地產論壇
登入名稱
密碼
頁數:
茶餐廳亂話(638)唔做善事,就唔會畀人鬧
瀏覽人次:18984    回應:11

茶餐廳亂話(638)唔做善事,就唔會畀人鬧

 

湯文亮博士

紀惠集團行政總裁
2020年2月18日

  今早去到茶餐廳,聽到老闆大娘猛呻,話好心被雷劈,原來大娘見到同區住的一位老人家,兒子又不理他們,早餐都時有時無,於是一力擔承,話茶餐廳每日都會送早餐給他們,而且仲係免費,如是這樣過了幾個月,近日由於外賣太多,未有按時送給那位老人家,講都無人信,那位老人家竟然到茶餐廳鬧老闆大娘,不知情的人想也不想就覺得老闆大娘不對,老闆話早已叫大娘唔好這樣做,唔做善事就唔會畀人鬧,搞到自己咁勞氣。

  近日我真的不知道點解咁多人去排隊買口罩,而且一路排隊一路鬧政府,話政府唔幫唯有自己幫自己,其實,新冠肺炎已經有了超過一個月,稍有準備的人都會自己買口罩,唔需要每一件事都由政府做,政府已經為不少人提供公屋,綜援,就算沒有提供口罩,都不用在鏡頭面前猛鬧政府,況且並不是買唔到口罩,只是比平時貴一些,就算是10元一個,一個月都是用300元,估計在一個月之後,就會有大量口罩供應,我覺得今次政府好似老闆大娘一樣,平時做得太好,稍有失誤,就畀受惠者鬧到失魂,最後,老闆大娘對那位老人家講,最近生意不好,要節約成本,送外賣的人少了,不能為那位老人家送早餐,老實說,香港亦將會有同樣情況,陳茂波已經話今年財赤將會是史無前例,我估計福利將無可避免要削減,受惠者有大把機會鬧政府。

茶餐廳亂話(638)唔做善事,就唔會畀人鬧
1. Hongkonger
2020-02-18 09:50
完全同意,稍為有些理性客觀思維的人都應該明白。又不看看香港是差不多全世界交税最低的地方(而且大部分人都不交税),但每事都對政府諸多要求,好似生出无來政府就欠咗他們,有事就只掛住投訴,這些什麽都只掛住投訴的人都不知道世界是怎樣,他們去到其他國家才知道知味道(最可惜他們也沒能力移民去外國)!香港有這麽多無知無理自私的人,真系一個死局!!
2. Hongkonger
2020-02-18 09:53
完全同意,稍為有些理性客觀思維的人都應該明白。又不看看香港是差不多全世界交税最低的地方(而且大部分人都不交税),但每事都對政府諸多要求,好似生出來政府就欠咗他們,有事就只掛住投訴,這些什麽都只掛住投訴的人都不知道世界是怎樣,他們去到其他國家才知味道(最可惜他們又沒能力移民去外國)!香港有這麽多無知無理自私的人,真系一個死局!!
3. 123321
2020-02-18 10:03
升米恩 斗米仇

公屋做隔離營 上公屋遲左
都有得鬧 
佢唔怨老豆老母唔留低金山銀山俾佢等佢 un un腳唔使做 又唔怨自己冇努力出人頭地

反而鬧政府遲俾公屋
見到咁仲有咩好講

不過 出黎拋頭露面 聲大夾惡
當中又有多少係戲子?

社會上只要仲有人覺得攬抄 都抄唔到自己 唔齊心

疫情大爆 指日可待

悲觀地想 早染疫 反而可以趁依家醫療系統尚有資源 能早早醫好 反有一線生機

他朝社區大爆 醫療系統爆煲

閣下只能自求多福

搶口罩 機關算盡太聰明

早上公屋 亦換來早上神枱 
奇哉怪也
4. 123321
2020-02-18 10:25
依家有人反對 檢測診所位於自己居所隔離街 他日醫療系統統崩潰

要見醫生要早三日排隊 到時佢地就會怨點解診所唔係自己樓下

車公今年早已提醒 
作福 自會……

作惡, 作禍……
作死……

5. 正氣
2020-02-18 11:36
香港人就是矫情, 在内地各乡村都是自發自覺,不為国家添麻烦
6. 感恩
2020-02-18 12:12
做人唔識得感恩係一件可怕嘅事
7. 123321
2020-02-18 12:41
早作準備

要作準備的何止口罩?

陰謀論:
1. 貿易戰
2. 生化戰 (大陸就賴佢食野味姐 咁淨係去左夏威夷中招個日本的士司機 又點惹到? 夏威夷除左佢之外無出事)
3. 糧食危機 (苗頭已現 印度 之後取道孟加拉 劍指亞洲糧倉)
4. 能源危機 (中東火藥庫 一點就爆 事前功夫 都唔使)
5. 台灣 / 北韓

如此一來 孫子兵法中的佈勢已成

時間點 大選 奧運 英國硬脫之後 


8. X
2020-02-18 13:09
魯迅說:可憐之人必有可恨之處。
9. 十郎
2020-02-18 14:34


      點解兩老唔去鬧佢地個仔 ?鬧大娘!😓😓😓

      咁樣就知道有d人好蠻塞 , 唔鬧黑衣 , 鬧警察。

10. 十郎
2020-02-18 14:56


      都話左啦 , 鹹牛肉都想阿媽幫佢買。冇貨應該埋怨黃瓜。

      舊曆年前兩日 , 藥房45蚊一盒 , 老闆攞6欵任我㨂。阿媽買到口罩都優先給醫護啦 , 佢地威脅擺工呀。米就有規定存糧同價格控制 , 厠紙我就買唔晒嘞 , 不過比佢地搶高左十蚊一條(有一d貨) 。食物就好似網友話齋 , 貴就預期 , 因為冇蝗蟲都開始唔夠食。

11. 亞Q
2020-02-18 15:51
政府唔包生養死葬就係唔啱 !
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。