|
收租佬記趣 (十一) 唔買都要租
打工仔
2016年1月11日
根據統計處數字顯示, 本港去年男女達適婚年齡但仍未「拉埋天窗」介乎三十至三十九歲仍未結婚的獨男有十九萬一千五百人;同一年齡層的適婚獨女則有十六萬六千三百人。
單睇這個數字,簡單推測一下, 即使打個五折都有十幾萬個家庭嘅單位需求! 這裡不討論購買房屋之因素, 正是唔買都要租。
80,90後年青人或者計劃結婚的人士, 如何選擇一個理想的租盤呢?
這篇文章會同大家一起探討一下選擇優質租盤的方法, 要注意嘅事項等等。
有人會話租屋好簡單, 有錢就得啦! 當然係, 只要有錢交租已經完成咗租客嘅責任!
但是否找一個較市值租金平的單位, 就係好盤筍盤呢?
你會問, 買樓就話講筍盤, 乜租樓都有筍盤?
無錯, 我想講係出租單位嘅質素, 包括内部裝修, 家居設備及管理等等。
其實單位質素與單位業主取態都好有關係, 有些收租業主在放租單位前,
會將間屋執翻靚仔先放租, 也有業主不會搞好就放租, 當然這類單位租金可能會平一點, 所以大家要留意呀!
作為租客, 如果見到靚仔嘅租盤, 就算要比多少少租金都係直得, 正所謂一分錢一分貨! 試想想, 如果個業主重視出租單位嘅質素,
我相信承租後如有問題, 這類業主都會快速地處理的, 對嗎?
當租約完結時,如果想繼續租住, 原本單位續租是最好的選擇, 如果單位沒有問題, 就可以省回額外的佣金支出及搬屋所帶來的煩腦!
只要留意以下幾點因素, 就會租得安心, 住得開心!
1.不是租金平就好, 而是單位質素更重要。
2.單位内部保養及有否經過翻新。
3.承租單位所附帶的設備。
4.樓宇管理質素, 例如: 清潔及保安。
5.是否容易聯絡單位業主。
區區都有好盤, 而好多時租客會選擇就近家人的租盤, 一來方便照顧, 二來反正只是租樓, 地段未必最重要,
當然, 特意找好學校網的就例外!
一個有質素嘅租盤, 除咗住得舒適, 仲會有好多喜事! 小弟所出租嘅單位差不多都有過 BB 出世呀! 真係開心! 哈哈哈!
|
|
|
|
|
|
|
|
1. 無奈 2016-01-11 09:48:07
|
|
2. 無奈 2016-01-11 09:54:04
|
工仔兄好嘢,下次可講埋地址,好多人會爭住租喎。 不過話時話,原來未婚男女竟然是男多女少?
|
3. AH-HO 2016-01-11 10:52:05
|
|
4. 收租初哥 2016-01-11 11:39:27
|
向樓主及資深收租者請教: 本人自住一細單位搬出後,翻過新,企理,池海相輝,旺季市租時13k~13.5k。 因裝修完之後(當時裝修師傅話我傻,現況已經好好,為何仲花錢又不是自住。因我也曾租過樓住,明白業主那種愛理不理令租客很困擾的經驗,所以將心比心,我都決定執執間樓才肯放租。) 去年第四季正值劈租潮開始,基本上,每台客睇過不知幾鍾意,但只肯付10k至11k仲有試過開9.8k,而我開12.5k~12.8k,便沒有回音。 我認為,如租客只願付出10k的租金便租住值10k的質素,終于掉空三個月,剛成功放租13k,是外藉人仕留港一年所以只簽一年死約。租客肯出高價,他說其他的單位又殘又舊。 純金錢上看,我要自己供款三個可能更久,更本無著數。我都知,但我好唔想劣幣驅逐良幣,與人互劈,互相踐踏。 而我的另一半話我其實感情用事,花錢裝修已是敗筆,重要講什麼什麼理念,到頭來要自行掏腰包供樓。我無言以對。 我的理念同樓主相同,但一開始已經撞板,如何調節面對一年後又要放租的心態。
請賜教。
|
5. 2011年開始 2016-01-11 12:13:23
|
|
6. 打工仔 Andy 2016-01-11 12:44:23
|
|
7. 打工仔 Andy 2016-01-11 12:47:04
|
AH HO
試過一個租左幾個月有 BB, 滿約後换過新租客, 住左幾個月又有 BB! 哈哈哈!
|
8. 打工仔 Andy 2016-01-11 12:48:01
|
|
9. 打工仔 Andy 2016-01-11 12:48:43
|
收租初哥兄
百货百客乜人都有! 我觉得執靚仔間屋係有條件選擇一個靚客的, 當然, 租值會跟當時市場放盤量 是否旺季有直接關係的, 在旺季時求過於供,乜屋都容易租出, 但按我經驗, 如果自已 d 單位靓仔, 而長期保持自己既品牌質量, 地代會對你嘅單位會有信心, 又會落力推介, 出租自然會快!
|
10. 凝風 2016-01-11 12:50:18
|
To 收租初哥:
樓主講得好好~
我覺得出租尼樣野,我覺得租客係咩人,重要過俾多三兩千問題。 千選萬選,3個月空置,3個月租差額咪係返度(人地俾貴租,對你要求仲高左,其實無賺多左仲俾人有條件要求多多)。 裝修也沒分傻與唔傻,我2014年年尾都裝修左先租,裝修尼D野過得自己過得人,搞D基本野企理就租得啦(租得你細單位唔通貪你豪裝咩,等同大排檔食燭光晚餐)~
做收租佬租左屋出去,就要睇得開,到時10個月後睇當時情況再點合理定價,提早通知租客。 做收租佬,空置單位係大忌~ (唔係點解咁多業主劈租盡快租出防守)
|
11. 打工仔 Andy 2016-01-11 13:03:40
|
凝風兄
同意! 早日租出十分重要, 是否好客, 客觀條件以外的,都係要睇彩數!
|
12. LYC 2016-01-11 14:55:13
|
應該盡早租出,唔需要豪裝,保持正現金流,好快就會捱過低潮,雨過將會天晴。 我覺得租給本地人會穩陣啲。
|
13. 凝風 2016-01-11 15:09:36
|
認同打工兄都要講彩數~
租俾外藉人士,仲講明只租一年,咁代表出年要俾多次地代佣金搵過新客(又要搏多次彩數)。 當初唔好計較兩千蚊,11K租左佢,唔空置、搏續租慳埋出年既佣。 好租客係要留~ 除笨有精啊~
|
14. middle middle class 2016-01-11 15:24:55
|
打工兄,好贊同你說的 " 如果個業主重視出租單位嘅質素, 我相信承租後如有問題, 這類業主都會快速地處理的 "。 我之前租了十年樓,有直接業主也有物業管理公司代管理的租盤,遇到的情況跟你說的基本吻合。
希望呢篇文可在網上大量分享!
|
15. 小師妹 2016-01-11 15:47:13
|
同意盡早租出好緊要, 但大前題是搵個好的租客,可勉日後很多麻煩 及糾紛。至於裝修或傢俬真是百貨撞百客。
|
16. 打工仔 Andy 2016-01-11 16:37:32
|
LYC 兄
租比本地客的確好 d, 大多住得企理, 約滿時翻油下就 OK 晒!
|
17. 打工仔 Andy 2016-01-11 16:40:03
|
|
18. 打工仔 Andy 2016-01-11 16:42:34
|
mmc 兄
啊 ! 原來你都做過租客, 你一定是個好租客了!
|
19. 打工仔 Andy 2016-01-11 16:45:06
|
|
20. 魚蛋仔 2016-01-11 16:58:25
|
做人做事,最緊要過得自己過得人。憑良心,就最好。 我的出租屋也是旺丁旺財!住到買樓要搬,住到有BB,仲要打孖呀。我,梗替租客開心啦!
|
21. 打工仔 Andy 2016-01-11 17:24:50
|
魚蛋姐
怪不得你個單位收回一個鐘就租出啦, 原來旺丁又旺財嘅富貴屋! 恭喜恭喜!
|
22. 小師妹 2016-01-11 18:22:33
|
打工兄,
那當然,所以每次招租前都會全屋再油過及執下佢!
|
23. Jerry 2016-01-11 18:33:02
|
不知不覺,打工兄已出十一篇文章,恭喜恭喜!不知道你的收租單位是否也早已超出十一個呢?hehe
|
24. 魚蛋仔 2016-01-11 18:49:06
|
樓上,代打工仔兄駡你:八卦!又計人身家。你自己講你共有幾多个先。嘻嘻!
|
25. Oscar Lam 2016-01-11 18:59:55
|
回23, Jerry,
打工仔兄N年前已經超過十一個啦!
|
26. Oscar Lam 2016-01-11 19:10:01
|
|
27. 收租初哥 2016-01-11 19:44:37
|
多謝樓主及各位高人回應及賜教。 想有個好租客又要避免空租期,確實有難度。 層樓算不上豪裝,只想過得自己過得人。窗明几淨,樣樣妥妥貼貼的交給租客。 可能我是初哥一名又沒有相熟地代。感覺地代偏向租客講說話。 這三個月,想租的租客,除了要平租,仲要hold我一個月時間,有些客更要求個幾月,地代要我體諒租客,他們要一個月通知舊業主,又要給七天免租期,因這是行規;即是變相要10k租出。 我也不計較那1、2k, 便要求租客死約期間每次要給三至六個月租金;我只想避免遇到租霸。地代講他們又不是內地學生,無租客肯。又話某某單位比我的單位好好多都是9.8k~10.5k租出。我已經好好彩,有租客肯出11k租。 就這樣輾轉之下,遇上這位外藉人仕,睇了不足十分鐘便拍板,相約第二晚簽臨約。 快到我唔信,無要求減價及免租期,只是夾時間他由北京回港當天簽正式合約及交鎖匙。 因他唔再租酒店,又怕航機有延誤,只要求我交鎖匙的時間遷就他便可以。 我也把心一橫,搏一搏;希望平安無事可以收足十二個月租金。
|
28. 打工仔 Andy 2016-01-11 20:45:14
|
魚蛋姐, Oscar兄, Jerry兄
你地點知我嘅夢想架? 我真係發夢都諗住買買買! 不過小弟仲差好遠有排都未到數喎! 哈哈哈!
|
29. 打工仔 Andy 2016-01-11 21:47:09
|
收租初哥兄
年尾會靜 d 係正常, 盡量放晒比區内 AA 會好 d, 經驗係累績回來, 慢慢就會習慣! 加油!
做妥晒可控制的事情就 ok! 其他的, 顺其自然。
|
30. 引刀一快 2016-01-11 22:42:27
|
|
31. 打工仔 Andy 2016-01-11 22:50:21
|
|
32. 小師妹 2016-01-11 23:52:50
|
“做妥晒可控制的事情就 ok! 其他的, 顺其自然。“
非常同意也唯有可以這樣!
|
33. 小師妹 2016-01-12 00:12:47
|
打工兄
我也試過做妥了一切但等了两三個月也租不出,都幾焦急和無奈。但有時可以順利到你唔信,真的只可以順其自然,還要靠些運氣!
|
34. 打工仔 Andy 2016-01-12 00:15:40
|
小師妹
我地只能做控制範圍内的, 其他靠運氣了! 收租佬要吃得開先得! 哈哈!
|
35. 打工仔 Andy 2016-01-12 00:34:30
|
|
36. 引刀一快 2016-01-12 07:01:51
|
打工仔兄
“收租佬要吃得開先得!”
吃得開定睇得開?定係兩樣都要?
|
37. 打工仔 Andy 2016-01-12 08:19:43
|
引刀兄
兩樣意思一樣啦! 收租佬成舊錢放落去得3%回報, 真係要睇得開先得! 哈哈哈!
|
38. 占士 2016-01-12 10:33:10
|
打工仔兄,如果將您的文章整理一下可以出一本 “收租佬手冊”可以讓想加入收租佬行列的朋友參考!哈哈哈
|
39. 打工仔 Andy 2016-01-12 13:15:17
|
占士,
小弟果 d 只係口水文來! 出書? 我怕會笑死人呀! 哈哈哈!
|
40. 凝風 2016-01-12 15:37:03
|
打工兄都有3厘,算好啦~
尼個市,我新簽租約,2.6%乍~
都無話睇唔得開~
|
41. 打工仔 Andy 2016-01-12 15:52:48
|
|
42. 魚蛋仔 2016-01-12 17:10:25
|
To:40/F凝風兄, 得2.6%?是買貴了還是地區問題?好似低左D喎。
|
43. 凝風 2016-01-15 18:00:34
|
To 魚蛋仔: 北區平貨,我果時2012年入市220左右2房樓,睇個市會調整,想7月止賺一放左佢,點知一放盤個市就吹爆左。 近3個月北區租跌左30%,睇睇下唔想空置,計計現金流就簽左租佢防守先啦。 計埋開支,"正苦"又唔免差响,管理費又加。 七除八扣得2.6%,無花無假...收租佬...叉飯都唔夠食~
|
|
|
|
|