地產博客 > 文亮語 返回
瀏覽人次:24516    回應:5
文亮語

懲罰奉公守法的人

 

湯文亮博士

紀惠集團行政總裁
2020年11月17日

  昨晚老婆本來同一班大媽食飯,但政府突然收緊防疫措施,約會取消,酒樓老闆媽媽聲,話政府懲罰奉公守法的人,而事實上做飲食生意的老闆及伙記是非常奉公守法,因為有伙記或者客人確診,有機會要停業14日,仲要全個酒樓消毒,隨時要用十萬八萬,所以,這兩個月本地確診不多,外來一直保持每日高單位數,好似昨日,本地零確診,外地輸入有8宗,根本唔關香港事,況且外地確診的大多數在隔離時候被發現,根本唔會影響香港本土,那些不食人間煙火的醫護好似同做生意的人有仇,有乜衣郁就收緊限聚令,如果有多幾個人確診就全城stay home,當搞到香港轉壞,民不聊生,又會話林鄭管理唔好,其實林鄭點管,全民檢測都被醫護反對,睇怕林鄭最後都要孭一隻大鑊。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 元朗灣區人 2020-11-17 16:36:52
“民主西毒”上腦。

乜都政治化,唔理結果。

!!!民主地全民跳崖

由佔中開始。

2. ??? 2020-11-17 16:45:48
政府啲嘢都唔知點解釋,整咗個安心出行畀市民自願下載來用,點知佢係唔會自動記錄用者行踪嘅,要自己去到搵個碼掃,離開又要自己扲個離開掣,咁就大廢應有武功啦!既然係自願,為咗防疫,都唔介意一啲私隱先下載用啦,所謂私隱都係去過邊度邊度咁啫,咩咁大件事呀?都要做到唔湯唔水,你話指意呢啲辦事能力,仲邊有得搞零確診呀?
3. 行蹤 2020-11-17 23:21:03
香港人很多屎忽生上腦、我萍果每月不知如何google 都有一個報告、紀錄了我整個月行蹤、作為一個普通人那又有何畏懼。(其實現在手機裝apps,不知不覺已經很多沒私隱了、難得的是之前取政府口罩都想出個什麼出來、無話可說)
4. Fisherman 2020-11-18 08:43:05
最新消息,有某某(太多太濫記唔起)醫護團體,反對特定對象要強制檢測新冠病毒,話會侵犯人權自由喎!
又會有媒體化編幅去報導?
5. 講多無謂 2020-11-18 10:47:35
3 樓,大把人谷精上腦,要去一樓一解决,點同家人交待? 佢地一定要私隱的,果D源頭不明,好可能係叫雞羣組呢?