逆向思维
事原我多年前有一段时间系做美息futures嘅Prop Trading. 当时同几间大美资同大英资嘅同业叫做有偈倾，成日对点睇后市（即系当晚同未来几日）作出交流。后尾发觉一个现象就系每当大家齐齐同view个阵,通常都系赢就赢少少,输就输镬甘嘅。可恨就系通常个阵永远都系无论基本经济因素、技术走势全部都话俾你听你绝对只会做呢边，你系搵唔到任何理由做另外果边，最惨烈个次我个stop loss成返黎既价系比我预期输多一倍钱。而家大家叫呢啲做crowded trade。自此以后每当我发现有相似情况,我一系就少少注大大声，一系就坐另外果边。亦可以话当你见到市场有大量最低防守力嘅持份者聚集埋一齐，你最好远离佢哋，甚至同佢哋对著干。
你话唔系喎，期货市场系零和游戏，有咁多长盘就有一样咁多短盘，边有大细边。错！因为有hedger，个市上定落唔关佢哋事，反而因为我哋呢班短线炒家将个期市推到相对吸引嘅水位令佢啲hedge得更加爽。
二次世界大战时期，有个美国半专家『好似话系诺贝尔奖经济学家』检验同日本仔零式战斗机打完嘅舰上飞机，发现好多都系(比方)甲部位系弹痕累累而乙部份系无乜事，於是佢就下令帮啲飞机嘅乙部份加重装甲，冇错系乙部份而唔系甲部份因为佢相信系乙部份中弹嘅飞机已经变晒潜水艇喇。(投资界有条死剩种谬误理论，不过同呢样嘢无关)
每当市场一有大郁动系人都会问点解，呢个系人类对未知事物感到不安嘅天性。但基於世界上喺同一时间系有千百样可以影响紧市场嘅嘢同时发生紧，而呢啲事情绝大部分系你同我永世都唔会知道嘅。所以大家往往用简单思维，将两件一前一后发生嘅事情强行定性为因果，用嚟应付老细，客人同埋自己，只因为"market
goes higher because there are more potential buyers than sellers"唔系一个可以被大家接受嘅解释。所以我系睇个市点行，同埋睇个市对所谓好消息或者坏消息嘅反应而出手而唔系因为有好或者坏消息出手。唔知大家仲记唔记得系欧猪危机个阵系人都话掟欧罗但系欧罗无乜郁过，危机过后就反弹啦。
App下载
