地產博客 > 文亮言 返回
瀏覽人次:32793    回應:9
文亮言

匯豐150元不是夢

 

湯文亮博士

紀惠集團行政總裁
2018年3月28日

  昨日寫了一篇文章關於匯豐銀行,新CEO是儒將一名,匯豐一定有運行,立刻收到不少基金經理來電表示有很多股票好過匯豐,他們可以介紹,況且我話新CEO范寧是懦弱的人,點解要買匯豐,我知道有很多股票好過匯豐,不過我唔識,但我沒有話范寧是懦弱,他們連儒同懦都搞錯,試問我點夠膽叫他們揸莊投資,況且,我又不是一個大貪的人,每年有十個八個%增長就夠,年中收下息,都唔知幾開心。

  有老友問我匯豐睇幾錢,我話保守估計三年之內可以去到150元,老友表情很怪,我知道佢不相信,我記得在2003年,我們買了一些優質銀主盤,知道的人也作出了同樣表情,不過,這是人之常情,今次我話匯豐150元不是夢,純粹是從管理學上來看,匯豐積弱多年,冗員又多,又俾美國佬罰款罰到驚,要處理這些事情不難,搵一個金刀手就可以做到,但要重建市民對匯豐信心就很艱難,首先不要搵那些聲名不佳,惡形惡相,體重過重的人擔任,所以我話搵一個儒將,一個看似書生,但又幾打得的人,千祈唔好以為好容易,成本三國演義只得周瑜一個,勇猛戰將就多得很。

  我估計匯豐在未來一段時間,將會打全攻型,以爭取生意為主要目標,以三年為期,配合加息,甚至放寬逆週期措施,大家一定可以見到成績,我雖然話匯豐三年可以去到150元,但其實時間有很大機會比預期短,我知道有不少人不會同意,正如基金經理所說,市場上有很多股票增長快過匯豐,點解要買匯豐,他們所說的我當然同意,不過我對那些股票不了解,我認為投資股票一定要搵一些自己了解的,千祈唔好倚賴其他人,我花了很多時間去了解匯豐,所以才夠膽話匯豐150元不是夢,老友聽完之後話的確不是夢,是痴人說夢。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 真真薯片 2018-03-28 09:05:04
如果明年樓市出現博士成日講既大調整, 樓價跌, 按揭生意會易做左定難做左? 銀主盤湧現, 銀行賺多左定賺少左?
2. 博士 2018-03-28 09:15:41
薯片兄,
我幾時有講大調整,我只話今年跌8至10%,其實,你條問題已經有Facebook 朋友問了我,要在明報刊登了才可以出街
3. 真真薯片 2018-03-28 09:22:56
博士, 多謝回應, 或者我改一改個問題 : 樓市跌8-10%, 銀主盤湧現, 銀行賺錢易左定難左?
4. 香港土著 2018-03-28 09:50:07
獅子王確實係可以放心收集放心擺. 
5. ex staff 2018-03-28 10:14:44
以我所見,它們還有超級多冗员。尤其是FCR/KYC related 的部門,如果它可以簡化這些流程。你的推算也有可能。希望。
6. 真真薯片 2018-03-28 10:18:22
雖然在下質疑匯豐實際業務會否好轉, 但係業務好唔好同股價又未必一定有直接關係, 關鍵係有冇人買佢隻股票

如果美元息升, 美國銀行股升, 匯豐作為香港呢個亞洲金融中心既指標性國際銀行股, 大基金會根據全球性部署黎買入匯豐, 結果可以係匯豐生意冇乜點變, 但係股價照升, 博士今次呢鋪贏面超過6成
7. 十一哥 2018-03-28 12:36:19
完美就唔成世界、冇缺點…就肯定貴過3條7。


8. 中原指數250點不是夢 2018-03-31 02:12:49
如果連滙豐都升到150蚊,騰訊可能升過一千蚊,中原指數升到250大關也是合理的。


9. 引刀一快 2018-04-01 04:26:57
樓上兄台

由上年年初開始同步計算,今日大灣區嘅樓價等價於CCL250-300喇。