地產博客 > 文亮語 返回
瀏覽人次:65034    回應:57
文亮語

不再談細價樓爆煲,四按事件

 

湯文亮博士

紀惠集團行政總裁
2015年2月12日

  朱子治家格言裡有一句話「凡事當留餘地,得寸不宜再往」,近日我的細價樓爆煲論,引起全城關注,老實說,做人一世,有一次如此經驗便足夠,而且,大家關注,政府亦不敢怠慢,財務公司收斂一些,初次置業人士不盲目追價,樓價就不會再上升,樓市便不會爆煲,我其實未戰先輸,不過,是非常值得,我亦輸得起。

  昨晚深夜在寫稿的時候,有不少不明來歷口訊要求我出外談話,我當然沒有去,亦不知他們的目的是什麼,不過,我決定從此不再談細價樓爆煲及四按事件,政府已經關注,業界亦已否認,我多講亦沒有用,我亦不會接受傳媒訪問,講上述事件,希望各位記者大哥,大姐見諒,我將會是一個輸家,如果大家有機會到維園年宵,一定要到我賣書的攤位,大家共聚共醉。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 師奶仔 2015-02-12 11:03:44

博士,

哈哈!! 
深夜有人找您出外談談, 會否是中方零零柒搵您呢?
他們愛隱秘地跟進香港大小事件.
不久將來, 很有可能搵您做政協, 表達香港的關心及長遠的看法都未定.
訪尋有識之士也.
2. Marcus 2015-02-12 11:06:25
博士的意願,長期讀者應該會了解的!犧牲小我完成大我的精神值得在下敬佩!維園見!
3. 打工仔 Andy 2015-02-12 11:10:31

博士

維園見!

4. 蜕变中嘅懒人 2015-02-12 11:15:57
湯博士,四按事件中懒人打從心底佩服博士勇氣、智慧及品格,心悦誠服。
懒人要去旅行未必可以於年宵見,先向湯博士拜個早年,祝博士事事如意。
5. 忠實粉絲 2015-02-12 11:16:02
早晨呀博士!一早我就說你是用心良苦…嘩象取寵只想吸引注意力,與你之前文章之理論不乎……哈哈
6. pp leung 2015-02-12 11:22:07

Dr Tong,

I think this is the result all parties want to have. When everyone note the situation, the worse situation will not come. More healthy growth of property market will see. You have done very good for the sake of all parties but not every one know. You are not failure but success. Thank you!

7. 珍惜香港 2015-02-12 11:31:35
珍惜香港

博士,都冇話要贏,又何來輸?哈哈!

懒人兄,明天就開始,可以早啲去呢!

都喺果句,難得嘅緣份,大家千祈唔好錯過!

到時一定要帶埋新書搵博士簽名,同飲番杯啦!
8. 路人丙 2015-02-12 11:45:03
記得以前董驃叔講馬圈黑幕比人恐嚇要『斬手斬腳』,今日湯博士講財務公司真相比人約『出外談話』,黑社會依家真係文明咗好多 : )
9. Bear 2015-02-12 11:46:59
你說了良心話!
10. 法子 2015-02-12 11:54:13
已約一眾網友,星期五維園見!
^_^
11. Robotan 2015-02-12 11:55:18
只要是本着良心話,無論爆煲論是錯是對都支持博士
12. 路人丙 2015-02-12 11:58:28
在福島核電廠發生災難之前三個月,如果有神仙指點,檢查加固冷卻系統,災難便可以避免了。但是無災難發生,神仙比人鬧預測錯誤,吃力不討好
13. 路人丙 2015-02-12 12:01:03
樓上請不要盜用我嘅名。
14. 打工仔 Andy 2015-02-12 12:04:47
15. Ed 2015-02-12 12:10:57

博士用心良苦,佩服佩服~~

              

16. 慈母 2015-02-12 12:13:59

博士, 夜晚出街同人傾計吾使驚喎!!

通街都有慈母保護您, 只要大叫媽媽就得啦~~~

 

17. 山高雲低 2015-02-12 12:23:52
博士上無愧於天,下對得住地,頂天立地。维園盛事,必到!
18. Oscar Lam 2015-02-12 12:40:57
非常近入口的240號攤位
19. Good Deed 2015-02-12 12:49:19
The good deed has been done. Losers are those who do not listen.
20. x 2015-02-12 12:57:18
手法聰明,行為愚蠢, 明顯另有所圖
21. 無名 2015-02-12 13:09:21
博士係香港良心 這潭混水不宜參與太多了 Good luck!
22. Marie 2015-02-12 13:17:42
佢今日講嘅同我尋日推算差不多,都係先嘩衆取寵博上報,跟住要睇下政府同金管點樣回,然後比佢盡揭底牌……最後當然政府一定比佢大倒,任由魚肉,個市因為疑慮盡消再瘋狂地爆上!

-首先,用一個震撼性嘅標題加上佢嘅地位,去引起傳媒廣泛報導。

-大家爭相討論,傳媒不斷放大財仔問題嘅影響力跟樓市下跌(爆煲)對普羅大眾(尤其近年上車人士)的災難性影響。

-然後,就會有若干傳媒或某些有心人走出來暗(明)示政府/金管不應干預市場,否則銀行唔掂、小市民受害、整體經濟受拖累云云等嚇破膽言論;亦會有一些最近上了車的人響傳媒面前預先哭喪,話好驚變負資產,被銀行call loan,講到似層層好似真係已爆煲甘。

-政府/金管感到四方八面嘅壓力,最后都係選擇乜都唔做,免得最後被千夫所指,寧願眼白白睇住樓市"爆升";其實博士一早睇死啲官最後一定會有"唔做唔錯"嘅心態,所以就用輿論壓力逼啲官自揭佢地膽怯嘅底牌。

-最後,底牌開了,當然冇料到啦,數月後樓市亦當然不會"爆煲",而是繼續爆升,連消帶打將政府干預這個長期顧慮都一拼消滅埋,"揭政府底牌"就是這一著的重點及厲害之處。

-名節呢樣嘢,唉.....認真?!便輸鳥。

-三個月之後,大家便知道什麼人輸了,什麼人(鬼)贏了。

總結:    最近個市可能會因為博士呢篇文章而成交有些放慢或者有若干業主會冇以前企得甘硬,放盤亦有可能會上升,AA會乘機不斷call業主恐慌性賣樓,個市然後會靜同淡一陣子,所以我說這一段"靜"的日子會是一個好好嘅入市機會,因為大家三個月之後都睇穿了政府/金管最後都係冇料到嘅時候,啲錢餓一排又再報復式入市,所以未來一年個市反而會因為少左政府/金管干預這個主要後顧之憂而更加瘋癲 (因為呢篇爆煲大作將政府/金管最後條under都除埋,原來甘短嘅....肉酸豬囉!),以後樓市嘅升勢只會更加持久和有力
23. x 息 x 2015-02-12 13:22:06
博士目的已達, 愚者羊群以為你輸, 智者們都知實情大家都嬴了~ 傳媒乖乖被用作工具免費為博士曲線撐樓市仍懵然不知, 實在有趣
24. 占士 2015-02-12 13:32:53

博士,在下認為 您看似未戰先輸,其實是不戰而勝。 僅此 預祝您及各位師兄師姐 在將近的羊年,身體健康,萬事如意, 財源廣進,財富更如芝麻開花 ---- 節節高!

25. 過路閒人 2015-02-12 14:15:30
香港黑社會數目大約有50幾萬人,其中大約有30萬人係做放數嘅(好聽啲就叫財務公司),依家湯生叫政府打壓財務公司差唔多等於得罪晒果班大哥大,無論湯生有乜嘢高尚既原因,得罪30萬黑社會都係下下策。
26. 亮劍 2015-02-12 14:48:14
湯博士你一次過:

1 提醒實力不足的首置者,咪叫老豆老母去借財仔幫你畀首期。

2 提醒政府有财仔X按黑洞。

3 想喺呢大半年準備乜狗都唔理,就去盲目上車的人咪亂七咁來。

4 政府推行任何打房政策前,請上網睇「群情幾咁洶湧」!


湯博士輸或贏?我就話佢明輸實贏!

起碼現在意圖置業人士,誰人不知湯文亮係邊個!


27. Small Potato 2015-02-12 15:42:25
三個字!博士好勁!好勇敢!本來想寫多過三個字,但手機就快無電,所以唯有寫住三個字先!再肉麻D既要等陣間先得啊!

28. 鐖鍏 2015-02-12 16:12:42
維園見!
29. 不賭錢 2015-02-12 16:32:59
細價樓狂升,按上按,新債還舊債,似做傳銷手法,按上按同財仔借錢買細價樓,手法等同拉人頭搵下手借錢接貨,層樓會因為多新人買入而上升,當冇新人同新借款時,資金金斷裂,結果是借款人走佬,按上按出事。
30. LYC 2015-02-12 16:58:05

博士果然勁! 已經贏了!

31. waterskin 2015-02-12 17:20:05

Appreciation to Dr. Tong's Wisdom.

Wish to see a healthy real estate market in coming years.

Happy Chinese New year to everybody!

32. CD ROM 2015-02-12 18:02:17
那就是明天了吧? 期望能到時見到各師兄師姐啦~~~~

同埋, 先多謝博士D紅酒~~~
33. CD ROM 2015-02-12 18:07:47
博士呢2日就真係紅透半邊天, 是贏是輸? 睇你用乜野角度啦, rite?

成敗得失,不在朝夕 <-- 珍惜香港兄金句, 小弟十分喜歡 !!!


34. 說穿了 2015-02-12 18:30:40
博士利害, 把將來有機會爆破的泡沫先說破, 人人都知的時候, 事情就不會向這方發展。
35. 估 2015-02-12 18:44:26
各專家有各人預測. 跟本無可能肯定何時樓市会一定升或一定跌.政府高官都經常提點大家
36. 打工仔 Andy 2015-02-12 22:04:16
博士今次為樓市做了一次壓力測試! 

謝謝博士! 
37. alan288 2015-02-12 22:29:36

博士,  我支持你講老實說話!
別怕惡勢力!

38. 引刀十塊 2015-02-12 22:41:19
成件事大家都用陰謀論來揣測博士意圖,甚至將博士神化到諸葛亮咁,睇返成件事,小弟認為其實冇咁複雜,事緣2月5日Peter Parker出完一篇《細價樓買家的財力》,博士唔多認同此文,轉頭2月7日就喺另一版「政策篇」出左篇《似是而非的理論》來駁斥Peter Parker,已擺明係一次細價樓仲有冇得長久升落去嘅口水戰,出完一篇文後,似乎博士條氣仲未順,再寫幾篇又震撼又具爭議文章,加強佢唔睇好細價樓嘅原因,一來為面子,二來想普踱眾生唔好盲搶細價樓,只不過由於佢睇市準嘅大好友名聲,一石激起千層浪,被傳媒無限放大報導,不經不覺玩大左啫,其實博士都係凡人,佢一樣會被激親,一樣會發嗡瘋,一樣會執於己見。
39. 舍神 2015-02-12 22:50:04

投資世界最難的莫過於timing, 半年都未過,誰勝誰負那說得準!不過就算準了,怎麼証明不是僥倖?所以早一點離場,持盈保泰其實最好。

物極必反,有時用心眼去看比好多數據分析更可靠,細價樓的瘋癲仲可以維持幾奈?

當真位高勢危。

大家跟博士玩逢三退一實冇乜走雞! 至於perfect timing...... 我一早投降, 人總得承認自己有局限,豈能盡知將來?

不過博士已成為許多好友的精神支柱,樓市連繫許多人生命財產,一石激起千層浪也很正常!

40. AH-HO 2015-02-12 22:56:53


馬上有例子了


細價樓會否短期「爆煲」引起市場爭論,有投資者擔心「爆煲」,紛紛減價沽貨,將軍澳中心一個「九按」物業,業主急急減價10萬元賣樓,扣除稅項仍獲利10多萬元離場。

市場消息透露,將軍澳中心13座一個低層兩房單位,實用面積465平方呎,上月初才開始放盤,當時叫價568萬元,剛剛減價10萬元,以558萬元售出,呎價1.2萬元,屬於低市價成交。

年半間數次償還再借貸

資料顯示,原業主於2013年中以460萬元購入,是次易手帳面獲利98萬元。持貨不足兩年,須支付樓價10%額外印費稅(約55.8萬元),若連購入時的印花稅(13.8萬元)及代理佣金等支出,實質獲利約10餘萬元。

區內代理指出,該單位於2013年中購入後,先後以該物業作為抵押品,向9家銀行及財務公司借貸。

短短年半之間先後登記數次還債及再借貸,例如於去年8月14及26日,償還部分貸款,然後10月及12月又再向其他財務公司舉債。代理料業主極急需資金周轉,加上近日有言論指樓價有機會「爆煲」,故急急減價沽貨,其實同屋苑同質素單位現時造價約600萬元

41. pp leung 2015-02-12 23:04:13

I think one of the major problem of insufficent land supply for building public or private house is the result of NT small house policy passed on 1972. This is a never ending and tremendous need of new land reserved to the NT residents. 

Dr TONG,

Or Anyone can comment about the land supply affected by 新界小型屋宇政策?

https://www.youtube.com/watch?v=6pMBqdGpQ1s

丁屋又名新界小型屋宇政策,即新界男性原居民可以在其一生中興建一所面積700呎的3­層高的樓宇。這是當年港府為了安撫原居民,在1972年推出的一個臨時政策,目的是希­望改善原居民的居住環境和保存傳統,並配合當時新界的整體發展。

42. 長毛粉絲 2015-02-12 23:47:18
我明白博士為什麼就此觀點封口,因為講得多得可能阻人搵食,不過,你的憂患意識的確對社會產生一定程度的積極作用。點到即止,高人所為。
43. 按居 2015-02-13 02:54:43
經網友高人探討博士言論,對博士近排的言論似乎有點頭緖...

之前痛罵過博士的網友,今天心底裏應該感激博士+sorry。

博士請你不要嬲或唔開心。你原先被人罵得咁勁,因為你實在太高招...

我亦明白你點解當初你要不惜大揪三傻,要不是製造唔到應有效果。

我不多説了,只想向你寫個字:

「服」
44. Scoliosis 2015-02-13 04:18:35
"有朋自遠方來,不亦樂乎"。祝大家今晚盡歡! 下年希望我可以參與 
45. Pp Leung 2015-02-13 05:41:34
也許博士感到有點不安,像我一様睡不好,就索性寫下文章,其實幾年以來大膽敢言是你一貫作風,也著實令不少一得益,今次因又捉及敏感題目,又正是各種利益團體、政治團體及報章等得到籍口,借助你的部分驚人句語無限放大所致,最後無論結果如何,當然是比人擺上抬,唯有我們這批支持你的人,希望你不會因此次事件而改變你一直敢言的性格。
46. yy 2015-02-13 06:54:25
湯先生二月九日發表低價樓必爆的推論如下:"現在,最基本的就是每一間財務公司最少都有十個四按物業,即是市場上最少有12,000個四按物業"
最應該追究的是市場上是否有12000個四按物業,不朝這方向尋根問底,一切討論都變成白廢。現在市場上財仔業內人仕指出做四按的物業最多只有幾百個,但湯生繼後的文章沒有進一步交出其論述的後續論據,這不是討論的應有態度!
47. 按爆物業 2015-02-13 08:52:15
【按爆物業】將軍澳中心13座2樓E室,狂按九次

48. 蜕变中嘅懒人 2015-02-13 09:05:25
9按都有,咁8按應該都有,咁7按....6按....5按....4按應該都有而且按次數愈少應該愈多,如果改為話4按以上有12000宗就接近現實啲,無咁嚇人,但效果就無震撼性。
BTW,會唔會有10按、11按以上未曝光呢?
嘩!超過20按可唔可以入健力士記錄呢?哈哈.......笑咗無停過。
49. AH-HO 2015-02-13 09:05:34

【經濟日報專訊】不受金管局監管的財務公司,向置業人士濫發貸款的問題愈來愈嚴重,有研究報告指出,過去4年間財務公司批出的三按貸款數字急升2倍,長遠計也算是樓市的一個計時炸彈。

去年975宗 三按或以上貸款

中原地產研究部昨日發表一項研究報告,發現單計2014年,財務公司(三級制銀行以外的貸款機構)一共批出975宗三按或以上的按揭貸款,相對全年 現樓按揭登記76,500宗佔1.3%,但是其增長速度則足以喚醒市場的注視。因為據該公司統計,2011年同類貸款宗數僅327宗,4年間急增2倍。

其次,過去數年財務公司涉足樓宇按揭市場的活動愈來愈多,據該公司統計數據顯示,2014年由財務公司批出的貸款宗數(包括一、二按、三按或以上)共有約9,364宗,較2011年同期的6,323宗,急升48%。

業界:未必波及銀行體系

中原地產高級聯席董事黃良昇指出,近年樓價急升,的確為財務公司參與樓宇按揭市場提供不少空間。因為財務公司批出的二、三按貸款,是基於樓宇重新估 值後的升值部分;相反若樓市不景,估值下跌,財務公司便沒有空間。他估計,大部分向財務公司借貸的個案,純因為業主個人財務安排所需,並不相信業主借貸後 把資金用作炒樓。

黃良昇強調,財務公司現時所批出三按或以上的貸款個案並不算多,即使樓價下滑,也未必波及到銀行體系。但他提醒市場,三按以上的貸款個案上升速度驚人,長此下去終有一天會成為樓市計時炸彈。

50. 小讀者 2015-02-13 10:05:27
以上9按後賣樓既例子, 你話佢計時炸彈又得, 係業主既財技亦得.  業主所得既利潤唔止係賣樓個十幾萬, 仲有每次加按變現既錢, 同埋變現後既機會成本.

而個網站有其他博客亦提到, 有時業主轉按, 財務公司會 "自制" 多重按揭記錄去防止搶客, 仲有係加按唔一定係收高息, 香港人唔蠢, 如果3, 4 按真係會收到三四十厘既話, 根本唔洗用樓按而個方法去變現, 更加唔會捱到一兩年先變銀主盤.

51. 貝才人子 2015-02-13 10:38:17
唔通財仔做野 ?  博士報警吧
52. 同意 46樓的YY的觀點 2015-02-13 11:12:05
"湯先生二月九日發表低價樓必爆的推論如下:"現在,最基本的就是每一間財務公司最少都有十個四按物業,即是市場上最少有12,000個四按物業"
最應該追究的是市場上是否有12000個四按物業,不朝這方向尋根問底,一切討論都變成白廢。現在市場上財仔業內人仕指出做四按的物業最多只有幾百個,但湯生繼後的文章沒有進一步交出其論述的後續論據,這不是討論的應有態度!"

博士毫無理據的數字(12000宗四按)引起大家熱烈討論. 跟住不回應.

居然還有人替他曦牲個人名譽覺得可敬. 其實他已經立於不敗之地, 是必贏的.


情況一: 3個月後如果細價樓沒有爆煲: 大家都會說: 好彩多得博士在2月初發文預警, 政府才沒有輕舉妄動, 胡亂出招打冧個市.

 

情況二: 3個月後如果細價樓爆煲: 大家又會說: 博士一早在2月初發文預警, 真係好彩多得博士的文章阻止了不少潛在買家入市上車. 避免一上車就負資產. 而對於那些不聽規勸心急上車的人, 簡直是追究由自取.

 

看到了嗎? 無論結果如何, 博士都sure win

53. Small potatoe 2015-02-13 11:29:46

湯博士

請繼續理性分析

54. 偉大的雷鋒 2015-02-13 14:08:19
國內同志大多數人都認識偉大的雷鋒,人家說雷鋒精神來表揚一些犠牲小我成全大我的偉大,但了解多了就知道雷鋒的犠牲其實並不是如我們想像的偉大,因為他的犠牲並不是戰死沙場, 而係被路邊一條爛鬼燈柱壓死,但後人對他的無私為國精神仍然崇拜,表佢為偉大而已...今天我們表揚湯博士的偉大就如後人表雷鋒一样,又是否有點盲目呢...值得反省...
55. 蜕变中嘅懒人 2015-02-13 14:48:22
TO 54樓 偉大嘅雷鋒兄
請問兄台對97年樓災1日3燒炭、日日有空中飛人嘅情景有無印象同感觸,懒人諗起如今都覺得淒慘或有淚光,而尋短見嘅大部分係用家而非炒家,係人間悲劇。

若今日樓價跌被人收樓之後,再被追收差價+SSD諗吓都知慘過97過陣,如果銀主係公仔佬就更大鑊,如果大爆發,BBQ燒味同掛起賣嘅南安臘鴨,一定短時間大量供應,亦有好多人會表演撻生魚式空中飛人免費娛賓,場面慘烈過97多多聲,陽痿龍即時封神,榮升神級預言家全中再全中。

博士救人一命勝造七级浮圖,咁多浮圖就真係要買個島仔嚟放,啊隬陀佛、善哉善哉。

咁兄台可以博士係唔想做雷鋒嘅現代雷鋒。
56. Oscar Lam 2015-02-14 07:40:34
博士何時在維園?

昨天晚上小弟去了維園攤位240,可惜未能見到博士。據攤位職員說,博士今天下午3:00會在(不知是否正確?),可惜小弟今天有要事未能過去。相信許多人和小弟一樣,希望得到博士的親筆簽名,不知博士這幾天還有哪些時間在維園呢?
57. 大陸觀光客 2015-02-15 02:14:12
湯先生先前講過的有12000間四按單位明顯有很大出入,最近數字係不足一千宗。湯先生更把樓市爆煲與財務公司活動有關,現在會否覺得之前的爆煲論有對財務公司不公平?