地產論壇
登入名稱
密碼
頁數:
抗疫不齊心,始終輸鑊金
瀏覽人次:20062    回應:29

抗疫不齊心,始終輸鑊金

 

湯文亮博士

紀惠集團行政總裁
2020年9月17日

  有老友問在淝水之戰,前秦苻堅以百萬大軍,點會輸比人數只得八萬謝家軍,是不是謝安懂得調兵遣將,抑或謝家軍降將朱序再次倒戈,在前秦後防大叫秦兵敗了,一時間百萬大軍胡亂後撤,做成風聲鶴唳,草木皆兵,歷史的確是這樣描述,如果簡單講一句,就是北方各民族不齊心,百萬大軍其實只得五十萬,苻堅嫡系只得五萬,其他屬於北方各民族,如果苻堅贏,他們便渡江瓜分東晉,苻堅輸,他們以後就不用睇苻堅面口,軍心不齊,又怎可能贏得戰爭。

  特區政府抗疫,好彩得到中央政府相助,可以為全香港770萬市民作出全民檢測,但結果只得178萬香港人去做檢測,任香港政府如何解釋,大家都知道今次全民檢測是失敗,至於失敗原因,全香港人都知道,不過大家唔會講,就是不齊心。

  在推出全民檢測初期,那個日日在電台教人抗疫的傳染病專家高調表示是不會去做檢測,至於去其他人去不去就自己考慮,我有老友話唔去,理由是專家都唔去,點解佢要去,除了那位傳染病專家之外,還有不少醫護人員公開抗拒撿測,在這惡劣情況下,有此成績已經唔錯。

  從外國得到經驗,學校開學將會有不少交叉感染,是新冠病毒修羅場,最佳辦法就是全體老師學生檢測,但教協持反對聲音,表明不是強制性,將老師學生的安危不顧,言猶未已,已經有小學生確診,我相信教協很快就會掉轉鎗頭評擊政府,應該早一些推出全民檢測。

  我睇睇下,林鄭就好似苻堅,就算好打得都冇用,其他公共服務單位根本是各自為政,大家唔齊心,抗疫又怎會成功。

抗疫不齊心,始終輸鑊金
1. 講多無謂
2020-09-17 13:15
沒有認授性的政府,成績算不錯了。香港人有自己的思想,對或錯,唔知,但路自己揀,自己負責。不會因為一些人的發言去隨便跟風。好多老人家一句,條命係我,我都大半世,中左仲好,不想家人負擔我,一了百了。
2. 好貼切
2020-09-17 13:21
講中晒,香港太多賣國賊
3. 檢測不是免疫針
2020-09-17 13:42
檢測不是免疫針, 講到好似一次檢測無事等同一世無事咁, 
4. 忍者
2020-09-17 13:55
咁唔齊心又係由邉個做成呢?哈哈哈
5. Stephen Wong
2020-09-17 14:31
乜學校由教協發號施令?唔係由校長揸fit咩!唔怪之得九大學校長係舊年搞成咁!
6. 咁唔齊心又係由邉個做成呢
2020-09-17 14:47
咪就係抵賴別人果個人囉。
7. 校長揸fit
2020-09-17 15:32
校長冇驗嘅交名。
8. 向泛民说不
2020-09-17 16:35
民主毒的dna就是再野党必定拖执政党的后腿。加上香港饭民以美国利益为先。到现在仍然在抹黑健康码,抗疫又点会齐心。饭民畜生目的就是揽炒,也就是不让香港人有好日子过,因为知道韦小宝的格言,如果人民生活没有问题,就不会有人反政府。为了啦执政者下台,他们必定是搞破坏。
9. 向泛民说不
2020-09-17 16:50
97年前,香港电台是政府的喉舌,解释政府政策,帮助政府推行。 但是97年之后,香港电台变成反政府电台,比毒果,美国之音更加反政府。体现了饭民畜生讲的言论自由,真系兰花系,美国之音只是发表和特朗普的声音不一样,台长,负台长就被炒友,真系唔明政府点解仲吾改革香港电台。在加上香港公务员7成黄,政府基本上无可能推行任何政策。
10. 鳥5
2020-09-17 19:47
連強制已經3OO萬人!一日測五萬硬件齊呀!方倉預備好晒!反彈5會影向得去边啫!大規模疫苗大陸11-12月!香港遲極3月!上下波幅計晒數啦!抗疫失敗???諗多呀!要小當然仲可以搵野小!!!如果話失敗!我覺得會5會諗多左D呢?
11. 鳥5
2020-09-17 19:56
高銀4OOO萬彈票!如我預期!未來15個月會有D人係(原來冇著衭)!
明白大嶼照上!
空置稅照上!
臨屋加力照上!
再重提租者置其屋!
以上係順序港府軟著陸劇本!
大陸攪香港民生經濟(遲小小)。。真係付合小弟預期war。。小弟(估)過5成西出預期(硬著陸)。。自己計自己數!
13. 鳥5
2020-09-17 20:07
9F.政府廢左武功係D十年既!我都明D果(大机率)概念係正常!BUㄒ!!今年年尾開始!會快出預期!D人係林鄭做幾耐就小幾耐!(同cy.董生)一樣!不過今次5同亞爺同林鄭。亞爺今次宿一玩到尾!今日我講既!大机率連任!攪好房策!有机會攪埋23條先完任期!而家仲有救港政策出台!先置死而後生!出年係香港最麻煩既一年!(各方開牌)
14. 鳥5
2020-09-17 20:08
更正:阿爺5宿玩到未!
15. 引刀一快
2020-09-17 21:58
想齊心幾咁易,只要檢測結果有認受性,大陸接受限時內有效性,外加幾個國家認受檢測結果,攞住可以過關唔使隔離,個個都去check,俾錢都check,唔俾你check都要check,check完又check。
16. 引刀一快
2020-09-17 22:08
鳥5兄

香港駛乜救,未來就係借尸還魂,然後粵港澳融合,呢個係冇第二條路走嘅趨勢。
若果呢兩年風平浪靜,咁唯一差別就係冇借尸還魂呢part,直接奪舍。
中港同質化,點可能等到2047。
17. 引刀一快
2020-09-17 22:14
鳥5兄

要香港好,完全無需填海,一個飛地,成個大灣區GDP即時扯高一截,仲可以幫內地解決今年班本科仔就業,呢個經濟效應,好過填海多多聲。
18. 十郎
2020-09-17 22:52


      其實真係不是這麼艱難。

      檢查的費用 , 姐姐磨磨都用左8億 , 如果實行 , 來檢測者領300元消費劵 , 即刻排到鯉魚門 , 又幫到經濟。


20. 鳥5
2020-09-18 00:13
刀兄!你都睇啱一半!救港人先。。攪5掂自己死上去!慢慢平衡下!地方大鬼城現貨大把。。就算兩萬五千個中小企執笠每間連老闆五個就業都係十萬人失業!失業率最高去到十個percent講緊都係三十五萬人。2.9個percent全民就業。相差只係21萬個就業!政府基建拉動嗰度都有六萬人!阿爺諗計只係大概十五萬!根本其實唔難!阿爺都未出手其實就係今次想瓜都直!瓜到直,先至救!從長遠管治!今次下咗決心!
今次目標。
港獨
叛黨
財閥
深層矛盾!打失還需自身硬!首要執(系統)
上年我七月講過!香港D鑊野,5係林鄭一個人既問題!林鄭唔好似懂生CY 即走!反而嚮日本被傳召見王岐山(中國第一期手)!一個月直上習生!底牌話你聽!換中聯辦!再加直係辦公室向深圳!即係大執!我睇嘅嘢到而家都符合預期!而家阿爺話畀粒糖味一年後選立法局!等班/叛黨。掛住爭粒糖。互相篤灰,互相廝殺!其實我可以好大膽講!根本大部分都入唔到閘!。。。中曬阿爺計囚犯困局。我諗我了解共產黨國家精英應該比你多!

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。