地產博客 > 文亮語 返回
瀏覽人次:56207    回應:83
文亮語
讀古文(9)蘇東坡(江城子)記夢之十年生死兩茫茫
 
湯文亮博士
紀惠集團行政總裁
2014年6月18日

  半夜睇巴西對墨西哥,中場0比0,趁休息時間睇吓回應,發覺有網友在回應箱內寫憶亡妻,立刻令我想起蘇東坡曾經寫過一首詞,江城子之記夢來記念佢老婆,其實,中年喪偶是人生一大憾事,其餘兩件是少年得志,臨老入花叢,如果讀蘇東坡這首詞的時候在半夜會覺得陣陣陰寒,但是在日光日白讀又冇乜意思,是不是很奇怪。
                                        
  蘇東坡(江城子)之記夢

  十年生死兩茫茫,不思量,自難忘。
  千里孤墳,無處話悽涼!
  縱使相逢應不識,塵滿面,鬢如霜。
  夜來幽夢忽還鄉。小軒窗,正梳妝。
  相顧無言,惟有淚千行。
  料得年年腸斷處,明月夜,短松岡。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 蘇東坡妻王朝 2014-06-18 09:11:33

面安葬了:王朝雲....有墓碑,和詩作.....蘇東坡 ...蘇東坡妻王朝

位於 惠州西湖 王朝雲墓前的六如亭

位於 惠州西湖 王朝坟墓前的六如亭

 

2. 小三 2014-06-18 10:07:54
妾來架下化??
3. 馬丁 2014-06-18 10:15:22
湯兄文章每日必睇
想問點解
少年得志係人生三大憾事之一?
4. 回 馬丁 2014-06-18 10:26:08
千金難買少年窮,呢個喺事實。


5. 亮劍 2014-06-18 10:27:45
千金難買少年窮。
李十X講過:「生在石隙縫的小草,你好難將它拔掉!」
6. To 5 2014-06-18 11:51:06
見過鬼才會怕黑傳神啲, 而且博士話齋, 怕黑都唔會話俾人知佢怕黑嘛.
7. 山高雲低 2014-06-18 11:53:08
少年得志,語無論次。
8. 中女社社長 2014-06-18 12:13:47
to 2樓: 別找妾! 一個老婆已經夠煩, 加多一個是自尋煩惱 > <"
9. 引刀一快 2014-06-18 12:55:14
To 珍惜香港

你文章太長,我跟段落回應。

上面話,諗緊好唔好為民主議題寫篇長嘢;後嚟,大家好快就終止咗個討論。本來已經唔諗住寫,但見佔中期近,結果都喺開咗筆。為咗唔想搞亂博士新文章嘅留言區,都喺寫番响呢個 EXPIRED 嘅區度,贈有緣人啦!真係有緣喇

前文有云物競天擇,適者生存;古往今來,永恆不變。意圖違反呢兩個自然定律嘅,小至個人,大至國家,勢必走上滅亡之路。進化論,亦喺基於呢兩個自然定律;每一物種,之所以能夠進化,皆因面對弱肉強食嘅世界,優存劣亡,只留低勝者可以繼續繁衍。進化之路,只能向前,絕不能停;停,就即喺滅亡!

進化係因應環境變化,唔係單純嘅弱肉强食,自然環境中,有獅子就必須有羚羊,當弱者消失,强者亦命不久矣。

人類發展到近代,出現咗智慧;智慧,令人類創造出文明,從而主宰呢個世界。但喺,文明亦同時衍生咗驕傲同自我;結果,驕傲同自我,搞出咗「人權」呢樣嘢。人權,令到人類多次違反「物競天擇,適者生存」呢兩個自然定律,招至一次又一次嘅失敗。如果人類再唔覺悟嘅話,最終會走上滅亡之路

嘩!講乜呀!歪理!人權從來都喺公認嘅真理嘛!

惜港兄,人權概念係基于社會嘅構成而産生嘅。

其實,我都好唔想達至呢個結論;可惜,每當我退一步,以宏觀去睇果陣,見到嘅世界,的確喺咁。就睇人權嘅基礎:生存;話說,每個人,一出生,就擁有生存嘅平等權利。咦?乜唔喺適者,先可以生存咩?原來呢個人權嘅最底線,本身就已經違反咗「適者生存」啦!而當「適者生存」遭淪陷,「物競天擇」亦會隨之失守,因為响人權嘅最底線之上,會衍生一系列嘅平等權利,最終會衝擊到「物競天擇」呢個定律!

你講緊嘅唔係“人權”,而係“人道”,今時今日莫講係香港,就算大陸都睇唔慣D“慘無人道”
嘅事情。


近代一個最典型嘅例子,就喺共產主義嘅崛起。共產主義,本身就喺建基於人權;呢種人權,就喺每個人,都擁有平等財產嘅權利;財產,必須平均咁分配俾每個人。所以,一個共產主義社會,完全違反哂「物競天擇,適者生存」呢兩個自然定律,個體無須競爭,社會無須進步,人人共存,人人共產。結果,所有奉行共產主義嘅國家,都喺徹底咁失敗,無一倖免!

惜港兄,首先,冇一個國家係真正嘅共産主義,只有社會主義。咁點解當時咁多國家加入社會主義陣營呢? 共產主義 一樣講“ 物競天擇,適者生存 ”,就係以共産主義去同資本主義競爭。喺大陸,“優秀”、“先進”呢D辭幾時都唔會少見,競爭從來就冇被掩埋過!不過競爭目的、理念唔同啫。

資本主義,之所以能夠成為近代較成功嘅財產分配體制,正喺因為佢符合咗「物競天擇」;通過對社會貢獻能力嘅競爭,促進咗人類嘅進步。但喺人權呢個包袱,始終令到人類無法遵從「適者生存」呢個定律。結果,人權,就衍生咗「福利」呢樣嘢。「不適者」,通過福利,逃過滅亡厄運,得以生存。可惜,大自然喺殘酷嘅,優者响數目上往往遠少於劣者;違反「適者生存」嘅惡果,就喺物種以優少劣多嘅比例繁衍,步向滅亡!

老人、殘疾人、智障、孤寡、單親............多得你唔少..............!日本仔屠殺我地都俾你合理化咗。

一條解決呢個問題嘅出路,就喺將劣者,轉化成優者。所以,早期嘅福利制度,只喺會俾劣者生存嘅最基本元素。响最基本嘅福利制度之下,劣者會被社會歧視、忽略,意識上,同滅亡冇分別。不過呢種歧視、忽略嘅社會態度,反而能夠激發起劣者改變命運嘅動力,令佢地置於死地而後生,轉化成優者。發展中嘅資本主義社會,因為能力上只能提供最基本嘅福利,往往造就咗呢個促進劣轉優嘅環境,令到社會高速咁向上發展。香港嘅上一代,就正正喺一個典型嘅例子。
問題係,無力“轉化成優者”嘅人,點處理?越係高度發展嘅社會、地方,越係少機會自力更生,一間餐廳請幾個精神病康復者,生意都唔使做。香港地唔畀你上山種菜,唔畀擺街賣嘢,依傢有埋最低工資,想收平D捱下都唔得,紙皮有限,執下又話赶絶阿婆。

但喺,唔知幾時,福利開始變質,慢慢轉化成
福利主義。原來,罪魁禍首,又喺人權

人權,將每一個人嘅政治權利,劃上等號。呢樣嘢,就喺所謂嘅「民主」!响「物競天擇,適者生存」呢兩個自然定律得以嚴格遵守嘅情況之下,一人一票嘅民主制度,喺唔會有問題,因為劣者已經全被淘汰,唔再存在啦!可惜,人類無法遵從「適者生存」呢個定律,形成優少劣多嘅比例;從此,劣者唔再需要咁辛苦將自己轉化成優者,以取得社會嘅資源,因為佢地已經能夠以大多數嘅選票,令到政策向福利傾斜;「物競天擇」,終於受到衝擊!

如果唔係大陸將政策向香港傾斜,香港一樣鬥唔過好多地方。扶持弱者係人道,如果一個社會連呢點都可以否定,咁呢個一定係食人族!
如果今日香港仲會餓死人,仲會有人因爲冇錢冇得醫病嘅話,咁香港好應該被國際社會淘汰。
唔好妄想有“劣者已經全被淘汰,唔再存在啦!”呢種咁嚴重嘅繆誤!就算香港死晒最“弱”嘅350萬人,咁只不過係將貧富綫喺死剩嘅350萬人中間,再一次畫啫。 


而每當「適者生存」遭淪陷,「物競天擇」失守之後,下一步,就會喺滅亡之路!

民主制度發展成熟嘅國家,普遍都喺入不敷支,之所以維持到今時今日,喺因為佢地能夠通過經濟手段,掠取其他國家嘅血汗同資源。堪稱世上最民主嘅國家,亦喺世上最入不敷支嘅國家;呢個國家,利用軍事,利用科技,利用貨幣,去渣乾其他發展中國家嘅血汗同資源,先至可以填補佢要維持呢個自命最民主嘅制度而需要付出嘅沉重代價。唔喺咁嘅話,呢個國家嘅體制一早就已經崩潰咗!

呢D咪就係你一直倡議嘅“ 物競天擇,適者生存 ”囉, “呢個國家,利用軍事,利用科技,利用貨幣,去渣乾其他發展中國家嘅血汗同資源” 全部都得手,我地又吹佢唔脹架。
香港又可以自給自足咩?早就唔得喇。

至於冇足夠經濟能力發展民主制度嘅國家,後果喺點,有目共賭。

天,從來冇賦予過我地每一個人平等嘅權利;只喺人類嘅驕傲、自我,以為可以勝天!
天,透過孔子教導我地每一個人平等嘅權利。

人權,只不過喺一個美麗嘅謊言!法西斯
10. 順民 2014-06-18 12:59:09

曾經滄海﹐除卻巫山﹐新人無論如何不及舊人。如果只有偶然三朝兩夕的閒愁﹐那只證明是:

人間自是無情痴﹐此事只關風與月。而已吧 ﹗

11. To: 8/F 2014-06-18 13:00:16
Agreed with you totally.

Even your wife pass away, don't think try to find a girl friend or another wife. Just live alone happily and you will certainly enjoy your life. Trust me!
12. Scoliosis 2014-06-18 13:42:47
活着卻沒有靈魂的日子,強作堅強,未嘗過又怎会明白
13. 蜕变中嘅懒人 2014-06-18 14:08:10
蘇東坡(江城子)之記夢

  十年生死兩茫茫,不思量,自難忘。
  千里孤墳,無處話悽涼!
  縱使相逢應不識,塵滿面,鬢如霜。
  夜來幽夢忽還鄉。小軒窗,正梳妝。
  相顧無言,惟有淚千行。
  料得年年腸斷處,明月夜,短松岡。

懶人看一遍、哭一次,18年來感受就一如此詞。

經歷過斷腸事之人,方知斷腸之痛。

14. 打工仔 Andy 2014-06-18 14:12:47

昨晚看了張藝謀新作《歸來》!

雖然內容並不是精彩,但鞏俐及男主角的演技十分到位!

也許能表達出愛情的真諦!

15. 路人 2014-06-18 14:42:01

"千金難買少年窮。"

真的???

少年窮的現象,普遍存在呀!

16. 物業初哥 2014-06-18 14:58:59
看罷懶人兄的故事,學會了一句「珍惜眼前人」,感恩。

待太太回來抱著她,然後說聲我愛你!
17. 物業初哥 2014-06-18 15:03:18
別人笑我太肉麻,我笑他人愛不知!
18. 山高雲低 2014-06-18 15:45:51
醉過方知酒濃,愛過方知情重。有此經歷,此生已不枉過。
19. Carol 2014-06-18 15:51:08
陈道明是影帝啊!香港人不识而已!
20. Carol 2014-06-18 15:51:19
陈道明是影帝啊!香港人不识而已!
21. 所謂 2014-06-18 16:16:09
現在的年青人普遍就是吃喝玩樂,打機,講民主!話自由!人云亦云!當佢地步入中年時,就會恨錯難返!
22. 自我陶醉 2014-06-18 17:14:36
13樓 懶人兄思念亡妻之傷痛, 確實令人感觸, 希望兄台能放下悲痛, 珍惜眼前人, 開開心心過每一天。
23. 引刀一快 2014-06-18 17:55:56
懶人兄 20歲到48歲,正是人生最激情歲月,聽見都戥你難過,多救貓狗、動物,緣不滅。
24. 小師妹 2014-06-18 17:58:57

To 13

莫為失去而難過,應為曾經有緣遇上而感欣慰!


25. 小陽 2014-06-18 18:13:19
呢一頁都很傷感,珍惜眼前人。
26. 蜕变中嘅懒人 2014-06-18 18:17:28

TO 16 物業初哥兄

19歲與初戀情人共諧連理,28載鳒鲽情深、恩愛之情,至今猶刻骨難忘。1996年1月仍開心旅遊,2月得知愛妻已患末期肺癌時,突然天空如見極光、地面仿如粉红,懶人此時方领悟風雲色變慘況,拿著化驗報告淚流滿面蹣跚回家,管不了偶有路人側目。同年4月愛妻在院呼吸衰竭瀰留之際,醫生和弟弟勸我不要再急救,讓她免多受苦安詳離去,但必須要我同意說"不救了",這三個字,字字比千斤重,拼盡氣力說時淚如泉湧、肝腸寸斷,此刻此生難忘。

短短四個月,上天把我最心爱的人瞬間奪走,怨恨無奈無助之情無由傾訴,珍惜眼前人,懶人願與物業初哥兄珍之重之。


27. 蜕变中嘅懒人 2014-06-18 18:23:44

TO 各位網友

非常感激各位網友溫情,好事偏多磨,願各位珍惜眼前所擁有。

引刀一快兄,請勿介意,兄台如各位網友一樣,係懶人嘅好網友。

28. Alan Pepper 2014-06-18 18:37:26
Support! Please take care. 

"經歷過斷腸事之人,方知斷腸之痛。" Agreed entirely.
29. 物業初哥 2014-06-18 19:04:17
To 懶人兄

抱歉又令兄台憶起往事,那三個字真的令人心痛,慨嘆人生無奈,但愛能長存於心,至死不渝。

懶人兄請保重,我每天都有看你的回覆,確實獲益不淺!

珍惜眼前人,所有待你好的人。
30. 魚蛋仔 2014-06-18 19:05:08

To:I3/F懶人兄

看過了懶人兄的自白,覺得懶人兄是一位重情重義的人。不但如此,還充滿了智慧,待人接物謙厚有礼,你身邊的人真有福氣!往事已逝,珍惜眼前人。加油!

31. Oscar Lam 2014-06-18 20:27:06
26. 懶人兄,
懶人兄的經歷令人傷感。未敢叫你忘記過去,但望珍惜現在。珍重!
32. 珍惜香港 2014-06-18 20:47:44
珍惜香港

TO:27/F 蜕变中嘅懒人兄

年紀越大,經歷嘅失去就越多;都喺果句,珍惜眼前人啦!

好多人,面對至親,都會有口難言;咁,唔通要等到人去,至可以直言?

所以,自己人,一定要暢所欲言!

TO:9/F 引刀一快兄

好失望,閣下成篇回應,只喺執著一系列定義上嘅嘢。我篇長嘢嘅重點,你根本就 GET 唔到。不過仍然好多謝你嘅回覆

話咗唔搞亂博士新文章嘅留言區啦,所以都喺去番果邊覆你
33. 懶人兄 2014-06-18 20:56:39
不要怕傷心而不去想,故人永遠活在我們的心裡
34. 回 懶老師 2014-06-18 21:08:19
我嘅宝貝因意外離去,一個月瘦咗15磅,真正喺皮都摺埋,嗰時成身魚肚紋,珍惜眼前人,互勉之。
35. Li 2014-06-18 21:57:07
懶人兄,請恕小弟多言,老兄的元配夫人,是得急病,不幸效96年4月仙遊的,距今是18年零2個多月。
而老兄同牙科医生也結婚18年,兒子也17歲了。
老兄是重情念旧之人,當時也没有小孩要照顧,
何以急於納填房呢?
对不起,多口了。
36. 引刀一快 2014-06-18 22:20:23
To 36樓 Li 

呢個問題好尖銳,懶人兄嘅情况我有體會,當年初戀飛我,我兩個禮拜就揾咗我元配。簡單嚟講,同在,盡心盡力,分開,翻篇邁步。
37. 引刀一快 2014-06-18 22:25:06
瞄中,仍謹守安份,抽離,方才不失時機。懶人兄冇失操守吖。
38. 引刀一快 2014-06-18 22:26:50
珍惜香港兄

你連定義都未搞清,點討論呢?
39. 引刀一快 2014-06-18 22:30:14
攞住錯嘅定義,點推論合理嘅結果呢?
40. 大寶二寶 2014-06-18 22:43:53
回懶兄

事隔已18年, 望你傷痛随着歲月慢慢減少。 未來快快樂樂開開心心過日子。

共勉之!
41. 蔣麗芸投訴人力 曾鈺成籲少說沒用的話 2014-06-18 22:46:13
曾 鈺 成 建 議 她 考 慮 少 一 點 說 沒 用 的 說 話 , 又 指 她 的 麥 克 風 很 刺 耳 , 希 望 大 家 安 靜 等 會 議 恢 復 。
42. Li 2014-06-18 22:46:41
抱歉,小弟有此一問,乃老妻常問我這個問題。
我就簡單的答案one life, one love.
43. 蘇東坡 2014-06-18 23:29:51
Li 兄說的也是啊﹐像10F順民兄講﹐曾經滄海難為水﹐除卻巫山不是云。蛻变兄和前妻有廿多年夫妻感情﹐但她走後未足半年蛻变兄就另結新歡﹐睇來蛻兄也是一個貪新忘舊之人呢.
44. 蜕变中嘅懒人 2014-06-18 23:35:37
TO 35 LI 兄
LI 兄請不必介意,懒人好樂意回答兄台嘅問题。
當年4月亡妻離開後,我曾嘗試於一個月後復工,因為我是視光師,驗眼時程序要好清晰記錄,不能出錯,但因懶人十分傷心,精神無法集中频频出錯,之後整整3個月無法工作,因而好多空閒時間,妹妹業美容,現任太太係顧客,因怕懶人空閒在家胡思乱想出事,故多次借聚会唱K邀我同去,其實懒人唱K好得,友人公認,猶其擅唱黎明情歌,亡妻生前好鍾意聽懒人家中唱,因此我每次必到,藉以抒發鬱結情绪,現任太太亦欣賞懒人歌藝,漸漸產生好感,之後復工高登任職,時己認識現任太太有半年,同時母親、兄弟、妹勸懒人應往前想,說亡妻亦不想懒人孤苦一生,我亦覺得以情療情傷可以盡快恢復正常生活,同事欲多次介绍女友给我,懶人覺得與现任太太可以發展故全部婉拒,太太後來知道更感於懒人真情,數月後终委身於懒人,懶人焚訃書與亡妻後,於1997年6月22日完婚。
現任太太對我非常好及信任,因懶人專一而重情感,一切以家庭為重,兒子亦乖,也許是上天見憐,或亡妻護蔭,懒人無憾矣。
45. 打工仔 Andy 2014-06-18 23:37:58
自命堅毅無比的我, 看到師兄們一些傷心的故事! 
內心也非常傷感! 
願主的平安常在大家心𥚃! 
46. 蜕变中嘅懒人 2014-06-19 00:04:30
TO 各位網友
懒人以同大寶二寶兄、CH兄開玩笑時不在意間提及亡妻,又令博士不經意地提起蘇東坡江城子記夢,令懒人一時感觸寫多了,至知道咁多網友对懒人好,感激不盡。
其實懒人諗,報章時有報導因感情而發生嘅悲劇,好多單都可以放開心結、面子、世俗枷鎖,以一段新感情去療舊情傷係最好、最快、最有效果,最容易有好结局,只要對感情負責任,正如引刀一快兄所講,不知各位是否贊同。
47. 回 懶老師 2014-06-19 00:11:37
以情療情傷確真有效,自宝貝離開後,整整一年行屍走肉,到精神再有依託後體重才回復正常,但到某時某刻內心還是戚戚然,往事如煙。
48. 引刀一快 2014-06-19 00:26:26
原來五行之外,就係六道輪迴。
49. To 39 2014-06-19 00:32:32
人家係話你攪錯定義呀,傻仔!
50. 蜕变中嘅懒人 2014-06-19 00:33:04
原來五行之外,就係六道輪迴。

回 48 引刀一快兄
呢句野玄之又,莫非引兄係學道之人,引道長,失敬失敬
51. 自我陶醉 2014-06-19 00:45:12
To 懶人兄

我相信緣份是天注定, 冥冥中自有安排, 一切順其自然便可, 無須理會別人的看法。 無論如何這總比獨自在家鑽牛角尖要好。
52. 蜕变中嘅懒人 2014-06-19 01:06:57

TO 51 自我陶醉兄

緣份天注定,呢句話其實無得駁,懶人時常同太太講笑,如果唔係Helen(亡妻)捨我而去,無論妳幾靚、幾有學識、幾本事,我都唔望你一眼,你執到嘞,跟住俾佢打到周圍走。

53. 自我陶醉 2014-06-19 01:14:53
兩個不同背景、互不認識的人, 可以走在一起共同生活, 這便是緣份啊!  好好珍惜!
54. 引刀一快 2014-06-19 02:44:32
我喺以宏觀因果關係,去簡化社會嘅現象。「物競天擇,適者生存」套用响同一物種裡面,與唔同物種之間,喺兩回事,而呢個 TOPIC,會喺前者。所以點解我用同一物種嘅進化做比喻,而唔喺講唔同物種之間嘅弱肉强食。我喺寫「面對弱肉強食嘅世界」,物種「本身」嘅進化;閣下講獅子同羚羊,喺離咗題。應該喺話,當羚羊消失,獅子就必須通過進化去適應,弱嘅獅子會死亡,強嘅獅子會生存同繁衍;通過優存劣亡呢個進化過程,物種會不停進步。大家喺面對同一個環境競爭,而唔喺強嘅獅子,去食弱嘅獅子。

相信我,你冇搞清楚咩係進化、演化嘅原理,同埋進化演化唔能够硬套喺今日社會嘅原因。
我同意依傢利用政府資源嘅人太多,太濫。呢D最好係靠行政手段一步一步整頓,比如向香港政府通報港人大陸資産資料等等,大陸肯出面,好多事都好好話為。


人權,同人道,當然喺兩回事,我亦喺講前者,唔喺後者。所以「不適者」喺指敗於競爭嘅失敗者,唔喺指先天有缺陷嘅人嘛!即喺話,唔食羚羊就寧願死嘅獅子,唔喺跛腳嘅獅子喎!所以,老人、殘疾人、智障、孤寡、單親,唔會多得我唔少,因為我質疑嘅喺人權,唔喺人道

香港人成日以孫先生嘅三民主義閙大陸,蔣生仲話要用三民主義反攻大陸,你要反其道嘅話,就睇你本事,赤裸裸嘅反人權,希特拉操刀都唔會work。

古時,通過戰爭去佔有土地同人民,喺好正常。中華民族都喺通過多年戰爭,將唔同嘅民族,融合成一個中國。隨著人類文明嘅發展,以佔有為目的嘅戰爭已經唔再被容許作為競爭嘅手段。至於,以屠殺泄慾嘅禽獸行為,根本唔喺屬於競爭嘅手段,唔好扣我帽子,我冇合理化呢啲嘢!

惜港兄,呢度個個都係斯文人,離開真正嘅“弱肉强食”遠得很,香港人絕大部分都係受制度保護長大,真係放入鬥獸場,邉係大陸人果皮?名校仔,亦鬥唔嬴屋村仔、圍村仔。“物競天擇”嘅競爭規則,嚴格咁限制喺一個合你心意嘅範圍,你梗係支持喇。
我個人認爲,強嘅定義,就係目光遠大,并能爲朝向目光所指而自律及奮鬥,我憎日本但絕不否定對方嘅強,請問惜港兄,你心目中強嘅定義係乜?


將劣者,轉化成優者,喺唯一解決「適者生存」被違反嘅出路。你話越高度發展嘅社會、地方,越少機會自力更生,我唔認同。社會高度發展,都一定有自力更生嘅機會,只喺形式唔同咗。除非有缺陷,唔喺嘅話,一樣可以轉營。今時今日,基層工作,其實有好多出路,唔做食市,可以去做管理員。唔好攞執紙皮阿婆、精神病康復者嚟講,我從來冇反對過福利去俾啲真喺有需要嘅人喎!

講件往事你知,我細個好怕麻風佬,但係以前有個麻風佬攞住個竹籃賣糯米醸大腸,我又會幫襯佢,仲會傾囊,以前好多老人喺街邊擺賣舊嘢、針綫、白欖,我好中意幫襯,借頭借路買立雜嘢。呢D係出于憐憫,我一路都好留意呢D嘢!對于爲生存而掙扎嘅人、付出努力改善生活嘅人,特別係條件唔好果D,我深感敬意并衷心支持。你可以睇睇鵝頸橋果D拾荒老人,依傢都俾人趕絶咗喇,打小人有地方特色,又得到政府支持喔!
以前我見到D乞衣,摘檸檬葉、黃皮碌柚葉嚟賣,依傢呢?擺街又拉又鎻。
管理員???呵呵,打崩頭未死得你就做喇。



至於大陸將政策向香港傾斜,喺一個雙贏,唔好將呢樣嘢同福利或者人道相提並論。中國有咁多城市,點解要睇你?我冇話過,「應該要」劣者全被淘汰,唔再存在;我喺話,一人一票嘅民主制度要 WORK,除非劣者全被淘汰,唔再存在!至於果個世上最入不敷支嘅國家,我响貢獻論裡面都話過,只不過喺物競天擇,適者生存嘅一個宏觀版,我只喺冇再重覆啫!仲有,你可以唔自給自足,但喺唔等於你可以債台高築

呢個就係劣者定義嘅問題。何謂劣者?

唔好話我法西斯,我篇長嘢嘅重點,你根本就 GET 唔到。我Get到,唔同意唔認同咁解啫。

好失望,閣下成篇回應,只喺執著一系列定義上嘅嘢;不過仍然好多謝你嘅回覆
定義都唔清晰,點討論?
55. 引刀一快 2014-06-19 02:53:48
To 50樓 懶人兄

我以爲你係咁解咋,你玄咪配合你玄下囉。
睇埋你同現任嘅一番話,營銷造詣登峰造極!一言一語支配大局,值得小的學習。
56. 蜕变中嘅懒人 2014-06-19 05:36:10

TO 55 引刀一快兄

懶人覺得多數人都會被真實、真心、真誠嘅行動或說話感動,無須刻意營銷。

57. 引刀一快 2014-06-19 06:28:27
懶人兄

 你講嘅嘢,我就算幾真實、幾真誠、幾真心都唔敢講,一次都唔敢,試下都唔敢,你係拿捏得好准先可以講架。

唔好意思,講多咗。
58. 蜕变中嘅懒人 2014-06-19 06:29:00

回 43 蘇東坡兄:(Li 兄說的也是啊﹐像10F順民兄講﹐曾經滄海難為水﹐除卻巫山不是云。蛻变兄和前妻有廿多年夫妻感情﹐但她走後未足半年蛻变兄就另結新歡﹐睇來蛻兄也是一個貪新忘舊之人呢.)

記得博士寫過(怕鬼唔好話俾人知 ),懶人無回應過,因為懶人用咗好多辦法,等亡妻出現半年有多,但都係失望,其實我好想回應請問點樣至可以見到鬼,但係當日個個網友都話怕鬼,我唔好意思寫。

亡妻離去半年內,懶人將亡妻骨灰盅、亡妻衣服以人形放在床頭邊,每晚擁著睡,半夜醒就坐著等,倦了再睡,又將拖鞋放床邊,希望有一日或夜會見到魂夸歸來,最初家人唔知,因為我係獨自住,後來佢哋無意中發現,媽媽叫我將骨灰盅放廟中安置,我唔肯,自此弟弟就好多時收工飯後來陪我,靜靜地坐著無野講,陪我睇亡妻生前錄影帶,我留淚佢就遞纸巾俾我,或者一齊哭,好多時半夜至走,弟弟明早要返工會好辛苦,我叫佢唔使陪我,佢話佢想嚟睇亞嫂生前錄影帶,我知道家人好擔心我,直至到妹妹介绍咗現任太太同開始有约會,弟弟就無嚟陪我,我諗為自己為家人都要重新振作,我信亡妻都唔想我咁頹萎,於是與太太繼續發展,直至太太叫我才將骨灰盅放廟中安置。

原來要安慰極度傷心嘅人,係不宜講折哀順变之類說話,只要無言靜靜陪著,或講一啲其他話题,或陪佢行一段路,睇吓風景就好足夠,係懶人嘅悲痛体會。

59. 引刀一快 2014-06-19 06:32:04
自我陶醉兄

你終于返嚟喇!
60. 蜕变中嘅懒人 2014-06-19 06:46:15

引兄,早晨

唔使咁客氣,引兄,其實真心情話對太太講,一定無問题,就算你唔講太太都會感覺到,你講咗,太太會好感動,攬住你錫,有著數,試試看。

61. 引刀一快 2014-06-19 06:50:14
唷!!!懶人兄!!!!

越係揾就越見唔到,呢個係定律。
62. 引刀一快 2014-06-19 06:54:55
我意思係我唔會同現任提前任,女人始終有條刺,你嘅做法對我嚟講直情釜底抽薪。

另外,你追憶亡妻嘅做法,佢真係現身咪盞你放唔低,佢唔出現係爲你好。
63. 引刀一快 2014-06-19 07:00:56
引刀好怕鬼,但係接觸呢類事物唔少,煞氣唔夠。
你有心揾就見唔到,出現就好突然,基本就係定律。
仲有,據說人身會剋損靈體,不能太接近。
64. 蜕变中嘅懒人 2014-06-19 07:05:07
引兄,所以我認為世上邊有鬼,如果有,Helen(亡妻)幾艱難都會見我一面。
65. 引刀一快 2014-06-19 07:07:22
牛、龍、羊、狗四個屬相,比較容易見。
66. 蜕变中嘅懒人 2014-06-19 07:10:04
懶人屬牛,都無見過。
67. 引刀一快 2014-06-19 07:14:12
懶人兄

另一世界嘅嘢,有好多都未清楚,我覺得不由你干預、掌控,係果個世界嘅一種法則,所以我叫你善待動物,尤其救助動物,有時緣係好奇幻,行善會經過你想象不到的奇妙路徑,在你意想不到的地方結善果。只要誠心付出。
68. 引刀一快 2014-06-19 07:22:10
有D人,一世都唔會遇到,有D人會避都避唔開。
我以前有過好多經歷,好在返咗大陸讀書,同一大班同學住集體宿舍,陽氣夠,慢慢就少呢D事發生。

你前妻仙游咁耐,唔好刻意再去揾,一不小心招惹到其他嘅,會影響你家庭,呢個係忠告。

最好多做善事,會有奇妙嘅好事發生。
69. 蜕变中嘅懒人 2014-06-19 07:22:13
引兄信佛?講啲野咁玄。
70. 引刀一快 2014-06-19 07:53:11
我拜觀音、關帝

71. 自我陶醉 2014-06-19 08:07:14
To 59/F 引刀兄, 係呀, 我呢個唔黐家, 間唔中就會消失幾日。

To 懶人兄

我看過一本書, 說鬼其實係一啲人嘅殘餘腦電浪, 像一啲收音機電波一樣, 要相同或接近頻道嘅人先接收到, 大病去世嘅人, 腦電波都比較弱。  唔好信有人可以幫你見, 引刀兄說得對, 不要去找。 可能她現在已在某角落長得亭亭玉立了, 將悲傷化為祝福吧!

72. 引刀一快 2014-06-19 08:30:25
自我陶醉兄

今日李總理話明唔會硬着陸,要留意喇。
73. 自我陶醉 2014-06-19 08:43:46
引刀兄, 那你會入市嗎?
74. 蜕变中嘅懒人 2014-06-19 08:53:48
自醉兄,我都有諗過我個仔可能係Helen嘅轉世,要錫個仔多啲。
75. 自我陶醉 2014-06-19 09:11:59
懶人兄, 這的確是繼續gup住你嘅最好辦法,哈哈!
76. 引刀一快 2014-06-19 09:20:17
自我陶醉兄

我聴親呢D消息,基本上都係...........
我DA股可以放入樟木櫳.............
77. 引刀一快 2014-06-19 09:27:21
gup = 伋?
78. 自我陶醉 2014-06-19 09:38:12
引刀兄, 唔識寫gup, 仲以為 (目及) 但又搵唔到。A股買建行有得諗。
79. 引刀一快 2014-06-19 10:38:33
 昅jie就有,我都揾唔到 “目及”
80. To 79 2014-06-19 10:45:00
你要裝大字庫先得架.
81. 引刀一快 2014-06-19 11:00:57
建行?係咪架,係我就睇睇D权证。
82. 珍惜香港 2014-06-20 10:44:51
珍惜香港TO:54/F 引刀一快兄

我嘅定義,好清晰,閣下唔可以因為自己唔認同,就咁話人地錯嘅!

人類、社會、文明,從來都喺大自然嘅一部份。自然定律,支配地球,支配國家,深化至每一個個體,絕對唔喺硬套。我講嘅天,就即喺大自然,唔喺乜嘢神佛。而物競天擇嘅競爭規則,亦唔喺由我去定,唔好話乜嘢合我心意;我只喺講事實,唔喺要 SELL 啲乜乜或者乜乜果啲意識形態,千祈唔好誤會。你話,天,透過孔子教導我地每一個人平等嘅權利;我唔敢同孔子比,我只喺不自量力咁,去充當大自然嘅代言人啫。

,喺冇一個固定嘅定義。响自然界裡面,強者,即喺「適者」。本來,善於捕捉羚羊嘅獅子,就喺強者;但喺,當環境轉變,羚羊滅絕,獅子就唔可以只喺怨個天,點解唔俾佢地生存嘅機會。天,從來都冇絕人之路,羚羊滅絕,可以轉營去追鹿。為咗堅持追捕僅存嘅羚羊,爭扎求存,付出努力嘅獅子,固然值得尊敬;但到最後,真正嘅強者,正喺果啲放低執著,將捕捉羚羊嘅能力,轉化成捕捉鹿果啲成功轉營嘅獅子。

「目光遠大,能爲朝向目光所指而自律及奮鬥」,只喺閣下認為嘅強者,唔好將自己嘅定義,當做真理。呢種人,我都好尊敬,但喺尊敬還尊敬,如果故步自封,只為理想,唔識得去適應週遭變化嘅環境,咁我就認為,呢啲唔算喺強者。你講果啲風土嘢,當年亦紅極一時;果陣喺個大環境,而唔喺個政府,去容許呢啲模式嘅生存;唔好成日覺得啲嘢喺咁人為。隨著時代嘅變遷,人口嘅上升,好多嘢,制度化,規範化,企業化;擺街又拉又鎖,喺因為依家嘅營商環境,已經唔再容許呢種模式嘅生存,而唔喺政府要同邊個過唔去。

政府唔喺萬能,要支持一個行業,都要配合天時地利,大勢所趨。就好似矽港計劃咁,機會過咗,環境變咗,做乜都冇用,唔喺你可以點樣奮鬥,個時代巨輪就會俾面你,碌番轉頭。你講果啲風土嘢,如果要長期依賴政府先至可以生存嘅話,根本唔算喺乜嘢行業,極其量只能夠好有限,就當搞個博物館咁;要大行其道,已經喺過去式。你可能覺得,有好多人,唔喺唔努力爭扎求存,只不過喺條件唔好啫;真喺咁?

條件唔好,點解唔可以創造條件?我中學果陣,成績只喺一般,而我理想嘅專業,當時好紅,A LEVEL 成績唔夠 TOP,都唔使旨意入到大學讀呢門嘢。自己家貧,冇錢買書買電腦,就惟有靠個公共圖書館,單以書本嘅知識,再以書寫假扮電腦嘅運作去做程式設計,仲參加埋公開比賽。結果,我從 WAITING LIST 靠面試得到賞識,成功入讀呢門學科,同學嘩然!如果當時,我只喺埋怨自己條件唔好,成日問點解社會唔支持,學校唔俾機會,你估我嘅命運會喺點?

適應環境變化嘅能力,亦喺自力更生必要嘅條件。唔好問我,何謂劣者,費事你自己唔同意,就話我錯。我用呢個字,喺嚟自優勝劣敗,優存劣亡呢兩個詞,自己體會。不過我可以好肯定咁答你,驅蝗、反東北、佔中果班廢青,無論點樣定義,都喺劣者
83. 自我陶醉 2014-06-21 10:25:59
今天看到少年廚神的死訊, 又印證了博士話 “少年得志” 是一大憾事了。