Desmond 兄
一个医生,攞住份错到离哂谱嘅化验报告去做治疗,而呢份报告系有经验嘅医生都会睇得出佢有问题,咁你最后医死人,你估你有冇责任? 你可唔可以话做化验系佢哋专业,唔关你事? 可唔可以同人讲只系老细想害你?
我见过好多年青人,成日都话要笃老细背脊,经我手处理过嘅case 都唔少,实情系9成呢啲case, 公司都系只会保大唔保细,著眼点唔系边个啱边个错,而系保边个对公司运作最有利,就算当你有理,警告老板几句,你日后嘅日子都唔会好过。所以和老板不和或老板忌才,唯一做法系化解矛盾或唔捞,对抗或揭佢底牌多数都行唔通,除非公司一早想旭呢个人。
如果在一间公司佢哋会先考虑几个问题:
1. 你知唔知法律意见有问题? 你话唔知,即系你冇sense,唔够班,或系做嘢唔经大脑。如果你知有问题仲大镬,咁点解唔澄清唔汇报?是否你做事苟且,得过且过。
2. 律政司出啲有问题嘅法律意见,点解你做之前唔向上级汇报? 佢系咪迫你照做? 佢同你咁高咁大,你唔做点迫到你?唔通你话知道一定系CY 想跣你? 咁CY 有冇亲口叫你做? 你又又有冇证据佢要你做?冇证据当然会孭多条推卸责任罪。
3. 就算真系律政司出错,咁系咪代表你可以明知错都要做? 又系咪代表你啱?
以上任何一条都可以系死罪。