地產博客 > 文亮言 返回
瀏覽人次:25587    回應:19
文亮言

特朗普的證據是等拜登拿出來

 

湯文亮博士

紀惠集團行政總裁
2020年11月17日

  隨著中國同梵蒂岡都祝賀拜登,估計特朗普是不能夠連任做美國總統,不過,他是不會認輸,甚至唔會在總統交接當日在白宮接待拜登,大家不會一起食早餐,但這個情況亦不是未出現過,杜魯門亦沒有同接任做美國總統的艾森豪威爾將軍食早餐,不過是艾帥唔肯同一個下令投原子彈的美國總統食早餐。

  有老友話,以拜登之弱,特朗普基本上躺著也會贏,究竟點解會輸,我相信連特朗普自己都唔知道,佢話拜登舞弊,有晒證據,但又拿不出證據出來,我認為特朗普是敗在自己手上,他的確很聰明,話掌握拜登選舉舞弊證據,其實他是沒有證據,只不過是嚇幫拜登做假的人,如果有人做假,他們有可能會自動投案,屆時便有證據。

  究竟拜登團隊有沒有舞弊,這是一個謎,但有都唔會認,因為他們知道特朗普根本沒有證據,他的所謂證據就是等舞弊的人自動投案,冇人投案就沒有證據,本來,特朗普這招雖然古早,但應該仍然有效,如果拜登團隊有人做假,話唔定那些做假的人會自動投案,成為特朗普證據,但這招已經用過,特朗普在新冠疫情開始時話已經掌握到病毒是由中國開發,甚至有晒證據,但等等下又冇晒下文,反而證明特朗普是講大話,現在又話有證據證明拜登選舉舞弊,明眼人一睇就知道特朗普是兇拜登,根本冇人理特朗普,如果有證據就拿出來,根本不會說那麼多,講得出攞唔出,反而變成自己講大話證據

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 元朗灣區人 2020-11-17 09:34:45
二分鐘侵侵的証據和乞布的乜乜21,乜乜31一樣,雞血

!!叫人衝

當然,我支持美國人“為公義,真相”而戰。
2. 十一哥 2020-11-17 09:55:08
迷信…係人類與生俱來嘅、宗教/歷史…蠢人信…精人用...

3. 十一哥 2020-11-17 09:57:01
如果大部分係精人嘅話....人類就會絕種…
4. 人類就會絕種… 2020-11-17 09:59:58
你可能要解釋一下咁係精人絕種定笨人絕種。
5. 十一哥 2020-11-17 12:09:58
4樓  照而家情況睇、古惑仔扎扎跳呱呱叫...笨人咪咪笑…
6. 大鄉里 2020-11-17 14:20:45
侵侵最拿手一本正經地胡說八道。
不過這一招很管用,內容不重要,越七情上面,越能吸引更多支持者。

7. 引刀一快 2020-11-17 15:25:03
原來十一仔冇宗教信仰,怪之反社會喇。


8. 自醉 2020-11-17 15:49:00
睇過審死官就知點解星爺寧願挨打都唔將證據交出嚟。 贏梗就唔洗掹叫對手認輸啦明眼人!哈哈哈!
9. 引刀一快 2020-11-17 16:01:39
自我陶醉兄

星爺啲戲睇得少,解解好喎。
10. 自醉 2020-11-17 16:05:44
引刀兄

未睇過就要睇嘞, 超正! 如果星爺開變現代版審死官,必定大收。
11. 引刀一快 2020-11-17 16:11:40
自我陶醉兄

星爺係思爺,還是白頭神探?

等陣睇睇愛奇藝有冇粵語版先。
12. 自醉 2020-11-17 16:56:45
引刀兄

星爺本來係一個生仔冇海鮮嘅狀師。
13. 自醉 2020-11-17 17:12:56
引刀兄

其實講起呢都幾好笑,傻侵一日唔認輸,敗燈要繼續扮數緊票,現在兩個陣營嘅投票人數總和,已經比登記選民人數多咗百幾萬票,有冇出古惑,心照啦! 再點落去,投票率可能係200巴仙,哈哈哈!
14. 向泛民说不 2020-11-17 18:23:22
自醉,你又造谣了,今次投票率虽然高,一样吾够70%,

不过美帝的选举一样选谁造假抹黑更高。所以不要叫什么公正。
15. 自醉 2020-11-17 22:01:40
向飯

你知唔知登記選民投票率同合資格投票選民投票率有何分別嗎?合資格投票唔代表會登記做選民啊!哈哈哈!

16. 引刀一快 2020-11-17 22:45:43
自我陶醉兄

你信唔信,過幾日分分鐘登登話揾到侵侵作弊嘅證據吖嗱!
17. 引刀一快 2020-11-17 22:52:42
自我陶醉兄

今時今日,我先發現,灣元係耶和華嘅先知,怪之佢一直貶低公義,原來,呢樣嘢就快好似恐龍咁消失。
18. 自醉 2020-11-18 09:13:27
引刀兄

現在一個要快刀斬亂麻,免得夜長夢多,一個想拖到衆議院用一洲一票選總統,快刀斬亂麻的一方,仲點會搞咁多花臣呀! 

至於個元人,我唔係心理醫生,唔識分析啊!哈哈哈!


19. 引刀一快 2020-11-20 16:51:04
自我陶醉兄

灣元邊有心理,只有歪理。