地產博客 > 文亮言 返回
瀏覽人次:16887    回應:8
文亮言

雲想衣裳花想容

 

湯文亮博士

紀惠集團行政總裁
2021年6月19日

  有國內的老友在香港不但以高價買了一層大豪宅,更加以超高價買了幾個車位,我問老友點解買香港樓,這筆錢如果買在他居住的城市,可以買大幾倍的單位,地產商隨時會奉送車位,老友話,錢不是問題,現在國內比較有錢的人,如果在香港沒有一兩個像樣的住宅單位,會俾其他富豪覺得是不入流,其實是可以唔買,只不過是想一償心願,雲想衣裳花想容而已,老友仲問我知唔知邊個講。

  我當然知道,這是李白的清平調,有三段,這是第一段第一句,雲想衣裳花想容,當李白寫清平調的時候,還未見過楊貴妃,唐玄宗問李白點解想見楊貴妃,李白話雲想衣裳花想容,其實是可以唔見楊貴妃,只不過是想一償心願,後來,李白如願以償。

  這個買樓的理由是天下無敵,但並不是我第一次聽到,兩年前我在港鐵車廂內聽到兩個女仔講樓,一個話時勢不佳,問另一個點解仲要買樓,回答是雲想衣裳花想容,我相信女孩子對這句話是有相當默契,提問的女仔並沒有追問下去,唔好講女仔,就算是男仔很多時都會買一些不等使的東西,如果唔買始終會囉囉攣,這就是雲想衣裳花想容效應。

  香港樓市的確令人著迷,雖然有人話出現移民潮,樓價會大跌,而事實上在英國推出BNO計劃之後,移民的人多了,但他們並沒有賣樓,導致樓價不跌反升,有人不明白,既然是移民,應該賣了香港樓走去英國買樓,但事實又非如此,就算移民去英國的人都唔會買樓,美其名是睇清楚,習慣之後才買,而事實上英國樓對他們沒有吸引力,沒有雲想衣裳花想容感覺,所以才沒有在英國買樓。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2021-06-19 12:12:58
初嚟埗到新發財…買嘢唔可以講實際計價值、破紀錄創話題…有人識就係目的…效果值回票價啦。

2. King 2021-06-19 13:05:42
好似買鏡頭咁🤪
3. 元朗灣區人 2021-06-19 22:26:37
雲想衣裳花想容,下一句應該係

!!荷蘭爭種鬰金香。
4. 引刀一快 2021-06-20 00:23:45
十一仔啲溢價貨有出路。
5. 十一哥 2021-06-20 08:42:49
係喎…唔提都唔覺水浸眼眉咁滯…係咁日日溢 !  攪到心大心細…割9菜…定長揸好。

係嘞刀刀…話時偈…D灣貨打緊幾多折呀…日日都開大喇叭折又折、又幾鬼有氣氛喎…

6. 引刀一快 2021-06-20 08:49:25
按呢個勢,十一仔過5年就返家鄉,預祝定先啦。
打折?又想踩大陸樓山旮旯?寫白啲好喎。
7. 十一哥 2021-06-20 08:58:51
刀刀 即係仲溢多5年咁和味、咁仲唔快D折又折掉哂D灣神貨…番渣砂番歸趕注啦!
你個8月15都幾白嘅…一於加多幾筆落去…眼都白埋哩…舒服啦!
8. 引刀一快 2021-06-20 09:15:26
十一仔,你唱衰大陸樓唱足足五年,唱衰五年升五年,升150-200%,全世界都睇到,輸唔起?唔緊要,輸唔起都係輸咗喇。哈哈哈哈