地產博客 > 文亮語 返回
瀏覽人次:46541    回應:44
文亮語
朋友
 
湯文亮博士
紀惠集團行政總裁
2015年5月26日

  本來今早我想寫武則天,但我睇完回應,便先寫朋友,有網友問我是否當他們是朋友,如果我話係,表示我將朋友定義定得太低,變成朋友滿天下,其實,什麼是朋友,真的是很難有一個定義,或者定義在各人心中。坊間有很多朋友定義,例如為朋友兩肋插刀,朋友有通財之義,都是那些人有求於人,希望對方幫忙,便會當對方是朋友時所講的說話,就算別人幫了他們,那些人亦會說大家是朋友,唔使講嘢,他們根本上唔想其他人知道有人曾經幫了他,反過來要他們幫助,就會推三搪四,這些事我見得多,所以我唔會上心,唔上心,即是唔會知心,又唔會傷心,點會係朋友。

  朋友定義,即是雙方知心,又會為對方傷心,在李陵答蘇武書中,李陵話,人之相知,貴相知心,這是做朋友最基本定義,再深入我唔識講,因為我都唔識喊,就算我阿媽,阿嫲過身,我都冇喊,甚至唔係幾傷心,我認為會有另一個世界等待她們,我阿嫲去的是極樂世界,我阿媽去的是天堂,既然如此,仲有乜好傷心。有人曾經問我點樣撇一個老友,我教了他點做,本來我唔想講,但唔講又唔能夠將朋友定義推上另外一個階梯,我寫給他「人之傷之,貴傷之心」,佢成功咗。

  有人問我,某幾位物業代理替我們做很多生意,我一定同他們很老友,我話唔係,甚至連兩個人單獨食餐飯,飲杯酒都唔會,人多食飯就會有,但唔會要他們找數,不過,我俾足佣金,而且很快,所以,投資者三字真言「快,狠,準」,在不同時間,有不同演繹,大家要靈活運用,如果有人話同那些物業代理老友,但又唔付足佣金,佢有靚盤至奇,我的意見是,就算付足佣金,都唔好同物業代理太老友,他們都有生活壓力,當他們交唔到數時,就會向老友埋手,我見過不少投資者為此損失慘重,但又唔出得聲,是否很慘。
 
  我對網友的確是以對朋友態度相對,否則就唔會將我的意見講出來,其實,我最鍾意聽的說話就是網友說唔同意我的說法,以「細價樓爆煲論」為例,差不多全部不同意我的意見,搞到差點連我自己都不同意,但冇所謂,網友唔同意代表他們有獨立思考,但又唔能夠強迫我接受他們的意見,有唔同意見的人能夠在一起,這才是真正朋友,這才是李陵所說,人之相知,貴相知心的意思。這篇文章寫了一個半小時,很累。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Very good 2015-05-26 08:56:52
樓巿周期咁長期,每日幾編邊有坩多野寫,宜家幾好
2. 地藏 2015-05-26 09:16:45
一子成佛,九祖升天。有親人往生極樂世界,先人沾光,福蔭子孫。善哉!善哉!
3. 40G 2015-05-26 09:26:11
好彩仍有精神食糧,謝謝!
4. 打工仔 Andy 2015-05-26 09:49:55
真正的朋友十分難得, 同事一定不是!
5. 小讀者 2015-05-26 09:51:32
看了一年, 約三成文章真正有用, 略嫌雨傘運動期間政治文章過多, 謝.
6. 不同意 2015-05-26 09:54:11
從博士多篇文章, 感覺博士為人真誠, 從不嬌柔做作, 確實要比個 Like博士 , 佩服 !
7. 占士 2015-05-26 09:59:11



博士,


您好!


很開心見到您再寫文章。


最近,因為自己工作及家事的種種原因,比較少留言,請見諒!


自從3年前我無意中發現了本論壇及拜讀過您的文章後,就有一種相逢恨晚的感覺,透過您風趣幽默的文字讓我學習了很多在物業投資方面的知識,瞭解到不少的相關技巧,並能讓我在實戰中非常有效地運用。


我甚至將您的成功故事和我的太太分享,在我的心目中您已經是我們的良師益友!


最近,見到您和我們其中的一位老友發生了一點小誤會,一群朋友都非常著急,也想盡辦法來解圍,當然,我也提出了自己的建議,而且是一個非常大膽的建議,大家由一開始的不同意,到後來的覺得有可能,到最後的要作為詳細的方案務必將任務完成! 不過我在想不論這方案能否達成,但作為朋友,能為朋友做該做的事,我們已經感到無悔!您可能也想知道我的提議是什麼吧?我暫時買個關子,遲早您都會知道的。


順便告訴您一個小秘密,就是您的這群朋友,個個都身懷絕技,這些朋友能走在一起都是托您的洪福!


再次,讓我代表大家謝謝您!我們尊敬的朋友!


 


占士敬上



   
8. microsam 2015-05-26 10:07:21
感謝博士再次分享。
9. Larry 2015-05-26 10:40:35
博士站得高、看得广,体会自然不同于其他人,多谢!
10. 熊 2015-05-26 10:41:52
謝謝您!
11. 山高雲低 2015-05-26 10:42:08
喜見博士文章新風格,同意朋友貴乎相知。亦該超離錢財利益。97年,小弟慘遭負資產之困。今日問道於朋友解困之方,明天即信箱出現朋友寄予小弟的一張支票。金額雖不多,也不足解決困局,但在你最無助時,他站在你身旁,這叫朋友。
12. Oscar Lam 2015-05-26 10:45:26
回7樓占士兄,

難道你的大膽建議和博士有關?

作為一名物業投資者,能在適當的時候把握機遇致關重要,這就是我們所說的timing。

可能現在這個時候就是最好的契機。

共商之,嘻嘻!
13. 惜緣 2015-05-26 11:12:29
博士,早上好!

在下愚見認為,當你的朋友迷惘時,你要作出適當的提醒,這才是真朋友。

這段時間,博士辛苦了,希望博士在寫文章之余,記住要多多保重身體!

衷心感謝博士多年來無私的奉獻,祝願博士與網友間的友情源源流長……
14. Scoliosis 2015-05-26 11:37:05
寫乜都冇所謂,只要真心,真誠就好!No need to please anyone
15. middle middle class 2015-05-26 12:15:56
占士兄,等你的錦囊啊。  其實呢,朋友可以有很多,知己有一個已經無憾。
17. Small Potato 2015-05-26 13:49:04

有D朋友幾年前睇跌, 連自住樓都賣左, 期間我不厭其煩咁叫佢地上番車, 我發覺佢地賣樓係無乜理據, 又從不關心世界及週邊既野, 好似不食人間煙火咁, 只係因為"覺得"太高, 自然就要跌! 呢個世界點可能用"覺得" 就可以做咁既決定! 幾經將我從博士及各方所得到既資訊, 同佢地左講右講, 佢地最終舊年上番車, 你話有呢D朋友可以無私成日講咁多野你知, 夫復何求!

確實我打中文太慢, 所以呢個都係少回應既因素之一, 希望吾好介意, 第日都係多用手機手寫好了:P

18. 粉絲 2015-05-26 13:49:18
博士,雖然你不知道我是誰, 但你教了我很多事, 非常多謝你
19. 按居 2015-05-26 14:14:28
您好,博士!

近日文章可見博士更上一層。開blog一點也不易。我相信過了近期的風風雨雨後,博士已能做到隨心所欲。

Btw, admin 可否煩請再send注册link?
20. 亮劍 2015-05-26 14:16:28
對上幾年不少人沽自住,源起於要改善居住環境,咁有D人就懶醒,希望襯高沽出,然後等一兩年大市大調整,咁就可以用等價再细換大。
呢班人绝非蛋散,隨時手持幾球喺手,有上百萬年收入,老豆老母亦唔係泛泛之輩。
因此呢幾年小弟不停話升到井噴、升到你唔信、升到你迷信……就是我睇死呢班人,最终要喺「真正高位」,含淚焗買!!!
21. Admin 2015-05-26 14:52:49
22. 求知者 2015-05-26 15:10:59
描事易,寫情難。
樓市的事,湯山瞭然於胸,隨時下筆千言。感情事,從來不輕鬆,難怪湯生會累
23. 求知者 2015-05-26 15:12:37
描事易,寫情難。
樓市的事,湯山瞭然於胸,隨時下筆千言。感情事,從來不輕鬆,難怪湯生會累。
24. 求知者 2015-05-26 15:12:49
描事易,寫情難。
樓市的事,湯山瞭然於胸,隨時下筆千言。感情事,從來不輕鬆,難怪湯生會累。
25. 回應 2015-05-26 16:14:47
多謝博士的付出
26. 领滙 2015-05-26 16:58:02
“欲罷不能”

博士

看了你之前的留言, 怕的是不會再從這裏再看到你, 參加過你的講座, 看你的文章, 買你的書
似我以前追中華英雄, 龍虎門一樣

好像已是一種另類文化的交流, 當然我也完全贊同你, 但總體上已影響了我, pls keep on ..
27. Ronald 2015-05-26 18:49:07
: 各位網友, 、孖Oscar Lam & 元朗,

首先代表湯博士多謝各位網友的關心及愛戴, 多謝4位昨天的留言及其建議, 我跟湯博士商量過, 我們的Programmer已全速進行系統的小許更新, 預計一天內完成, 我們會平衡沒有註冊為會員的留言顯示, 待明天系統測試及啓用, 會一併公佈詳情。
28. 按居 2015-05-26 19:17:34
謝admin!

注册是為表我對湯博士與懶人兄冰釋前嫌及復筆的誠心謝意。
29. 大寶二寶 2015-05-26 19:24:31
謝謝網主 Ronald 兄。
30. Oscar Lam 2015-05-26 19:54:59
多謝Ronald兄及博士!
31. 自我陶醉 2015-05-26 20:02:44
謝Ronald兄跟進!
32. 元朗人 2015-05-26 20:05:08
謝謝Ronald 兄和博士。

誠希有質量的囘應為網站带帶来更高點撃率。

Cheers
33. Good News 2015-05-26 21:32:13
Doctor Tong,

       Welcome back!

34. 小師妹 2015-05-26 22:16:22
Suddenly, the wheels are in motion... so good!
35. 小師妹 2015-05-26 22:16:26
Suddenly, the wheels are in motion... so good!
36. 愛香港hk 2015-05-26 22:22:15

      

         博士的文章精采、誠實、直接、在此贊美!感恩!

37. 麗娜 2015-05-26 22:31:46
LIKE & THANKS TO Ronald 前輩~~ 😄
38. 狗頭貓 2015-05-27 00:08:09

尊重論壇 , 今天註冊 . 很高興能繼續看到湯博士鴻文 .

何謂益友?友直 , 友諒 , 友多聞是也 . 湯博士 , 益友也 .

精神上支持湯博士及各師兄前輩高人 .

39. Trader 2015-05-27 00:50:52
 Thank you very much !
40. Marie 2015-05-27 01:54:56
香港人現在就像每天只懂攤大手板乞錢的道友一樣

好感概現在香港人好像只會關心自己層樓同股票升幾多,政客只會關心政改敵對互抽,根本無人會關心香港本身真正需要關心嘅問題。

成個社會同政府只係不斷喺度"賭"財富效應同埋日日同阿爺乞錢乞政策,基層死活,經濟結構、民生問題尼啲根本性嘅問題完全冇人有興趣去理,資產泡沫對社會才是最重要課題!傳媒每天只會不斷報導股市樓市創新高、阿爺今日又施捨左乜嘢比香港阿、政改又點互片阿……大家一齊繼續攤大手板、汙腐內鬥、風流快活。 

香港而家的普世價值觀就係有錢有樓有尊嚴,金融地產以外嘅全部都係losers都係廢請廢坑港女窮L……成個社會無論市民政府政客傳媒都係甘,好多真正民生問題都變得雞毛蒜皮……大家一日到黑股樓gogogo, 窮人越來越窮,貧富越來越懸殊,大家有冇留意到,香港經濟表面風光,但係出到去消費時啲基層員工個個黑口黑臉,態度惡劣……因為大家都對這個社會的不公義、扭曲的價值觀同人格墮落極度厭惡,甘樣始終有一日物極必反,只欠一個觸發點,就會演變成暴亂收場,佔中只是一個前菜而已。

而家香港人個個習慣每天都期望向阿爺乞錢乞到盤滿砵滿................一個飽肚嘅乞兒同日日吸飽毒嘅道友,講真仲邊有動力去改善經濟結構,改善民生同為下一代打算吖……阿爺就係想大家乞錢乞上癮,自甘墜落,好似道友一樣,每天迷迷糊糊甘向佢搖頭擺尾,甘政治問題自然解決,所以怪不得宜家啲年青人同低下階層甘絕望,甘反叛……因為香港宜家根本已完全走火入魔,但大家卻好像吸飽毒一樣,仍然蒙在鼓裏,自我陶醉。

當有一天我們發覺自己因為乞得太耐,失去了利用價值,驚覺香港連基本求生和自立能力也失去時,一切已經無可救藥,恨錯難返了......願共勉之。
41. Marie 2015-05-27 01:55:18
香港人現在就像每天只懂攤大手板乞錢的道友一樣

好感概現在香港人好像只會關心自己層樓同股票升幾多,政客只會關心政改敵對互抽,根本無人會關心香港本身真正需要關心嘅問題。

成個社會同政府只係不斷喺度"賭"財富效應同埋日日同阿爺乞錢乞政策,基層死活,經濟結構、民生問題尼啲根本性嘅問題完全冇人有興趣去理,資產泡沫對社會才是最重要課題!傳媒每天只會不斷報導股市樓市創新高、阿爺今日又施捨左乜嘢比香港阿、政改又點互片阿……大家一齊繼續攤大手板、汙腐內鬥、風流快活。 

香港而家的普世價值觀就係有錢有樓有尊嚴,金融地產以外嘅全部都係losers都係廢請廢坑港女窮L……成個社會無論市民政府政客傳媒都係甘,好多真正民生問題都變得雞毛蒜皮……大家一日到黑股樓gogogo, 窮人越來越窮,貧富越來越懸殊,大家有冇留意到,香港經濟表面風光,但係出到去消費時啲基層員工個個黑口黑臉,態度惡劣……因為大家都對這個社會的不公義、扭曲的價值觀同人格墮落極度厭惡,甘樣始終有一日物極必反,只欠一個觸發點,就會演變成暴亂收場,佔中只是一個前菜而已。

而家香港人個個習慣每天都期望向阿爺乞錢乞到盤滿砵滿................一個飽肚嘅乞兒同日日吸飽毒嘅道友,講真仲邊有動力去改善經濟結構,改善民生同為下一代打算吖……阿爺就係想大家乞錢乞上癮,自甘墜落,好似道友一樣,每天迷迷糊糊甘向佢搖頭擺尾,甘政治問題自然解決,所以怪不得宜家啲年青人同低下階層甘絕望,甘反叛……因為香港宜家根本已完全走火入魔,但大家卻好像吸飽毒一樣,仍然蒙在鼓裏,自我陶醉。

當有一天我們發覺自己因為乞得太耐,失去了利用價值,驚覺香港連基本求生和自立能力也失去時,一切已經無可救藥,恨錯難返了......願共勉之。
42. 珍惜香港 2015-05-27 03:09:33
珍惜香港

雨過天晴,諗住可以齋睇唔寫一排啦,點知博士真喺賞面,回應咗我呢個吹水網友。

我話,真正嘅朋友,在乎一個真誠。呢個只喺基本條件,唔算喺朋友嘅定義。

朋友嘅定義,都幾個人化嘅。有人覺得,相識就喺朋友;亦有人覺得,知己先算朋友。博士話,朋友,即喺雙方知心,又會為對方傷心,呢個定義,喺最高層次,知己是也!所謂,知己難求;成為朋友,要好有緣,何況要成為知己?不過好幸運,我嘅人生,行到今日,有一知己。真喺,人生得一知己,死而無憾

其實又唔使咁複雜嘅,博士話,對網友的確喺以對朋友態度相對,呢個答案,已經足夠

啱啱諗起,我似乎仲欠博士一句多謝。做人嘅道理之中,多謝,唔算最難;好多嘢,例如道歉、拒絕之類,都喺好難。所以有云,做人難矣!我做人,一向好均真,多謝也好,道歉也好,拒絕也好,總要有個確實嘅理由,俾對方一個交代,而唔喺只講一句,敷衍了事。

我地一眾網友,成為朋友,之間嘅緣份,喺源於地產博客,源於博士嘅主場

多謝博士,多謝網主。

...見到 40、41/F Marie 嘅留言,贈佢一篇真正嘅貢獻
43. 小小業主 2015-05-27 03:40:45
看了博士這篇真的很感動,我feel到真的很'用力'。平時因不敢在眾前輩前班門弄斧所以只能做cd rom, 經過今次小風波後會多點留言,真得很怕從此看不到博士文章。博士曾說過儘管只得一位讀者也會繼續寫,我绝對是其中一位…… 感性說話話多了(同地產無關),請見諒!
44. 小師妹 2015-05-27 09:17:29
多謝珍惜香港兄的留言,每次我都會細閱及學習 !

也多謝網主努力維持網站秩序,令博士及每個網友免受惡意評擊!

45. 小熙 2015-05-30 16:21:59
好開心博士繼續寫blog!未來買樓與否都會以博士的理論放在第一位!祝身體健康!