期望第二季港股港楼皆升

　　有老友叫我预测今年股市楼市，我话冇乜意思，预测嘅嘢，好似毛泽东所讲，一万年太久，只争朝夕，今年还有九个月，变化很大，所以，不如只是预测第二季，我认为股楼皆升，股市有10%升幅，楼市亦比两星期前谷底回升10%，不过，现在已经升了两个%，所以，楼市在第二季会有8%升幅。

　　虽然话有很多香港人在复活节期间离港，尤其是北上广深消费，但我的老友很多仍然留在香港，他们并不是刻意留港消费，而是享受难得的宁静生活，而事实上高级食肆，会所等生意没有影响，甚至家宴的厨师都做唔切，由此可见，北上消费的大多数是基层市民，影响的亦是服务基层的餐厅。

　　我有不少老友在政府全撤辣之后，投资地产心态亦改变，不但长揸，亦可以短炒，既然有人长揸，有人短炒，楼市点会唔升，股市都是一样，冇人炒，个市就会慢慢跌，有人炒就会升，现在香港股市已经跌到一个不合理水平，不少公司股票市值只是资产净值三分之一，再下跌的幅度不大，亦是短炒好时机，老友在复活节假期部署，唔敢讲股市在假期后会急升，但三个月升10%亦非难事。

　　至於楼市，如果政府唔撤辣，讲多都冇用，现在政府全撤，即是默许大家炒楼，正是行船争解缆，唔炒就笨，而事实上有很多人都有能力买楼，不过就心大心细，现在见到多了人买楼，又怕执输，所以，在未来三个月，楼价会升得很急，未有楼的人要著意多少。

　　如果有人炒，而股楼又上升，唔使政府搞，夜缤纷都会出现，大家搵到钱，消费是很正常，唔使山长水远北上消费，不如留返啲时间在香港搵真银，北上消费其实是浪费。