地產論壇
登入名稱
密碼
頁數:
不要話畀人知買了樓
瀏覽人次:23719    回應:14

不要話畀人知買了樓

 

湯文亮博士

紀惠集團行政總裁
2020年2月13日

  有年輕朋友最近買了一個非常優質,價錢又相當合理的住宅單位。他唔知道是否應該將這個好消息與別人分享,於是問我意見。我話如果唔想被嚇破膽的話,即管同其他人講。我夠膽寫包單,十個人之中,無一個會話現在買樓是一件好事,他們根本唔會理會是否優質單位,或者筍盤諸如此類,總之現在就不應該買樓。

  我這樣說是有理由,因為同樣的事亦曾經發生過在我身上。在2003年沙士之後,大約在5月份的時候我買了樓,我將這個消息同另外一個朋友說,誰不知被他嚇到幾乎破膽。佢話樓價仲有得跌,如果做七成按揭,好快變成銀主盤,我唯有話買樓自住,唔擔心得咁多,誰不知那位朋友對其他友人說我買了樓,彷彿我是一個傻仔。當時有不少銀主筍盤, 而我在以後的幾年,差不多每個月都買樓,同時採用逢三退一策略,將升幅很大以及不合用的轉售,在過程中亦產生了不少利潤,的確令人羡慕。但是他們不知道,我幾乎被人嚇破膽。

  幾年後那位朋友在一個聚會上話我唔夠老友,有咁好機會都唔通知一聲。我話在2003年5月時買第一層樓的時候已經通知左,不過,大家意見不同,我以後亦不敢多講,而且我的膽很細,所以唔敢講畀其他人知。

  買樓其實是一個很私人行為,無論之前或者之後,最好不要說給其他人知道。不少人在過去幾年在買了樓之後,帶有多少炫耀的心態同其他人講。不過,亦抵他們認威,樓價在這幾年間有升無跌。然而到了今日,那些業主或者會被其他人取笑,仲話樓價有排跌,就算我都會被人問揸咁多樓究竟驚唔驚,所以買樓的事,最好唔好同人講。不單止是現在這個時勢,在任何時候都不應該,因為樓市有上有落,上的時間無人會提及,落的時候大把人會落井下石。

不要話畀人知買了樓
1. 沙士買樓
2020-02-13 10:10
我同事在2003沙士爆發時買了個跑馬地大單位,當時俾人笑。佢現在已經是人生大贏家。
2. 人生大贏家
2020-02-13 10:16
只是買了一個?
3. 龍虎豹
2020-02-13 10:23
一個夠好了,冇買就冇得赢。
4. Small Potato
2020-02-13 10:37
我係2008/2009海潚其間買樓,都比人話我做乜你都買吾切,依家仲有排跌。。。。
5. MT
2020-02-13 10:40
啱啱教完都唔聽,係要話俾人聽自己買咗樓
6. 一個夠好了
2020-02-13 11:07
只有一個, 賣了就去瞓街?
7. 大鄉里
2020-02-13 11:16
一個充滿負能量的城市,上進和富裕是會被人憎恨的。
8. 自住物業
2020-02-13 11:17
自住物業,無須喺度曬命,棧俾人笑,除非有兩個以上物業,仲要唔使借錢嘅嗰種。
9. 人生大大贏家
2020-02-13 11:45
土地註冊處資料顯示,2003年全年成交宗數87309宗。2003年基本上都係沙士價,所有製造了不少大贏家及大輸家。
10. 龍虎豹
2020-02-13 12:27
#7

心照,歡迎對號入座,呵呵呵。
11. 沙士大赢家
2020-02-13 17:49
沙士入咗貨的業主,有好多到了現在都已經揸住幾層,越赢越有。沽咗樓冇買返的,大多越窮越見鬼。香港地貧富差距大,沙士買樓定沽樓是其中一個重要的决定moment。當時俾百分之五(按保)可入貨。
12. 當時俾百分之五(按保)可入貨。
2020-02-13 18:21
當時大學生人工過萬,可以買十呎地,如今得萬四五,啫係如果仲有人請嘅話,一呎都買唔到,仲講乜沙士價?
13. 引刀一快
2020-02-13 18:21
唔使講,依家應該吼住大灣區。
14. 大鄉里
2020-02-13 19:03
10 樓
難道你感受不到黑衣人的目光?

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。