地產論壇
登入名稱
密碼
頁數:
疫情後,樓市會不會出現父親節
瀏覽人次:14844    回應:9

疫情後,樓市會不會出現父親節

 

湯文亮博士

紀惠集團行政總裁
2020年6月25日

  政府久不久做番一單好嘢,最近一單就是及時在父親節之前放寛限聚令,令到不少家庭可以共聚天倫。酒樓又可以做到不少生意,為疲弱市道打一支強心針。施永青警告香港人,樓市復甦程度可能比酒樓還要激烈,大家有買就要趁手。

  有人話老施賣花讚花香,希望旗下物業代理可以多做生意,所以話樓市復甦程度比酒樓生意還要勁。我今次絕對認同老施睇法,再過去一段時間,我們從報章上睇到不少劈價賣樓以及低價成交的消息。但實質上在過去六個星期,中原指數五升一跌。本來,指數升升跌跌沒有什麼大不了,但大家唔好忘記,現在樓市只靠香港本土人士支持,在疫情與社運下仍然不跌,這是報復性上升預警。因為香港與國內人流來往還未解封,仍然有這個成績。當兩地冋復正常通關,國內購買力湧現,香港樓市難保不會出現一次父親節。我並不是叫人買樓,只是話如果有需要,而又遇上一間適合自己樓宇,就不用太猶豫,否則就好似剛過去父親節。如果唔訂位,隨時要五點或者晚上十點開餐。雖然做父親的多數唔會介意,但點解唔做得好一些。

疫情後,樓市會不會出現父親節
1. 買樓讚花香
2020-06-25 11:05
幾時買樓都好,一炮過付款先致係香
2. 大灣28日生活區
2020-06-25 11:18
同意博士,後疫情時代,大灣區概念已經不可行,因為將來來回一次大灣區代價高昂,令香港樓市少咗最大的競爭對手。 不斷放水,供應不足,競爭消失,港樓越來貴是必然的,亦是必須的。
4. 引刀一快
2020-06-25 13:16
樓上真聰明,係呀,永遠都要隔離28日。要隔離28日,但係大陸人又會買港樓,香港又唔會經濟崩潰,你係咪想咁講呢?
哈哈哈哈
5. 大灣28日生活區
2020-06-25 23:30
大陸移咗來香港長住個班人,一樣不會返大灣。因為返去一次,來回要坐28日疫牢,冇幾多個人受得了。 

因病毒變異,疫苗可靠成疑。未來一段很長很長的日子,都將會每月只有少數名額分配俾人攞健康碼過關,但有效期只有7日。

香港同廣東兩邊都有自己的考慮。長遠封關比開關的政治風險要低太多

隨意過關的時代已經一去不返。大灣區28日生活區是新常態(new norm)。
6. 大灣28日生活區
2020-06-26 00:03
封關有助減少病毒又可以大大減少两邊的矛盾,好處大於壞處。所以林鄭餘下任期(至2022年6月)都會封關。下一任特首亦未必有勇氣開返個關。所以香港人可以去日韓台泰旅遊的日子會比去深圳玩的日子要早得多。

大陸人唔嚟但大陸錢却會湧入香港炒港中概股及買金融產品。香港實體經濟要轉形,變得更加本土化因為冇咗其實可以冇, 冇好過有的自由行。 

7. 引刀一快
2020-06-26 02:33
哈哈哈,你啲客落嚟睇一次樓都要28日,邊個咁神心睇你出啲盤呀?你出一張單,可能都要一兩年喎。
8. 大灣28日生活區
2020-06-26 11:06
今次封關的最大益處,就係證明香港不須要自由行。當然冇咗香港客,如引刀這種靠港客搵食的大灣AA一定係凄慘,可以理解。
9. 引刀一快
2020-06-26 12:52
放心,我唔係你同行,你自己慢慢,唔阻你繼續call客嚟隔離28日睇樓喇。
10. 冇幾何
2020-06-27 12:12
點解唔諗吓,通番關,啲大陸人落嚟賣樓,個樓市會點?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。