地產博客 > 文亮言 返回
瀏覽人次:48738    回應:29
文亮言
凌亂不堪的婚姻制度
 
湯文亮博士
紀惠集團行政總裁
2014年12月31日

  近日樓巿再飆升,雖然大家都知道是土地供應不足,不但本土需求龐大,而且又不多市民移民離開香港,反而有由國內移入的市民,做成供應追不上需求,樓價飆升是自然趨勢,根本不值得討論,只要增加土地供應,強行要地產商在投得土地,或者在補地價後一段時間內必須將有關土地建成樓宇推出市場,樓價飆升的問題便會迎刃而解,雖然,此舉亦涉及行政主導,但相比辣招,就溫和得多,但不知何故,香港市民,上至官員,學者,下至無業,綜援人士,位位都以樓市專家自居,他們有一個共和點,結論差不多是一致,或者好似毛語錄所描述的共同目標,他們走到一起來了,而他們的共同結論,現在高昂的樓市與97年的時候很相似,當然,他們的暗示就是樓市在未來有可能下跌七成,與97年後亦很相似,他們的比喻,那些與他們意見不相同的人很難駁斥,在沒有人駁斥,而他們的說話又不斷被重複,大家便會相信樓市在未來真的有機會下跌七成,就算冇七成,打個七折,都有五成,這就是在過去兩、三年,不少專家學者說樓市會下跌五成主因。

  有人亦以此理據對我說將下跌五成,當我想駁斥他的時候,他竟然請我用新的理據,唔好再說那些老生常談的事,這一招真的是難以應付,唔准我用真理,而要用歪理證明,這是相當困難,不過,好彩我做慣第十個人,這些亦難不倒我,於是我說,97年後樓市下跌七成,最大原因就是當時的婚姻制度凌亂不堪,一個女人可以嫁幾個老公,而一個男人又可以娶幾個老婆,而且縱橫交錯,雖然有幾個老公或者老婆,但每個只佔幾分一,但令人誤會,香港有那麽多夫婦,樓宇需求量大,地產商加速建樓,後來,凌亂不堪的婚姻制度被撥亂反正,夫妻的數目大減,但已經建了大多樓宇,在供應超大於需求的情況下,樓價於是大跌,目瞪口呆就是那人的表情,不過,他始終說出一句話「香港從來沒有那種婚姻制度」。

  如果有,就不是歪理,於是我將歪理變回真理,那時候,不少人有幾個物業,但他們只是落了訂,並不是全部擁有,好似一個男人有幾個老婆,只不過每個是佔幾分一,同時,每一個物業被摸幾轉,但物業仍未成交,那些買入該物業的人都有機會成為業主,亦好似一個女人嫁了幾次,令人誤會有幾個老公,97年之後,這種凌亂不堪的物業婚姻制度被消除,就算有都不是太多,於是乎,需求的數字大減,地產商起樓太多,樓價大跌亦是正常不過。現在,在辣招之下,物業一夫一妻制,沒有令人誤會的數字,供應亦沒有盲目地增加,樓價又怎會大跌,是歪理亦是真理。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 睇得通 2014-12-31 08:43:50

淡友/淡鱷想在沽空房產時恰到好處與時機配合才能順利取勝,當年1997年開始滑落到2003年的跌市,其中一個基本原因是香港的資金外流,生產線北移以及他遷……而當2003年引入的自由行及投資移民計劃,改變了香港陰干的政經格局,當然,現在的《佔中》反自由行的《鳩嗚》行動是否成功有待觀察,在2003年至2014年的上升市中,香港約有100萬單以上,宗數物業買賣成交量,目前仍然有超過50萬名市民持有適度的現金等待良機,而有30萬名市民已經自覺追回/購回房產,此是暗中自覺修正預測錯誤的行為,一般來說,不會公開出來演說……

未來香港的資產分配格局是重組成功者………
2. 長毛紛絲 2014-12-31 10:01:31
博士,除了自住外,我明年準備全面收割哪!種了7,8年小型單位幾個,從100萬多d到而家4,5百萬,夠啦!我的偉大理論是:知足不辱,知止不怠,可以長久。不管什麼息口啊,供應不足啊,辣招啊...等等。
3. 凌亂不堪的婚姻制度 ( ll ) 2014-12-31 10:10:43
一夫多妻或一妻多夫從來都是正常的社會活動,所以有錢嘅會用丁權再買多幾件,冇錢嘅或詐窮嘅用盡方法去略奪公共資源。
4. 同意 2014-12-31 11:00:15
知足不辱,知止不怠 x 2 
6. 麗娜 2014-12-31 11:27:18
如果用錢可以解決到的問題就不是問題,所以對沒有一夫一妻觀念的人,給小三小四一點生活費便可繼續做齊人,正如只要你願意付DSD BSD,其實也沒有妨礙你要幾個老婆的。
97年金融風暴,適逢香港回歸中國,試問在過往歷史上有發生過嗎,沒有,那是剛好一個歷史性時機,回歸人心低落加上經濟泡沫爆煲,樓市可以跌到那樣是時機來的。小妹估計可一不可再。
7. 讀者 2014-12-31 11:43:33
客觀而論, 博士最近嘅文呢篇比較優勝之二, 用婚姻制度去比喻摸貨, 好似前無古人如此作比擬, 甚有啟發性, 讚!
8. 亮劍 2014-12-31 12:02:57

CCL 976月底及10月中都衝破过102点,但最终唔能夠企穩,形成雙頂回落。

在呢兩個雙頂出現之前半年,即97年初,CCL 大约做 80点。

但踏入97年唔知D人係咪驚唔再買就以後無得買, 一窩蜂不問價咁掃貨,買唔倒私楼嘅,就鬼揸猫挖,迫政府派首期,起公屋、居屋同夾屋。

根據本人推算,在971月起那些準買家所入的單位,大約比一年內平均数高兩叁成,加上97上半年為数不少的買家,根本無上会準備,那麼呢度已經炒过龍、果度D玩家又只係督手指,咁个市唔爆有鬼!

 

回憶90年代嗰陣,你夠姜的話,可一次过買入幾個物業,然後攞住一張糧单,走入幾間銀行借按揭。

但自從有咗正面信貸資料庫之後,你想買多間來收租,都唔係咁容易啦。

 

真人真事就係我死黨,他有自住同收租物業喺手,想話買多件磚頭保值啫,銀行要嘅資料,多得嚇人。

唔記得講埋,他是專業人士,只是借你銀行一百幾拾咋!

 

做咗二十多年業主,我發現你唔去買樓,都唔知你都可以輕鬆地供倒楼。

 

好多人做嘢好「有計劃」,未畢業、未做嘢、未儲蓄倒首十萬,就話買唔倒樓。

再問清楚佢要買乜,他們就話最少市區地鐵上蓋兩房,仲要有大型會所嗰隻!

如果連學生哥都可買倒呢啲樓,咁我撈咗幾拾年,屋企又有個銭,咁我住邊?

E or 天會?

根本當你只係弍零歲一支公,就咪鬼搬出去住儲蓄下先啦,到你弍多近叄拾,要是理財有方,儲叄四拾個點會冇?

咁買一個新界一房或兩房結婚,都夠啦!

三十零生小朋友嗰陣,要是你係大學畢業的話,揾幾皮嘢唔過份喎,到時先睇下有冇需要換樓,兩公婆一人夾一啲,每人負責攞六七千出來供樓,東九將軍澳唔失禮、唔過份啫。

 

現在樓市喺高位,我意見係就算你可負擔一件4M,都唔好去到盡,先買件 3M,咁就算呢個市要回,你都可以喺第二層樓換樓嗰時較翻啱。

可能有人話我兩公婆都係揾得兩萬頭,點買私樓呀?

真是要叫你一聲「大佬」呀!

香港呢個自由資產主義社會,係屈緊我們呢一班有少少嘅中產人仕,以濟貧苦大眾於水深火熱,你唔係最頂端嗰幾成人,又學乜人家做「善長」呢?

坐定定等居屋啦,CY同你哋發散人去找地啦!

9. Peter Paker 2014-12-31 16:33:57
我剛做左个 research ,住係自住樓嘅人的比例,由12年初的71%,跌至近期66%

這3年合共有3万單位落成

证明依家有不少人賣左自住摟“向下炒”

厘班向下炒嘅炒家厘獲 pk la了,因為最慘目前市場缺盘,厘班本身有自住樓嘅人本身可以唔使係市场撲盘,但賣左自住摟後,就要4圍撲,及有迫遷風險,厘班人迫自己入左冇彎轉的局面

在1998-2004年中,這个比例最高曾見74%
10. 港樓實在太平 2014-12-31 16:36:25
11. Oscar Lam 2014-12-31 16:55:31
9楼PP兄,

新的一年將至,請問師兄對於2015年的楼市發展有何展望呢?
12. 亮劍 2014-12-31 17:11:44
呢5~6萬個数点來?


1 好似你PP咁講,沽自住等大崩圍,然後低位購回,呢次真的大檸樂!


2 係時候要楼換楼,但因為無50%首期、過唔倒压测、唔想俾人屈DSD……因此自己果層细楼攞出來租俾人,然後貼幾千租人大单位 GOD ,我其中一名租客就是咁玩!


3 老一輩已經或將近退休,層自住殘楼被發展高或土發收購,佢哋嘅仔女已經成年,但收入不高,所以借唔倒錢或過唔倒压测,因此租住楼先,而 D 錢就放喺纸磚頭果度收住息,如果等到仔女張税单見得吓人,就一開二……身邊就有幾個個案!
13. 山高雲低 2014-12-31 17:47:57
博士:
應該是凌乱不堪的房屋制度。
14. 山高雲低 2014-12-31 17:59:38
如果連學生哥都可買倒呢啲樓,咁我撈咗幾拾年,屋企又有個銭,咁我住邊?

住半山囉!


15. 魚蛋仔 2014-12-31 18:23:56

T5/F 運輸工人兄

首先恭喜閣下又獲發展商收購你的物業!從你過往的留言中,得知閣下的物業並非第一次獲發展商收購,可否分享一下剛獲收購的物業住處那一區?你是怎樣選擇投資舊樓的呢?例如如果選擇地區?樓宇的位置怎樣才是容易獲發展商睇中呢?投資舊樓要面對很多維修保養的問題,你是如何處理的呢?期望閤下將心得分享。

祝湯博士和各位新年進步!

16. 我係撈波 2014-12-31 19:34:50
感謝亮劍兄好有道理嘅分享
17. Bosco 2014-12-31 19:37:09
當年的高槓桿及炒瘋跟現時的低槓桿及剛需不可同日而言。
討論區上亦充斥著這些原因令到樓市比較健康及不容易跌。
本人亦都同意現時樓市實在不容易大跌及無謂估頂。
作為一個投資者我建議永遠只睇回報及經濟前景去作出資產調度。
如果回報低於2.5厘我會視作分階段減貨信號。
經濟前景平穩或等待一個黑天鵝轉折,由於中國短期去槓桿化及經濟確實不好,我認為5年內都是見頂或高位橫行。
反而我想聽聽湯博士講下美元及以美元計價作單位的香港樓市關係。
現在香港樓價在相對高位而強美元下會有什麼啟示?

另外,我認為合理價位(十年內) 新界是實呎6000-8000, 港島/九龍是實呎10000-12000
此原則為換樓客下再槓桿30年的購買力價位。
18. 亮劍 2014-12-31 20:48:57
Bosco 君,先祝賀你新年進步,財運亨通……在幾年前我認識一名智者 L君,他說佢除自住外,唔會再喺香港買住宅。

我先先以為佢係淡友,但跟著他說,因為住宅涉及民生,所以任何人做特首,都會盡量壓抑私楼楼價,以免引起公憤。

反之商舖及工廠,會因私楼增加供應而減少存量,例如舊區商舖會因市區重建而減少,而工廠大厦亦會拆卸变住宅陸續消失!

事實上他身邊不少朋友,好多都跟隨他的指引改變投資去向。

其實呢十年八年,跑贏香港私楼的磚頭多的是,除咗香港的工廠、商舖、寫字樓外,大陸同澳門嘅磚頭,都贏你香港私楼成條街!

如果你說香港私楼離地,咁上述各項磚頭咪上咗太空??

因此我認為你說的合理價位(十年內) 新界是實呎6000-8000, 港島/九龍是實呎10000-12000,應改為「最大支持位」才能說合理。

 
19. Bosco 2014-12-31 21:16:00
亮劍君,
祝你新年快樂!
其實工廈近年的確升幅驚人,相信亦跟隨租金回報反映其真實價值。
我本身亦有一工廈單位自用,升幅亦達6倍。以前的租金回報去到6-9厘。
現在價格飛升,租金短期亦見頂。相信無大跌誘因下,只會橫行。如果回報降至3厘的話,投資貨亦不妨止賺。
我認為工廈跑贏住宅一個重要因素是基數低,以工業價格是住宅的3分1價值計。以前住宅3000-4000元呎工廈是1000-1400元呎,現在住宅均價10000-12000元呎工廈3000-4000元呎亦屬合理。
另外觀塘有商改概念所以更加炒贏大市屬事後孔明不可作參考。

我所說的合理價只是理論價格,低利率環境,貨幣濫發及市場氣氛均會影響到市場參與者的決定,而歷史告訴我們市場都有非理性,亢奮時候。
我相信今後樓市發展會觸及到這個理論上槓桿最大化的大多數人可負擔價位只是時間問題。
可惜的是作為物業市場中的莊家從來都不容易,而所謂這個合理值亦始終會有大部份人覺得好貴買不起。
20. 珍惜香港 2015-01-01 00:01:13
珍惜香港

哈哈!今年又喺我一馬當先,响呢個零時壹分,同大家講聲「新年快樂」啦!

首先當然要講講樓市;記得响 2014 年祝願裡面,我話祝樓價橫行。結果喺三傻言中,樓價從暑假就開始爆邊,升到年尾。年中一輪爭辯,搞出個 CCL 賭局,都喺果句,樓市升跌,涉及好多人嘅得失,唔喺攞嚟賭嘅。其實辣招之下,抄家絕跡,投資者已經轉攻為守,加上响可見未來,難以解決供不應求呢個市場現實;再者,自從曾蔭權推出 SSD 之後,樓市脫勾股市,唔再大上大落,成為咗香港經濟實體,最後防線嘅一個指標。所以,雖然冇乜新意,不過都喺果句,樓價橫行,對社會各階層喺最好嘅。

咁我就再祝 2015 年,香港樓價橫行啦!

曾經有網友將我嘅祝願,講成預測。我從來唔鍾意預測樓價,所以要強調,我喺寫祝願,唔喺預測。我對香港喺充滿信心,因為將自己整個人生,託付於一個地方度,就等於响呢個地方,作咗人生最大嘅投資。而買樓自住,或者長線收租,更喺身體力行,對香港經濟發展有信心嘅長遠投資行為。

我成日強調,投資,喺要睇長線;但响香港投資物業,似乎已經唔再受歡迎。當然,投資喺好個人化,投資者亦唔休冇投資機會;不過我亦多次提過,金融扭曲,真喺唔嘢少,但既然喺 Happy New Year,唔好嘅嘢就唔提住啦!總之,要抱住一個積極正面嘅投資態度,同埋,千祈唔好投機

咁我就祝 2015 年,各位搵到適合自己嘅長線投資新機遇啦!

最後,當然唔少得講下上年度尾季,大家花咗唔少篇幅討論嘅黃虫之患。記得响 2014 年祝願度,我話希望有能力嘅香港人可以成功買樓,又話希望仲未醒覺嘅港人,睇清楚社會現實。其實,响今時今日嘅樓價同政策之下,有能力買到樓嘅人,真喺唔使我點祝福;咁唔通要祝冇能力嘅人,都可以買到樓?不過,原來呢個社會,有唔少人認為,唔需要有能力,甚至唔需要點出力,都應該要得到與能者及付出者相同嘅收穫,至喺公平喎!唔得嘅話,就喺社會嘅錯、政府嘅錯、持份者嘅錯,要通過抗爭,去搶掠人地多年經營嘅成果,仲要將呢種走捷徑嘅掠奪手段,美化成啲唔知乜嘢崇高理想添。香港嘅教育理念,真喺出咗咁大問題?

黃虫嘅出現,喺基於一系列歷史同社會因素,同近呢廿年誤入歪路嘅基礎教育理念。歷史喺代表過去,可以隨著時間沖淡;但教育,喺代表未來,所以好關鍵。家長教育子女、學校教育學生、政府教育市民;呢樣嘢,根本就喺一個社會風氣。我話香港人要反思,可能真喺講得太籠統嘅,不過,教育,就喺咁廣義;我喺話教育,唔喺教育界嘛!只不過新一代喺未來嘅社會棟樑,梗喺要強調一下啦!所以,有時請大家俾下面 CLICK 入啲藍色連結度睇睇,唔喺我唔夠謙遜,只喺我咁後生,都唔想搞到自己成個長氣老人精咁架!

不過,話要新一代練成金鋼不壞之身,可能真喺唔夠謙遜嘅;正如,管理或控制風險,太浮誇,叫抗風險就好啲。所以應該咁講:我地要反思社會嘅整體教育理念,剔除「」呢個錯誤風氣,先至可以提升香港人,尤其喺新一代,抗黃嘅能力。今次真喺要多謝引刀兄,啟發我作出呢個修正。而對於依家班黃虫,我就話一定唔可以姑息,社會要唾棄、歧視、淘汰呢班人,要佢地從絕望中反思,先至有機會從一文不值嘅垃圾,回收再造,成為對社會有用同有承擔嘅人。黃虫,都可以變蝴蝶嘅

天時、地利、人和,造就一個地方嘅成功;當中,人和,喺最重要。所以,人質,先至喺競爭力嘅基礎;而競爭力,就正正喺做大個餅嘅重要元素;要知道,個「餅」唔會因為你個「碟」大咗,就會相對咁變大架!

咁我就祝 2015 年,黃虫化蝶,垃圾回收,再造成才,香港新一代重現競爭力啦!

五、四、三、二、一 ... 新年快樂!! HAPPY NEW YEAR!!
21. CH 2015-01-01 00:23:50
唔夠珍惜香港兄快添!响呢度祝湯生,珍惜香港兄,及各位網友新年快樂,身體健康。祝願香港會愈來愈好。珍惜香港兄提到虫化蝶,令我諗起“蛻變“,繼而諗起好耐無出現嘅“蛻變中的懶人“兄,响度都祝佢新年快樂!
22. 肥婆四 2015-01-01 06:05:06
祝大家新年進步,健康愉快!
23. 運輸工人 2015-01-01 09:32:43
祝各位新年快乐,身体健康!
回魚蛋仔兄:小弟實在不敢在博士及各高手前班門弄斧.有錯望各位指正.
我第一會選擇港島舊區,地盤面積不太大亦不太小,然後會代入發展商角色考虑重建有無利可圖.
第二若購入物业後會積極參與業主立案法團的會議,甚至盡量成為委員.
第三就係魚翁撒綱,數量多自然機會多.
最後就係等……等……等……
24. Eric Wong 2015-01-01 16:01:16

To:運輸工人,

獲收購的物業在處那一區?港島舊區,柴灣?鰂魚涌?西營盤?

25. 魚蛋仔 2015-01-01 17:33:13

To 23/F 運輸工人兄

多謝你的分享。再想請教你: 關係舊樓物業的伙數,是否選擇伙數越少越有利收購?關於維修的問題,是不是很煩人的?你是如何處理的?地盤的大小真的很重要,以你的經驗,起碼多大你才會考慮買入呢?

希望你可以再分享一下。謝謝!

26. 亮劍 2015-01-01 19:10:53
曾在2008年預測過「有生之年見唔到兩厘半息」的著名財經專欄作家曹仁超,今年再有大膽預測,指全年不會見到美國有加息行動,「美國唔會加,香港都唔會,但中國就會減息」。
他認為,在低利率、低通脹、及低加薪幅度下,2015年極有可能為2014年的延續,投資已成為過去式,資金會繼續盲炒股樓,「2014年根本係亂炒一通,至於今年啲錢會去邊度炒,就好難預測」。

看好美股 恒指炒波幅

曹Sir表示,市場上的投機活動越來越興旺,基於香港人在百物騰貴、但薪金不變下,對前景傾向悲觀,「𠵱家啲20歲至30歲嘅𡃁仔,唔賭就輸實,賭就唔知輸贏……越來越多人不務正業,因為莫講養妻活兒,就嚟連自己都養唔到」,社會又因而出現「馬無夜草不肥,人無橫財不富」的想法。

不過,資金爆炒與表現並不一定掛鈎。在油價瘋狂暴跌與美元持續抽高的前題下,曹Sir推斷今年美國不會加息,2015年看好美股會持續上揚,至於港股在低估值下「大冧」機會不高,恒指在22500點將會見到重大支持,但上望空間料只在25000點,估計全年與去年般,在一定波幅區間中上落。他直指,目前港股炒風有「劣幣驅逐良幣」情況,好股不受捧、差股則被瘋狂搶高,因此拒絕預測看好看淡板塊,只希望投資者提防個別股份會有大跌的風險。

至於樓市,他指除非土地供應可以一下子大幅上升,否則看不到房地產有條件下跌,並指政府現時「好多地都唔敢郁,高地價政策會繼續維持」。
樓市會繼續企硬,他認為也基於現時香港無殼蝸牛越來越沒有安全感,「如果股票市場執到一、兩百萬,有你無你都買咗層樓先」;但另一方面放盤意欲極低,因為在低利率下,樓市「衰極都仲有兩厘半回報,業主點會放」? 
27. 亮劍 2015-01-01 19:12:10
【本報訊】前大學教授曾淵滄以一句話概括對明年股樓看法,「差嘅會反彈,好嘅唔會跌」。曾淵滄認為,大市指數反覆無進賬是市場定律,「買股都要睇買咩股,藍籌有好表現、都有唔好表現嘅,所以將整體表現拉平,只係2014年呢個情況特別明顯」,他認為按慣例去年弱勢股會在今年反彈,加上不認為樓市有大跌風險,地產股會繼續企硬,勢可觸發今年指數報捷。
統計去年弱勢藍籌股,濠賭及石油股表現最差,金沙(1928)全年瀉近四成,中海油(883)亦挫28%。曾淵滄相信,濠賭股今年的業績可反映業務最差情況,甚至有機會見到𥌓光,加上股份普遍已有近半跌幅,「已有一定止蝕位」,板塊或見承托力,並可能觸發反彈。
至於油股,他認為石油價格近月的跌勢是短暫而急速,這種弱勢不會在未來多年持續,「繼續跌落去,連美國都唔掂」,石油股今年表現或交出成績。
去年曾淵滄於專欄中透露跟四叔買恒地(012),股份全年升35%膺去年藍籌股王,其餘新地(016)及信置(083)等亦有約兩成進賬。曾淵滄坦言,樓價短期未見到大調整風險,「樓價唔會跌,地產股就唔會跌」,並指2014年地產股跑贏樓市的情況,會在2015年延續。他補充指,「冇任何股票唔應該掂,因為任何股份都可能有機會」,但就要謹記要選擇多隻股票投資,以分散風險。

樓價未有大調整風險

去年多次重申,上車客隨時可以入市,大前提是「供得起」,曾淵滄雖然不認為今年樓市會大跌,但受制政府辣招下,必然不應該是炒家的目標。「買樓要畀特別印花稅,其實2014年無利潤可言,因為你層樓升咗一成,但賣樓成本都要一成啦」!他重申過去一年的看法,即買樓的唯一原因,只有「自住」,不可以從炒賣角度而為。 
28. 亮劍 2015-01-01 20:07:25
其實想地產商收你層舊楼,有時都要講命水,我屋企人有層舊楼喺拾多年前被發展商睇中,都經歷幾翻轉折才修成正果。
因此我同意運輸工人兄所說,若要成功便要運用漁翁撒網方式,喺舊區買幾間中小型,係咁2執執佢,然後租俾人等運到。
講真地盆大小,楼下舖位旺唔旺,伙数多唔多,有無用盡地積比,嗰個境掂唔掂,有無人持有決定性業權份額……通通係廢話,因為擺明可於幾年內見成果嘅嘢,那麼人家為何在有水位的情況下抛给你先?
29. 十萬蚊幾時先可以 2015-01-01 22:25:43
陽報專訊】天氣冷,人間更冷!人稱「維園婆婆」的七旬婦,雖有兩名女兒疑關係疏離,她多年來淪落街頭,自食其力以拾荒為生,並在維園露宿四年,最近更自製「新年月曆」計劃未來,克勤克儉冀「儲多個錢過年」,惟近日患病又未獲適當治療,昨午被發現在廁格猝死,警方調查發現老婦身懷十萬元巨款,其後幾經轉折聯絡死者兩女,她們與母失去聯絡多年,但當認屍後,竟追問警員:「嗰十萬蚊幾時先可以拎番?」

死者姓陳(七十五歲),據悉有兩名分別四十及四十五歲女兒,母女疑關係疏離,陳遂決定自力更生,平日在街頭執拾紙皮及汽水罐變賣為生,四年前起在銅鑼灣維多利亞公園露宿。由於陳婆婆常在維園落腳,與不少街坊熟落,大家都稱呼她「維園婆婆」。此外,陳婆婆為虔誠基督徒,

30. 豪氣準買家 2015-01-01 22:26:37
準買家陳先生覺得東環每呎1萬元,開價合理,打算斥資約500萬元購兩房單位。記者問陳先生由現居所大角嘴遷往東涌會否覺得交通不便,陳先生回應:「老人鍾意睇飛機」。

再問為何樓價高昂下入市?「有錢呀嘛!有錢你會做喲咩?買樓囉!無咩多,錢多!」