地產博客 > 資深會員專欄 返回
瀏覽人次:58362    回應:79
資深會員專欄
長河亂話(廿一 )- 強哥來電
 
歷史長河
2019年6月1日

朋友強哥是一位資深樓市淡友,雖然飽讀詩書,博士學位,收入尚可,不是買不起樓。只不過由於睇淡多年,樓市太陽始終不落,所以一直選擇日日賺的生活。


日日賺倒也無妨,畢竟人各有志。不過不知何故,強哥跟CCL和老C結下了仇,時不時質疑老C做假,尢其是當坊間充斥負面新聞而CCL上升之時,完全把自己統計學學到的知識拋諸腦後,一副淡紅了眼之相。後來我轉發一篇舊文供他參考,之後他便安靜了一陣子。
 
昨天晚上突然接到強哥來電,非常興奮地說:「哈,今次終於被我捉到。」
 
「捉到?捉到什麼?轉角?」
 
「No no no no no, 係老C造假的證據!」
 
「哦,講來聽聽?」
 
四區之中,港九市區樓價較接近自己歷史高位,港島相差0.27%,九龍相差0.26%。新界東相差4.72%,新界西相差2.56%。
 
為何四區樓價都沒破頂,新界東及新界西距離前高位更有一段差距,但樓價指數仍破頂?這還不是做假嗎?」
 
強哥來電之時,我正好在看一家公司報表。這家公司有兩隻主打產品,一隻利潤率高,另一隻較低。由於受到貿易戰拖累,第一隻利潤率從去年高位75%滑落至 70%,總體銷售則從10億增加到15億。另一隻利潤率從20%跌至15%,銷售也從10億跌至5億。雖然兩隻產品的利潤率都下跌,總銷量冇變,可總體利潤率卻從47.5% 增加到56.25%,去年共賺9.5億,今年破頂共賺11.25億。
 
咁我就把報表隨手影張相發給強哥,強哥沈思良久話「都係唔明點解」。
 
忽然想起網友打工仔 Andy 兄的金句「只要内心平靜, 十字路口可參禪」。咁我再發揮一下:「如果內心唔淡定,縱使博士亦枉然」。
 
 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 打工仔 Andy 2019-06-01 14:50:58
河兄

小弟在2月時對你文章的回應是

"今次雙底將會出現強烈反彈! 
這是上年敢於入貨者的禮物"

d磚家仲話跌跌趺
哈哈哈 ! 
2. 許文強 2019-06-01 14:57:08
有冇搞錯,樓主竟然記錯我個名,我唔係叫阿強。
3. 許文強 2019-06-01 15:09:13
河兄突然出文,想聽聽河兄妙筆生花的睇法,中美的修昔底德,確實有些淆底。
4. 引刀一快 2019-06-01 16:56:13
長河san

好文好文,不如同大家分享一下呢兩隻“主打產品”係乜,咁好賣,咪淨係益強哥嘛。
5. 強哥 2019-06-01 17:26:52
咁冇解釋到點解CCL冇造假喔。
6. CCL冇造假喔 2019-06-01 18:48:47
CCL 跌到 170 時四個分類可能跌凸
7. 歷史長河 2019-06-01 19:37:39
#5 強哥,真的要畫出腸嗎?

中原指數收報於189.42,創出歷史新高。四區指數中港島和新界東高於189, 而九龍和新界西則低於189。 中原指數是基於全港由中原促成的二手成交的加權平均值,理論上只要港島和新界東的成交量比重較去年高位時大,即使四區指數均未破頂,則反映全港二手樓市的中原指數也可以破頂的。

這和我看到的那家公司的數據一樣,雖然二隻產品的利潤率都下降了,可是由於高利潤產品的權重增加,整體利潤卻創出新高。

這只是理論上的推理,大家可以揾下數據看下港島和新界東成交占比是否比去年八月份時高就可以大致證明上述推理。反過來說,如果四區指數都低於189, 則可以說中原指數有誤。

同樣道理,如果是九龍和新界西成交比重比去年八月時增加,這樣就可能會出現四區指數皆破頂而CCL未破的情況。

不管怎樣,如果不能完全證明别人造假就不應該講是造假,否則便是輸打贏要。


 本週公佈上週比較上月比較
港島197.460.54 % 2.92 % 
九龍188.210.08 % 2.1 % 
新界(東)198.950.94 % 0.58 % 
新界(西)172.461.43 %3.56 %
8. 引刀一快 2019-06-01 20:45:27
難度好高喎,水晶球點樣推斷做唔做假呢?
9. 長河的水平 2019-06-01 21:10:17
有啲腦嘅人都明白,為什麼地代要出一個指數吖,真係幫大家更瞭解場市?

咁想嘅人,真係無腦!!
10. 絕對長河亂話 2019-06-01 21:50:26
咁樣都可解釋到,指數無做假,百分百長河亂話。

讀下書啦,長河小朋友!!
11. 水晶球 2019-06-01 22:19:59
其實可以問一下上年六至八月裸上嘅人如果現在原價收返,究竟佢地想唔想 reverse transaction。
12. 歷史長河 2019-06-01 23:44:32
# 3 樓強哥,沒有妙筆,所以生不了花。好在可以借下「珍惜香港」這位健筆來回應。珍兄所言也是我的看法,做為小人物,我們對歷史的進程可謂無足輕重,不過我們可以享受這個過程,見證歷史。是的,是享受。

13. 引刀一快 2019-06-02 06:41:58
To 11樓 水晶球

有效期幾耐?
14. 阿豬 2019-06-02 09:07:18
多謝長河前輩的解釋
在浩瀚的人類歷史
草根小民如我的確無足輕重
只望可以生存下去
已經不錯
15. 許文強 2019-06-02 10:07:34

我不知道CCL的統計公式,但按加權平均數的算法,當其他數值在轉勢時,加權平均數仍有其上升動力,如圖中的藍圈,加權平均數應是中學生的數學題。




未提供相片說明。
16. 許文強 2019-06-02 10:13:32
其實質疑CCL是做假,是面字問題,河兄記錯我名字,我叫阿文。
17. 二少 2019-06-02 10:31:44
很久沒看到有深度的文章了
18. 歷史長河 2019-06-02 12:29:57
#16 文哥,現今社會,人心浮燥,很多人對很多事情不求甚解,張口就嚟,極不負責任。坊間時不時都有質疑中原指數的聲音,可自己又不去看一下中指和政府指數的相關值。更有人先入為主,天真地以為代理指數當然會造假為自己服務。可是又不願深入一層去諗代理需要的是成交,而成交需要買和賣雙方的配合。

這篇小文只是從數學上論證四區均未破而中指可以破,當然并不能說明它絕對正確。統計數字而已, 根本不需大做文章!共勉之。


19. 龍虎豹 2019-06-02 13:18:17
長河兄的灑脫正氣是這網站的清泉,胸襟呢樣野,同有幾多身家冇乜關係。
20. 打工仔 Andy 2019-06-02 13:22:42
刀兄

其實好簡單,口袋錢只能買飯盒就 絕對冇可能去酒店食自助餐對嗎?
21. 邏輯一竅不通 2019-06-02 13:56:15
如果河兄真的理解統計學和數學,更應明白任何指數都可以輕易操控,尤其是在加權上選擇數據,在二手成交極低時更容易以選擇數據作為指數操控,我不是在證明指數有做假亦不能證明有做假,但當成交低及市場環境與指數不符合常理,懷疑指數能否反應市況,是合情合理。

從邏輯分析,你這個分析根本無法證明指數有沒有做假,如何你以這個證明給數學老師打分,不但不合格,更證明你邏輯一竅不通,誤導市民。

23. 引刀一快 2019-06-02 15:51:42
打工仔兄

如果食飯盒日日俾人侮辱,話你食飯盒日日賺,逼你攞一年飯盒錢去食一個月自助餐,如何?

呢度嘅主旋律,係叫人唔好理咁多,反正入場費低,入咗去自助餐廳食住先,食食吓就會夠錢,再唔入去遲早飯盒加價貴過自助餐。呢個就係呢度一貫講法。
24. 打工仔 Andy 2019-06-02 16:01:38
刀兄

呢度已經係淡淡嘅樂園, 好友都費事講咁多, 如果未上車嘅人或者落咗車嘅人日日上嚟睇 仲點會有鬥志上返車, 時間唔會等人,後生有工做有能力唔上車, 十年八年後一定後悔 !
25. 歷史長河 2019-06-02 16:10:20
#21 樓,

你說得對,要證明指數沒有做假的確非常困難。 本文以及18樓回應應該已經講到幾明白,只是話強哥「從四區未破而推論出中原指數造硬假」這一個舉證不成立。

我們生活的社會不就應該這樣嗎?如果不是有鐵的證據證明别人有罪,當然就不應該公然指責別人有罪。否則如果差佬隨便拉人,要讓被拉之人證明自己沒罪才放人,你認為如何?(不管怎樣,如果不能完全證明别人造假就不應該講是造假,否則便是輸打贏要)


我在7樓提到過一個 Scenario (反過來說,如果四區指數都低於189, 則可以說中原指數有誤 ),如果這種出現,我會第一個出來話老 C 造假。

話時話強哥已經一早打電話給我,話已經明白,並且舉出另一個例子話俾我知他真的懂了。

至於你話誤導市民,早幾年的確有幾個同事朋友聽過小弟意見上咗車,真是罪過罪過,阿彌陀佛!

26. 歷史長河 2019-06-02 16:38:17
二少兄好耐未見喔!

豹哥,您太客氣了。
27. 引刀一快 2019-06-02 19:46:44
打工仔兄

呢度從來都係好友嘅地頭,淡友一直係二等公民,事實嚟嘅。

討論嘅話題核心,根本唔係買唔買樓,而係價位問題,同位置問題,有邊個淡友叫人一世唔好買樓?都係認為價會跌或者未係時機啫,喜歡只租不買嘅人係對房產興趣低,唔會有心機喺呢度討論。

講到有工做有能力,呢個類別嘅人當然無需擔心,問題就回到我最初問你,如何釐定為住還是為投資。個人睇法,絕大部分人本意都係將住、升值、避險全部混為一談,同佢講價位,佢就話住係剛需,真係同佢討論居住,佢就考慮升值問題。
28. 陸永 2019-06-02 20:08:24
長河食咗偉哥?
29. 問27引刀 2019-06-02 21:14:35
請問28樓的淡友是在討論是買是賣吗?你唔好講D唔講D。
30. 引刀一快 2019-06-02 22:47:28
問27

你就正式係講啲唔講啲嘅最佳例子,最典型示範。
好友點攻擊淡友都得,淡友就要硬食唔還手?
呢個論壇一大堆出言不遜、含血噴人、污言穢語、人身攻擊、誹謗冤枉嘅攻擊者,專門污衊淡友。
31. 珍惜香港 2019-06-03 00:36:18
珍惜香港(2019-06-03 00:36)TO:歷史長河

我諗強哥唔喺唔識得計數,佢亦冇講大話,佢只喺以為自己真喺發現咗大單嘢,開心過頭,連諗多步都嫌費事,於是就妄下結論啫!

其實好多人都喺咁,以主觀嘅意志演譯資訊,根本就喺一個普遍嘅現象。所以,就算現今資訊發達,彷彿只要安坐家中,就能知天下事,但呢個世界,仍然喺充滿假象,同無數謬誤。而當中有唔少謬誤,唔喺嚟自資訊本身,而喺嚟自錯誤或者斷章取義嘅解讀。

數字上嘅謬誤,可以用數學方法破解,河兄嘅文章,加埋 7/F 嘅解說,已經好清楚,不過我見仍然都仲喺有人唔明噃!

數字,已經喺相對簡單,但如果涉及嘅喺,是、非、黑、白,或者理念、意識形態之類嘅東東,情況會有幾複雜,就自然唔使多講。

打工仔話,呢度已經喺淡淡嘅樂園;引刀就話,呢度從來都喺好友嘅地頭,淡友一直喺二等公民。

咁呢度,究竟喺淡淡嘅樂園,定喺好友嘅地頭呢?

都喺果句啦,網站,只喺社會嘅縮影

32. 升勢不饒黑心淡 2019-06-03 09:46:59