Peter Paker

你入咗一個低級誤區,將過去嘅回顧,當成未來嘅展望,如果攞2004年入嘅貨作爲例子,當年3厘半到依傢升幅比率仲高,點解你2004年唔入貨先?

今日19000蚊租,你有冇打十年約同攞住一年押金?冇嘅話,今日就係今日,將來可升亦可降。
114. Peter Paker 2015-06-12 14:09:07

空置率持續下跌,且創10幾20低新,未來幾年落成供應不足 (最多只有約1萬頭),10年后租金太遠 la,點估?但起碼未來3年,based on exisiting data of work-in-progress and completions, 租金每年升10%一定冇難度


我認為根據每年各項數據,每年做一次3年期預測,夠哂,使咩做10年!

115. 正所謂 2015-06-12 14:09:34
TO 109
 本人係小市民一個,現實世界係好無奈,貨幣供應若無節制地增加,確實係稀釋緊貨幣嘅實質購買力!
而本人亦是三子之父,大仔正是二十,還在外國讀書,我亦非常擔心孩子未來進入社會嘅苦況!
所以常常告訴他們要儲蓄金錢,留在有時機才出手投資,莫要貪威識食,怨天尤人!
危機係相隨,只要自己準備充足,耐心等候,再量力而為,相信上天係會眷顧!


116. 凸^.^凸 2015-06-12 14:14:58
To:113 引刀兄

你亦犯咗一個唔熟讀歷史嘅常識錯誤^.^凸

因"樓市短中線先會有升有降,長線就必定只升不降",歷史已經印證咗呢樣嘢.
117. Peter Paker 2015-06-12 14:25:10
租金在供不應求下會跌?我有冇聽錯
118. 引刀一快 2015-06-12 14:48:42
先 To 116凸哥

你冇犯錯誤,你用緊嘅正係最王道嘅“長綫樓價只升不跌”理論,不過,當別人一間變兩間嘅時候,你升時人家升雙倍咁解之嘛。
119. 引刀一快 2015-06-12 14:52:05
又係一堆偽命題,咁你又有冇聽過經濟唔好會百業興旺吖?

從來只有賤物鬥窮人,奢侈品點同窮人鬥呀?
120. 义燒一快 2015-06-12 15:58:51
义燒一塊,好快半價出售,因為好快通縮,而家吾吃住先,等半價先吃,因為俾哂細價業主炒高左.我想用15元買一碟,可憐下我好嗎?
121. 切J一快 2015-06-13 01:29:45
13年CCL 11X開始月月估跌,估到14X都錯,連錯20個月都仲咁厚面皮死撐,佢阿媽真係生舊"义燒一塊"好過。
122. To 119 引刀一快 2015-06-13 01:36:41
乜依家香港經濟已經轉壞咗? 失業率上升咗? GDP下跌咗? 通縮緊咩? 一廂情願嘅9up唔好當秘笈。
123. 引刀一快 2015-06-13 05:15:37
乜又放狗呀?點解隻roro咁聽話,一叫就到嘅?唔通..........係人扮嘅?

點解講嘢要扮鬼扮馬?真可愛。

真正估到142嘅人,只有自我陶醉一個咋,咪搵人地條裙冚自己隻腳喇。


124. 請問王sir 2015-06-17 08:24:38
6個月見頂後係咪進入熊巿?
125. 正所謂 2015-06-17 09:56:40
股市裡只有一贏,二和,七輸嘅道理!
呢排輸到攤攤腰嘅人都唔知有幾多!
唔係個個可以受得暴升暴跌嘅氣氛!