|
|
回林一鳴的訊息
湯文亮博士
紀惠集團行政總裁
2015年5月18日
昨晚，有網友將林一鳴一段訊息放在我的回應箱內，其實，林兄又不需要介意那些回應，我自第一天在網站寫文章開始，有網友除了有不同意見外，還不斷攻擊，揭私隱，我已習以為常，網友在攻擊之餘，還叫我撿討自己。但現實生活又絕對不一樣，不少人很支持我的見解。我曾經對在普林斯頓任教的老友講，他為我設計了一條方程式，只要我認為唔想出街的回應，用上這條方程式，之後，只有發這段訊息的終端機才可以睇到，其他人是看不到，我叫這條方程式做「鏡子」，不過，我很少用，而鏡子使我想起了一個人，就是唐太宗李世民的丞相魏徴，當魏徴離世時，李世民大哭地說他的鏡子破了，有時候，一些不同意見的聲音反而是有利，我很明白我的網友，因為在過去幾年，大家都睇好樓市，共同擊退一些看淡樓市的人，如今我話細價樓爆煲，他們很傷心，所以不斷攻擊我，其實，他們並不了解，他們用筆名，點講都可以，我用真名，稍有處理不當，就會受到社會批評，所以，我一定要以一個非常中肯態度評論樓市。
如果我話樓市非常健康，有大幅上升空間，我會被人話為了個人利益而發聲，政府出招則是口舌招尤，不出招而樓價急升，就會害了那些未夠實力而上車的人，就算最樂觀的人，對樓市亦最多有15%上升空間，所以我寫了「細價樓爆煲論」，只不過提醒那些未合資挌但強硬要上車的人，而爆煲論其實是平平無奇，但講中不少人心中恐懼之處，就是以物業作抵押向財務公司借錢，現在大部份香港人都了解這件事，政府多多少少都為此而出招，要爆煲就不是那麽容易，我的目的已達，又可以回復真我，至於有網友話我想做官，這只不過是欲加之罪，金聖嘆講過，四十歲之後就唔應該做官，我超過四十歲很多很多了。
8月14日的約會，我本來是打算與傳媒一聚，順便慶祝我的文章超過一億點擊，與你打賭，只不過是因利承便，但我極之希望閣下到來，我預留一席給你的家人及同事，不過並不是免費，我希望你能贊助120本你的新書，我亦有兩本新書「細價樓爆煲論之始末因由」、「玫瑰玫瑰我愛你」同時會送給與會嘉賓，如果閣下不來，只是我未能顯示我的誠意，至於捐款，我認為隨緣，紀惠每年捐超過1,000萬，亦從不張揚，幫助到有需要的人便可以。
|
|
|
| |
| |
|
|
|
|
|
1. 地藏 2015-05-18 08:44:41
|
凡為善而人知之。則為陽善。為善而人不知。則為陰德。
陰德天報之。陽善享世名。名亦福也。名者造物所忌。
世之享盛名而實不副者。多有奇禍。人之無過咎而橫被惡名者。子孫往往驟發。陰陽之際微矣哉。
|
|
2. 收租王Tony 2015-05-18 08:59:03
|
又再有一班聽完博士"細價樓爆煲論"跟住等跌，然後貪字得個貧既苦主了~ 賣左自住樓，逢三退一個還好，未輸晒（如果冇賣樓換錯股的話）， 之前剛剛上到車又貪心等跌租樓住唔上車，唔聽好友講既.. 上天已經對你作出左最大的懲罰.... 繼續租樓吧..... 唯一平民式脫貧致富機會已經冇你地份了， 因為博士所講退出黎最差既物業都俾更有能力既人持有了，你仲有咩可以買呢？ 博士琴日話："現在並不是置業良機，大家亦知道這兩年新樓盤的供應量是源源不絕，二手細價樓價一定會受壓，要上車最好等多兩年。" 淡友不妨多等2年，反正都等左咁耐，不過要小心呢2年會唔會係收尾果2年.. ..路係自己選，唔好怨博士啦！睇開d啦淡友~
|
|
3. 好人兄 2015-05-18 09:36:05
|
致林一嗚博士 :
所謂樹欲靜而風不息，林博士不去飯局本著多一事不如小一事之心態，不想傳媒作無聊炒作。可惜有人竟然提出曲線宣傳新書既技倆，林博士請不要中計。
要知一個理論或預言，時間是一個最好之審判者。一個已經證明錯誤之爆煲論本應沒有人買來睇, 但小弟估計該書也會大賣, 大家又知唔知點解呢 ?
|
|
4. 蜕变中嘅懒人 2015-05-18 09:43:08
|
博士英明，＂爆煲論＂受人非議只係因你將＂爆煲＂两個字義隨你鍾意釋義，請勿捉錯用神。
＂爆煲＂一般人會意識為不是小跌、而是大跌、並且係短時間內發生。
而你就屈人誤解，推出一堆隨你鍾意釋義： ＂神話破滅＂、＂停止大升＂、＂跌少少＂、＂低過CCL136.X就係＂..........之類。
博士並非文字釋義權威。
|
|
5. 蜕变中嘅懒人 2015-05-18 09:52:02
|
TO 3樓 好人兄
同意兄台所講，其實配角來不來、錢捐不捐、煲爆不爆都已無關重要。
低成本、高效益嘅宣傳機會至係重中之重。
|
|
6. 收租王Tony 2015-05-18 10:01:08
|
【細價樓爆煲論】經過22/4/2015一文"細價樓爆煲，政府是否需要負責"之後，博士話樓市即使爆煲，都只是一個小型爆煲， -爆煲喎？爆煲有分大細？點樣可以爆得黎可以好微咁爆？點小型爆法？未見過~ 【細價樓輕輕的溫柔的細微的超小型微縮納米式爆煲論】? 唔講清楚其實你宜家都唔知點爆法同幾時爆.. 真係會嚇親你d FANS架~唔好輕輕帶過先得架~
|
|
7. 引頸一切 2015-05-18 10:19:06
|
註個靚冊先, 比人話分身就唔好 我係5月14個篇野既13樓"爆煲原來只係熄火"好粗略提左咩叫爆煲, 當然我唔係中文系博士, 胡亂定義錯左就請見諒 以前, 煮食是用鐵鑊和瓦煲, 草和枯枝作為燃料, 「瓦」是傳熱慢的材料, 所以煲湯或煲粥不能急於求成, 太過猛火, 否則很易煲乾水, 隨之爆裂o
做生意, 借錢做生意, 急速擴展, 當一旦環境逆轉, 就會週轉不霪,冇晒錢 ( 冇水 ) 就好似乾柴烈火煲乾水, 引致「爆煲」, 爆煲亦用作形容炒燶孖展的情况 X生你個咩升市神話幻滅, 唔升趺少少當爆煲真係世界級 點都好啦, 你個個人標準爆煲論已經達到吸睛效果, TALK都唔知講左幾多個, 報都唔知上左幾多次, 你的目的已達
|
|
8. 大寶二寶 2015-05-18 10:26:27
|
今年政策重中之重依次排序係:
1. 谷人氣 2. 谷新書 : : : : N. 樓市升跌
|
|
9. 收租王Tony 2015-05-18 10:36:13
|
博士輸餐飯既時侯 可能好多人已經輸左頭家.... 上得車既，即係有實際需要但冇乜實力冇乜經驗未買過樓既人，上得車既叫人唔好上，等細價樓爆等下3個月，等下又多2年，等多兩等小朋友又唔生住，又可能生多左又唔換樓住，一係賣自住樓等跌先換大d，等下又一年等下又一年，等下等下，最差既凶宅都買唔起，你呢餐飯背後既代價，其實都幾大... 明就明，唔明都冇辦法，冇乜人可以逆天而行， 有時，信自己，好過信神...
|
|
10. 引刀一快 2015-05-18 10:42:48
|
“ 紀惠每年捐超過1,000萬，亦從不張揚，幫助到有需要的人便可以。”
呢鋪仲低調！
|
|
11. 引刀一快 2015-05-18 10:52:08
|
To 1樓 地藏兄
點解兄台可以預知未來？出文告誡7樓嘅？哈哈哈哈，真神人也！
|
|
12. 中女社社長 2015-05-18 10:57:15
|
對於上車人士, 自2015年2月27日後金管局已經照顧周到, 當然博士發出論點在先...
樓是什麼? 一件商品, 自住的只要用需要銀根沒問題就可以買, 不存在等待時間問題. 已經太多人等待了一輩子也未能上車, 全因慨念及身邊言論...
|
|
13. 方天畫戟 2015-05-18 11:16:22
|
|
|
14. 蜕变中嘅懒人 2015-05-18 11:20:03
|
博士話：至於有網友話我想做官，這只不過是欲加之罪，金聖嘆講過，四十歲之後就唔應該做官，我超過四十歲很多很多了。
金聖嘆係古代人短寿，现代人六十五歲前都算年青，七十歲做總統多的是，年紀唔係問题，德行至為重點，想做官並不是失德，做好官更是善舉，唔好又捉錯用神。
|
|
15. B 爸 2015-05-18 11:23:49
|
其實呢，就算係普林斯頓任教嘅人所寫出來程式＂鏡子＂，軟件水準應該都只能達到針對三樣嘢起作用，１）留言者名稱，２）網絡卡硬件位置MAC，３）網絡卡軟件位置IP，簡單黎講，留言者只需要換部電腦，或手機，再改個名，鏡子就馬上破功鳥．
當然啦，更高水準嘅可以針對CPU ID，硬盤firmware，瀏覽器cookies 和動作慣性等等，去到呢個水平，普林斯頓嘅教授就未必能夠勝任啦，只有我家阿B仔可以做到．
|
|
16. T0 13 2015-05-18 11:25:52
|
|
|
17. 封閉的沉默 2015-05-18 11:37:45
|
"爆煲論" 就是文字的藝術 - "各有各解讀, 各自各精彩"~
|
|
18. 幪面超人 2015-05-18 11:38:22
|
「政府多多少少都為此而出招，要爆煲就不是那麽容易，我的目的已達，又可以回復真我」。嘩！博士乜都自己講哂！
|
|
19. 亮劍 2015-05-18 11:48:50
|
今天爛果A1講報沙田補習社，家長要排通宵，如此看來，香港家長對下一代的前途如何抓狂！
呢家咪話一成首期咁大把，就算你金管局以後打出:「任何人買楼都要準備楼價一半做首期」！ 我估那班家長客亦會照落搭！
其實呢家坐喺房委會、長策會及運房局開緊關於香港房策會議那班人，可否答小弟幾條問題:
1 你們或你身邊的朋友、 親戚、同事及同學，是否好多生於 50~60 年代？ 2 你們有無小朋友？ 3 如果有的話，那你們的下一代，是否夠咗年齡買楼？ 4 你們呢家有無淨資產最少 5 球；流動現金 1 球？
要是以上的問題的答案係「是」的話，咁我再請問大家，如果你們的下一代，已經到談婚論嫁的地步，而小朋友仲爭「一百幾拾個」就可上車「安居樂業 」，借問你估你以及你身邊的同年齡朋友、親戚、同事及同學，有否三成人肯出手相助？
講句衰D，香港呢家的打房政策及措施，根本就是睇住果班「零父幹」的人黎打！！ 反之若果你有磚頭、有多餘錢、份工有翻咁上下收入的話，咁你就是行緊「磚本位」！
楼價再升……你可以一開二。 楼價大插……你可以喺低位吸納。
成個打房政策，對已經擁有磚頭的人來說，影響係好细，甚或係零！
|
|
20. Johnny 2015-05-18 11:56:18
|
|
|
21. 引頸一切 2015-05-18 12:03:21
|
回20 2015年5月14日 我的「細價樓爆煲論」引起各界關注，對於小弟來說，己經是大賺特賺 公我贏, 字打和算啦
|
|
22. 生湯 2015-05-18 12:41:13
|
要認爆煲論錯又難，因為三個月內已一篇又一篇押注下去
想不要再提爆煲又難，因為唔提既文基本上連引刀都不去一快。
兩難！
|
|
23. 引刀一快 2015-05-18 12:54:43
|
To 收租王Tony
你意思係咪香港樓市唔會跌？ 一年之內如果樓市柺點出現，唔好又注册過第個新名喎。
|
|
24. 收租王Tony 2015-05-18 13:00:33
|
自住樓，有需要，計到條數，幾時都應該立刻買！ 住到死都要住，升升跌跌又有乜所謂！我話既！ 你要租住等跌既隨便你！過到壓測有能力買都要租既！ 我都冇你辦法...
|
|
25. 運輸工人 2015-05-18 13:03:20
|
原來是新書發報會,不愧為商人博士,有創意,林一嗚只是博士新書的宣传品. 永遠支持湯文亮博士
|
|
26. 引刀一快 2015-05-18 13:08:55
|
|
|
27. 引刀一快 2015-05-18 13:34:59
|
To 24樓 收租王
好！有立場，敢講嘢，敢留名，呢種人先似様！
唔同意你講法係一回事。
|
|
28. 路人 2015-05-18 14:21:52
|
突然，心裡好同情現實中的"引刀一快"。。。
佢令人感到"憤世嫉俗" 和"英雄遲暮"似的!
可能係我feel錯啦，大家不要太認真!
|
|
29. 明鏡止水 2015-05-18 14:24:47
|
這幾年來，在下拜讀湯先生的文章，實在獲益匪淺，湯生能夠不顧個人得失，發表中肯言論，十分難得，不似施先生有時講樓市十分曖昧，希望湯生繼續寫下去
今次爆煲論引來爭論，源於一般人只看結果，不看論據。正如湯生在文章提及甚少回答朋友是否買樓，因為有抄家，冇封榜。如果有批判思考的人，係會出現我雖然唔同意你的結果，但同意你的論點。話說2000年左右(詳細時間唔記得)，林奮強同陸東對樓市意見唔同，但瑞銀兩份報告照出。
之前雲兄話湯生降格回答ABC問題，此言不對，周顯先生常說，一般看似很簡單的道理，但連學者也弄錯或不知道。早前中大物理講師在一個講及香港科普水平的節目提及，香港學生識計一條量子物理的題目，但解釋唔到為何天空係藍色的。可想而知，投資者將宏觀經濟數據瑯瑯上口，但可能連ABC都不知道。
請湯生繼續加油寫下去
|
|
30. 亮劍 2015-05-18 14:25:51
|
如果淨租金回報無2厘半，咁買樓收租的確無聊。 但如果你有首期百零個，又交緊貴租，咁呢家買楼自住並非望居。 前題係按揭供款加地租、差餉及管理費，只比租多兩成，又能过压測！ 因「買樓收租」及「買樓自住」，中間有3成幾差餉、地租、管理費、物業稅及折舊準備。
|
|
31. 引刀一快 2015-05-18 14:45:39
|
|
|
32. 不盡不實 2015-05-18 15:58:41
|
講一套做一套，之前多次留言被封，只可在自己手机顯示，其他人看不到，尤其在四月九号爆煲曰。
|
|
33. 鼠輩引刀一快 2015-05-18 16:46:54
|
做咗唔認，仲話人屈佢，無恥之徒。
“紀惠每年捐超過1,000萬，亦從不張揚，幫助到有需要的人便可以。”
呢鋪仲低調
鼠輩你不嬲要人提出証明，今次又唔使？宦官一名。
|
|
34. 湯粉 2015-05-18 18:33:06
|
請「蘋果日報」努力跟進，真好想知為什麼用癲價買公屋而不買私樓。
是真成交嗎?
【最富貴公屋】長安邨綠表賣335萬 全港最貴公屋 樓市瘋狂，未補地價的公屋，都可以盲搶到超過3球! 消息指，青衣長安邨安海樓一個中層19室， 實用面積443方呎，由於單位擁有藍巴勒海峽海景，以「驚天」綠表價高達335萬元售出，呎價7,562元，無論呎價及銀碼，都破盡綠表公屋市場紀錄，登上公屋王新寶座。
以銀碼計，是次打低去年7月香港仔華貴邨最貴綠表公屋王318萬元紀錄。 如以呎價計，打破今年3月鴨脷洲利東邨一伙實用381方呎中層戶，成交價243萬元，呎價6,378元紀錄。
原業主98年綠表21.9萬元買入，持有17年來，今日轉售勁賺313萬元，升幅達14倍。
|
|
35. 引刀一快 2015-05-18 19:01:49
|
睇得明呢個鼠輩寫乜，真係IQ300，連老鼠文體都學識埋！
|
|
36. 生湯 2015-05-18 19:36:10
|
今時今日入來只是看引刀一快，開始連湯博篇文都懶看了
|
|
37. 大寶二寶 2015-05-18 21:16:26
|
回20 Johnny 兄
你冇睇我8. 講咩？樓價升定跌已不重要。
共谷之，哈哈！
|
|
38. 回 35 2015-05-18 21:37:08
|
|
|
39. 蜕变中嘅懒人 2015-05-18 21:51:49
|
懒人 無病呻吟
昔奉湯生若神明， 讚頌遭彈馬屁精，今見博士行歪路， 批評後封掃帚星 。
忠奸正邪難定界， 好歹善惡費疑猜， 真似假時真亦假， 孰真孰假辨無涯。
|
|
40. 長安邨綠表賣335萬 全港最貴公屋 2015-05-18 22:10:36
|
【公屋王專訪】變現3球 霸氣業主：買2層樓收租 登上全港綠表最貴公屋寶座的青衣長安邨安海樓中層戶，業主接受本報訪問表示：「單位沽出後，會搬遷與親友居住。至於變現金額，將會一分為二，考慮買多2個單位收租。」
單位在2012年放盤，本報曾經介紹這個公屋單位，記者曾親身入內，內櫳略殘，牆身有少許裂縫，廚廁殘舊。原為開放式間隔，屋主間成兩房，靠窗邊為大房，另一間為細房，整個單位的亮點是外望無敵海景。
放盤歷時兩年，叫價往往比市價略高，結果乏人問津。然而隨著樓價瘋癲，二手私人住宅盤源短缺，加上政府收緊按揭情況下，上車客越來越無得揀，公屋戶想換入私樓更難，惟有退而求其次揀回公屋置業。最終這個公屋王本周日簽署臨約。
全港最貴綠表公屋王，在2012年放盤，本報曾請來模胡心諾介紹。 
|
|
41. John 2015-05-18 22:26:18
|
To: 39/F
啱聽時就叫神明 不啱聽就掃帚星
「一言堂」
|
|
42. 湯粉 2015-05-18 22:54:04
|
「蘋果日報」做得好，找「賣家」和報道詳盡。
但我更想知「買家」為什麼要用癲價買公屋。
335萬私樓真喺無選擇??
|
|
43. 大寶二寶 2015-05-18 23:43:27
|
回39 懶兄
孖寶 靈丹妙藥
明燈指引樓價升，精辟見解是神明, 路遙方才知馬力，星塵消散現原形。
界定爆煲確難明，猜想為了提名聲, 假辯真時终變假，捱(涯)過八月復變形。
|
|
44. 方展博 2015-05-19 01:39:29
|
公屋居屋屢見破頂，看來林一鳴所講政府出招令上車客買唔起細價樓，要走去買細細價樓嘅預測似在應驗中，誰勝誰敗，已漸漸明朗了。
|
|
45. 自閹一快 2015-05-19 01:50:53
|
閹人自宮把刀引 小小蚯蚓豈用刀 廢話無知終如一 宣洩自卑求暢快
|
|
46. 引刀一快 2015-05-19 02:02:46
|
咁點解咁多人要買？好多人瞓街？係因爲好多人睇升啫。
|
|
47. 蜕变中嘅懒人 2015-05-19 06:21:31
|
回43樓 大寶二寶兄
懒人 扮野
情深難勝傷痛恨、缘淺卻餘破碎心， 無愛無嗔無仇怨、伴天伴海伴餘生。
|
|
48. 巴黎 2015-05-20 11:51:55
|
|
|
| |
|
|
App下載
