地產博客 > 文亮語 返回
瀏覽人次:86034    回應:13
文亮語

港交所的天時,地利,人和

 

湯文亮博士

紀惠集團行政總裁
2014年8月6日

  大約在兩個多月前,在一次每月投資者的聚會中,陸東同我講:老湯,講樓市,我同你叮噹馬頭,講股市,你一定唔夠我講。我不但同意,還自認就算講樓市,我都略遜一籌,陸東當然開心,人一開心,就必定有好嘢益我,今次陸東亦不例外,佢話,俾個上市公司數字給你,當股價最少到達該數字才可以賣,原來是港交所,當時,港交所股價是138元,而葉茂林在旁邊,立刻跟著說:老湯,借五億給你買。所以,人們常說,朋友多,就容易辦事。

  我對股票認識不深,但仍然知道港交所的確是佔盡天時,地利,人和。總括來說,天時就是講滬港通,地利當然是香港,幾年前炒港股直通車概念,港股都升到不亦樂乎,今次實牙實齒搞滬港通,港股怎能不升,就算港股唔升,但成交量一定會增大,最得益的個體當然是港交所,連一向睇淡樓市,話樓市會隨時下跌一半的末日博士今次都是股票大好友,說恆指破二萬八指日可待,我有時覺得,末日博士為何厚此薄彼,股市大升,樓市又怎能大跌,而且,最近股市升,最主要原因就是樓市沒有下跌,連對樓市沒有信心的銀行都認為樓市不會下跌,開始放貸給那些借貸比率不高的業主,不過,他們要遵守金管局的要求,銀行向業主貸出的款項有一個條件,就是不能買物業,用來買股票,債券,甚至一些風險較高的金融產品都可以,末日博士在銀行工作,當然清楚其中來龍去脈,所以,他是近期最牛的股市專家,我覺得今次股市上升,全是人為策略所致,說人和亦不為過。

  股市在二萬二點左右徘徊了很長時間,最主要原因就是不少專家預測樓市會大跌,若果樓市真的是大跌,銀行可能會向部份業主追收差額,那些業主如果有股票,就一定會賣走部分股票來滿足銀行,到那時候,股市就會下跌,故此一些現金充裕的股票投資者都會等股市下跌幾千點的時候才買,但樓市不跌,股市只能夠在窄幅上落,現在,那些睇淡樓市專家紛紛改口風,大多數表示樓市平穩,銀行界在收到訊息後便放膽向業主放貸,而收到貸款的業主在禁買物業的條款下,唯有買股票等,那些一直唱淡樓市的專家如末日博士等才如夢初覺,知道唱淡樓市並不能夠令到小業主賣走他們的物業,轉而投資股市,反而樓市穩定,才會令更多人投資股市,專家們昔日不斷唱淡樓市,其實是得不到人和,沒有人和,股市又如何會上升。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 山高雲低 2014-08-06 09:38:05
我肯定陸冬講楼市,绝對唔係博士的對手。至少没有博士的實戰經驗。 

博士對楼市的知識和學識,陸冬一世也没可能學識。
2. 香港無奈 2014-08-06 09:55:27
6東講的叮噹馬頭,意思是:博士是好友1號,我是淡友1號,大家在樓市分析的讀者數量上難分勝負,不是講哪個測市準確!
是比讀者人數,不是戰績!
博士誤會了。。。
3. 路人丁 2014-08-06 10:00:40
真係住公屋好過 !!!

公屋也擁空中花園

13,287
■葵聯邨空中花園,面積大約50呎以上,種有花草盆栽,還有閉路電視,景觀上,盡覽葵芳全景,遠眺貨櫃碼頭。 楊觀賜攝

【本報訊】位處半山地段居高臨下,大廈內更設有空中花園,最重要的是月租不用2,000元!位於葵青區新晉公屋葵聯邨入伙短短3年,半山地段及景觀真的「無得輸」,近日被網友指「住公屋好過私樓」。

這個半山公屋王一期只有兩幢,分別為聯喜樓及聯欣樓,共提供1,500伙。當中最「吸睛」的就是兩幢大廈均設有空中花園,而且每三層就有一個空中花園。
走訪聯欣樓空中花園一共就有11個,花園內除了雅致的植物裝飾及休憩設施,更遠眺青馬大橋海景。
住在毗鄰私樓的劉太亦酸溜溜地表示,自己與家人以1.3萬元租入月海灣的兩房單位,坦言住公屋「不嬲都係」好過私樓,更指現在的人很幸運,因為新落成的公屋靚咗!月海灣與葵聯邨同一地段、同一景觀,樓齡較葵聯邨舊,月租相差十倍,當然葡萄。
葵聯邨二期亦在今年落成,分別為聯逸樓及聯悅樓,合共提供逾1,500個公屋單位。但劉太只能慨嘆享受空中花園,這些機會不是我們的!
就算租到,但亦不代表買到!2002年孫公推出「孫九招」,現在新建的公屋是「只租不買」。 


-- 蘋果日報 2014年08月06日

4. 睇得通 2014-08-06 10:42:49
陸東﹕2014年是樓市危險時刻 文章日期:2011年9月15日

 
 
 

【明報專訊】瑞銀外部顧問、Look's Asset Management Limited董事總經理兼投資總監陸東,除了投資股票了得,買樓賺錢也是他的強項,單是他在2007年以6400萬元購入飛鵝山的自住居所,早已升值至超過2億元,而他今年初出售的中環九如坊舖位,也在短短一年多升值近半。

陸的新書《繼續傲行》昨日正式推出,當中約有30頁內容談及對香港地產和樓市的看法,他認為香港住宅樓價已偏高和租金回報已跌至低水平,而樓宇供應會在2014年開始正常化,屆時利率可能回升,樓市將出現「危險時刻」。

陸東指出,支持香港住宅樓價過去數年上升,主要是低利率和低供應,但現時利率已跌無可跌,土地供應也已漸漸增加,香港人的入息過去10年都沒有增長,樓價現在一定是「貴」,下跌風險一定增加。

5. 睇得通 2014-08-06 10:51:00

陸東﹕.......不外如是...好多網民都知道.......

近期市場認為美國出現雙底衰退風險減少,但陸東卻指出美國在大量印銀紙和零息的情況下,美元變弱,短期令消費出現振奮現象,惟資金流轉速度仍然緩慢,舉例美國早前推出置業稅務優惠,短期令樓市變得暢旺,買賣宗數有所提升,但這屬於小動作,對整體經濟復甦幫助不大,其防止雙底衰退方法就是債務重組,以及改變「先使未來錢」消費模式。

港金融難逃「二奶命」

金融海嘯後,中國經濟發展依然旺盛,面對上海金融業發展迅速,「香港金融業出現滯後,已經無咩競爭力,好容易就會畀上海追過,而人民幣自由兌換會係一個契機。」陸東續指,中國人口眾多,當然可容納兩個國際金融中心,兩者可各有不同分工,只是香港逃不過「二奶命」的厄運。至於未來兩年,A股則有望見5,000點。

長揸優質股 情傾領匯

眾所周知,陸東奉行價值投資法,並以盈利收益率差模式(Earnings Yield Gap Model)用作捕捉恒指大浪,該模型會反映盈利動力、資金成本及風險溢價等因素。簡單來說,價值投資就是要尋找適當入市位並買入具增長潛力的股份,而不是根據股價動力(Pricing Momentum)去做投資。至於投資心得,他坦言:「好股票要長揸。領匯(00823)一上市我就買,一直都未沽過,而且每次派息,我都係要股票唔要錢。」

世上沒有免費午餐

現時陸東旗下所管理的股票投資基金多達三億美元(約23.4億港元)資產,客戶則為大型機構、上市公司和專業投資者。世上沒有免費午餐,他直言任何投資都不可能是「低風險,高回報」,所以無知的人不可能成為其客戶,加上自己不會借錢買股票,又不會投資衍生工具,而旗下所管理的基金透明度高,除每月發放基金報告外,亦會親自與投資者見面,假如真的遇上投資失誤,只要快速修正就是,所以壓力不大。

巴菲特名言:「不要把所有雞蛋放在同一個籃子裏」。金融海嘯時期,陸東表示身邊沒有太多朋友身陷苦海,全因大家懂得把風險分散。現時其個人投資組合則包括物業、股票、債券、基金和黃金。在金融圈工作廿多年,他深深體會到市場永遠都在變化的定律,因此無論市況是否在個人預期之內,其每日都會追貼各類新聞及市場消息,同時不斷質問自己:「究竟投資取向或組合係咪需要改變?」

“香港金融業發展出現滯後,已經無咩競爭力,好容易就會畀上海追過,而人民幣自由兌換會係一個契機。”

陸東(Andrew Look)Profile

年齡:45歲

學歷:加拿大多倫多大學財經系畢業

家庭狀況:已婚

興趣:閱讀、釣魚

現職:Look's Asset Management Limited董事總經理兼投資總監、瑞銀外部顧問

工作經驗:

2009年成立Look's Asset Management Limited,並於5月份推出基金

2000年加入瑞銀,至2008年8月離任瑞銀亞洲董事總經理

1994年至2000年於保誠保險任基金經理

1990年至1994年任職於麗新集團企業策略及財務部

1986年至1990年任職於恒生銀行投資部

個人成就:

2001年至2003、2005年至2007年獲《Asia Money》評為最佳策略師和分析員

2002年至2005年獲《機構投資者》選為香港研究隊伍第一名

Money18新功能「18好路數」為你預測心水股票升跌機會率
6. pp leung 2014-08-06 12:07:37

I can  sure that Dr Tong is much stronger than Mr LOOK in analysis of Property Investment!

 

我肯定陸冬講楼市,绝對唔係博士的對手。

 

 

7. Or sir 2014-08-06 13:20:58
I agree Dr Tong is better.
8. 平衡點 2014-08-06 17:44:57

樓價下跌5成喺引刀兄同我地呢班沽空咗幾年等回購噶人唯一反敗為勝的機會。

我們的勝利快來了,好友盡快逃生吧!

9. 回8樓 2014-08-06 18:02:06


我等依波拉殺埋身,点知又話有解葯,咁狄波拉嚟都算嘞


狄波拉早期剧照

10. 引刀一快 2014-08-06 23:25:28
伊波拉有解藥,no波奶就冇解藥,直情冇得醫!
我依傢先知原來佢賣早咗樓一味等!
11. 珍惜香港 2014-08-07 13:32:09
珍惜香港

唔知點解,博士呢篇嘢嘅留言咁少;但我反而覺得,呢篇嘢好重要。

博士話,金管局要求,銀行向業主貸款有一個條件,就喺唔可以買物業,但喺用嚟買股票,債券,甚至喺一啲風險較高嘅金融產品就可以。呢個話題,令我諗起自己曾經响度告誡過各位,千祈唔好唸衰嘢。記得數字兄曾經話過,政府推出一系列辣招嘅真正目的,喺要大力保護香港嘅金融體系喎;其實我唔喺好認同呢一點,因為啲業主貸款唔俾用嚟買物業,反而俾用嚟買高風險投機產品,咁如果樓價下跌,對金融體系嘅沖擊咪仲大?呢樣嘢,唔知道算唔算喺叫做適得其反呢?

不過,之後我又話,自己就利用咗金融扭曲衍生出嚟嘅缺口,從中取利。咁,咪即喺自相矛盾

雖然近排有人响度話過我講埋哂啲矛盾嘢,不過我可以好肯定咁話,我寫嘢從來唔作假,所以唔會有矛盾。覺得我寫嘢矛盾嘅人,都喺因為唔明白我寫啲乜。而我又唔會為咗咁而去糾纏,無緣嘅話,點解都唔會明。就好似上面講嘅自相矛盾咁,我話我唔喺自相矛盾,如果真喺要解釋嘅話,就會比呢篇加埋下一篇更加長。我話過,從來唔會教人點去贏,因為呢個世界,喺冇必贏投資法,如果有人話你聽有,都只喺想呃你錢。我响呢度講長線投資,只會提概念同原則,因為投資呢樣嘢,喺好個人化,但只要你抱住一個積極正面投資態度嘅話,就算贏唔到,都唔會點輸。

咁乜嘢至喺積極正面嘅投資態度?好明顯,成日諗住點樣可以賺災難錢嘅人,當然配唔上積極正面呢個稱號啦!呢種人,喺社會嘅負能量,就算俾佢今日贏咗,他朝都會輸番突。點解?因果關係囉!

簡單嚟講,擁有積極正面投資態度嘅人,面對一個將來嘅「如果」,喺會以「攻」,作為跑出正面結果嘅部署;以「守」,作為跑出負面結果嘅部署。而擁有消極負面投資態度嘅人,喺會掉轉呢兩個部署嘅。

所以,一個賣走自住樓租樓等跌嘅人,屬於邊一類,唔使多講啦!
12. CH 2014-08-07 14:36:04
A. 破釜沉舟,棄車保帥
B. 火中取栗,守株待兔
13. 珍惜香港 2014-08-07 15:04:58
珍惜香港續 11/F

哈哈!响我 POST 呢篇之前,出現嘅,原來喺 CH 兄!

其實我話,博士呢篇嘢好重要,唔喺講上面 11/F 嘅嘢,而喺我跟住要講果啲。

响香港,有好多人,唔單止面對自己嘅投資,就連面對本港嘅金融體系,都抱住消極負面嘅態度,有乜衰嘢,就賴哂個金融制度,賴個聯匯。就好似我地個庸梁特首咁,有乜衰嘢,就賴上屆政府,唔會先檢討一下自己。博士話,港交所佔盡天時、地利、人和;我就話,香港嘅金融,佔盡天時、地利,不過人和就欠奉啦!

話說近個幾月有大量資金流入本港,金管局先後 23 次注資,銀行體系嘅結餘,由七月首日嘅 1,731 億港元,已經暴脹至尋日超過 2,380 億港元啦!有人話,啲錢喺國際炒家帶嚟準備响佔中果陣撈番筆喎;又有人話,啲錢喺擺响度等滬港通嘅!吓?使乜擺咁多錢嚟咁浪費呀?呢啲吹水廢料,我梗喺當聽唔到。直至成個月後,件事先至水落石出;原來,喺啲俄羅斯企業為咗應對受到嚟自美國嘅制裁,將啲美金轉咗做美元掛勾嘅港元啫。嘩!成個俄羅斯咁大,如果將佢地啲美元轉哂做港元嘅話,咁香港容乜易頂唔住架?

哦!除香港之外,仲有星加坡杜拜兩個選擇嘛!不過唔好唔記得,香港有聯繫匯率,同埋阿爺照住噃!經過任總幾十年嘅微調之後,聯匯,已經成為一個好似光速咁快嘅機制,將稍為偏差嘅港元匯價,迅間推回指定範圍內。佢發行同回收港元嘅速度,隨時仲快過美國 QE。持有港元,根本就等同持有美元,而且更安全,因為香港已經唔再喺英國呢個美國跟班嘅殖民地,又有阿爺照住,所以對於俄羅斯嚟講,港元始終喺首選。難怪星加坡領導層會同博士講,最好能夠同香港對換,即喺星加坡同美元掛勾,香港同一籃子貨幣掛勾啦!

依家好多香港人,响呢個國際化商業城市同金融中心之下生存,但竟然仲喺坐住响個井底度,日日埋怨地產,埋怨樓價,埋怨通脹,埋怨金融,埋怨聯繫匯率。佢地似乎已經唔記得咗,香港之所以有今時今日,喺基於啲乜嘢條件。佢地懵然不知,自己日日對住又對到悶哂嘅港元,响國際舞台上,威力究竟有幾大!而更諷刺嘅喺,連香港自己嘅特首,高官同財金官員,對港元扮演嘅角色,都喺咁被動!香港嘅金融,唔通就只喺現行港元機制嘅一個操作員?定喺好似庸梁咁話,只喺一個服侍阿爺嘅服務業?唔知庸梁另起咗果個金融發展局嘅爐灶,又搞咗啲乜嘢出嚟?

每當一個人,一個機構,或者喺一個國家,去持有一隻貨幣果陣,其實就等於變相對果隻貨幣嘅發行地,作出咗投資。多年嚟,美元穩佔國際貨幣呢個寶座,亦即喺話,全世界每一個角落,都喺無時無刻咁,投資緊响美國度;咁呢個國家,點可能唔強大?港元擁有作為美元替代品嘅優勢,但從來冇就住呢個優勢,造就外來資金以港元為基礎作長遠投資喎,令到港元只喺極其量充當資金避難所或者投機短炒呢種短線角色,難怪聯匯會修練到好光速咁快啦!唔大貪咁諗,如果港元可以蠶食到美元十份之一嘅國際貨幣地位,咁個餅,就已經大到不得了!不過,唔知香港本土嘅經濟實體,有冇咁嘅 SCALE 去支持呢個餅呢?咦?响我地嘅後面,好似仲有一個好重磅嘅阿爺喎!

之前話,香港嘅優勢,能夠匯聚人才同投資,原來呢個優勢,喺可以咁強大。唔知點解啲港人,都淨喺識得話,點樣可以通過香港,將人民幣推向國際化。點解冇人識得掉番轉頭諗,以阿爺強大嘅經濟實體做後盾,將港元推向挑戰國際貨幣嘅寶座?呢個做法,唔喺比逐步開放人民幣,更快同更直接,令國家可以响國際舞台上,發揮到最大嘅影響力?

一吧咁鋒利嘅刀,唔攞去作戰,留番响屋企度切豬肉,真喺浪費;仲要俾屋企人嫌佢阻掟,話整親啲細路喎!咁又喺,啲後生買唔到樓,都喺聯匯嘅錯嘛!