今早開例會，秘書提醒，今日要替一個新德國租客剪彩，德國租客知道我去，非常開心．其實是我開心，租我們的樓，莫講話剪彩，叫我做招待都得，同事報告，公司的豪宅出租率不俗，租金與疫情前差不多，比甲廈與舖位都好，唔怪之得馬會要建豪宅。
同事應該知道，香港豪宅的需求量一向都有保證，但能夠出售的豪宅數量不足，由於馬會處於豪宅地段，所以連馬會都建豪宅，如果馬會出售那些豪宅，我相信會成為香港豪宅指標，但我認為馬會會將那批豪宅用作收租，畢竟在咁靚地段，豪宅是可遇不可求。
當大家講樓市乜，樓市物，又話衰過2003年的時候，其實，樓市的指標是豪宅，豪宅旺，樓市唔會差，就算差都只是暫時性，香港淨值資值超過6000萬美元的人有15435人，排世界第二，紐約第一，排第九東京只有4605人，新加坡前十不入，有咁多有錢人，香港點會衰，同事問公司有幾人，唔係好多，唔會少過5人。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
App下載
馬會都建豪宅，如果馬會出售那些豪宅，我相信會成為香港豪宅指標，但我認為馬會會將那批豪宅用作收租，畢竟在咁靚地段，豪宅是可遇不可求。