地產論壇
登入名稱
密碼
一個「真」字,可以將香港撥亂反正
瀏覽人次:31887    回應:107

一個「真」字,可以將香港撥亂反正

 

湯文亮博士

紀惠集團行政總裁
2020年1月7日

  我兩個星期前在報章上睇到中大維修費要14億元,於是發表了一篇文章,叫大家唔好捐錢畀各大學。因為是各大學管理不善,冇理由要捐款人承擔,而事實上在過往以私人名義捐了100萬元給中大,證明我沒有對中大存有偏見。

  中大段校長睇到文章之後,派人聯絡我話中大並未確定維修費用,但一定不會是14億元那麽多,問我的消息是從那裏得來,有沒有fact checked。我不知怎樣回答,我的確沒有fact checked,但消息是從報章得來。如果要做fact checked,應該由發表數字的報章去做,結果原來是政府收起理大14億擴建費用,傳媒馮京作馬凉,令中大食了一隻死貓,最後維修費確認走7千萬。傳媒又話中大獅子大開口,令中大食多一隻死貓。

  香港今日亂局,歸根究底就是缺少了一個「真」字,假消息滿天飛,黃藍都有,令到大家仇視對方。以元旦日遊行為例,主辦機構話警方突然腰斬遊行,在半小時內怎可以疏散103萬人,警方話遊行人數只得6萬,有1/4在維園內尚未出發,半小時足夠了。我相信兩個數字都不準確,但點解政府與社運人士都不要求一個準確數字?其實很簡單,社運人士可以向外國傳媒發放他們的數字,一定可以得到國際支持,而警方的數字又樂於被政府採用,6萬人遊行。其實不是太多,有真有假已經大鑊。現在全部都是假,真的是大大鑊。我記得有一個老友有4個女朋友,其中一個姓夏,當有人問誰是他那個是真正女朋友。他會答,春秋冬都是假,即是夏至真,起碼都有1/4是真。

  中聯辦主任駱惠寧履新,在見傳媒時表示真誠與真情來解決香港問題。其實,他是希望聽到真說話。如果當日有人真心向中央政府講香港人是很擔心「逃犯條例」,中央政府一定會指示香港政府暫緩推出,今日又點會搞到一鑊粥。

一個「真」字,可以將香港撥亂反正
1. 正氣
2020-01-07 09:25
容許我講一句真話,黑衣暴徒不是為反送中,真正目的是反中國人,反中華文化,排華,顛覆國家政權,為美國馬前卒,如抗日時期,稱之為漢奸。
2. ND
2020-01-07 09:59
吾系冇人想講真話, 系怕講了出來有後遺症。
3. 真真薯片
2020-01-07 10:19
咩都係假,其實係符合國情,黃藍都假,算係人心回歸祖國文化,係好事黎
4. 十一哥
2020-01-07 10:36
逃犯條例等同77事件....早就想開P…揾個籍口咁解、9官魚業蓄意點火..衹怕玩唔起火…對主子交唔到貨、想解決者就先被解決、真心解決好簡單…由得白衫/克衫…冇限制搏擊、兩邊都唔拉/免告/冇手尾、差人…負責睇戲/打包/執C、食朱紅疴克C…唔洗3日成街揾唔到人。

5. 自我陶醉
2020-01-07 10:39
薯片兄真風趣,不過又講得幾啱。哈哈哈! 

連暴徒都可以造假,但又真到連“自己人”都認唔出,除咗着警服嘅警察係真真哋之外,一般市民真係唔識分,什麼是真,什麼是假。
6. 自我陶醉
2020-01-07 10:55
其實最少有八成以上市民,都係希望求個“真”字,所以先會黃藍同心,一齊要求一份獨立調查報告還原真相。
7. Fisherman
2020-01-07 11:08
每天每日都重覆發表一些憑空想像,未經求證的消息。每日不停向大家發表情緒化的意見。大多數人不願聆聽别人的見解,活在白盲之中,只要圍爐取暖,自得其樂。
8. Vendetta
2020-01-07 11:13

強權政治不得人心

9. Stephen Wong
2020-01-07 11:25
1F真誠的見解,大部分人聽得入耳嗎!
大部分人只要自己先入為主的真相.
10. 真真薯片
2020-01-07 11:29
自醉兄,黃藍大舉發佈假消息,每個假消息都有其中一方受益,我睇都幾難還原真相了

831有冇死人/私刑?
到底有冇抗爭天使?
藍色水係咪無害?
射爆眼係彈珠定子彈?

謊言實在太多,黃藍兩邊都想保留自己既謊言,淨係揭穿對家既謊言,但係唔用事實澄清既謊言,其實係咁二用下腦,已經知有幾多成係假,有d人以為唔提供事實去澄清既大話就可以當成真話黎講,根本就係當人傻既,侮辱香港人智慧,呢個就係輸民心既關鍵
11. 正氣
2020-01-07 13:32
真假冇所謂,必須完全壓倒倒一方才可止暴制亂,李光耀須獨裁,但世人評價卻正面,香港須要李光耀的人物才鎮得住,讀書人成日滿口仁義道德救唔到香港
12. 引刀一快
2020-01-07 14:49
真真薯片兄

邊個係幕後黑手,先至係要掩埋嘅真相,獨立調查?只有復仇者聯盟,或者12個黃金聖鬥士做得到。
13. 引刀一快
2020-01-07 14:53
自我陶醉兄

呢種以假亂真嘅手法,唔係新鮮事,只不過演繹呢種手法嘅人,令人大跌眼鏡而已。
14. 引刀一快
2020-01-07 14:53
自我陶醉兄

呢種以假亂真嘅手法,唔係新鮮事,只不過演繹呢種手法嘅人,令人大跌眼鏡而已。
15. 全自動流浪漢
2020-01-07 16:02
噫咦,有五年無上黎睇,引刀兄仲係度,你買樓未呀?
16. 真真薯片
2020-01-07 16:19
再講白d, 其實真假唔係重點,最緊要d人信係真,同宗教一樣,你信就係真,講假話唔係問題,d人信就得,講假話但係大部份人唔信,傷害最大

依家既問題係講假話既人代入唔到群眾既思維,純粹以自己既思維去講一d假話,仲覺得大部份人會信,點知基本上冇人信,結果信用破產,到講真話時一樣冇人信
17. 如何知道真?
2020-01-07 17:37
樓上,又係度代表香港人。
我智慧低,你又點証明直通車是戲呢?燒人,磚定死人,全部暴力都假的? 但又唔見泛民割席? 
大家支持真槍射殺暴徒,好唔好?全部都是差佬扮的嘛!
18. Stephen Wong
2020-01-07 17:56
點解的人剩係提公個便,唔提字個便.
向唔同政見者淋電油放火私了.........馨竹難書.
TVB同大公、文匯嘅人就代表假,香江成日開口埋口講法治,法治係講証據.
唔係日日係你耳邊講三次,就是真的.
19. ~~
2020-01-07 18:21
網上看到話警方已派人做直播記者,全方位報導現場實況。(無fact checked)

20. 厚多士
2020-01-07 20:34
亂唱 up, 有咩目的🤔
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。