地產博客 > 文亮言 返回
瀏覽人次:21826    回應:13
文亮言
真心真話但沒有說出真相
 
湯文亮博士
紀惠集團行政總裁
2019年4月17日

  有老友話我面皮幾呎厚,在過去幾年,每年對樓市都預測都是錯誤,到今天仍然發表預測樓市文章,但很奇怪,錯還錯,又有不少fans,老友唔明白,要預測樓市準確,可以話易如反掌,只要不斷轉軚,一定會準確無誤,不過,睇樓市評論文章的人要求較高,是否準確還在其次,最緊要評論是講出樓市真相。大家千祈唔好以為講出真相是很容易的事,而事實上要有莫大的勇氣。

  香港最近攞了一個不甚名譽的世界第一,就是樓價最貴,私人住宅平均936萬一個單位,大幅拖離第二位星架坡20%,這還未算,星架坡有大約85%住在政府組屋,只有15%住私人住宅,高樓價對基層市民影響不大,但在香港,有超過50%市民住在私人住宅,樓價高而令到生活艱苦的人說比星架坡多出以倍數計。這才是香港市民可悲之處,不過,有不少人沾沾自喜,認為高樓價反映香港價值,簡直是掩蓋了真相,高樓價只會令香港逐漸失去競爭力。

  願意預測樓市的評論員很多,願意講樓價點解咁高的評論員很少,就算他們願講,都只會將責任推給政府,由於政府供地不足,樓價便會上升,對於地產商持貨不賣則隻字不提,甚至認為政府推出新樓空置稅無助解決樓價上升的問題。至於高成數按揭,更加有評論話這是地產商賣樓的Gimmick,根本很少買家會採用,如此說話也可以講得出,真相又怎會出現。

  春節後,新樓盤銷售價量皆升,有人話這是大陽春而不是小陽春,但沒有人探討新樓價飆升理由,不過,這亦不需要探討,業界大多數都知道這是高回贈令到樓價上升,但沒有評論員說出真相,反而有評論員標榜自己真心真話,認為樓價在未來18個月有30%升幅,言下之意是叫大家去買樓,但升完又可以跌,他說得沒有錯,樓市一定是升完跌,跌完升,這代表什麼,究竟是否應該買樓,最後又還原基本步,叫大家量力而為。但點解唔解釋最近新樓盤樓價飆升是因為高回贈,如果撇除高回贈,樓價可能只是保持平穩,最多是微升,這些真相也不敢說出來,說甚麼真心真話,我雖然預測不準確,但夠膽講真話。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 林太 2019-04-17 09:43:54
汪生來來去去都係叫人買嘉湖山莊之類嘅舊樓,甚少提及新盤,去youtube search 下就可以證實,唔係我林太亂噏⋯⋯
2. 博粉 2019-04-17 10:42:48
香港樓價長升長有的格局未來二十年都難改,因為港人不同意增加供應,而政府也不敢動地霸的利益。大家要注意,777比689,多出來的票其實全部來自地產界及其同盟。

解決居住問題,要靠2047年後的一國一制。
3. 引刀一快 2019-04-17 11:03:54
以中長線作定位嘅預測,又點會夠“新聞報道”貼市呢,況且人家畀就畀真錢,跌就假跌。人地講嘅叫做廣東話,佢地講嘅就叫做“真話”,完全無敵狀態,依家仲有個唔睬人嘅世外高人助陣,真係魯振順加持!
4. 真真薯片 2019-04-17 12:01:54
隨住年紀越後越大,越來越覺得呢個世界冇對錯,亦冇真假,只有錢,權,利益

為左利益乜都可以講,有人信就係真,有權力講乜都係正確,博士冇同感嗎?
5. Spiderman 2019-04-17 12:10:42
完全同意湯博士 !
6. Spiderman 2019-04-17 12:14:31
完全同意湯博士 !
7. Spiderman 2019-04-17 12:15:56
同意
8. 有人信就係真 2019-04-17 12:29:22
片哥, 你老人家可能都知, 騙局的條款明碼實價, 但是仍然有人受騙, 只是選擇性失明而已, 同埋係當成群羊走埋去自我實現, 自己諗自己唔會係最後一個離開結果離唔開咁樣。
9. 十一哥 2019-04-17 12:50:21
對錯、要時空、身份、實力溝埋·…有埋結果…先可以界定、結果以夠唔夠氣定義、頂得到上岸結論就係…對、莫氣浸瓜上唔到岸就係…錯、最多嘢講嘅就係冇識游水嘅、成隻鶴咁企喺塘邊、見人攬住大魚上岸…酸酸咁…水中有鬼…會浸L死㗎。

10. 升升 2019-04-17 15:52:39
香港樓價高根本就不是新聞。香港樓價升多跌少,大漲小回已經是常態,也是常識,再嘈,條氣最唔順也無用。天要落雨,香港樓價要上升,是世上最無奈的兩件事。
11. 汪敦敬樓市價位平反案! 2019-04-17 17:23:17

汪敦敬樓市價位平反案!



16. 香港人的好消息 2019-04-18 02:38:17

观点地产网讯:4月17日,团结香港基金会举行记者会,发布第8份关于土地房屋的报告,分析指出,未来香港公私营房屋供应将面临断崖式下跌,三年内公屋平均轮候时间将突破六年大关,而2023年的私人住宅供应量,将较2018年大跌近四成。

团结香港基金现场指出,由于公私营房屋比例的调整,香港私人住宅年度供应目标已由每年1.8万个单位下调至1.35万个单位,此举将影响未来房屋供应。其估计,在2019至2023年的五年间,年均私人住宅落成量与此前预计的2.08万个单位相比,将下降11%至1.85万个。

同时,团结香港基金指出,在公营房屋供应上,预计未来四年间年均供应量为1.83个单位,远低于长策供应目标约42%。其推算,在此期间,香港公营房屋供应将累计短缺至少8.5万个单位,公私营房屋累计短缺将达9.9万个单位。

21. 收租王Tony 2019-04-21 09:36:25
冇見一排,文筆依舊,日日睇淡,自己重貨。。

跟住磚家搵食,佢睇錯食少餐鮑魚就ok,

你睇錯,屎都冇得食呀。。。

之前d好友都上晒岸,笑緊d硬粉仲討論緊幾時入市笑到標眼水。。。

仲跟?你仲有酬碼咩??😂