地產博客 > 文亮言 返回
瀏覽人次:135068    回應:136
文亮言

沒有沽空制度,樓市就不會下跌

 

湯文亮博士

紀惠集團行政總裁
2014年7月23日

  最近,不但樓市平靜,連股市都非常平靜,有樓的人收租,有股的人收息,唔知點解,大家都不熱衷買賣,在這種環境,其實大家都是在等待,無論在股市抑或樓市,如果急升十多個%,便會有很多人放售他們手上的股票或者物業,反過來說,急跌兩成,又會有很多人買股票或者買樓,究竟點解會出現這種情況,簡單地說,有樓有股票的人,如果沒有一定利潤,他們絕不會出售,有錢的人,如果樓宇,股票不是超值,他們又絕不會買,我唔知道這種情況要等幾耐,可能要等到一個新環境出現,樓市,股市才會出現變化,當然,人為的因素亦可以左右股市,樓市去向,這個因素叫「沽空」,不過,最後都是失敗居多,所以,現在股市都已經很少人玩沽空,我試過問曾經玩沽空的人,答案是千篇一律都是見過鬼仲唔怕黑。

  有人或者唔明白,股票就可以玩沽空,點解樓市又可以玩,任總一早已經講出答案,他說賣走自住樓的人其實就是沽空,我說一早其實就是太遲,如果任總在2008年金融海嘯,那些專家預測樓市大跌五成,甚至在政府出招的時候,說出賣自住樓即是沽空這個大道理,他日,任總要做特首就易如反掌,其實,任總亦相當保守,他見到政府出招,又真的有很多人聽從政府指示賣走自住樓,樓價不但不跌,甚至反升,之後,才說出這條大道理,不能說任總的警告來得遲,他亦知道,如果說得太早,樓價真的是因為政府出招而下跌三至四成,任總一生英名就此斷送,不但是任總,任何一個有知名度的人,若果沒有肯定答案,都不會將這條大道理說出來。

  其實,我又有一些奇怪,股票市場可以玩沽空,都不是太多人玩,點解樓市沒有這種制度,反而那麼多人賣走自住樓宇,玩沽空,這點,就是只有單一物業的人不小心,認為樓宇是屬於自已,就算賣樓亦不算是沽空,最後亦鑄成大錯,我當時雖然亦有撰文叫人唔好賣走自住樓宇,但我唔識得用「沽空」作為警告,所以,現在莫講話樓市不會大跌,因為沒有「沽空」這種制度,若果市民了解,賣自住樓就即是沽空,樓市都不會大跌。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 睇得通 2014-07-23 09:16:45

熱炒放水夜期續升 港股撲24000

市值破頂 炒人民銀行「放水」,港股終止三連跌,恒指飆升394點,帶動港股總市值再創歷史新高。

人行昨暫停正回購,加上4月向國開行「定向寬鬆」發放1萬億元人民幣曝光,市場憧憬「放水」陸續有來,刺激A股升1%,創個半月最大升幅。港股隨A股破位而上,恒指衝至23803點,創2013年12月初以來新高,收報23782點,漲394點,升幅是今年第三大;國指收報10605點,飆2.4%,是4個月來最大升幅。

總值升越24.71萬億

藍籌業績期將至,「聰明錢」早着先機集中追捧藍籌股,細價股亂舞多日後亦遭冷落。全日有55隻牛熊證被收回,其中46隻為恒指熊證,大市全日成交717億元,較周一急增67%。港股總市值昨創歷史新高,達24.713萬億元。

市場對恒指昨急升眾說紛紜,但普遍看好後市可上試24000關。敦沛證券副總裁李偉傑表示,投資者對即將公布業績的藍籌股期望高,加上熱錢續流入,「屠熊」行動及大行輪流唱好AH股也是原因,昨天恒指升勢由期指帶動,每個突破點均是期指先行,現貨跟隨,衍生工具活動令大市快上快落。

2. 亮劍 2014-07-23 09:20:42

有人或者唔明白,股票就可以玩沽空,點解樓市又可以玩-----

是否-----有人或者唔明白,股票就可以玩沽空,點解樓市又可以?

 

3. 睇得通 2014-07-23 09:31:47

沒有沽空制度,樓市就不會下跌????

財爺買樓要小心後遺症:

土地註冊處成交紀錄- 2009…..

.總計宗數: 133,962,金額(億元): 5,156.95. ().

二手住宅成交宗數: 102,298.

土地註冊處成交紀錄- 2010…..

.總計宗數: 162,739,金額(億元): 6,894.80 ().

二手住宅成交宗數: 123,995.

土地註冊處成交紀錄- 2011…..

.總計宗數: 108,814,金額(億元): 5,878.90 ().

二手住宅成交宗數: 75,195.

土地註冊處成交紀錄- 2012….

.總計宗數: 115,533,金額(億元): 6,539.58(億元).

二手住宅成交宗數: 70,183.

土地註冊處成交紀錄- 2013

.總計宗數: 70,503,金額(億元): 4,562.81(億元).

二手住宅成交宗數: 41,784.

2009年至2013年最少有30萬位精仔沽空房產等跌,…….等待良機回購買入???有一部份精仔已經回購…...

 

4. 不明白 2014-07-23 09:37:46
現在"大家都不熱衷買賣",是因為買唔到, 一來實在樓價太高,而且銀行不放寬物業貸款,點買 ?
5. 小子 2014-07-23 09:50:10
湯博士, 其實任總係第二次講了, 上一次在2011年5月. 2008年身在HKMA, 他也不應或不可說太多.

http://www.etnet.com.hk/www/tc/news/categorized_news_detail.php?category=economy&newsid=ETN210523522
金管局前總裁任志剛,日前以中國金融學會執行副會長身份出席金融論壇,評論香港樓市已
經不是香港700萬人的樓市,內地人來港買樓改變了本港樓市的供求結構,資產價格持續上升
乃無可避免。他反對限制內地人來港買樓,認為有違自由市場原則。
  任志剛指,很多內地人都想在香港置業,即使有十萬分之一內地人來港,樓市需求都會突然
變得很大。
  任志剛又以長、短及平盤形容買樓策略。「作為香港市民,千萬不要短盤,即沒有自己樓就
係短盤,有自己的樓就係平盤,投資物業去收租就係長盤。我只係講一樣,做短盤的風險的確好
大。」他認為起碼也應該要維持平盤,持有物業。《香港經濟日報》
6. 2014-07-23 10:01:34
to 2/F 亮劍

博士的意思應該是: "股票就可以玩沽空, 明明樓市無沽空的制度, 點解又可以玩沽空".

7. 亮劍 2014-07-23 10:07:46
博士的意思應該是: "股票就可以玩沽空, 明明樓市無沽空的制度, 點解又可以玩沽空".

對!小弟愚昧-----
8. 2014-07-23 10:32:21
亮劍兄學識廣博思路清晰, 小弟經常從你身上學到好多野就真~
9. 無名 2014-07-23 10:41:49
樓市是貨幣的一種, 如果港元或在掛勾的美元大升, 或者加息, 樓價就可以下跌了. 美國及香港的貨幣政策和香港不夠完善的稅基是高地價的主因.
10. 自我陶醉 2014-07-23 10:50:45
人天生出嚟本來就一無所有。 如果沽自住樓係沽空, 只租不買又是不是沽空? 如果我只買米不種米又是否沽空白米呢?
11. 中女社社長 2014-07-23 10:54:50
其實樓是有沽空.
如無居住需要, 跟家人同住, 即你不是市場參與者.
如有居住需要, 需要為住屋而付出金錢, 你已經是市場參與者.


12. Alan Pepper 2014-07-23 11:24:16
To 10: I can't help myself but to respond :p

You're confused, we also don't build property, only rent or buy. 

Secondly. You cannot rent rice. You can only buy and consume. 

Thirdly. Rice is consumable, property is asset. 

There isn't a proper analogy to property actually. Where will you find an asset that has a long useful life of 50+ years with annual yield and  residual value higher than purchased price over 50 years? If there is one please tell me I'll buy immediately. 
13. heidi 2014-07-23 11:24:16
如果早D知道“賣自住樓就即是沽空”的道理,我點都唔會賣樓!

不過,我老公喺屋村長大的7、80後,對配套齊備的新樓真的很嚮往!所以當年上車時,同一筆錢唔會買實用率高而樓齡20年以上的,只要又新又有配套會所但實用率低的新盤。到生仔後就發現唔夠住,又聽山埃貼士說樓價會跌,就賣了等機會買大D!

我地唔貪心,最多是上班吞下卜、扮忙、幫細路做下portfolio、下班準時走、一個月羅一日病假甘上下!

現在上車遙遙無期,唯有一味幫業主供樓!越租越細,等於我賣走果間!有早知,無黑衣!
14. 不明白 2014-07-23 11:46:05

To : 13/F

I expressed my sorrow at yr situation......

15. 自我陶醉 2014-07-23 12:04:02
Alan,

I have a different view on your comments.  

1. If I buy rice to consume, rice is consumable. If I rent an apartment, it is also consumable. In other words, if I pay one month rental, I can consume the property for one month. What is no difference between buying rice to consume for a month and paying one month rental?

2. If I buy a property, it is my asset. If I am a farmer or rice dealer, rice is then my asset.

Whether it can last for 50 years, 5 years, 5 months or even 5 minutes, it relates to the nature of the individual commodity itself. Gold can last forever doesn't mean it doesn't belong to any commodity class. Right?

16. 自尉陶醉 2014-07-23 12:04:57
人天生出來本來就一冇所有?
唔著衫等於沽空?我鍾意唔著衫裸跑,你吹咩?我日日出街裸跑。
唔娶妻只打手槍等於沽空?娶錯妻風險好大,我寧願打手槍,你又吹呀?
17. 自我陶醉 2014-07-23 12:16:12
16/F

You are such a loser!  With your EQ level, I can imagine how "successful" you are and how far you can go.  Haha!
18. 蜕变中嘅懒人 2014-07-23 12:28:23

懶人係任志剛先生嘅忠實fans,對偶像嘅一言一行奉若神明,因懶人係經濟學儍瓜,買咗部"居安思危"以龟速刨,因對懶人而言係字字珠璣。

懶人又係湯博士嘅忠實fans,對湯博士每日發表嘅文章,必讀而後安心絕少反駁,希望湯博士大作早日面世,懶人有得睇時湯博士又可以正常每日两篇,雙重得益。

两位偶像同時同意以賣自住樓比喻沽空,懶人今次就想直說有啲唔妥,若一定每日都須要用嘅東西因唔長期擁有就叫沽空、唔可以穩妥安心地做人,咁就正如自我陶醉兄話:難道唔屯米足一世半世用都算沽空?唔造番個儲水池每日交水費又係沽空?每日都須要用嘅東西何其多,如何先可以做得到唔沽空保安全?何況通常要唔沽空任何一樣必须品,通常都價值不菲,難以做到。

再講,如果因沽空一樣必须品只要付岀雞粹代價,根本不值得因而去做長倉、同用個咁專業學名套上去呢個動作;但只係因買自住樓有多種好處:1.長遠升值係歷史歷驗。2.無須每月交租。3.無须频频被搬屋。4.有自住樓有歸屬安穩感覺。5.身為業主自豪........等。

正因有自住樓平均而言,比無自住樓著數而又價值不菲,隨時因而影响一生際遇,故此用個嚇人專業名詞套上去,確係可以彰顯其重要性,但係真係有啲唔妥兼犯駁。

懶人都係認同湯博士嘅講法,簡單、直接、易明、唔犯駁:如無必須,千祈唔好賣走自住樓。

19. lga908 2014-07-23 12:42:17
博士講得好!

空即是沽  沽即是空  淘盡多少叻仔...

20. 順民 2014-07-23 12:51:19
自醉,在你的思維角度而言,你純粹將樓及白米視作為生活必需品同等看待,所以混淆了consume及asset這兩概念,因兩者都是生活必需品,所以並無分別。但實際上樓除了居住功能之外還有其保值和增值的作用。白米是消耗品,它的儲存期受限制。但樓不同,它不是消耗品,儲存期亦沒限制。這就是兩者最大的分別吧。
21. 蜕变中嘅懒人 2014-07-23 12:53:13

TO 17樓 自我陶醉兄

無意義者無須回應,忘記它、算了吧!每日須面對心煩事者何其多,何必再添煩添乱,影响愉快心情,對嗎?

22. 亮劍 2014-07-23 13:11:21

自我陶醉兄----

 

1. 超級跑車---炫耀自用保值
2.
陳年紅酒---自用保值
3.
極罕有錯版郵票<全國山河一片紅>---炫耀保值
4.
清末圓明園十二生肖銅獸首---炫耀保值做人情
5.
黃金---炫耀自用保值
6.
奢侈品---炫耀自用保值

7. 股票---收息保值
8.
債券---收息保值

9. 樓宇---自用收息保值三合一,極端稀有的豪宅還可以作炫耀工具

10 衍生工具---係賭博啫

 

現在請問你,世界上有邊啲奢侈品,可一炮過作人百幾二百萬,幾千萬甚至十億八億?而且佢還可陸續有來,長玩長有呢?

想起來唯有某些地區嘅房地產能做得到!

客觀來講,你香港作為大陸同胞其中一個資金落腳點,我們應該大叫執倒,你 CY 仲唔打蛇隨棍上,幫助庫房搵翻一大筆--------真不該!

可能有人話:

香港無地起樓喎⋯⋯每次去機場及落馬洲,只要你見識下沿途十分八分鐘荒蕪景像,你就會少爆呢個特衰正苦攪乜傢伙,剩呢兩度都可以起你幾拾萬個單位,咁有啲公屋居屋,一半起私楼,得唔得呀!

無工人去起樓呀⋯⋯建築工人唔夠,咪揾外勞囉,新加坡同澳門咪又係咁大興土木!

會做成貧富懸殊⋯⋯強國人來買靚樓,點都要跌啲出來,咁政府咪有錢起公屋、攪基建、建醫院去製造就業,扶助貧困人仕囉!

炒熱二手樓樓價⋯⋯你驚同胞及公司客搶高D樓價,那麼可規定佢哋只能買嗰啲幾千萬未開頭嘅靚嘢啫,那你政府齋係坐喺度抽佢哋水,都抽到你嘔啦,呢啲就係「劫富濟貧」,請問咁係咪正路先?

23. 小陽 2014-07-23 13:11:25


My thought is as followed :

Rice is your CURRENT asset but it is perishable , You cannot own it forever .

You have to sell it within a period of time , otherwise it becomes zero value .

 

 

Property is your FIXED asset and it can generate income without selling it .

Property is depreciated every year , It t will turn to zero after 100 yrs ( assume no maintenance ) .

However , you own the land forever . Land cannot turn to zero value under the capital economy .

24. 自我陶醉 2014-07-23 13:15:10
懶人兄, 

去完旅行必定精神煥發, 很高興又見番懶人兄返嚟, 昨日珍惜兄和懶人兄反佔中分析說得精彩。 的而且確, 無聊的人確實可以不理。

順民兄,

我記得從第一天起已和各位辯論樓是投資品還是消費品, 順民兄認為小弟15樓的說法成立嗎?
25. 蜕变中嘅懒人 2014-07-23 13:31:31

懶人要做立法局議員,做立法局議員可以做戲、可以用野掟人、可以收十幾萬月薪、重可以收天文數字黑捐款。

我要做立法局議員,我要收黑捐款!我要錢、錢、錢!我要貪過貪曾、我當亷記absent,我要有口話人無口話自己,我要面皮3呎厚!

收肥佬黑捐款眾人------孝悌忠信禮義:無亷記無恥者;123456:正7人正忘8。

26. 大寶二寶 2014-07-23 13:37:34
回24 自醉兄

物业对於业主而言係投資產品, 因佢會帶來 capital gain/loss。 相对租客而言, 升跌同佢冇関, 佢每月剩交租, 所以对於租客黎講就係consumable product。

我猜任總勿沽空樓市嘅意思係吾好沽左自住楼搏跌, 即係[由有變冇]。 而租客本身從來都冇資產, 何來沽空? 何来從[由有變冇]?

共勉之, 哈哈!
27. 大寶二寶 2014-07-23 13:49:32
回25 懶兄

懶兄做咩咁激動呀? 吾似平時嘅你喎。政治嘅嘢從來都係咁㗎啦! 話吾定遲D仲有D仲勁嘅料爆呀!

共勉之, 哈哈!
28. 亮劍 2014-07-23 14:16:42
呢26个月開售的一手盤,如果单計过百伙的項目,除了城中滙、昇薈、白石角天賦海湾及逸龍湾係同政府投來發展之外,其他绝大部份都是由舊楼重建、MTR項目與農地或廠地更改土地用途得來的。
但以上呢三种土地供應渠道,在呢26个月已大減!
29. 肥婆四 2014-07-23 14:21:18
任總話無自置物業算沽空,真係講得通,沽空可以是自己沽空,亦可以是被沽空,魔鬼就出在貨幣供應上,大家都知貨幣供應增長快過一般人工的增長,貨幣量大左就浮起資產,咁計起黎,本來我出左半斤力係可以換返八兩,但呢八兩已經買唔返之前八兩的資產,在環境上就同沽空左又逢價格上升效果一樣。算唔算數就是損失左,相反如果價格下跌,你又去買,咁環境咪好似沽空左平倉咁囉。任總叫唔好沽空,博士叫唔賣自住樓,我理解都係安全第一,此因沽空風險無限大!
30. 小子 2014-07-23 14:32:43
大家諗多左.

任總用沽空做例子, 唔係話樓宇同股票一樣.

佢係想講

沽空俾人夾時會死得好慘! 焗交租, 交貴租!

當然長倉係跌市時一樣衰, 仲做埋摃捍(按揭), 但長倉現在已經好穩陣, 衰程度一定比短倉低.

依個係焗玩遊戲, 唔通真係要訓街? 自己衡量下
31. 肥婆四 2014-07-23 15:03:36
TO27大寳二寳君
你唔記懶兄去旅行前話過,薺睇韓女呀,咁返到黎係咁上下咖喇。
32. 自我陶醉 2014-07-23 15:30:47
大家先唔好誤會我係叫人賣自住樓, 我只係唔同意賣自住樓等於沽空呢個講法啫, 其實26樓孖寶兄說出了重點, 就係有貨定冇貨, 沽空涉及:
1. 從有貨人借貨
2. 回補空倉

賣自住樓其一是 自己先要有貨, 跟本無借貨, 除非你個衰仔要賣咗阿媽層樓炒; 其二, 如果你冇興趣回補, 呢世都可以不持貨, 如果將來經濟能力有問題, 政府仲可以安排間工屋畀佢, 試問你沽空咩嘢可以一世唔洗平倉? 

問題係你賣自住樓, 回報係咪可以跑贏租金同埋通脹先, 如果可以當然你有選擇權喇, 如果唔係或者冇信心, 只係等運到嘅話, 就梗係唔賣喇! 老實講, 如果唔係搬屋麻煩, 我都會考慮賣。


33. 自插陶醉 2014-07-23 15:45:43
我係冇料偏要扮代表,唔係點突出我自己?講有料我又唔夠你地黎,唯有死撐死咬。逢有錢過我嘅人講嘅都係錯的,逢叻過我講嘅又係錯的,鬼叫你地叻過我又有錢過我?係你地有問題唔係我有問題。
34. 自毀陶醉 2014-07-23 15:51:52
人地又窮又冇樓又冇腦,一d自信心都冇,只係想喺呢度引人注意下,等人地知道我存在,攞返d自信啫,咁都唔成全下人地,你地好衰嫁。
35. 自我陶醉 2014-07-23 16:03:51
亮劍兄,

1. “現在請問你,世界上有邊啲奢侈品,可一炮過作人百幾二百萬,幾千萬甚至十億八億?”
古董同藝術品都得, 但市場細。

2. "規定佢哋只能買嗰啲幾千萬未開頭嘅靚嘢啫,那你政府齋係坐喺度抽佢哋水"
理論上得, 實際上唔得, 因為賺咗錢嘅人啲錢會向下流, 連次等樓都炒上去等啲有錢到傻嘅大陸佬買。

36. 自我陶醉 2014-07-23 16:13:46
小陽,

我了解, 我哋買嘅只係地上面嗰層樓, 唔係地喎, 實際上業主只係有使用權而非擁有權。 

37. 有殻蝸牛 2014-07-23 16:15:39
自我陶醉兄&懶人兄

個人認為,股票同樓嘅基本需要量唔同。

股票唔係必須品,基本需要持有0股,不會消耗,手持多於零股即係有貨,沽空即手持負數量股份。

物業既係必須品亦係投資產品,第一個物業係必需品唔係貨。每個家庭基本需要1個單位(唔係0個單位),手持多於一個單位即投資(有貨),擁有自住物業(平倉)唔算有「貨」,手持少於1個即係類似沽空。租樓即係從有貨人(業主)借貨(居住)後回補空倉(交租),分別係你可以分期月供同所借嘅貨會隨時間被消耗。

食物雖然係必須品,但係只可以消耗,基本需要持有嘅量永遠係0。

政府俾間屋市民住唔係市民唔需要居住,佢依然借貨,只係納稅人幫忙回補空倉
38. 蜕变中嘅懒人 2014-07-23 16:16:34

TO 27樓大寶二寶兄  31樓肥婆四兄

懶人去韓國旅行5日得個慘字,點慘?

1.晚機去晚機返,無得瞓,上晒火。2.韓國野唔好食,懶人係為食豬,無啖好食一肚火。3.街頭多靚女,可以唔睇當係無嚟,最攞命係個領隊同導游都好鬼死靚女,身材仲!!!!!,老婆喺隔籬唔敢口花花,火上沖。4.臨出機場衝壞隻腳岀晒血,要坐輪椅岀香港機場搭的士返屋企,全身着火。兄台,你話慘唔慘?所以喺度寫啲激野岀吓火,再飲番啲涼茶下吓火,過2日隻脚唔痛至去反佔中投埋票,就應該無晒火,多謝關心。

39. 亮劍 2014-07-23 16:18:50

70 年代初, 香港唔少新樓都係大約做緊 5-6 萬一間, 要是果陣你有首期又有供款能力的話, 但走去租而唔買, 咁有如沽空香港樓市, 而後果如何? 請從點沽空股票開始

沽空簡單來說是借貨沽出,沽空有合法,有非化,現只介紹合法的。

沽空的過程分為三個部份:

借貨 沽空  還貨。

借貨:

合法估空不是所有股票都可以沽,只限制於一些流通量大的股票,現時合法沽空的股票有下列公司

長江實業、九龍倉集團、匯豐控股、恆基地產、和記黃埔、新鴻基地產、新世界發展、會德豐、信和置業、國泰航空、香港中旅、思捷環球、上海實業控股、中國石油化工股份、香港交易所、中國電信、中國石油股份、中芯國際、重慶鋼鐵股份、華晨中國、中銀香港、中國鋁業、中國人壽、盈富基金、恆生HETF

一般證券行都有做沽空的買賣(銀行則不知有沒有),一般證券行都有大量這些股票,所以當你要沽空時,他們可以借給你賣出。

沽空:

同賣出股票一樣,你照掛賣盤賣出股票。(只不過你是借人的貨賣出)

還貨:

你可以隨時在市場隨時購回股票。便可以還貨了。但借貨要交按金,若按金比率低至一定值時,證券行會要求你加保證金,若你無錢補加保證金,證券行有權用你的保證金在市場替你買回股票而還貨。

保證金:

你以你沽出股票市價的125%

例如你沽空100股恒生,股價為100元,保證金便為 100x100x125% = 12500

但因為你賣出100股恒生應收10000(未計手續費),所以你沽空沒有錢收,還要補2500元的保證金。

保證金的維持:

當你保持沽空時,你的按金要維持不低於股票市價的115%

例如恒生股價升至108.70你的保證金百分率變為

12500 / 100x108.7 = 115%

(恒生高於這價,你便要加保證金,反之便不需加),保證金要加至股票現價的125%,即恒生現價為110元,你便要補

110x100x125% - 12500 = 1250元。

若股票下跌你可以要求退回部份按金。(如恒生跌至90)你可以要求退

12500 – 90x100x125% = 1250

公司派送:

因為沽空是借別人(被借貨的人不知自己的股票被證券行借出)的貨,給你賣出,所以當公司派息或送紅股時,你是要負責付出,若恒生派1元息,你沽出100股,你便要付1x100元股息給原有股東,股送十送一,完成後你便變成欠了100x1.1=110股,而其他如供股、送認股證計法會更複雜,但全由你負責。

收費(資料來自輝立)

正常股票買賣的費用。

首次稅局登記費 ($300,一次性)

半年行政費 ($100如在該半年有借貨:1月至6月底,7月至12月底)

借貨財務費用 (根據借貨值和當時協定利率計算並設有最低金額,現時利率為P+3%,最低金額視乎不同股票而定,最低可至HKD$200)

沽空的風險很大,買入股票最多公司清盤,你損100%的資金,但沽公可以無限,因股票可以上升無限的。所以沽空要小心點。(我本人未試過)

參考資料 部份資料來自輝立

 

沽空樓市的你請注意以下事項:----

1理論上淡倉被夾, 升幅可以係無限, 例如香港最近呢四五十年, 樓價就算計賬面, 亦可升成幾拾甚至成百倍.

2如果計算有誤, 淡友好多時要在你唔合心水既位果陣, 被迫平淡倉, 但持倉者如果借貸唔重, 槓桿唔大, 大丈夫話唔出就唔出.

3大市要是牛皮, 持貨者可有租金收入幫補以戰養戰, 但沽空者就要不停俾租.

4沽空樓市要速戰速決, 不能磨爛蓆乃常識, 但持有物業者就可運用短中長棍, 而且自用或收租亦可.

40. 麗娜 2014-07-23 16:19:33
“若果市民了解,賣自住樓就即是沽空,樓市都不會大跌。”
同意博士。
16樓笑死我了。
為什麼有人不明白這道理呢?
不明白的人,以為沒有樓就是in 0 position 嗎?沒有起碼一棟自住樓,是 in -1 position。 所以博士將此-1position 比喻為沽空的negative position。

41. 未富先嬌 2014-07-23 16:21:24
澳門是世界級賭場 , 香港又何嘗不是世界級股樓賭場?澳門政府懂得養賭益民 , 實事求是 , 香港政府卻拒賭削民 , 自圓其說 , 裏外不是人 ,兩者高下立見 .
42. 有殻蝸牛 2014-07-23 16:23:06
懶人兄保重身體
43. 蜕变中嘅懒人 2014-07-23 16:31:55

TO 37樓 有殼蝸牛兄

兄台分析完全可接受,懶人只係覺得用沽空、平倉、長倉嚟形容有無或買賣自住樓,唔貼切同引起好多反駁言論,懶人都係認同湯博士嘅講法,簡單、直接、易明、唔犯駁:如無必須,千祈唔好賣走自住樓;至於其他有關投資諗法,懶人覺得各有道理,只要時機對就會啱,否則就錯,好簡單,兄台明鑒。

44. 惜緣 2014-07-23 16:48:44
To 38樓 懶人兄,
唔見幾日兄台的回應,真係如隔幾個春秋。
明明係同一句說話,兄台可以講得那麼風趣、幽默,俾在下講就枯燥、無味,在下建議兄台開一個書寫演講幽默訓練班,在下第一個報名,不過,兄台要收順啲(學費),話晒大家都相識一場(雖然還未見過面)。
45. 師nine 2014-07-23 16:49:39
咁多位不同R姓氏既陶醉兄,你地發表既內容和意見,我看得非常陶醉!!
46. 蜕变中嘅懒人 2014-07-23 17:05:22

TO 44樓 惜緣兄

兄台有命,懶人馬上去search吓有無呢類書寫演講幽默訓練班,有就即刻報讀,讀完即刻依樣畫葫蘆傳授俾惜緣兄,老友鬼鬼學費全免,私人醒,不過呢類課程應該好難揾。


47. To 12/f 2014-07-23 17:05:49
The answer is MY WIFE. Just for laugh!! Ha Ha!! I guess the other answer is MY HUSBAND!
48. 自我陶醉 2014-07-23 17:11:33
To 有殻蝸牛兄

自醉明白有殻蝸牛兄嘅觀點, 但同一邏輯也可用在糧食啊!

基本食物係必需品。 每個人每餐基本需要1個單位(唔係0個單位),手持多於一個單位即儲糧(有貨), 只擁有自給自足能力(平倉)唔算有「儲糧」, 手持少於1個即係類似沽空。 買糧即係從有糧人(農民或米商)借貨(食用)後付空倉代價(買糧開支), 分別係你可以分期耕作同所借嘅貨會隨時間被消耗。

49. 順民 2014-07-23 17:15:50
自醉兄,你的講法算係成立呱,我都唔敢太肯定。即係假如我係租客,同個業主簽咗十年約,亦預繳了十年租金,咁我就擁有了十年的住屋consume,十年內都唔使怕怕。但我天生愚笨,無辦法理解你的價值觀。我等凡人只重視於能擁有(佔有)一件物件來衡量其價值,但你卻與眾不同,你只重視於一件物件的本身價值和使用價值,你真是一個超凡脫俗的高人。無錯,黃金在永久將來都有其本身價值,但關鍵是,這塊黃金是屬於你的還是我的呢?
50. Short or Long 2014-07-23 17:18:58
It seems we should verify whether owning a place to live is a 
necessity. All the arguments are based on this assumption.
51. 惜緣 2014-07-23 17:28:41
To 46樓 懶人兄,
多謝兄台先,祝兄台的脚盡快好番,唔好再諗韓妹啦,好多都係僭建、呃人噶。
52. 自我陶醉 2014-07-23 17:30:16
順民兄在嘲笑小弟, 如果小弟賺了三斤黃金, 付一斤予順民兄作租金, 何樂而不為! 我還記得順民兄是個好業主呢!

53. (CC) 2014-07-23 18:24:08

TO :15/F

Rice is not your asset, it's your product for selling / trading.

Buing property is your fixed asset.

 

 

54. 有殻蝸牛 2014-07-23 20:16:39
自醉兄:

愚見認為,糧食同房屋嘅主要分別係流通性,納稅人預先透過政府為全民購買左「穩定嘅食物供應鏈」呢個必須持有1個單位嘅必須品,而且食物價格肯定係大家可以負擔嘅,所以必須儲存嘅食物量係0

相反,樓唔係人人買得起,供應唔係隨意可以增加滿足需求,賣樓所得嘅錢亦唔係必然買得返另一個單位,所以必須持有量係1,否則就如40/F所講,喺negative position。

其實沽空無貶意嘅,沽空都可以賺錢㗎。
55. 引刀一快 2014-07-23 20:37:45
To 16樓

你娶妻又真係風險大,我早就話過你呢種人唔得女人鐘意,娶咗返嚟先發現佢偷偷寫“查太萊夫人續集”,你就唔係沽空咁簡單。
就你狀况,恐怕娶妻同打手槍都一樣,得你一個有X潮啫。
56. 引刀一快 2014-07-23 20:44:31
To 40樓 麗娜

如果冇自住物業係  in -1 position,咁香港政府真係要打樓價打到冇人瞓街先得。
衣食住行,邊様唔係??
57. 引刀一快 2014-07-23 21:00:51

To 39樓 亮劍兄

當年羅素街拆街市,樓下街鋪係200萬一間!買咗係咪發呢?

不過,當時如果攞200萬嚟創業,或者依傢做咗玩具大王二號,一間羅素街嘅舖又算係乜? 


58. 引刀一快 2014-07-23 21:10:30

To 43樓 懶人兄

我番貼前一排同小陽講嘅嘢。


小陽姐姐


我講緊嘅,其實係“機遇”,幾年前我聽咗幾個我覺得好瞭解市場嘅人,包括我老婆嘅意見,忍手冇買屋,同一時間我有個朋友上車,我當然同佢講要小心樓價會跌。
到咗今日,佢係喺港樓賺咗,而我好清楚大陸好快要冧,梗係叫佢賣喇。
佢第一次冇聽我講,所以買咗兼帳面賺咗百零個,呢個就係佢嘅“機遇”,因爲樓價已經升咗,能唔能够捕捉固化呢次機遇,就睇兩樣嘢:
1,佢聽唔聽我講賣樓
2,係咪真係會跌?等幾耐?


呢種機遇,小陽姐姐妳唔會稀罕嘅,因爲唔駛搞咁多嘢妳都有錢磧袋,但係好多人,特別係窮到怕,一步一步爬上嚟嘅人,呢種機遇,意義非凡!
唔在于呢個人有幾叻,在于佢嘅人生同佢嘅家庭,有幾需要。

59. 引刀一快 2014-07-23 21:13:30
懶人兄你大把,梗係唔會睇上小小嘅“機遇”喇。
60. 引刀一快 2014-07-23 21:24:39
To 25樓 懶人兄

換一種心情去睇,掟嘢果班哥哥,其實都有貢獻,你睇睇臺灣民進黨以前幾搞嘢,依傢臺灣反服貿嘅行動,香港班友仔做嘢,咪當係一場神功戲囉,要嘅要嘅。
61. 引刀一快 2014-07-23 21:54:51
順民兄

黃金嘅價值,多少係來自歷史原因,由于黃金嘅化學穩定性,佢係少數可以以原態存在于大自然嘅金屬,而極佳嘅延展性,有利于加工。 古時嘅人冇技術,金就係好重要嘅可利用材料。
他日,若果黃金可以以低成本生成,冇地域限制同技術門檻過低的話,佢就會完成歷史任務,如果呢個進程過快,政府會出問題,金融市場會大亂。
所以,連金都唔可以話永久,樓都係比較經得起時間而已。
62. 蜕变中嘅懒人 2014-07-23 21:55:39
TO 引刀一快兄
引兄,你好。
一個人有運氣遇到適合自己嘅時機,可以顺風顺水大展鴻圖抱負,就係兄台指嘅"機遇",懒人微不足道固然極之渴望常有"機遇",成功如李超人都時常提及於全世界尋找"機遇",懒人04年有幸緊抓"機遇"不放,賺到一桶金,如今仍虎視眈眈期望另一次"機遇",引兄笑懒人富有同唔稀罕再有"機遇",其實係罕有嘅誤會。

引兄,新聞報導大陸經濟有向好瞄頭,對樓市有放寬動作,股市己率先有反應,引兄點睇大陸及香港樓市、股市走勢呢?互相交流吓最新形勢等懶人參考吓,再戰江湖,謝謝。
63. 自我陶醉 2014-07-23 21:58:09
To 有殻蝸牛兄

小弟覺得 “穩定嘅食物供應鏈” 同 “公屋要納稅人幫忙回補空倉” 其實係同一道理, 因為食住同樣係生活必須品, 如果租金升至大多數人無法支持, 政府也不可能坐視不理, 近年的打樓及租管的壓力便是來自便是由於樓價和租金升幅大大超出經濟和生產力增長所做成, 當然, 我也同意如無必要是不該沽自住樓的。

64. 珍惜香港 2014-07-23 22:03:25
珍惜香港TO:38/F 蜕变中嘅懒人

嘩!乜搞到要座輪椅咁大鑊呀!懒人兄,多多保重!

講開任志剛,可惜唔知佢有簽名會,唔喺一定會去排囉!大家有耐性嘅話,就睇下呢段片啦!

任志剛談金融

65. 大寶二寶 2014-07-23 22:20:56
回38 懶人兄

早排吾得閒上網, 原來懶兄去完韓國嘆世界。如果知比定D貼士你。我早前也去過, 搭零晨二点幾机去返黎午夜十二点, 返到屋企兩点幾。 怕怕。 可能我D吾係富貴團, 餐餐滚褒猪肉送飯。 即刻好懷念港式韓燒。我又吾食3辣招, 更加冇嘢好食, 又怕怕。 話過以後吾去。

不過你就好過我, 我個導遊同領隊冇懶兄D咁......... 所以我冇你咁多火。

在此祝懒兄早曰康復, 早曰降火。

共勉之, 哈哈!
66. 引刀一快 2014-07-23 22:34:11
懶人兄

向好瞄頭係每年嘅年初二煙花滙縯,你明架喇,對樓市放寬即係救市,主要係為下跌降速,所謂向好,我真係暫時睇唔出。
用個核突D嘅比喻,一個人有便意,突然又好似有所緩解,急番,又死忍,成功頂咗一個下午,咁又點?我就唔信佢食多兩餐飯都唔駛去厠所,真係頂到一個星期嘅話,係便秘,分分鐘腸道壞死,要開刀。呢D情况,一係肚凸一係食得少咗,一定係有副作用産生嘅。

至于機遇,窮人第一桶金,同懶人兄再攞多桶金,差異不言而喻,一百萬已經唔係懶人兄會流口水嘅價碼,你有冇諗過你所有舉措嘅非金錢成本其實比一個未有底氣嘅新投資者要高得多,簡單嚟講,係一個已經上岸,考慮要唔要再落氺捉魚嘅人,同一個坐喺舢舨未有漁獲做晚餐嘅人。前者叫後者唔好落氺免生意外,係好意,不過冇考慮到後者幾時可以上岸嘅問題。
67. 引刀一快 2014-07-23 22:42:05
懶人兄

衝壞隻腳岀晒血,發生咩事?冇事挂?
68. Oscar Lam 2014-07-23 22:49:22
懶人兄,
保重身體啊!腳好翻後記得第一時間全家總動員去簽名反占中。哈哈!
69. 蜕变中嘅懒人 2014-07-23 23:24:47

好多謝各位網友:大寶二寶兄,引刀一快兄,珍惜香港兄,惜缘兄,有殼蝸牛兄,自我陶醉兄,肥婆四兄關心,懶人臨岀首爾仁川機場返港前,自由逛街上隧道樓梯時,因着涼鞋跣腳,俾级口鋼版割到脚指公底一塊肉,血流如注,眾人大驚,好在懶人有急救常識,即時馬上用膠布紥緊止血,到機場時再消毒包紮,到香港機場時為免行傷,领隊安排輪椅送岀機場搭的士回家,如無發炎,3至4日就埋口好番,行得走得,小事一宗,再次多謝各位關心。

多謝珍惜香港兄分享任總偶像談經濟youtube,片好長,睇咗一半,一陣間再睇,精彩。

70. 自我陶醉 2014-07-23 23:36:49
希望懶人兄早日康復, 健步如飛!
71. 蜕变中嘅懒人 2014-07-23 23:39:04

TO Oscar Lam兄。

多謝關心,一定遵命去支持反佔中,盡香港市民責任,老婆會同行,但個仔話佔中一定唔去,之前佢暗示可能去參加佔中,嚇到我三魂唔見咗七魄,而家俾我講服咗真係放心晒,但簽名就唔應承實我,懶人都諒解佢啲同學仔好多倾向贊成佔中,點都要朋輩認同埋堆,明白嘅。

72. CH 2014-07-23 23:47:46
大0樂了呢次,我簽完名諗住叫我屋企人去簽,點知我細佬話考慮去佔中,成三章野啦,揾啲咁嘅野玩,我又唔敢講太多驚倒反轉刺激佢,希望佢唔好黎真。我而家先發現原來佢有啲咁嘅反社會傾向,我太大意!
73. 蜕变中嘅懒人 2014-07-24 00:04:14

TO 72 CH兄

懶人有呼籲反佔中者除咗自己簽名支持外,仲要留意並勸導中學年齡子女免陷險境,CH兄細佬呢單野,懶人諗要由兄台弟婦同佢家人(if any)勸止至掂,但係如果佢成家人都係咁諗就神仙都難變囉,唉,真係頭痛兼攞命!

74. 引刀一快 2014-07-24 00:47:40
嗱嗱聲搞個家族旅行,返到嚟都完事了,乜事都冇。
75. 阿Q 2014-07-24 02:35:45
佔中令邊個最頭痛,此刻應該是美國。
上海福喜事件表面像中國黑心食品問題,但細看,是有意味的,福喜是美資公司,拖累著一大堆美資快餐店,中國手握主導權,爆幾多,爆幾深,就要看美國收不收斂。
76. 引刀一快 2014-07-24 06:17:28
美國唔會收斂,奧巴馬好賴皮,最慘係大陸人見慣地溝油,過期食品算上品喇。
77. 引刀一快 2014-07-24 06:20:34
單嘢一過氣,美國就繼續玩。
78. Oscar Lam 2014-07-24 07:00:03
同意引刀兄,
過期食物在中國來說,小事一件,很快忘記。
79. Oscar Lam 2014-07-24 07:13:04
懶人兄、CH 兄,
聽二位的經驗再加上身邊的朋友,支持占中的人數相信不在少數,其中有不少是年輕人。年輕人有主見,有自己的價值觀,他們追求的不一定是和平、穩定和經濟發展。台灣的反服貿亦是如此,真的頭痕!
80. 蜕变中嘅懒人 2014-07-24 07:57:30
各位網友早上好。
今天香港這麽多受過高深教育嘅學者、學生、宗教人士有抗中央、同意佔中傾向,係始自回歸大勢確定後,外國勢力己先滲透香港宗教、教育界植根反中思想,因為妨效曰本,由小朋友受教育開始培植愛外國式民主、反共思想,並由此可向上影响其父母,到今曰就有大量易受煽動反中央嘅年青生力軍可供利用,包括懶人個仔,所以懶人一早已存介心,由個仔f.1開始已不停留意并灌輸民以國強始立嘅觀念與之抗衡,到今曰先可以僅可令懶人個仔改变觀念,不堅持反共、佔中係為民請命嘅觀念,所以懶人每次提佔中,必定呼籲家長自己反佔中外,亦要勸阻中學年龄子女勿陷險境,子女受害,父母有切膚之痛,痛入心扉。
81. 引刀一快 2014-07-24 08:52:27
懶人兄

其實反中思想一直存在,你諗諗50歲過外嘅香港人嘅組成各部份,你就會明白,好多嘢,本來就根深蒂固,外國勢力主要係延長同擴大呢種矛盾。好多家庭一直灌輸排斥黨嘅訊息俾細路,好多細路成長學習都喺呢種氛圍之中。
另一方面,近年自由行同港人衝突,亦係重要原因,簡單嚟講,新一代唔願意同大陸人歸入同一檔次,所以好願意岀嚟做D佢地認爲可以維持香港人特殊身份嘅事。
不過,我認爲,佔中999搞唔成嘅,懶人兄唔駛太擔心,隻腳好番到時帶懶人妻懶人仔再去旅游,今次去馬爾代夫,教你一個絕招,俾多個quota懶人仔,等佢帶一個朋友仔或女朋友仔一齊去,呢招無敵嘅!
82. 自我陶醉 2014-07-24 09:13:57
任總講出了一個事實, 就是聯匯失去了控制物價功能, 導致通脹及資產泡沫, 大學生和青年人對未來的無奈和焦慮,加上國內生的競, 都全反映在他們的行為上。我最近也跟一些大學生及教院生, 他們有不少是支持佔中及仇富的, 可能人數要比我們想的多很多。
83. 蜕变中嘅懒人 2014-07-24 09:23:52
多謝引刀一快兄提供嘅妙計,希望唔使用到,懶人真係好希望個仔明白到民以國強始立嘅觀念,愛國愛港並不等同愛黨,同理,反佔中並不等同撑CY,當然,若果黨或CY係愛民而公正嘅就要愛要撑,一黨多黨都唔係問題,咁就唔使為避乱而旅行,可以開開心心為旅行而旅行,亦唔須要怕益咗CY而唔去簽名反佔中。

多謝珍惜香港兄分享任志剛偶像談經濟youtube,啱啱睇完,感想係讚嘆两個字,讚係讚任偶像對香港金融遠景嘅高瞻遠矚,在位魄力;嘆嘅係香港現今乱局、政府無能,還望CY盡早退位讓賢,香港始有運行。
84. 引刀一快 2014-07-24 10:33:40
自我陶醉兄

大陸學生,過江龍大都不是泛泛之輩,除咗英文發音之外,冇嘢差過香港生,數學哲學底子更厚一些,加上濃縮效應,對香港生當然係一種壓力。
嘻嘻,任總咁得,所以我話俾唐唐上都唔錯呢。
85. 引刀一快 2014-07-24 10:36:12
唐唐見到CY俾人鬧成咁,唔知佢係意氣風發,還是心裏面覺得執番身彩呢?
86. 引刀一快 2014-07-24 10:41:26
懶人兄

其實CY冇唔愛民,不過搞太多私心執念,所以香港發生乜,都會喺佢頭上計一筆。
87. 順民 2014-07-24 12:44:16
恕我不怕得失開罪直言,懶人兄那種「愛國」思維,是屬於四、五十年代,或甚至三、四十年代那一輩人的思維,這種思維不但得不到年輕一代人及香港社會主流認同,反而受到更強烈的排斥及抗拒,這就是他們在香港搞了幾十年愛國運動但直到今日都未能成功的原因,只不過是他們從來不作檢討,一味把責任推到是過去殖民地的奴化教育制度,或香港人一向是受到帝國主義者及外國勢力的思想污染而已。真的如此?但我反問一句,香港開埠百多年直到97前都是在殖民主義及帝國主義者統治之下,難道那時期的香港會全面推行毛澤東思想教育?笑話來吧。香港人有否因身處於百多年殖民統治下而被完全洋化及思想媚外?這就看香港人本身的中國文化、語言、傳統習俗及生活習慣有否改變,從這些方面已可觀察到香港人對自己民族身份的堅持和認同。還有一樣事情是香港人心中一向都很清楚明白的,就是無論英國人或美國人也好都不會把我們當作同胞看待,相反香港人亦一樣不把他們看作同類。香港人又點會咁愚蠢?我以上所列出的這些事例,是那些一向自命為「愛國同胞」的人從來看不到和不認識的呢。
88. Henry Lo 2014-07-24 14:34:36
To: 13F

我都喺!見少利就賣走自住樓,唉!喊都無胃!
89. Henry Lo 2014-07-24 14:34:48
To: 13F

我都喺!見少利就賣走自住樓,唉!喊都無胃!
90. Henry Lo 2014-07-24 14:34:57
To: 13F

我都喺!見少利就賣走自住樓,唉!喊都無胃!
91. 珍惜香港 2014-07-24 14:36:06
珍惜香港TO:62/F、83/F 蜕变中嘅懒人

SORRY,今朝匆忙出門,post 錯咗响果邊

庸梁恨做呢個位,恨咗咁多年,要佢自己退位,冇乜可能啦!依家佢仲諗緊辦法,點樣可以連任添!

閣下講開「機遇」,提到李超人,又令我有感而發。

我以前成日話,長線投資物業,入貨要「抵」,唔喺「底」。但我又冇好具體咁解釋過,點先叫做「抵」喎!法子兄嘅衡平比,可以話喺一個「抵」嘅標準;我唔知道呢樣嘢背後點計法,所以唔作評論。响我嘅投資歷程裡面,「抵」,好多時喺嚟自一個感覺,或者應該叫「觸覺」。我認為,如果以一個善意,同正面嘅態度,去對待長線投資呢樣嘢,咁當你覺得「抵」嘅時候,就喺「機遇」

乜嘢喺善意,同正面嘅投資態度?

零三沙士同之後果幾年,政府以致社會各階層,喺咁對我地呢啲物業長線投資者嘅:



但喺近呢幾年,佢地嘅面口,就變哂做咁:



其實,所謂「機遇」,唔一定下下講價錢。投資,最緊要喺大家開心,一個唔受歡迎嘅投資環境,點會有「機遇」?我地長線投資一個地方,就等於對果個地方作出貢獻;如果付出,仲要俾人當魔鬼咁鬧,交稅俾你,又講成喺懲罰性稅收,咁就無謂勉強啦!因為,勉強,喺唔會有幸福嘅!

李超人話,唔好賺埋最後一個銅板。好多人話,佢睇淡樓市喎;其實啲人,只喺唔記得咗,首富做超人買橙嘅故事;所以我話,佢只喺意興闌珊啫!零三沙士同之後果幾年,喺我買入最多物業嘅時段,果陣我接火棒,人家多謝都嚟唔切;近呢幾年,我都冇再入過新貨囉!都喺果句,投資仲要俾人趕,咁就費事去賺埋佢最後個銅板啦!

話分兩頭,如果我呢幾年仲有再入貨嘅話,都仍然喺賺嘅;不過,冇停咗買樓,就唔會遇得上另一個更好嘅投資「機遇」。做人,真喺唔可以咁急功近利,更加唔應該見風就駛盡艃我早排話,依家嘅香港,已經冇乜低風險高回報嘅投資機會;其實,有心搵嘅話,點會冇?任總都話,香港呢個國際金融中心,喺服務緊全世界嘛!不過,千祈唔好誤會我講緊嘅喺美日房地產之類嘅嘢,人地,喺唔喺真心歡迎你先?

總之,投資,最緊要喺大家開心;要有善意,同正面嘅態度,先至會有「機遇」。
92. 大寶二寶 2014-07-24 17:39:06
回懶人兄, 引刀兄

呢排都係吾好搭飛機住, 咁多意外。 始終佔中吾會死人, 搭機一次意外, 足以致命!

共勉之, 哈哈!
93. 引刀一快 2014-07-24 20:03:25
下?唔係挂,大寶二寶兄,我知道只要唔坐馬航,失事率降低八成!

呢味嘢就唔好共勉喇,共遠之,哈哈。
94. Oscar Lam 2014-07-24 20:08:12
同意92/f孖寶兄,
如果真的需要外出,建議學北韓肥仔金的父親、祖父,乘火車方為安全。

共勉之,哈哈哈!
95. 引刀一快 2014-07-24 20:17:43

阿尔及利亚航空失联客机已确认在尼日尔首都坠毁

喲喲喲喲!!!!!!!!!!!

96. 蜕变中嘅懒人 2014-07-24 20:52:32

恕我不怕得失開罪直言,懶人兄那種「愛國」思維,是屬於四、五十年代,或甚至三、四十年代那一輩人的思維,這種思維不但得不到年輕一代人及香港社會主流認同,反而受到更強烈的排斥及抗拒,這就是他們在香港搞了幾十年愛國運動但直到今日都未能成功的原因,只不過是他們從來不作檢討,一味把責任推到是過去殖民地的奴化教育制度,或香港人一向是受到帝國主義者及外國勢力的思想污染而已。真的如此?但我反問一句,香港開埠百多年直到97前都是在殖民主義及帝國主義者統治之下,難道那時期的香港會全面推行毛澤東思想教育?笑話來吧。香港人有否因身處於百多年殖民統治下而被完全洋化及思想媚外?這就看香港人本身的中國文化、語言、傳統習俗及生活習慣有否改變,從這些方面已可觀察到香港人對自己民族身份的堅持和認同。還有一樣事情是香港人心中一向都很清楚明白的,就是無論英國人或美國人也好都不會把我們當作同胞看待,相反香港人亦一樣不把他們看作同類。香港人又點會咁愚蠢?我以上所列出的這些事例,是那些一向自命為「愛國同胞」的人從來看不到和不認識的呢。

TO 87 順民兄

懶人嘅愛國愛港思維係:1.希望祖國主權及領土完整。2.同胞生活豐足有尊嚴。3.愛國不等如愛黨或统治者,盡力愛民及公正嘅就擁護。4.如統治者係外國人不會愛。5.愛國心無分年代、一生堅持。5.愛國心如同孝心係發自內心,無须別人認同。

英國統治期間不會教港人愛國,部分港人有洋化媚外心但不是全部。兄台話:(難道那時期的香港會全面推行毛澤東思想教育?笑話來吧。)呢句懶人唔識解。

兄台話:(就是無論英國人或美國人也好都不會把我們當作同胞看待,相反香港人亦一樣不把他們看作同類。),同胞?真係唔明兄台講乜。

懶人從不參政論政,兄台話:(這就是他們在香港搞了幾十年愛國運動但直到今日都未能成功的原因。)兄台講嘅他們,懶人唔知係乜野人。

佔中言論會害懶人仔,懶人護兒心切會不顧一切,先會講咁多口誅筆伐佔中集團咁政治化,順民有無小朋友?有嘅應該理解懶人心情。

97. 順民 2014-07-24 23:19:06
懶人兄,我有兒女啊,不過我唯一擔心的是他們未來的就業前途和感情擇偶問題,除此之外暫無顧慮,我是講真的。至於所謂佔中,就算我揸條皮鞭趕佢地去都唔會去,啋我都傻。
98. 蜕变中嘅懒人 2014-07-25 00:01:02

TO 97 顺民兄

懶人恭喜兄台無须憂心子女去佔中受傷害,比懶人為此事憂心忡忡開心得多。

懶人生於、長於、受教育於香港,對港英政府只有佩服但並無愛,雖然從不熱衷於政治,但愛國愛港愛家的心似乎與生俱來,懶人愛嘅係國土同胞,並不一定愛統治者,不過近五十年來,見共產黨雖然係一黨專政不民主,贪污腐敗......壞處固然多,但亦見有望國富兵強,人民開始生活富足,希望國家可以多享太平日子,繼續走向富强之路,提高國民素質後,改善陋習趨向民主,注重法制,漢唐盛世有望再現。

順民兄,懶人時常教仔說:民以國強始立,否則受侮於強鄰,祖先百年屈辱感同身受,外國列强皆不可靠,唯自強先可保命、保财富、保後代安寧。

99. 阿Q 2014-07-25 04:23:40
佔中未發生,阿爺先佔領福喜,就快癱瘓埋麥當勞,老麥遲D變炸魚薯條專門店。我經營了飲食業快二十年,依我看顧客唔難攪,貸源才最攞命,咁大批,又要平,又唔怕查,明知阿爺玩嘢,供應商都要睇時勢,一句査封,好大獲。
唔知美國點環招呢?會唔會好似補貼農產品咁補貼麥當勞賣包,十蚊一個八安士純安格斯牛肉包,打殘本地小餐館,霸佔全市場。
唉!美利堅大人,花心思攪好自己國家經濟啦!今日我仔仔講,佢暑期英語營班美國大學生導師説,返美國後唔會做教師,因為人工打哂折,個個月加封信話政府好窮要還債,最攪野喺有一次仲寫明欠CHINA 好多錢,唔怪得美國小朋友會在電視節目中説把中國人殺光就是解決對中國龐大欠款的方法。

100. 引刀一快 2014-07-25 05:33:02
阿Q兄

美國唔會用賣大包方式 打殘本地小餐館,佢知道大陸咁多人,賣大包只會水瓜打狗,唔見玵截兼多多唔夠。美國玩就玩貿易壁壘,玩圍堵,好快,中國又有出口食品糧油之類俾人驗出有嘢,等人地怕咗你,再毒D,就係搵出一D好驚嚇嘅本地食品安全問題,等你自己怕咗自己。
玩呢招,中國幾時都唔係美國果皮!十年前美國想將美國橙大規模出口中國,呢邊攞出海關檢疫數據,話美國橙危險,會對中國農業構成安全威脅,點知佢地即刻攞出另一份資料,就係近幾年美國橙走私入國內嘅數據,中國,好多嘢都唔係美國對手,青頭老舉
101. 引刀一快 2014-07-25 05:44:47
珍惜香港兄 

李超人話,唔好賺埋最後一個銅板。好多人話,佢睇淡樓市喎;其實啲人,只喺唔記得咗,首富做超人買橙嘅故事;所以我話,佢只喺意興闌珊啫!零三沙士同之後果幾年,喺我買入最多物業嘅時段,果陣我接火棒,人家多謝都嚟唔切;近呢幾年,我都冇再入過新貨囉!都喺果句,投資仲要俾人趕,咁就費事去賺埋佢最後個銅板啦!

咁你上次又猛水我入貨!
102. Oscar Lam 2014-07-25 07:27:35
98/f 懶人兄,
你用如此大道理去教你的小孩怎會有用?他都不是生活在那個時代,怎會感同身受?不過你的問題確實頭痕,需想想另外的方法。如想到,我再跟你講。
103. TO 98 2014-07-25 08:57:35
Same Feeling . No such realization when young (under British rule), possibly because of
education and media at that time.
104. 蜕变中嘅懒人 2014-07-25 09:14:11
TO 102 Oscar Lam兄
各位網友,早上好。
懶人咁長氣回應順民兄,係唔想佢以為我係政治團体中人,並且希望佢明白我唔係盲目愛國者。
好多謝Oscar Lam兄好意,期得兄台良策可相互交流。
教小朋友從來不易,懶人時常用教狗方法教仔,方法係:1.愛心。2.耐心重覆千百次。
狗仔只要知道你錫佢就會時常親近你,望住你聽你講野,最初你叫佢豬仔佢唔知係叫佢,好多次之後,你隔遠叫佢都會來,最後會連複雜嘅話都知道大約意思。
懶人幾年前個仔12歲時就開始揾機會教佢,灌輸民以國強始立嘅道理,同理性愛國觀念,佢而家大概明白,而且有認同感,洗腦可怕在真係有用,所以懶人要比别人先做。
105. 引刀一快 2014-07-25 09:29:27
懶人兄

人的政治取向是由利害、經歷、教育、性格、見聞等等多方因素構成的,急不來。我舉個例子,我以前被人話唔成熟,日日重點批評,就係唔成熟,喺果段日子,我亦真係冇咩長足嘅變熟,後來,我回顧一下,最將我催熟嘅,係我依傢嘅老婆,因爲我要包容佢嘅唔成熟,而之前果位,苛望利用口頭批評就可以令我成熟到佢要求佢希望佢合心佢窩心地步,顯然,佢都唔成熟得過我幾多。
懶人兄,當務之急,係阻止懶人仔去做D又唔理智又冇意義嘅事情,大把橋唔駛咁擔心。
不過,最好唔好諗住從根本嘅思想取向入手,唔單止成效低,分分鐘有反效果,亦逹唔到救急目的。
好似懶人兄咁睿智嘅人,只要身體力行,懶人仔終會青出于藍嘅,不急于一時半刻。
106. 引刀一快 2014-07-25 09:31:31
既然你懶人仔 “佢而家大概明白,而且有認同感”

咁就唔駛咁緊張喇
107. 珍惜香港 2014-07-25 10:50:56
珍惜香港TO:101/F 引刀一快兄

幾時猛水過你入貨呀?

哦!你講果次

我地啲收租佬入貨,就話俾人趕啫;買樓自住,幾時都咁受歡迎啦!
108. 引刀一快 2014-07-25 11:50:13
咪就係叫做“水”囉,唔係話你“説”呀,直頭係水啦!


109. 順民 2014-07-25 14:03:57
懶人兄,我和兒女們溝通,無論係天文、歷史、地理、宗教、時事新聞、人際及通識等無所不談,但政治及國家民族呢兩樣嘢係放到最後(佢地問我就有限度回答,如果唔問就不會主動提及)。因我認為當他們撐握了以上知識已足夠,其他取向由他們自行決定。因他們的生活背景時代和我們截然不同,同佢地講多係嘥氣。偶爾我曾提及兒時住過七層大廈那惡劣環境及天熱時無冷氣那種苦況,我發覺他們是完全無法理解和體驗的。至於為何少談國家民族及政治?不怕坦白說,我家父就是一個十分強調國家民族的人,我的家庭亦可謂根正苗紅,我眾兄弟姐妹由細就被他不斷灌輸這種思想觀念,但最後結果證明家父在這方面的一切努力是完全徹底失敗的,亦得了一個非常惡劣的效果,所以前車之鑑,我絕對不會步他後塵。以本人經驗,教育子女身教係最重要,也無需將自己的思想觀念及意願強加於他們,不竟他們始終是另一個獨立的個體。
110. 引刀一快 2014-07-25 14:37:20
珍惜香港兄

你又玩乾坤大挪移,唔係呢篇水文。
111. 蜕变中嘅懒人 2014-07-25 18:44:29
TO 顺民兄,引刀一快兄,Oscar Lam兄,103樓兄台

懶人好衷心多謝幾位意見,代溝真係上下二代思想鴻溝,絕對明白,但兒女不能不教,因為係父母天職,懶人係屬於先盡力後論成敗之人,成固可喜、敗亦無憾。

懶人雖然係花甲壯男(唔係老翁),生於、長於、受教育於英殖民統治時期、年少時對內地全完陌生,英國當時嘅教育係蓄意淡化中港民族意識,但就一丁點兒都不能減退懶人民族情感、同對國家嚮往熱誠,懶人嘅愛國家觀念係宏觀嘅,係愛國土同胞,等於孝順父母、愛家庭一樣,唔係盲目忠君愛國、愛黨以根正苗紅自豪嗰種,等於教導懶人仔重視倫理,至於歷史故事、民以國强始立嘅理論等只係輔助解說,唔係重點;當然目的係佢他曰有成就要孝順懶人,多多進貢。

懶人反佔中唔係因為無得揀特首,揀得到到時未必好,唔係撑CY,而係佔中會即時害死香港人、損害香港前景;撑現在中國政府唔係忠於共產黨,而係讚共產黨今日對中國所做嘅好處比壞處多,而且有望向好機會比向壞機會大;如果禍國殃民嘅政權岀現,懶人會忠義上身鼓勵懶人仔同我一齊揸支鎗去打仗,保國土、護同胞,不過懶人可能走得幾步就無氣,得番懶人仔孤軍向前衝,打埋我嗰份。
112. Oscar Lam 2014-07-25 21:11:01
111/f 懶人兄,
你生性樂觀,重視家庭生活,這本身就已經是很好的身教。相信你仔仔將來也會是一個樂觀和孝順長輩之人。

有關占中之事,我向我兒子(今年15歲)尋求意見。他認為,如果你仔仔身邊的朋友都支持占中,就對他的思維會有影響。如果你用國仇家恨這個大道理想說服他未必有用,倒不如用直接的方法,告訴他占中犯法,有可能被警察檢控而留下案底,將來影響升學和就業,希望他害怕而不敢參與。我覺得他的說法有理。
113. 蜕变中嘅懒人 2014-07-25 21:52:08
TO 112 Oscar Lam 兄
衷心多謝兄台為懶人費神,公子雖15歲之年,如斯有意識應該係天資聰颖,前途無限,小兒資質平平,懶人著實要用心教,猶幸佢知我好鍚佢,所以唔係反叛嗰種,同懶人感情好好,都算聽教,公子嘅意見我會反覆對佢講,一次唔夠講多十次,之前都有講過吓,以後都會繼續講,再先多謝兄台同令公子。
114. 引刀一快 2014-07-26 00:29:22
珍惜香港兄

係呢篇

29. 珍惜香港 2014-05-08 04:04:50
珍惜香港TO:11/F 引刀一快兄

閣下响度留言咁耐,我好少回應你。原因喺,我唔鍾意响啲數字上爭拗,呢樣嘢,好冇意思。從數字上去預測,始終喺預測,你話會呢樣,佢話會果樣,爭辯,只會沒完沒了。就好似另一邊 10/F 蜕变中嘅懶人咁話,就算喺同一組樓字,大家嘅演繹,亦可以喺完全相反。

直到我睇見閣下幾日前果篇 80/F 嘅回應,忽然,好大感觸。

直覺上認為,閣下唔喺屬於果啲好 ENJOY 成世租樓住嘅人;今時今日,心大心細,好想買樓,但喺樓市已經升咗咁耐,對佢嘅前景冇乜信心。你响度擺下擂台,與各方好友唇槍舌劍,無非喺要睇下呢度班高手,可唔可以講服你,令你作出買樓自住嘅決定。

如果我呢個直覺喺錯嘅話,咁我以下寫嘅嘢,你可以唔睇;呢篇回應,我就當冇寫過。

記得你地曾經為咗息口呢個議題,拗到面紅耳赤。有人堅信,將來美國加息,香港嘅樓價就一定會跌,所以,依家買樓嘅人,喺接火棒。坦白講,我覺得呢個邏輯,好荒謬!低息,就唔好咁快供樓住,唔通等到高息,至嚟供?呢個喺乜嘢道理?哦!因為,加息,香港嘅樓價就一定會跌嘛!不過,真喺咁一定?咁我又要再將施凌果段片,同埋余偉文果段說話,搬番出嚟,睇睇個結論喺乜:

就算美國加息,香港嘅樓按利息都唔一定會跟住咁加;就算樓按加息,香港嘅樓市亦唔一定會跌!

高息,供樓成本會大咗,喺冇得拗嘅事實;但喺加息,樓價會唔會跌,就只喺斷估點解實在嘅嘢唔去睇,反而要睇埋哂啲斷估嘅嘢?等到高息至嚟供樓,就喺為咗斷估佢會跌?唔跌咁點?你話,「希望能够留低一個對人生有多少回憶價值嘅成績」;呢個輸贏,真喺咁重要?人生裡面,仲有好多嘢可以好有回憶價值,仲有好多嘢可以攞嚟贏啫!置業安居,講乜鬼輸贏

你又話,如果今日放咗啲大陸貨,就啱啱夠喺香港以市價 FP 一間港島市區細屋。既然喺咁,只要你唔堅持 FP,喺絕對有足夠嘅實力住得更好之餘,仲唔使吐現哂啲投資。咁點解一定要 FP?好多時,錢,喺要俾人賺嘅依家呢個時勢,首次置業而有實力嘅人,買樓喺最抵。我成日都話,抵,咪買囉樓按利息咁低,成數又做到最足,啲乜叉辣招又唔關你事,仲有乜嘢考慮?難道,你認為依家嘅樓價太高,斷估好快會大跌?

我响串爆鴕鳥經濟學家果篇嘢度話,如果真喺有需要同能力買樓或者換樓嘅,就真喺要衡量一下,自己仲可以等幾耐,而唔喺去斷估,個市究竟會升定喺會跌。或者你會覺得,自己仲可以等下,等到啲千鴕萬鳥湧哂出嚟,首置者唔再有優勢果陣至喺適當時候啦!雖然我話唔到俾你知,樓市响可見嘅未來,一定會升定喺一定會跌,呢樣嘢,我當然唔會負責,不過我認為,依家嘅樓價,喺處於合理水平。千祈唔好俾個乜嘢入息中位數呃咗,幾十年嚟,有能力可以唔使幫就買到樓嘅人,入息從來都唔喺咁「中位」啦!

响呢個全球性貨幣量寬嘅年代,有人認為,物業就好似火棒咁。其實,正因為咁,我反而覺得,揸住物業,比起揸住貨幣呢啲數字嘢,更實在。因為,萬物,喺有佢地嘅相對價值,呢樣嘢,量寬喺改變唔到!

講得出我就做得到,你入貨我就入貨,You jump I jump!
115. 引刀一快 2014-07-26 00:58:15
懶人兄

其實引刀係覺得近排懶人兄字裏行間流露出“急”呢種心態。
咁就輪到我爲你急嘞,因爲有時太急進會有反效果,其實適度嘅身體力行,只要持之以恒,就可以了。
116. 珍惜香港 2014-07-26 02:02:11
珍惜香港TO:114/F 引刀一快兄

107/F 講嘅果次咪正正喺 LINK 咗去你話果篇嘢度囉!搞乜?睇咗我啲嘢咁耐,仲未知我用親嘅藍字都喺連結嚟咩?

我喺水你响香港買樓自住啫,邊有水你買樓收租呀?

91/F 講嘅最後銅板,喺指買樓收租,唔喺指買樓自住喎!
117. 引刀一快 2014-07-26 05:49:55
珍港兄

你認水就得喇,you jump I jump。
118. 引刀一快 2014-07-26 05:52:33
買樓收租又點會係最後銅板呢?唔係話要長揸嘅咩?

最後銅板,咪就係就快到價頂咁解囉。
119. Oscar Lam 2014-07-26 07:17:13
118/f 引刀兄,
就算預測樓價怏見頂,亦不代表樓價會下跌,樓價有可能在高位維持一段時間,直至影響樓價新的因素出現。

這個時候,有些投資者會採用不買不賣的策略,靜觀其變、見機行事。
120. 引刀一快 2014-07-26 09:03:10
Oscar Lam 兄

如果以收租為目的,很多人現在還是看漲的,那不叫最後一個銅板呢。 
121. 引刀一快 2014-07-26 09:07:20
其實我都係果句:“料係人地俾,决定自己做”

若果真係買咗,我不怨天不尤人。
122. 蜕变中嘅懒人 2014-07-26 09:58:15
引刀一快兄,Oscar Lam兄 两位早晨
多謝两位兄台関心,而家個仔認同佔中嘅熱情消散了,不用急了,安心多了,現在重點係注意佔中集團可能鼓吹罷課反撲,會密切留意,懶人估計佔中集團唔會咁易罷手,尤其是以蝗之瘋年青清兵呢班,應該係最後投降嘅殘餘部隊。

人民币開始反彈了,美股到頂了,港股、內地股似乎追落後,港二手樓爆边太急了,港新樓大量且實際以貼近或低於二手價招徠,懶人諗年尾口水戰CCL有機低過118,不過唔會低好多,CCL係117都只係照現在落5點,4%左右,睇淡可能中咗。
123. 引刀一快 2014-07-26 10:11:34
我就係睇緊大陸樓市冧呢個市場因素,個浪冚過嚟要唔要五個月時間。
124. Alan Pepper 2014-07-26 11:33:40
To 15. 自我陶醉 

1. Yes, you are referring to utility of rice and property. Yes that make sense.

2. You are refering to investment of commodity vs asset vs equity, so yes you are partially correct in that you take ownership of something. But rice is traded as futures commodity and profits or losses from speculation. Housing Property is a yield generating asset, equity is an ownership interest in a property. They are different but have some underlying similarities, most importantly the concept of ownership.

We are too far off topic la... just that there isn't really a good analogy to housing property jeh... 

We can have similar analogies but all of them are flawed. Such as equipment with a useful life of certain years. But equipment should depreciate rather than appreciate. Gold is an asset if you own the physical gold but can be a commodity if you buy paper gold from the bank, but both can be speculated without generating positive yield. 

Anyway I did not plan on writing this much... maybe it is the coffee I'm "consuming" right now... :P
125. Alan Pepper 2014-07-26 11:39:11
Oh sorry guys,

I only read to 15/F... :P

Thanks everyone for providing a good read!
126. Alan Pepper 2014-07-26 11:42:32
24. 自我陶醉兄

"我記得從第一天起已和各位辯論樓是投資品還是消費品, 順民兄認為小弟15樓的說法成立嗎?"

Housing is both a consumable and investment asset. That is why it is so interesting. Even if you own the housing asset, you are still consuming it if you are living in it right? Because you living in it is an opportunity cost foregone as opposed to renting it out... etc. etc...

So sorry the coffee is kicking in... 
127. 珍惜香港 2014-07-26 21:31:09
珍惜香港TO:117/F、118/F 引刀一快兄

閣下咁鍾意寫,我咪跟你寫囉!何足掛齒?哈哈哈!!

邊個話,最後銅板,就喺快到價頂?睇嘢點可以咁死咕咕架?所謂,唔賺埋最後嘅銅板,只不過喺唔賺到你盡之嘛!李超人講嘅嘢,閣下只喺明咗一半,皆因你睇嘢太投機,太執著個嘅起跌;人地只喺認為呢度嘅投資環境唔好,寧願去益下啲歡迎佢嘅地方啫,又冇話要撤資!JUMP 個乜?我地作為長線投資者,睇好一樣嘢,會喺好多年,甚至會喺一世。人棄我取,喺我地嘅至愛;但喺人取,我地就要棄架?

坦白講,我果一系列資產嘅總回報,已經大致上 COVER 哂佢地當時買入嘅價錢,你個樓市升跌,關我乜事?點解要 JUMP?繼續持有優質嘅實質資產,長線收息,都唔知幾爽!做人點可以咁貪心,為咗賺埋個差價,就殺咗隻雞?呢啲見好就殺雞嘅做法,咪就喺所謂賺埋最後嘅銅板囉!

坐擁優質資產,先至喺無敵,唔通攬住啲 CASH 咩!有緣見到好嘅機遇,仲可以一箭雙鵰,留魚再取熊掌也!咁,先至喺穩中求勝,長線投資之道嘛!
128. 引刀一快 2014-07-27 00:25:31
坦白講,我果一系列資產嘅總回報,已經大致上 COVER 哂佢地當時買入嘅價錢,你個樓市升跌,關我乜事?點解要 JUMP?繼續持有優質嘅實質資產,長線收息,都唔知幾爽!做人點可以咁貪心,為咗賺埋個差價,就殺咗隻雞?呢啲見好就殺雞嘅做法,咪就喺所謂賺埋最後嘅銅板囉!

你要同隻雞做人世,我就唔制。
以依傢呢個價入市,我認爲分分鐘一世都cover唔番。
呢個唔係我同你嘅差別,只係我同你喺發言上嘅差別。

129. 引刀一快 2014-07-27 00:29:44
邊個話,最後銅板,就喺快到價頂?睇嘢點可以咁死咕咕架?所謂,唔賺埋最後嘅銅板,只不過喺唔賺到你盡之嘛!李超人講嘅嘢,閣下只喺明咗一半,皆因你睇嘢太投機,太執著個嘅起跌;人地只喺認為呢度嘅投資環境唔好,寧願去益下啲歡迎佢嘅地方啫,又冇話要撤資!JUMP 個乜?我地作為長線投資者,睇好一樣嘢,會喺好多年,甚至會喺一世。人棄我取,喺我地嘅至愛;但喺人取,我地就要棄架?

人棄你取,即係低位入市囉,依傢你敢話係低位?
依傢入市,係叫“人取你爭”,先啱。
130. 引刀一快 2014-07-27 00:32:15
坐擁優質資產,先至喺無敵,唔通攬住啲 CASH 咩!有緣見到好嘅機遇,仲可以一箭雙鵰,留魚再取熊掌也!咁,先至喺穩中求勝,長線投資之道嘛!

優質資産,係換貨換返嚟嘅,有入冇出唔係道理。
131. Oscar Lam 2014-07-27 11:02:35

127/f 珍港兄,
看你的投資策略,你不止是一位長期投資者,更可以說是超級長期投資者。哈哈哈!

在下認為,住宅物業,除了第一層自住外,其他的均為投資產品,和股票、基金等無異。既然是投資產品,除了租金收入以外,我們更加應該要追求它的價格升跌,不應存有太多的私人感情。因此,在價格相對高的時候,我們會把部份物業賣掉,套取現金備用,等待下一次的投資機會。這和貪心、見好就殺雞、或賺埋最後嘅銅板無關。

在以前,我們還可以利用物業升值原因向銀行申請加按套取現金再投資,但現在已經很難做到這一點。如果我們單獨靠租金收入儲錢再投資將會十分緩慢,中間更加有可能失去其他投資機會。簡單來說,如果沒有足夠的資金,就算機遇來到,你也很難做到人棄我取。因此,在適當的高位賣掉一些物業是合理的做法。博士所講的逢三退一投資策略的精神亦是如此。

另外,你提到的優質資產,如果是住宅,相同的地區、相同的屋邨、相同的大廈,供應不會少,將來要回購,有何難度?如果價格好,為何不可以賣出?

在下也是長期投資者,一般持貨超過三、五年才會考慮賣出,因為我相信,只有足夠的時間才能充分反映物業本身的價值,但就不會像珍港兄一樣有入無出。法子兄說過當衡平比達到1.6的時候就是出貨的好時機,不知珍港兄認為何時才是出貨的好時機呢?

132. 引刀一快 2014-07-27 14:30:41
衡平數呢類講法,我又係覺得只能適度參考,信晒佢不如冇佢,如果大家都睇衡平數,又有邊個肯喺1.6嘅時候入貨?個個都1.4、1.5就猛出貨喇,咁樓價又邊有機會去到1.6?
衡平數其實不過係一個高沽低吸嘅參考指標,不過1.6數值偏大,可能半個世紀內都唔會再出現咁大波幅。

133. 珍惜香港 2014-07-28 02:54:32
珍惜香港TO:131/F Oscar Lam

我以前都提過,投資呢樣嘢,喺好個人化,幾好嘅方案,都唔一定個個啱用。不過,閣下果然喺一個心水清嘅長期投資者,提出咗一啲好關鍵嘅問題。

閣下認為,住宅物業,除第一層自住之外,其他都屬投資產品,與股票、基金等無異;咁就難怪你唔明白點解我會長期持有住宅物業啦!股票、債券、基金之類嘅投資產品,都喺同一啲公司掛勾。公司嘅表現,除咗要靠市場之外,仲要靠人嘅管理。所以一間公司,就好似一件生物咁,真喺唔知佢下一步會搞啲乜;可以輝煌十年,二十年,已經好勁;大如 NOKIA,一個智能手機嘅浪,就搞到一哥變蛋散,光輝不再。呢啲嘢,好難長期持有;但物業,就只喺一件死物,一件實在嘅資產。優質嘅資產,喺可以長期俾到你可觀嘅回報,持續幾十年,甚至喺一世。

我的確喺傾向於長期持有我認為優質嘅資產。優質資產,响我嘅定義裡面,屬於高回報,可抵押,同保值果隻。保值,唔等於升值,雖然現實喺,保值嘢,好多時都會升值嘅。就以住宅物業為例,我買入嘅單位,都喺位於當時未完全發展,但好有潛力嘅地區;今時今日,呢啲地區已經好難再有新嘅供應。除非有好大嘅誘因,唔喺嘅話,都好難令到我沽咗呢啲貨佢;而在我嚟講,價錢,唔喺一個關鍵嘅誘因。要沽嘅話,只會喺因為果啲資產,响可見嘅未來,會變成唔再喺優質。

你問,如果價格好,點解唔可以賣出?咁我就反問閣下,點先至叫做價格好?好多人,窮一生之力,去研究價錢呢樣嘢;目的,就喺想要摸頂、撈底。但有幾多人,真喺睇得咁準?我覺得咁樣好嘥時間,而且,ONCE 你有咗善價而沽嘅心態後,啲嘢一升值,就好容易令你忍唔住去沽貨。殺走往後嘅回報,吐番啲 CASH,都唔知為乜。如果好似閣下話,套 CASH 備用,等待下次嘅投資機會,咁呢個等待,就會增加你作出錯誤決定嘅風險。因為人始終喺人,好難 100% 理性嘅;多咗 CASH 响身邊,就自然會洗大咗;再加埋持續回報嘅消失,會增加物色下一個機遇嘅急切性,影響選擇嘅底線。

持續收取回報,同時輕鬆咁物色下一個機遇,但到機遇真喺嚟到果陣點算?所以話,錢,喺要俾人賺嘅;同銀行保持伙伴式嘅合作關係,對生意同投資都好重要。物業,從來都被視為最穩健嘅抵押工具;擁有物業,就好似擁有現金咁,只不過唔可以用足十成啫!至於你話,呢樣嘢依家好難做到;其實,唔喺咁難啫!

對於優質資產,具長線持有嘅心態,先可以做到「留魚再取熊掌」嘛!
134. 引刀一快 2014-07-28 03:58:52
珍惜香港兄

投資呢樣嘢,喺好個人化,幾好嘅方案,都唔一定個個啱用。”

咁多就夠。

你真係好鬼勤力嘅唧!!
135. Oscar Lam 2014-07-28 07:51:15
133/f 珍港兄,
你任何時候都是那麼理智和謹慎的,哈哈哈!我完全明白你的投資心態。

對於投資,你知道我們最關鍵的分別是甚麼嗎?在於對優質資產的理解,和處理的分法。

你的理解:

我的確喺傾向於長期持有我認為優質嘅資產。優質資產,响我嘅定義裡面,屬於高回報,可抵押,同保值果隻。保值,唔等於升值,雖然現實喺,保值嘢,好多時都會升值嘅。就以住宅物業為例,我買入嘅單位,都喺位於當時未完全發展,但好有潛力嘅地區;今時今日,呢啲地區已經好難再有新嘅供應。除非有好大嘅誘因,唔喺嘅話,都好難令到我沽咗呢啲貨佢;而在我嚟講,價錢,唔喺一個關鍵嘅誘因。要沽嘅話,只會喺因為果啲資產,响可見嘅未來,會變成唔再喺優質。

我的理解:

我也傾向於長期持有我認為優質嘅資產。優質資產,响我嘅定義裡面,屬於目前回報不高、甚至沒有回報,但隨著時間的改變、地區的發展,它的價值在將來有可能有巨大升值潛力隻。就以商舖為例,我買入嘅單位,都喺位於當時未完全發展,但好有潛力嘅地區或街道;今時今日,如果呢啲地區或者街道如果已經發展成熟,而我的單位又找到了一位好租客,雖然它可以給我提供穩定的租金收入,但我認為它的價值已充份反映了它的潛力,再大幅升值的機會不大,我會沽咗呢啲貨佢;然後,我會用這些現金再去尋找我心目中的優質資產。如此生生不息,即是投資又是生意。

對於投資,就如八仙過海,各顯神通。這就是我喜歡博士文章和本網站的原因。共勉之!

136. 引刀一快 2014-07-28 08:51:33
講嚟講去,咪就係第一件就已經要買優質,唔換貨,咁.........

即係同之前好多好多講法矛盾咗囉。