其实, 要写呢个题目压力好沉重。如果你系投资者, CHING就会质疑你的利益, 难道, 要一个唔系市场参与者去讲, 咁又有乜权威性??
我由写楼市预测后来改而写房屋政策, 就系避免加入呢D主观情绪。(我一条友, 改变到个市场几多??), 正正系呢个原因。
CY的原罪
衬2013年7月7日会有人上街, 我想呢一班会上街的人, 去谂清楚, 到底佢地上街为乜? CY的房屋政策出了甚么问题? (甚至可以同记者讲下)
人人都要住, 但唔系人人都要置业。价格系基本供求下的产物。
CY钟意将供应推去前特首身上, 乜L都唔关佢事。
但大家回想一下, 如果系十年前, 沙士时, 你有无谂到自由行可以入来一千几百万咁去买干你地D豪宅?
所以, 供求失衡, 可能系前政府只以本地的需求来计算, 当然应付不了突然加入的需求。
在供求失衡, 前特首就将需求分流。将自由行的购买力全部赶入豪宅。几千万甚至成亿的物业, 全部由佢地承接。
衰D咁讲, 如果要死, 都系死呢班购买力, 而出售豪宅的钱, 就流入本港的实际体系。
人地带钱入来炒, 你咪俾佢炒LOR, 反正塘水滚塘鱼, 自由行的买家, 最后多数都系转紧个物业俾另一个自由行买家。火棒传来传去, 政府钱多咗, 发展商赚多咗, 起码够钱去派街坊。(虽然我极唔同意去派, 但起码, 派多少俾老人家, 补贴交通费, 我极同意)
呢一套思维, 去到689上场大改变。
将购买力由上而下咁推, 关卡不断咁设系大价楼, 唔Q俾你买, FINE, 要配合政策, 购买力咪集中系门槛最低的上车盘LOR。(无计, 689要民望, 要达成多人置业, 咁“票数”先够多架嘛)。
小朋友同大人赛跑, 仲要缩短竞赛长度, 咪更加无得跑。
上车, 变成挂在驴仔头上的红萝卜。
我想重申, 需求系不可以减少的, 需求只可以疏导。(所以, 曾生的逻辑是对的)。你肚饿, 我唔俾你食快餐, D人会捱肚饿? 定系走晒入去面饱铺?好似入大学咁, 你规定我几多分先入到, 我入唔到我都会走去读IVE, 副学士, 呢D, 系你日常生活中可以见到的例子, 偏偏好多人因为主观因素而故意视而不见。
政策市, 就系政府想用行政手法去将需求导入佢想像的模式, 咁到底, 政府系想个市场系点??
呢个, 就正正系反智的表现。
政府要赶绝炒家, FINE, 炒家去咗边?? 边个系炒家?
政府想用家上场, 但同时又想降低需求, 咁到底系想人地上车定唔上车?
而最关键, 你又要人唔好买楼, 咁人要住架嘛, 住系边?? 当然系租屋啦, 但政府又打击投资者入市, 咁何来咁多租盘??
政策混乱但副作用系谷起租金, 未想买楼的, 因为政府的政策而先变成受害者。
呢个, 咪反智LOR。
经济学有一个现象叫做INFERIOR GOODS, 即系, 市场越唔好, 人越想控制消费, 就会一窝蜂咁去搵一些较次要的消费品。结果导致越差的消费品价格越升。打仗时白米贵, 个个走去食蕃薯, 结果, 蕃薯升幅惊人。
套入而家香港的楼市, 点解新界西无论买价, 租金都上升? 正正系因为, 越多越多外区人宁愿花多点交通费及时间, 都想搵番估平价些少的居所。(当日曾生已经叫过大家咁做)。我认为系INFERIOR GOODS的现象。至於系虚火定系供求改变, 呢个就要花时间观察。
但呢个现象, 已经反映咗, 市民对住的刚性, 个需求已经唔系靠炒出来的。政府只为做SHOW, 话俾大家听佢已经尽咗力, 做咗嘢, 不断咁再去出招打稻草人, 按CY的思维, 封咗的密室就唔存在, 同样, 打完炒家, 市民的需求就会无晒一样。
咪做成, 每一次出招, 再进一步提高门槛, 受害的人越多, 供求更失衡, 楼价越升的原因。
要解决需求, 矛头只得一个。点样解决需求的口味。一日香港人都只肯住市区, 人口不能从CBD向外扩散, 楼价一日都硬净。
当年八万五, 香港仲有几个大发展区, 马鞍山, 将军澳, 天水围, 东涌, 系一下子将人口导入去呢D地方。当大家见到你真系有咁大个区可以安置人口, 大家都会信你呢个八万五政策。
而家, 你信政府要发展洪水桥, 粉岭, 东北, 但班大帝肯唔肯入来, 一句悲情城市, 能够安置的, 只有新移民, 中港矛盾已经令到政府举步为艰。你几多万五都无用。
呢个, 系政府施政的BUG, 有BUG点会唔屈机? 当基本供求完全无改变的情况下, 外围因素根本改变不了市况。
大家细心比较下, 97年, 你身边的朋友, 身家几多? 而家你问下, 一个唔起眼的朋友, 分分钟银行有几百万现金。你再套用过往的歴史数据来预测楼市, WORK唔WORK?? 学仙姐话斋, 裤袋型经济师, 只以自己裤袋的身家去计算个市场, 而市场就将收呢D聪明仔。
讲退市, 退市讲乜?? 印少咗? 定系回收番?? 呢个概念搅唔清, 你将会对市况预测有根本的错误。
好似小朋友系浴缸玩鸭仔。你开水, 鸭仔会升高。当你扭细个水喉, 鸭仔会点? 沉落水底? 任何从政的人, 第一样要做的, 就系讨好选民。整色整水懒义正辞明咁去玩少少花臣实会, 印银纸代价系通帐, 基本上已经系常识。
有统计的时间, 你可以睇下, 通胀只减慢, 咁多年只系得几多年通缩? 同埋, 政府系惊通帐定通缩??
除非这个政府, 背后有潜台词, 希望将这个地方的有钱人, 被另一个地方的人所取代。地产商要换人, 香港有钱人要换人, 但系SORRY, 只系换国藉而唔系改变呢个贫富架构, 咁呢个政府, 值得你去支持??
觉唔觉支持呢个政府的, 都人系爱字行头? 呢班乜嘢人??
[ 本帖最后由 victoriaahpak 於 2013-7-4 04:50 PM 编辑 ]