地產博客 > 資深會員專欄 返回
瀏覽人次:25506    回應:32
資深會員專欄

人在旅途置業時(4)

 

望東樓

2016年1月14日

逆向思維

事原我多年前有一段時間係做美息futuresProp Trading. 當時同幾間大美資同大英資嘅同業叫做有偈傾成日對點睇後市(即係當晚同未來幾日)作出交流後尾發覺一個現象就係每當大家齊齊同view個陣,通常都係贏就贏少少,輸就輸鑊甘嘅可恨就係通常個陣永遠都係無論基本經濟因素、技術走勢全部都話俾你聽你絕對只會做你係搵唔到任何理由做另外果邊最慘烈個次我個stop loss成返黎既價係比我預期輸多一倍錢而家大家叫呢啲做crowded trade自此以後每當我發現有相似情況,我一係就少少注大大聲一係就坐另外果邊。亦可以話當你見到市場有大量最低防守力嘅持份者聚集埋一齊,你最好遠離佢哋,甚至同佢哋對著干。

你話唔係喎,期貨市場係零和遊戲,有咁多長盤就有一樣咁多短盤,邊有大細邊。錯!因為有hedger,個市上定落唔關佢哋事,反而因為我哋呢班短線炒家將個期市推到相對吸引嘅水位令佢啲hedge得更加爽。

二次世界大戰時期,有個美國半專家『好似話係諾貝爾獎經濟學家』檢驗同日本仔零式戰鬥機打完嘅艦上飛機發現好多都係(比方)甲部位係痕纍纍而乙部份係無乜事於是佢就下令幫啲飛機嘅乙部份加重裝甲冇錯係乙部份而唔係甲部份因為佢相信係乙部份中彈嘅飛機已經變晒潛水艇喇(投資界有條死剩種謬誤理論,不過同呢樣嘢無關)

每當市場一有大郁動係人都會問點解,呢個係人類對未知事物感到不安嘅天性。但基於世界上喺同一時間係有千百樣可以影響緊市場嘅嘢同時發生緊,而呢啲事情絕大部分係你同我永世都唔會知道嘅。所以大家往往用簡單思維,將兩件一前一後發生嘅事情強行定性為因果,用嚟應付老細,客人同埋自己,只因為"market goes higher because there are more potential buyers than sellers"唔係一個可以被大家接受嘅解釋。所以我係睇個市點行,同埋睇個市對所謂好消息或者壞消息嘅反應而出手而唔係因為有好或者壞消息出手。唔知大家仲記唔記得係歐豬危機個陣係人都話掟歐羅但係歐羅無乜郁過,危機過後就反彈啦。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. Sugar 2016-01-14 20:27:07

圖王PN兄:

PN--->望東樓 !

何解?

願聞其詳~~

2. 打工仔 Andy 2016-01-14 20:36:34
改左名? 
3. Ronald 2016-01-14 21:04:15
因支援資源問題,PN兩個字母搜尋不到的,現改三個中文字就可以,PN兄,明天要否我將過往所有PN改為望東樓?
4. 打工仔 Andy 2016-01-14 21:26:40
啊 原來如此! 
5. 望東樓 2016-01-14 21:37:54
PN個『稱呼』太無霸氣啦,想改好耐。直到最近先知道原來香港有座望北樓,而望南樓就比我一位舊同事喺未來三年霸咗啦,佢而家仲為呢份『死約』上訴緊,祝佢好運希望可以早啲返出嚟。係咁嘅背景底下,只有東同西比我揀。而我咁大個仔搬過無數次,以我記憶所及唯獨冇住過向正東嘅樓。就係咁啦。
6. Ronald 2016-01-14 21:38:15
「每當市場一有大郁動係人都會問點解,呢個係人類對未知事物感到不安嘅天性。但基於世界上喺同一時間係有千百樣可以影響緊市場嘅嘢同時發生緊,而呢啲事情絕大部分係你同我永世都唔會知道嘅。所以大家往往用簡單思維,將兩件一前一後發生嘅事情強行定性為因果,用嚟應付老細,客人同埋自己,只因為"market goes higher because there are more potential buyers than sellers"唔係一個可以被大家接受嘅解釋。所以我係睇個市點行,同埋睇個市對所謂好消息或者壞消息嘅反應而出手」

以上寫得精彩絕倫,樓市急升或急跌或轉勢,人們也往往用簡單思維,將一些無關痛癢的事強行定性為因果。

文章最後的一句,出手會否遲了?如果有類似美國Conference Board「消費者信心指數」或「密歇根大學消費者情緒指數」, 透過電話訪問,直接詢問市場參與者的現在感覺及對未來的想法!會否更準更快?

以上不是夢話,大數據中蘊藏。




7. 望東樓 2016-01-14 21:39:26
Ronald,唔該晒.
8. Ronald 2016-01-14 21:45:43
明早做,原來文章搜尋尚未包括會員專欄,明天加
9. Nam 2016-01-14 23:31:29
精彩。
10. 引刀一快 2016-01-15 00:43:29
望東樓兄

新名係有質感好多,要改口先!

大師手指指月,眼不看手指而直接看月亮,高手所爲。

近日市況氣氛,我建議不如直接擋住祠堂。
11. 望東樓 2016-01-15 08:32:47
想問下admin點解細佬同無奈兄篇嘢not on the list?而刀哥就遲嚟先上岸?
12. 無奈 2016-01-15 09:37:06
好深哲理!就好像解釋到宗教的起源。

6樓Ronald 兄最後的問題也是我曾想過,可能是進取與穩健的比較,就看各人的投資性格了。

此外,還想提一點,大數據反映的是內因,而內因隨外因變化而產生作用,就如人體隱藏諸多病因,體格強建時,體內病毒呈隱性,反之則會彰顯。如果美國未加息,中國經濟未下行,港楼價會持續上升,當然多按數字會急速上升。
13. 望東樓 2016-01-15 10:05:51
係超級電腦年代,你係理論上可以尋找大量事物之間嘅correlation,我講嘅係數字上嘅關聯性。好似女生條裙長短同股市上落等等。但如果你未能對以上事物嘅關聯性作出合理解釋,咁你只將之定性為巧合。小心小心。
14. Ronald 2016-01-15 10:23:16
無奈兄,有沒有聽過,google發現某地區爆發流感,較當地衛生部門得知還要早,「玄妙」相信是某地區突然很多人在search engine打keyword"流感",投資市場、甚至物業市場有否那種玄妙?稍後再探討...
15. 占士 2016-01-15 10:38:29

東樓兄,謝謝好文分享!恭喜改了個挺不錯的筆名!

當你見到市場有大量最低防守力嘅持份者聚集埋一齊,你最好遠離佢哋,甚至同佢哋對著幹? 哇!您真夠狠的!哈哈哈

16. littlemun 2016-01-15 11:01:31
各位師兄都是用大數據分析市場買賣心理的同好呢!

小弟懶一點,主要研究報章報導同埋論壇諸位高手的精彩分析,哈哈!
17. 望東樓 2016-01-15 11:03:43
呢個同狠唔狠無關係,叢林法則。
18. 無奈 2016-01-15 11:48:36
14樓,Ronald 兄,吾知我有冇理解錯。
事實係,當日爆煲論出台時,並未伴隨大數據展現在人們面前,所以人們都不相信,樓價繼續升,銀主盤沒有上升成為主要矛盾,可能因此博士就輸了。如今,見過大數據後,老實說,小弟也開始重新思考樓價下行要走多遠。

因果並非絕對!

19. 望東樓 2016-01-15 12:14:19
有好多嘢無人跟你真係唔知乜事。比方咁多一手撻訂係乜因由。傳媒淨係用代理嘅新聞稿,唔用腦。
20. Oscar Lam 2016-01-15 18:26:15
逆向思维很困難,我寧願是順勢而行。
21. 望東樓 2016-01-15 20:19:52
逆向思維只係特定時空可以用,每日用就死得。
22. Ronald 2016-01-15 20:58:21
樓兄,
一手撻訂,要研究背後原因相信不會困難,近20年,最高紀錄是哪一個盤,除聽我講個啲人,有多少人會知呢?若今天歷史重演,又有一手銷售網公佈,影響的後果可大可小
23. 望東樓 2016-01-15 21:38:46
撻訂佔比係基本上係令人震驚嘅,每個星期都有幾件唔見幾十個。而好可能果幾十個對佢哋嚟講係幾大件事,點解會傻更更都嚟頭買,嗰頭撻。

我淨係覺得香港班傳媒比較懶,一班就代理比啲新聞稿就照登,另一班就放咗大量自我感覺係入面。日日睇新聞都要花心神過濾。
24. Ronald 2016-01-15 22:33:43
樓兄,隱藏的原因我不懂得講,公開的其中一個原因是:

置業,是消費者行為中一項計劃性購買,理論上不存在純衝動性購買(pure impulse buying), 但買一手物業,出現變異,因大量經紀製造的現場氣氛及即場落票優惠,其訊號是從低層次路徑輸送掩蓋了本來的深層次深思熟慮,產生即時情緒反應,便變成了計劃性衝動購買(planned impulse buying),其結果就多了...,購買二手物業沒有以上現象。


25. 望東樓 2016-01-15 22:41:17
呢點同意,發展商蓄意營造熱烈氣氛,要班買家星期日朝早去現場等抽籤,令你感到等咗幾粒鐘,抽到唔買係走寶,返去諗諗就發現中伏。。。
26. Ronald 2016-01-16 08:55:17
置業決策過程的最後一項,就是購後評估:
一. 物業符合期望;
二. 價格超出期望;
三. 價值低於期望。
藉此可降購後認知失調(postpurchase cognitive dissonance)的現象,只可惜,一旦發現差異大,置業者可以做的方法不多...
27. 西門吹雪 2016-01-20 17:13:26
我睇到5,好似未睇四,先識得追反。點解之前無見倒既??!!
呢編更加超讚啊。無言,幾乎睇到要落淚。。。
28. 望東樓 2016-01-20 17:22:27
大家依家似乎鍾意睇啲勵志文章。
29. 西門吹雪 2016-01-20 17:30:53

逆向思維我一向都識講~~不過,真係第一次應用到0係市場就係今次2015股災~~

本來都自醉緊,看到東樓兄尾尾道來,一時感動到有些想哭...

30. littlemun 2016-01-21 09:51:50
"我淨係覺得香港班傳媒比較懶,一班就代理比啲新聞稿就照登,另一班就放咗大量自我感覺係入面。日日睇新聞都要花心神過濾。"

東兄,就係因為咁,呢個世界肯去用腦分析既人先機會處處,逆向思維去諗反而應該要感恩吧,哈哈!
31. 明報 2016-01-25 21:38:59

世宙累錄19宗撻訂[15:23]

文章日期:2016年1月25日

近日整體一手成交持續淡靜的同時,個別新盤卻持續錄得撻訂。據長實地產(1113)元朗世宙的成交紀錄冊顯示,第2座25樓C室(實用429方呎兩房戶),原於本月17日以528.5萬元售出,但買家於購入單位約一周後已經取消交易,料遭發展商沒收訂金5%涉逾26.4萬元,成為世宙去年底開售以來第19宗撻訂,以宗數而言,緊貼九建(0034)紅磡環海‧東岸去年9月至今累積錄得的22宗撻訂,成為近期取消交易個案次多的新樓盤。

若以世宙累售約710伙計,目前的撻訂比率約為2.7%。據統計,2016年1月至今,全港主要新盤合共錄得的撻訂總宗數約為11宗。

32. 望東樓 2016-01-30 08:15:15
唔知係咪性格主宰命運,買樓好似買棵菜咁兒戲。阿們。