楼市下跌，不少冇楼的人立刻变成专家，近日有投资者因头寸稍为紧绌，要卖一层楼解困，有人同我讲，那位投资者不识时务，够胆同诚哥接货，一定输死佢，条友意思是否叫人唔好帮衬诚哥买楼，
难道佢唔知道诚哥是地产商，咁样讲好似赞诚哥，其实是倒诚哥米。
现在评论楼市，尤其是大大声话楼市下跌的人，大多数没有楼，他们并不是曾经有过物业，现在已经卖走，狠狠地赚了一大笔，而是从来没有物业，楼市上升，那些人声都唔声，或者叫政府出招打压楼市，而政府亦怕了那些人，出招十年，楼价仍然压不下去，但就令到香港财政陷入困境，连卖地都冇人吼，仲话系短暂现象，讲都冇人信，当日叫政府出招的人又声都唔声，彷佛叫政府出招的不是他们。
任何做父母最头痛的就是子女已经唔好，令自己非常头痛，旁人仲教他怎样教子女，如果那些人子女读书唔错就无话可说，就算读得唔好都可以说是经验之谈，但如果教他教子女的人没有子女，咁样就好㷫，不过，冇子女的人唔会咁样做，否则会被人反问连子女都冇，又点样教我教子女。
现在话被迫卖楼的人是财困其实是不对，如果真真正正是财困，就连楼都冇得卖，卖楼只不过是借贷比率高於金管局要求，唔可以说是财困，因为未卖的物业还有很多，如果那些冇楼专家知道现在卖楼的人仍然持有咁多物业，会不会话他们唔识得投资，其实，冇楼的人应该学冇仔的人一样，千祈唔好教人教仔。
App下载
