地產論壇
登入名稱
密碼
頁數:
交稅愈多的人愈不會移民
瀏覽人次:14423    回應:13

交稅愈多的人愈不會移民

 

湯文亮博士

紀惠集團行政總裁
2020年6月24日

  近日有不少物業代理舖面廣告都是以移民急讓作招徠,有老友問是否真的有很多人要移民。老實說,我真的不知道,只知道物業代理行的移民急讓只是廣告,是因應環境情況而出現。現在大熱話題是移民,用移民急讓做廣告是很正常。如果好似一兩個月前負資產增加,代理行廣告就會改為銀主急讓。總之,在任何時候,物業代理行都會搵到一個最佳理由來吸引人去買樓。這類廣告還有一個副作用,就是令到一些業主減價賣樓,一石二鳥之策。

  老友又話,根據統計數字,香港有十幾萬人年薪超過百萬,香港的入息稅亦靠他們支持。那些人是香港精英,其他國家或者地區至愛,移民沒有難度。如果那些人移民,就會清空香港,令到入息稅收大減。老友真的是杞人憂天,交稅愈多的人愈不會移民。任何人都應該知道,交稅多即是收入多,地位又高,移民之後不但收入減少,而且地位會大幅下降,分分鐘由總經理變總務,那些人點捨得移民。就算在97年前,那一類高收入人士都只是將家人移走,自己做太空人。反而一些低收入,職位不高的人會移民,就算做錯決定,損失亦不會太大。

  不過話分兩頭,最多人移民的類別是年紀比較大的業主,或者低收入人士,移民對他們的收入以及地位沒有影響,而且他們的單位亦是多年前以低價買入,移民反而可以利用在香港收到的租金到另一個地方過舒適的生活。所以,物業可以不賣就不賣,而物業代理亦了解實況,所以不斷重複有人移民而急於賣樓,希望那些移了民或者即將移民業主害怕樓價下跌而賣樓。而事實上真的有人因移民賣樓,成交量亦有增加,但樓價仍然沒有下跌。老友不明白箇中道理,他可能忘記剛才講過香港有十幾萬人年薪超過百萬,那些人不但不會移民,而且是樓市的堅強支持者。若非如此,點解在國內購買力仍未來到之前,香港樓市仍然可以上升。老友問當國內購買力湧到香港,樓市會怎樣,我話唔敢想像。

交稅愈多的人愈不會移民
1. M3哥
2020-06-24 20:33
香港整體港元及外幣銀行存款過去幾年一路到今個月都月月創新高,完全睇唔到移民走資的影響。

黃絲多窮人,窮人移民,又有幾多物業可以賣,又有幾多錢可以走?如湯博士级數的有錢人,冇幾多個會離開香港的。

弱的廢的睇錯市的被淘汰離開,留下強的富的對香港有心的,新陳代謝,對香港只有好處。
2. 鳥5
2020-06-25 16:13
十一哥,元朗兄,7月2日,國家入場炒上.有貨5好走住...
3. 鳥6
2020-06-25 16:28
回樓上,承你貴言😚
4. 亞Q
2020-06-25 17:08
有乜心水 ?
5. 鳥5
2020-06-25 18:08
 5唔識玩就a50...鳥6...識時務者為俊傑...我做話咗你係叻仔嚟㗎啦..哈哈
6. 鳥5
2020-06-25 18:53
唔識玩就a50...鳥6!我一早話你叻仔嚟㗎喇!識時務者為俊傑..哈哈!
7. M3哥
2020-06-25 19:38
香港樓是國內同胞炒貴的,只不過是吹水吹出嚟的理論。封關已經差唔多半年,今年樓價同年初比較不跌反升。

香港有銭的2成人,已經有實力撐起本港樓價。致於日日嗌要走資要移民的窮鬼黃絲,冇購買力及影響力,可以不理。
8. 元朗真香港人
2020-06-25 20:22
鳥5兄,
我都係贏褲+a50
9. 鳥5
2020-06-25 22:03
元郎兄,叻仔,就算睇錯市...屬牛調轉咗.都係坐幾年....
10. 鳥5
2020-06-25 22:05
元朗兄.叻仔...就算睇錯市!紅牛調轉咗!最多坐幾年!
11. 元朗真香港人
2020-06-26 09:04
見笑了。
試過大市昇,個股唔昇。

炒股和時裝一樣,當炒要有sense和時間。

我都冇!

贏條褲好過定期係啦。
12. 無雙
2020-06-26 09:18
香港人收入全球最高地區之一, 稅率是全球最低

莫講商界精英. 一個普普通通中學教師教了十年都7萬銀人工, 兩公婆教書的輕輕鬆鬆就十四五萬一個月. 而那些政府中層職員醫護都係全球最高薪的. 所以呢, 即使以本地人計, 買得起樓的大有人在.

這班人日日呱呱叫,  比佢地移民歐美, 就能體驗到什麼是"共產主義"了, 比政府收稅共晒D產, 福利表面上好好, 其實就好似以前大陸人以為香港綜援好好一樣. 大城市樓價以當地人收入及稅後計一樣好難付擔, 仲要無菲傭, 兩公婆要一齊工作, 照顧仔女都有問題 (所以歐美疫情嚴重都要復工復課). 外國既中產生活都係艱苦, 無錢剩, 邊學得香港人成日去旅行食好野. 

講移民? 其實真係歡迎佢地移架, 咁D後生就多D上位機會啦



13. 亞Q
2020-06-26 12:23
小小一個紐西蘭 , 人口比香港少一半 , 打工出糧當日立即被抽稅30% , 7折攞返屋企 , 買樓簡直係夢想 !
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。