1. 舍神 2015-01-22 10:02:09
|
时常听租管会导至业主索性空置单位,所以要立埋空置税先有效减低立法引致租盘短缺继而引起租金狂升。 其思维是大禹父亲"围堵滞泄治水患"之法。 Market如水,总搵到缺口!历史上已证明唔work! 圣经话: 弯曲的不能变直;缺少的不能足数。 怎么人总认为用手段可以将无变有, 将本性是曲的拗得直?
|
2. 睇得通 2015-01-22 10:21:41
|
香港有十万位社会精英份子,他们需要3000尺以上的物业空间才能足够用,例如优雅的住宅,精装的办事处,工作间/货仓/停车场......等等......谈何容易有<空置>......???
|
3. 师奶仔 2015-01-22 10:35:06
|
我份人保守, 思想未能天马行空, 要我卖左自住物业, 然后出番嚟租楼, 难度反而会好高! 第一: 怕搬屋, 第二: 怕搬屋, 第三 : 都系怕搬屋...!! 年纪渐渐大, 无咁既体魄去搬, 去搞, 去布置.
我又唔会因为户口多左好几个零而兴奋, 到头来, 见到钱又身痕, 走去炒乜炒物, 分分钟俾番晒佢都唔定. 我多年股票都系输钱架.
试想想, 如果卖左自住物业, 租出去, 要惊被人加租, 又要惊被人赶走!? 跟住手上D 钱由高位又去到低位既时候, 心情几咁难受..
所以, 我唔明白做乜要卖楼, 根本无理由游说到本人去卖.. 每朝瞓醒辟大双眼, 见到自己间屋, 都不知几咁满足. 过几年又供完罗. 现在只欠楼价10分之1的尾数....
这份满足感, 比看红簿仔多几个零, 还要多好多!
|
4. 亮剑 2015-01-22 10:57:18
|
政府制定房屋政策之一个条件,就是倚赖那些研究公司所做的调查,不多於五年前,有研究公司说香港空置的房屋有二十多万,占整体房屋总数量10%,如果单以私人楼宇计算,就超过20%,空置率极其严重……
如果私人楼几年前的空置率,真的有调查咁讲达双位数或以上,那么香港私楼租金呢几年,应该系反覆偏软,而细码楼亦无可能有得升。 我老友数据王PP喺年几两年前,已同我们讲过几次,香港中小型私楼的空置率,应该只有几%,究竟中间落差如何解读?
我自幼家贫书少读,因此小弟用另类方式去解析呢个现象。 有时我闲极无聊,会坐电车落北角同鰂鱼涌吹吹风,小弟发觉自湾仔开始,沿电车路两旁,其实有唔少应该系私楼嘅单位,被挪用作非住宅用途,为存厚道我唔讲人家点使用呢D单位,大家畀2.3元坐电车睇睇最实际。
我又打电话去请教PP,问他在统计学上,要是一个单位中,住咗两个或以上无血缘关系的家庭,那么点解读呢个现象,你政府或调查机构,当人哋一个单位系一个家庭咁入数;一或一个单位有3个家庭计?如果呢度系一间半间,咁出来的结果落差应唔会好大,但要是呢D单位系数以几万甚至十万计,那么呢条数都唔知点围!
我有好几个老友甚至亲人,其实已经移民外国,或在大陆长驻,但他们因为年中总有一头半个月回港打点私务、探亲或拜山,所以他们在香港的私楼,并没有出售或出租,以便每年暂时居住,小弟断估政府应当呢D家庭唔存在,而且当佢哋系将单位空置。
我唔会盲目去信数据、信分析,所以我间唔中都同相熟地代吹水套下行情。 根据他们的讲述,现在根本系全城缺盘,无论租售讲句衰D系「干到裂」!
综合来睇,呢个空置率随时比想像中严重!(当然呢度系指张炳良同陈茂波的角度。)
|
5. 路人甲 2015-01-22 12:18:36
|
亮剑前辈,
地产都无盘, 那么, 盘源那么缺, 前辈认为政府取消那个辣招才能令供应增加呢?
|
6. Alan Pepper 2015-01-22 12:53:24
|
To 5
Keep SSD remove the other 2. Making room for upgrading living conditions and smaller flats will inevitably reappear in secondary market.
|
7. Newton 2015-01-22 13:24:16
|
空置单位如何证明,如果是装修了两年又或是放盘两年算唔算呢
|
8. 亮剑 2015-01-22 13:29:16
|
月初小弟曾经咁写:
这次新居屋派咗19几万份申请表,两日前计收咗5仟多份表。
呢次申请定於 1 月 12 日截止,正路计打后几天会系交表高峰期。
如无意外呢次房委最少会收倒 5~6 万张申请表格。
要是少过 4 万飞,而到时头嗰一千个筹又有3~4成人唔出现,即有好多人只是柔性需求,政府要是听D政棍点系咁抽地去起居屋,咁几年后随时有卖剩蔗!
反之要是收飞过6万,而就算揸28XX号筹都无得拣楼嘅话,咁我亮剑睇今年个市系先升后软格局,就要作修正。
因为呢镬随时系爆升的导火线………………
现在还未到盖棺定论之时,但新居屋的申请有 12万份,都应该无乜走鸡。 呢 12 万份申请,系代表香港有兴趣买楼嘅人,有拾万个以上。 呢10 零万个申请个案中,小弟不排除有部分系沙漠居民,即既又无首期、又无供款能力,纯粹衬热闹。 但在扣除呢部分人仕后,小弟认为有一半即六万宗申请坚买,应有多无少啩。 呢镬僧多粥少几可断言,现在要解拆的是,点埋尾??
要是现在政府高官儍下儍下,走出来同任何打房政策拆墙松绑,小弟立此存照,一定被市场解读为:
「政府彻底向地产商跪低投降!」
你呢个楼市唔立刻爆上最少15%,我亮剑帮你 cy 挽鞋。 呢个残局就来变成死局,因能够施以援手嘅人,一个入咗册、一个迁紧册,其他嘅老板,如照工程及卖楼进度来起屋同卖楼花,唔落井下石,你波叔及良哥应叫执倒!
|
9. 舍神 2015-01-22 13:34:39
|
其实......点定义 "空置" 已很头痛! 罗黎放杂物, 度假屋一年只住几日算唔算? 搵紧租客的又点计? 一个人,可唔可以有两头住家? 要唔要向法庭申请入屋授查令去check ? 提出的人跟本冇想过有冇可能执法!
|
10. 师奶仔 2015-01-22 14:38:51
|
我奶奶屋企, 隔离有个华侨家庭, 一年返来几次, 住都没有多少个月. 这些都唔算系空置吧.
我个人空置的定论系养曱甴, 堆尘的无人住地方才叫空置. 不过, 好多住紧的地方都依然养紧曱甴的. 共同生活的意思, 哈哈!
|
11. 亮剑 2015-01-22 15:29:54
|
点解我话大地产才能拆呢个楼市死局呢?
咁就要从香港那些大型私人屋邨的土地喺边度来说起。
一路以来喺香港改变用途呢一范,绝对不容忽视,其中从以下几个途径所取得的土地,更建成唔少大型屋邨:
油库用地改变用途------例子有美孚新村、丽港城、海滨花园
船坞用地改变用途------例子有太古城、黄埔花园、香港仔中心
货仓用地改变用途------例子有和富中心、均益大厦、淘大花园
发电厂用地改变用途------例子有城市花园、海怡半岛、海逸豪园
填海、河、鱼塘------例子有沙田第一城、嘉湖山庄、将军澳及九龙西南新发展区
农地改屋地--不胜枚举,多到数唔倒从畧!
以上呢D成千上万伙的大型屋邨,因为发展规模非常庞大,由策划到落成动辄拾多弍拾年,随时横跨一个地产循环周期。
作为一个地产商,他如果唔识计算风险,而茂茂然喺地产循环周期摸顶去补地价,咁肯定摺硬!
反之在市况低迷、经济陷於弥留状态、打工仔揾朝唔得晚的时刻,通常就是醒目老练嘅地产商狂屈机之时, 负责埋枱倾补地价的高官,因为想有大型补地价项目得以落实,以便冲喜个市顺便振奋人心,倾向松D手乃人之常情。
但喺江仔及仁哥呢一镬之后,谁个高官敢揸主意,松章畀大地产商喺市况低残之际,以笋位去大补地价?
以后的情况将会系: 大型补地价项目,你市况热火朝天之际,地产商当然唔会标出来送死咁笨! 市况低残嗰阵,就轮到高官不敢犯险,以「当时的合理价」畀大地产商低位补地价以释放土地资源!
如此这般新界大部分农地,将用来养雀永不翻身,呢下环保人士应该好高兴,而嗰D 90 后或现年5岁那个小朋友,请继续捱劏房Or世界级楼价。
|
12. 打工仔 Andy 2015-01-22 15:54:28
|
劏房, 我做细路时都住过, 大个d上楼住公屋时就瞓地下瞓大!
|
13. 收租王Tony 2015-01-22 16:50:21
|
要知物业是否空置有几难? 睇下电费水费使用量就知, 成个月都冇用过水电既,已经知道系咪空置紧...
|
14. 回 13 2015-01-22 17:09:26
|
你知唔知香港最大嘅业主点样处理非法占用包括空置公屋等问题,你教下佢先啦!
|
15. PL 2015-01-22 22:31:39
|
十分同意3楼师奶仔,有层自住楼个心系踏实好多好多喔❗️
|
16. 两层 2015-01-22 23:36:04
|
亮灯,本人持有荃湾c类单位收租,自己租市区楼,业主収楼,我们在港岛买了个c类单位,dsd成1球有多。依家究竟应否放荃湾物业?
|
17. 睇得通 2015-01-23 07:29:57
|
|
18. mt4money 2015-01-23 08:57:59
|
|
19. 亮剑 2015-01-23 11:01:54
|
16楼…… 从政府高官的立场来说,你唔好放荃湾间楼,我干一球DSD,你紧系半年内唔好走货啦。 而如果你系我朋友,小弟会叫你走咁间攞翻果一球,汤博士都说细码先升后软,好汉不吃眼前亏呀!
|
20. 两层 2015-01-23 11:13:46
|
Peter parker 兄/亮剑兄 本人持有荃湾c类物业1200万,租金回报比细价楼底. 因买了港岛c 类物业将自住. 现要决定是否卖荃湾物业. 我们觉得荃湾这个物业租金回报不太高.找买家和租客也不易. 应否卖出流动性高D的楼,在市区D? 但相同银码可能只买到b类物业. 如现在入b类物业.将来供应多了.保障好像比c类小 如买入或持有对现时现金流没有影响,但加息后会有负担,每月储蓄减少了. 你们有什么看法?
|
21. 两层 2015-01-23 11:24:37
|
亮剑兄
但我层荃湾是1200万不是细价楼.所以我想是否会来紧比较吃香. 如卖了.再买间市区D,其实同比DSD一样. (DSD 比左55万.SD俾左55万). 所以谂唔通. 如入细价楼收租.现在租金回报好好.但将来供应大增.我怕租金会下跌
|
22. 亮剑 2015-01-23 12:04:38
|
果笔DSD白畀真的可惜,其实从资产配置方面来看,纸砖头亦可考虑,例如 823、778。
|
|