地产论坛
登入名称
密码
页数:
豪宅无钱莫睇
浏览人次:26062    回应:2

豪宅无钱莫睇

 

左丁山

2020年11月24日

  老板P司机车左丁山到九福同老板P饮茶食虾饺,讲起抽新股与蚂蚁IPO,老板P话佢认为蚂蚁必要拥有,借咗好多孖展去抽,点知蚂蚁IPO被中央叫停,乜钱都赚唔到,好彩证券行话唔收孖展利息,佢都冇乜损失。左丁山问佢有冇买iBond,佢话每一手iBond利息,唔够在九福食三碟点心!这个当然,iBond系政府送畀中产,自然不入老板P法眼。

  老板P话去年为咗买一间屋畀阿爸住,周围睇楼,卒之在大埔区买咗一间独立屋,正在装修,要特别为阿妈设计,客厅饭厅、浴室,沿住墙都有扶手,以防止阿妈行路跣亲,老人家跌倒骨裂,好麻烦嘅啫,老人家最怕一个唔觉意跌在地上,随时骨折,一定要入医院做手术,有排先至复元。左丁山话:「驶唔驶去房协长者屋参观吓,参考房协为长者精心设计之居住设施?」老板P话又唔驶咁大阵仗,为阿妈即系为自己,因已年近六十,他日亦会搬入阿妈间屋。

  因为去年至今年第二季睇得楼多,经纪与佢相熟咗,不停叫佢去睇豪宅,最近有一个楼盘,尺价在六七万元之间,於是游说老板P去睇吓钟唔钟意,但要首先出一张银行本票二百万畀发展商律师楼,先至可入内。老板P对经纪讲:「我银行今日啱啱有二百一十万存款,有资格买一张二百万本票,但买本票要手续费,睇完唔买,律师楼几耐先至可以退番本票畀我?好麻烦啫。买得起亿几两亿银一个单位嘅香港人(依家冇晒大陆新客),你地电脑大概有晒资料啦,驶唔驶要睇本票呀?」

  经纪无言以对,其实先收本票后准睇楼呢一招,系要用嚟阻止无聊人斋睇唔买嘥时间啫,但正如老板P咁讲,买亿几两亿嘅楼,身家应有二三十亿起码,经纪应该识得不少,知道边啲系石九公充斑嘅啫,根本难以出现无聊人踩烂示范单位嘅境况,真正有几十亿身家之人边会有兴趣买张二百万本票嚟睇楼噃!基本上,睇豪宅先要交本票,乃物以罕为贵嘅现象,供应少,内地富豪要求多,超级豪宅於是乱叫天价。美国大明星、球星住占地几十亩之五六千尺豪宅,亦不过三四千万美元而已,未必买得起香港山顶一间独立屋。

豪宅无钱莫睇
1. 经纪无言以对
2020-11-24 11:00
反应慢,点会无言以对啫?呢啲咪叫滞胀罗,又唔肯平买,又唔俾人睇,咪冇交易罗,冇交易咪贵罗。
2. 十一哥
2020-11-26 09:36
美国名D几千万所谓豪宅、价值在实体…建筑装修、香港价值在…路畸唇。
页数:
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

声 明

所有议题/文章由其作者提供,大部份回应/留言是即时上载,少部份未注册为会员的回应/留言会经我们的系统过滤,所有议题/文章/回应/ 留言/资讯及评论并不代表地产资讯网(Property.hk)立场和观点。由於本【地产论坛】受到「即时上载留言」运作方式所规限,故不能完全监察 所有留言,若读者及用户发现有留言出现问题,欢迎以留言或电邮方式与我们联络(admin@property.hk),我们有权删除/堵截任何留言 (删除/堵截留言前不会作事先警告及通知), 如有任何争议,本网站管理员拥有最终的诠释权 。