地產論壇
登入名稱
密碼
頁數:
茶餐廳亂話(664)送禮最忌受禮者得物無所用
瀏覽人次:18984    回應:11

茶餐廳亂話(664)送禮最忌受禮者得物無所用

 

湯文亮博士

紀惠集團行政總裁
2020年3月30日

  今早去到茶餐廳,見到老闆大娘檢視所有準備送出口罩,自從新冠疫情開始,茶餐廳隨餐附送口罩,老闆當時話好過打折,現在當然變成時尚,茶餐廳每日大約送出400個口罩,老闆會準備500個,但早兩日,有一批口罩只是得一邊有綁帶,變成得物無所用,有客人投訴,老闆非常唔好意思,所以,老闆大娘今日檢視每一個送出去口罩,確保收到的人都有用,老闆聯絡供應商,答案是可能貨源緊張,品質管理做得不好,掛萬漏一,在這情況下亦情有可原,但有一個情況,沒有一個客人將口罩退回給老闆,只是通知他口罩只是得一邊綁帶。

  有報道說中國政府送出了不少抗疫用品到有需要國家,但很多抗疫用品很多都不符合標準,以測試劑為例,準確度只有40%,如果真的是這樣,就是中國政府不對,但原來那些不合格用品,大多數是由個體企業名義送出,出了亂子就將責任推卸落中國政府,以菲律賓為例,有一些由中國企業送出的測試劑不合格,被說成是中國政府送出的不合格,最後要由菲律賓政府出面澄清,不過無論如何,送禮人要緊記一件事,就是受禮者要合用,否則就唔送好過送,仲有千祈唔好送次貨。

茶餐廳亂話(664)送禮最忌受禮者得物無所用
1. Zeitgeist
2020-03-30 14:56
點解全球醫療用品咁短缺,尤其在美國?
1.新冠在武漢爆發,全國支援,國內存貨全調用,剩下已不多。
2.撞正新年,加上封城冇生產,冇新補給。
3.美國貿易戰加關稅,美國存量都不多,入口商都盡量做到剛剛夠用就算,費事積壓本錢在存貨上,Just meet Demand算了。
所以侵侵的加關稅最後都反彈到自己,算人卻害己。
侵侵加關稅收得雞碎咁多,卻賠上自己連任和人民生命,仲未計萬億美元公仔紙來托市救市。
當年貿易代表Robert Lighthizer奉侵侵之命,砌ㄧ張加關稅貨品名單時,以為越長越嚇到中國,名單上加入醫療用品時,(即使關稅聽証會上90%美國入口商反對,仍堅持推行--所謂民主的制度!!),又怎會想到這個蝴蝶效應呢?
天作孽,猶可恕;自作孽,不可活。
2. 正氣
2020-03-30 15:54
人算不如天算,原來諗中國大獲鳥,誰知全世界仲大獲,看來中國國運有排未完
3. 引刀一快
2020-03-30 20:07
據稱係對方冇睇清楚說明書,用法唔對。
4. 美國等一
2020-03-30 23:11
大家不要恥笑啦,侵侵話甚麼都不可以輸,一定要美國第一。依家果然美國第一。講得出,做得到,佢一定連任。
5. 元朗真香港人
2020-03-31 10:13
近來對於民主有d頓悟, 特朗普將民主魔術揭秘。

1.人民不會承認自己選錯。

2.總統錯到離晒譜,但可以管理人民的期望。
死二十萬都算做得好。

3.引導集體仇恨,搵代罪羔羊。

香港黑暴同一手段。


6. 真真薯片
2020-03-31 11:10
網上傳有大陸人專登賣次貨比人,特美國死多d人
7. Philip wong
2020-03-31 12:08
莫須有害苦了香港,什麼八三一死人,什麼釘書機,什麼黑警强奸......法輪功式的塗鴉,唔知點解仲有人信,真悲哀!
8. 回7樓
2020-03-31 13:32
香港窮人越來越多是因為蠢人越来越多。 香港蠢人同窮人數目的增長,絶對成正比例。

一個城市的年青一代智商下降,這個城市注定冇運行。喊都無謂。
9. 引刀一快
2020-04-01 07:15
真真薯片兄

呢個傳聞,引申出一個好複雜問題,到底係有心害人,還是貨品質量唔過關,用嚟遮醜?
問心,如果生產醫療設備嘅廠家有呢種害人嘅心,無論係對國人還是外人,佢嘅貨絕對唔值得使用,呢間廠死得。

11. 真真薯片
2020-04-01 13:29
刀兄,咁又未必,個負責人係微信公開講,仲好多人讚,隨時仲做多左國內單,海外買家吱睇微信,隨時唔知頭唔知路繼續落單,食晒兩家茶禮
12. 自醉
2020-04-01 20:13
菲律賓的確係小題大做,唔收你錢有四成準確度都唔滿意,人哋西班牙、意大利、 捷克俾錢買準確度都係得兩三成咋! 仲想點?

引刀兄講得啱,成件事可能係溝通問題,只要將確診與非確診調轉睇,準確度就即係由兩成升到八成啦! 哈哈哈!

其實遊戲一直都係咁玩冇變過,只係啲人IQ有問題。 可防可控即係將會失控,人不傳人即係高傳染性呀嘛! 咁零新增確診又即係咩?

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。