地產論壇
登入名稱
密碼
頁數:
歧視也是很好的銷售策略
瀏覽人次:14432    回應:10

歧視也是很好的銷售策略

 

湯文亮博士

紀惠集團行政總裁
2021年1月7日

  昨晚食飯時,老婆話有一個非常有錢,但很孤寒的大媽朋友,突然買了很多很貴但不實用的衣服,大家都不明白,原來老婆那位大媽朋友同人去shopping ,售貨員只識招呼她的朋友,基本上當佢透明,而她又知道在財力上高出她的朋友很多,但點解售貨員唔招呼佢,自己覺得被人歧視,於是大破慳囊,買了很多無無謂謂衣服,有幫襯,那位大媽立刻被人捧上天,開心了半日,現在對住一大堆貴價衣裳就非常後悔,最衰有限聚令,都冇適合場合去著那些衣服。

  我對老婆說,經常有人去到名店食飯,問部長有什麼好介紹,有時部長會介紹一些非常平凡,價錢唔貴的菜式,客人會唔滿意,覺得自己被歧視,會主動要求部長介紹一些貴格菜式,如果部長一早介紹那些貴價菜式,就會被人話是謀人寺,歧視有時是一個很好的銷售策略,今次大媽被人當透明,火滾起嚟,大買特買,售貨員目的已達,大媽亦開心了半天,大家各取所需,公平交易。

歧視也是很好的銷售策略
1. 大鄉里
2021-01-07 14:40
買衫不能呈强,如果衣不稱身,好易攪到有 face 冇 taste .

2. 十一哥
2021-01-07 17:29
一向口不擇言、有一次人地曬名牌…問靚唔靚…眼定定望住佢…沖口而出…額頭有個蠢字、幾乎絕交咁滯。
3. 引刀一快
2021-01-07 20:26
妒忌,係好難扮坦率嚟掩飾嘅。
5. 龍虎豹
2021-01-08 08:20
基本做人禮貌,其實唔係個個識。
6. 十一哥
2021-01-08 10:22
5樓  禮貌同虛偽有時好難分嘅、一係唔好問我…問得就我口說我心、所以自知朋友小…但唔明點解一呼又百應喎。
7. 引刀一快
2021-01-08 10:34
通常自認朋友多嘅人,要麼個個點頭知己無一,要麼就係根本唔多。
裝個潤訊傳呼機,咪一呼天下應囉。
8. 十一哥
2021-01-08 10:49
哪 ! 刀刀…應得幾快… 
原來刀刀仲揸住部古董過日辰㗎 ? 果間乜公司而家喺邊度 ?

9. 引刀一快
2021-01-08 10:54
我駛乜用潤訊唧,一隊十一仔就馬上應喇。
10. 引刀一快
2021-01-08 10:57
見你咁孤單,應多應,你個心,好多羨慕嫉妒恨喎。
11. 向泛民说不
2021-01-08 12:31
大陸的防疫策略就是美帝研发的電腦防毒软件norton和McAfee anti-virus的策略。就是scan(全民檢疫)+隔離(方艙醫院)+firewall

歐美只做firewall,唔做scan(全民檢疫)+隔離(方艙醫院)。因為成本太高。所以如果有漏网之鱼的病毒经过firewall进入系统,好自然在系統裡面会不斷複製直到系统崩潰重啟。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。