地產論壇
登入名稱
密碼
頁數:
應以換樓人士心態移民
瀏覽人次:20903    回應:8

應以換樓人士心態移民

 

湯文亮博士

紀惠集團行政總裁
2021年4月5日

  昨日清明節,合時食燒鵝,晚餐宜簡單,老婆去買了半隻燒鵝,老闆送了一份鵝背給我,一般人當然鍾意食鵝髀,但鵝背才是精華,當然還有鵝紅。

  食飯時老婆話有一個朋友準備移民,已經約了她去飲茶兩次,每次都是講同一話題,就是香港已經沒有前途,契弟走得摩,聽都聽到悶,老婆亦打算唔會再應酬那個朋友。

  老婆話點解準備移民的人一定唱衰香港,其實,一個移民就好似一個賣了樓的人,一定睇唔好前景,樓價一定會大冧,才顯得他們英明神武,其實,移民應該改變心態,不是一個賣樓而是換大樓的人心態,移民的目的是追求更好生活環境,更舒適生活,更好的工作以及學習機會,但並不是代表離開的地方很差,換樓也是一樣,賣了的舊樓並不表示樓價一定要下跌,但升值以及樓宇質素一定不及新買的樓宇,如果舊樓下跌,新買的樓宇會跌更多,不過唔知點解,大多人以賣樓的心態移民,香港唔衰,他們就唔開心,是否攞苦嚟辛,點解唔可以改變一下態度,以換樓人士的心態移民。

應以換樓人士心態移民
2. 引刀一快
2021-04-05 22:54
成隻鵝,除咗上翼衰啲,其他度度都都好食,我最中意髀嚹果舊肥膏,連皮大咬,甘香豐腴,鵝油肉汁自動滑入喉嚨,無法無天。
3. 引刀一快
2021-04-06 00:21
移民大灣區,唔係心態換大屋,係實實際際換大屋。
或者話,添大屋。
4. Jon
2021-04-06 16:27
刀兄,
点睇深圳指導價政策?鏈家咁多錢搞大數據將叫價/成交價透明化,加上全實盤,用家真係like爆。而家就陰公。。
5. 引刀一快
2021-04-06 17:31
Jon兄

睇政策,要睇埋對策,同埋要睇當地執行情況。


6. 十一哥
2021-04-07 08:28
刀刀  睇咁多…究竟睇倒乜策 ?

7. 引刀一快
2021-04-07 11:04
睇到冇十一仔份囉。
8. 十一哥
2021-04-07 12:17
刀刀 等你睇到…韮菜都割清啦!最緊要睇到條返歸嘅路…縮埋灣水始終都唔係路。
9. 引刀一快
2021-04-07 14:09
十一仔,我講咗乜俾Jon兄知你都睇唔明,學咩人講韭菜吖。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。