昨晚食饭前,老婆话炆了鲍鱼,准备下一次家宴,不过,早两日去银行攞十万元买海味时,被银行职员问到口哑,最后话买海味,仲讲定去边间买,才可以攞到钱,究竟银行点解咁紧张。
银行想唔紧张都唔得,如果唔照足程序做,有机会被国际监管机构话洗钱,罚好重,汇丰就试过瀬嘢,而且仲好多次,香港冇银行够胆以身试法,新加坡以前可能比较松些少,但现在都唔得,近日新加坡政府发表声明,话唔会做洗钱中心,令人有此地无银三百两感觉,不过,新加坡发表声明,对香港比较有利,大家都唔洗钱,赢输就要靠自己本领,唔好新加坡话香港是洗钱中心,香港又话新加坡是洗钱中心,不过,新加坡有赌场,要洗钱的确比香港容易。