地產論壇
登入名稱
密碼
頁數:
銀行千祈唔好做好天遮
瀏覽人次:13970    回應:8
銀行千祈唔好做好天遮
 
湯文亮博士
紀惠集團行政總裁
2020年9月22日

  有老友話,市場上多了很多銀主盤,是不是銀行向按揭客戶追數後果,如果銀行不斷向按揭客戶追數,樓市必然大冧,老實說,如果銀行追數,莫講樓市,整個經濟環境都會受影響,反過來說,如果太多客戶向銀行取回存款,即是大家所說的擠提,銀行一樣捱唔住,所以,銀行與客戶之間一定要有互信,更何況客戶有物業作為抵押,未到非迫不得已,銀行千祈唔好向客戶追數,否則結果是兩敗俱傷。

  一向以來,銀行給予一搬市民感覺是好天遮,有任何風吹草動就會收遮,雖然不是什麼好名聲,但亦難怪銀行,不同做其他買賣,有相當多利潤,銀行真金白銀借出去,賺個蠅頭小利,如果唔做好天遮,銀行很快就會執笠,但時移勢易,自從金管局推出逆週期措施,將按揭成數普遍壓低至不足五成,有一些甚至是兩三成,銀行可以搣甩好天遮外號,因為如果客戶週轉有問題,冇錢供樓,可以問財仔借錢,當愈借愈多,連問財仔也借不到錢,又冇能力還供款,業主唯有將物業賣走,還了銀行與財仔的貸款外,可能還有兩三成樓價落袋,所以,銀行是不用擔心按揭客戶不還款,既然唔擔心,又何必要做好天遮。

  假如業主借到爆,銀行仍然不用做好天遮,因為財仔會向業主追收欠款,如果業主冇錢還,財仔就會收樓,將物業變成銀主盤,然後公開拍賣,在成功拍賣之後,銀行是可以收到全數貸出款項,包括利息,就算資不抵債,損失的是財務公司而不是銀行,既然銀行冇損失,又點解要做好天遮。

銀行千祈唔好做好天遮
1. 銀行千祈唔好向客戶追數
2020-09-22 11:29
咁獅子會不會變毫子股?
2. 一語成讖
2020-09-22 11:47
雲在青天水在瓶

2020-04-03 20:59


匯豐現跌近自2011年以來的上升軌支持線,現約為37,短期有機會反彈上47,但如果跌破支持線,量度跌幅為負值!跌至負數的可能性只有一種,即股份合併後再跌。


匯豐將成為另一個8號仔!只有中資控股、遷冊回港,才有可能避免每況俞下。


3. 十一哥
2020-09-22 13:28
證明亦週期係啱嘅、大利當前…就算係砂砲…都大把潺仔敢㩜、一辣手…冇力就焗丟、限定…擔…就要夠力…轎夫個個夠力…穩陣好多。
4. 十郎
2020-09-22 13:53


      落雨收遮。

5. 鳥5
2020-09-22 15:01
歷史不嬲都係重覆㗎啦!
6. 另一個8號仔
2020-09-22 15:02
紅跑司機都問, 其實本講自從解放後英資已無專利特權, 野又不是做得好, 又比人貴, 又被圍毆, 電訊電力電腦航運客運, 淨低係得賣惠康美心的牛奶公司, 然後 Triple Seven 就嗌咪要照顧弱勢社群。
7. 鳥5
2020-09-22 15:04
溫故知新麻!睇過去了解未來!而家D人係睇未來去了解未來!隨時倒果為因!
8. 十一哥
2020-09-22 16:23
投資本就係賭博、唔好打躉…要完鬆。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。