地產博客 > 文亮言 返回
瀏覽人次:56225    回應:41
文亮言

銀主盤,信就有,唔信就冇

 

湯文亮博士

紀惠集團行政總裁
2015年4月29日

  我曾經說過,三年內將會出現一萬個銀主盤,立刻被人炳到失暈,有人話,如此太平盛世,樓價屢創新高,如何會出現銀主盤,就算將物業按在財務公司而沒有能力還清的話,最多便賣樓還債,又點會變成銀主盤,最後加多兩句,不知所謂,危言聳聽。
 
  我是否危言聳聽大家心裡有數,我提出細價樓爆煲論的時候被人話我痴線,如今,陪有一齊痴的有湯家驊與及黃遠輝,他們了解到原來有七千宗未補地價居屋違例二按及一些真實個案之後,都不其然說細價樓真的是有機會爆煲。宗兄不用說,他唔知道亦情有可原。但輝哥唔了解資助房屋的二按情況,似乎就說不通,政府辛辛苦苦建一些居屋來幫助那些有意但未有資格買私人樓宇的人上車,倒頭來害苦了他們,倒不如將那些居屋變成公屋,他們入住後就不用遷出,好過現在雖然曾經是業主,但最後要變成劏房戶,更有機會欠下一身債。政府對他們好,最後都是害了他們,好心做壞事,莫過於此。
 
  我以為賭仔才是姓賴,原來那些以居屋向財務公司借錢的人都是姓賴。有居屋業主向財務公司借二按,利疊利,貸冚債,到最後,自知無法清還,將物業向房屋署申請加按,等咗足足一年,申請雖然獲批,但只夠冚一年前所欠的債項,這一年所支付利息就要由申請者自己想辦法,老實說,房署已經情至義盡,加按,根本不可能,話到底這是政府支助房屋,房署是不應該協助居屋業主加按,尤其是那些還未補地價的居屋。誰不知,申請人指責房署工作太慢,害了他要多付利息,現在想唔賣樓都唔得。由此來看,我相信這不會是單一事件,房屋署亦早已掌握居屋業主向財務公司借貸的嚴峻情況,但房署職員為求自保,沒有向上稟報,認為加按便可以將事情搞掂。現在,事情開始明朗化,我的「細價樓爆煲論」亦指出爆煲論是由財務公司的二按引起,而且,銀主盤將會越來越多。而現在的銀主盤有一個特色,就是很容易出售,而出售之後便沒有銀主盤,所以,銀主盤基本上可以說你信就有,唔信就冇。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 支持博士 2015-04-29 08:48:36
等大跌5成入貨,好友輸硬
2. 塘邊鶴 2015-04-29 09:01:48
對樓市冇負面影響既銀主盤
3. 湯碗亮 2015-04-29 09:20:47
呢D根本唔係新奇事, 不嬲都存在, 只係比湯生無限放大!!
5. 生湯 2015-04-29 11:14:40
博士有道理!
6. 猪頭醒 2015-04-29 11:15:03
湯家驊與及黃遠輝沒有博士那麽醒,

知道三個月內即五月八号準時爆煲.
7. 正字 2015-04-29 11:21:48

陪有一齊痴 --> 陪我一齊痴

政府支助房屋 --> 政府資助房屋

8. To 湯碗亮 2015-04-29 11:44:50
物極必返,唔係新奇事唔代表可以當冇事,只是幾時引爆吧
9. 財仔爆煲前奏? 2015-04-29 12:00:40
環球信貸(1669)股價今早大瀉33.3%,現報3.32元,創逾兩個月新低,成交2,430萬元,市值13.3億元。

公司日前會見傳媒時表示,今年首季利息收入按年輕微下跌,但首季貸款已有回升跡象,符合公司預期。另外,由於去年上市時集資額,已足夠公司今年使用,料短期可降低融資成本,未來會續尋海外借款機會,而去年的融資成本為7%。

香港方面,公司稱目標未來市佔率可達至雙位數,2013年為7.3%。
10. 新淡友 2015-04-29 12:39:24
樓市的確難以在三個月內爆煲,但股市在三至六個月內爆煲機會新大。
早兩星期到上海出差,發現連餐廳服務員也在炒股,服務又慢又差,根本無心工作。

有人說股市是零和遊戲,現實是股市連零和也談不上,計入交易費和差價,根本是負和遊戲,中國現在交易額成世界第一,其實是財富以世界第一的速度不斷減小。

更可怕的是即使股市上升,外匯竟然減小,外匯佔款從2014年初29.6萬億急劇滑落到27.3萬億,與外匯儲備從3.96萬億美元滑落到3.72萬億美元,這實際上已經表明中國美元在急劇減少,外資沒有流入,反而是資金因為人民幣虛高而外流,要用大幅降準去補充,這其實是十分危險,而且不能持續。日本,印度等的大牛市都是在貨幣貶值下發生,才得以長久,中國貨幣不眨,自然難以吸入外資。

引刀兄多次指出中國人的兩個問題:內鬥及一窩蜂,其實正好說出要害,現在股市就是政府中不同集團的人內鬥,而小市民一窩蜂湧入,若政府和人民都花心力在股市,不趁現在有資金空檔去做改革,便會失去這個可能是最後的機會。剛剛北京軍區又有人事變動,石油幫的改革也難未見實行,也許政府中除了股市外也有其他政治事件要處理。

刀兄提出的一個重點是城鎮化瓶頸,就是城市居民先炒起樓價,希望外地人高價租用或講入,但現實是多數外地人根本負擔不起,特別是中低技術的工業勞工。要越過中等收入陷阱,就必須發展服務業,一個以工業為主的經濟,很容易實現增長,只要叫工人加班就得,由8小時工作變成10小時工作,GDP就增加近2成了,生產出來的產品沒有人買,也是以後的事,但服務業不能這樣,必須要同時有供有求,這就必須發展一些超大城市,但現時大城市的樓價,要很高技術才可負擔,租值又低,久防守性,樓價升的話,城鎮化停止,降的話,又會出現壞脹及內需城小問題,可說是動彈不得。

亮劍兄及珍港兄則認為,中國問題明顯,專家也很多,可以防止黑天鵝出現,但老實說,即使中共有七個諸葛孔明在政治局工作,如果其他官員都是劉禪黃皓,還有幾億人民在內鬥,大戶鬥散戶,城市人鬥外來人,一齊都是徒然,反而是政策越多,可讚的空子越多,正如幾年前的四萬億,只帶來了三四年的藥效,現在的QE,半衰期可能不足兩年,過去發展工業時,目標簡單,可以複製別人的例子,中國速度是巨大優勢,但現在不是發展簡單的工業,政策必須慢慢推出,慢慢的堵塞漏洞才有效。現在急速推行的QE,反是連中國的兩大優勢,政府的儲備和人民的儲蓄,也急速耗盡。當一個社會的資源減小,內鬥便會加劇,治安也會變差,香港很難不受影響,現在香港治安也變差了。當然,樓市還有幾重防線,估計中共會以全國之力去保住北京,上海,深圳(小弟認為廣州也未必可保得住),香港則會在北上深支撐不住之後再被衝擊。

現在內需也許因為股市而回䁔,但這有又可持續多久?上次股災還有樓市支持,今次一但出現股災,中國已再無有生力量去支撐經濟,這個巨浪,恐怕不會是雷曼事件一樣可以單用經濟方法解決......
11. 路人 2015-04-29 13:45:55
股票對大陸人來說始終算是新生事!不像我們香港人久經股海風浪洗禮,不過大陸人學嘢相當快,北京奧運那年,大陸股民人人自我陶醉說:『因為奧運將要舉行,國家一定不會讓股市下跌!』,誰料就從那時開始,上證綜合指數就由6千多點下跌至2千多點,輾轉在低位歷時6年之久!所有蟹貨艇貨要到2014年中才消化掉,然後才重拾升軌,一切走勢合符國際標準!上次高位6千點何時破?還相信政府會發功的是交了學費沒有學到知識。
12. 支持湯生,但有點想不通 2015-04-29 13:55:21
支持湯生,但有點想不通,
就是既然銀主盤那麼容易出售,那銀主盤只會變成二手市場的部份,
價格不會大幅下跌的,這樣就算真的不斷出現銀主盤,
那又怎樣會影響樓價爆煲呢 ??
13. 哦。。。好小事啫‧ 2015-04-29 14:12:41
就算係1萬2仟個未補地價居屋欠財仔二按再加按,最終居屋業主搞到破埋產。房委會最後亦是收回其單位,重新售與合資格的居屋申請人或公屋綠表。未補地價居(公)屋與私樓比較,根本是風馬牛而不相及的兩個獨立市場,同細價爆唔爆煲冇關係。

不知所謂,危言聳聽,W+X+Y+Z ! @#$%^&*()!
14. 生湯 2015-04-29 14:18:06
原來一開始細價樓定義是未補地價居屋!大家買私樓可以放心了
15. 支持博士 2015-04-29 14:21:54
總之樓價一定跌,博士行內人士,一定唔會點你,出面等住賣嘅單位排住隊出來,仲有黑天鵝就來出現,你睇而家D癈青想同你搏命,就出事,有樓盡快賣
16. To 8樓 2015-04-29 14:44:12

存在係要正視, 但所謂幾時爆, 點爆, 一定無你地吹到波咁X大囉!! 就算有少部分資助房屋出事, 唔會對大市有好大影響, 亦諗唔到導致所謂細價樓爆煲有乜關係!! 

 

17. 引刀一快 2015-04-29 14:55:12
To 10樓 新淡友兄

廣州樓價的確係保唔住,依傢就算推自貿區概念,都只係個別樓盤賣得好D,廣州樓市大勢已去。而我個人睇法,香港同大陸樓市嘅關係,未必係果,可能係係因。

新淡友兄對大陸情況瞭解遠在引刀之上,希望兄台多留言交流,引刀獲益不淺,并建議兄台注册署名。
18. To 4/F 2015-04-29 15:18:53
又傳教,好煩!
19. 水果全都儲存在倉庫 2015-04-29 15:30:17
那時候, 水果怎麼可以存在倉庫裏? 那是果乾, 犯了商品說明條例。
20. 早已看出博士有私心!!! 2015-04-29 15:41:45
要清楚明白博士從來不炒細價樓,最起碼由中價樓起表。所以眼紅細價樓在政府辣招稅催谷下而導致升幅可觀,因而唱衰細價樓,扶持中價樓,甚至乎身體力行唱好大碼樓而入市紅山半島 等、等、等、等、動作多多。

淡友咪走,中原樓價指數好快破頂創新高!


陳啟宗:今年細價樓、豪宅市道都OK!

3,204
建立時間: 0429 13:32

0
李潤芳 攝(蘋果日報)

恒隆地產(101)主席陳啟宗表示,內地消費市道受打貪等影響而較為疲弱,認為不應對市場過份樂觀。

他又認為,經濟增長回落屬正常,認為公司可趁機鞏固管理團隊和買地等。另外,他又表示,本港今年細價樓和豪宅市道「都OK」,但中價樓走勢則一般。 

集團亦因應近期樓價上升,將會推售旗下跑馬地藍塘道項目,涉18幢洋房,擬招標方式出售。他又指,現時公司旗下浪澄灣尚餘700多伙。 

  • 深井浪翠園樓價終於發力,其中5期帝華軒海景戶,連車位賣970萬元。(資料圖片)

    當天水圍嘉湖山莊都賣一千萬嘅時候,同為九七年蟹貨重災區嘅深井浪翠園,成交價亦直逼千萬關口。其中5期帝華軒海景戶,連車位賣970萬元,創九八年後新高,市場預期屋苑成交價快破千萬。另方面,荔枝角盈暉臺2座高層單位亦賣1,068萬元,係屋苑首見過千萬成交。

    二手屋苑轉旺情況

    劉Sir仲記得,九七年浪翠園5期帝華軒一手曾經賣過1,300萬元,正正係樓市「大時代」。事隔十八年,近日同晉誠地產老友胡卓輝傾開,同屋苑2座高層C室,實用面積1,085方呎,連埋車位近排都賣970萬元,重見九八年後最高位,實用呎價8,940元,比○三年購入價足足升約2.6倍。

    綠楊五日三度新高

    佢又話,記得嗰陣時,呢類單位九八年賣二手都要成千萬元,依家同類高層放盤間間叫價過千萬,相信浪翠園好快有過千萬成交。劉Sir都記得,九七年嗰陣浪翠園10座有單位建築呎價最癲去到1.1萬元。

    近排樓價升得快過九七,荃灣綠楊新邨樓價五日三破頂,代理話,屋苑A座高層4室三房戶,再賣683.8萬元創全屋苑新高。鰂魚涌太古城今個月12宗成交中有9宗係同類新高,中原莊素娟話,紫樺閣中層D室賣1,580萬元,實用呎價17,137元,創同類三房新高。

    其實個市比之前旺,美聯林海成話,荔枝角美孚新邨八日有13宗買賣,係近一年未試過,四月暫錄32宗,多過三月全月22宗。同區盈暉臺2座高層D室賣1,068萬元,屋苑成交價首見過千萬,實用呎價1.4萬元新高。

    中原陳凱超指,西灣河鯉景灣今個月7宗成交,多過上月全月一倍多,安曉閣低層F室賣828萬元,實用呎價約1.47萬元,貴過兩星期同類成交近9%。

    尚匯 峻弦現銀主盤

    新盤客撐將軍澳二手市,新都城及峻瀅連錄成交,利嘉閣劉浩勤講,新都城3期連錄3宗買賣,全部新樓回流客,3座中層B室放盤兩日即賣490萬元。

    近排銀主盤多番,灣仔尚匯實用面積約368方呎單位,銀主叫價1,190萬元放盤,比兩年幾前買入價只高約100萬元,聽講原業主係內地人,最少曾承按兩次,估計個盤係首個銀主盤;牛池灣峻弦都有低層銀主盤,連車位叫價2,480萬元放盤。

    劉Sir


    21. ahchiu 2015-04-29 16:32:53
    to #13

    你覺得二按/加按, 是居屋獨有現象嗎?
    只有居屋業主才有需要二按/加按?

    如果就算係犯法, 都有7000個居屋業主受唔住誘惑去二按/加按,
    咁私樓業主有幾多呢?
    22. 引刀一快 2015-04-29 16:41:08
    To 21樓

    就係有人話“淨係居屋先有”,因爲私樓有銀行承接2按加按喎。唔知呢。
    23. 運輸工人 2015-04-29 17:50:53
    信就爆,唔信就唔爆.
    24. 生湯 2015-04-29 18:36:24
    簡單來說,只要未來三年二手買賣超過一萬宗,博士已經可以推論全是銀主盤而成功預言了
    25. 有定冇 2015-04-29 19:27:11
    有就有,冇就冇。點會信就會,唔信就冇。亂up廿四。
    26. 珍惜香港 2015-04-30 04:05:09
    珍惜香港TO:10/F 新淡友

    嘩!閣下咁講,真喺好似大難臨頭咁喎!好彩我從來都唔沾手股票啫,咦?我好似有唔少磚頭架,使唔使依家襯高一次過沽哂佢?變哂做 CASH?CASH IS KING 嘛!

    CASH,真喺 KING?咁多 CASH,攞哂嚟炒股嘅話,唔知又會唔會變咗隻 KING 呢?定喺 ACE?

    呢排啲手機群組,非常熱鬧,大家都好興奮咁講股。身為一個 PI,都幾慚愧,人家講股,我從來都喺 NO COMMENT,我自問唔識股票,亦自量冇資格駕馭股票。個市喺咁升,好多人都估估下,幾時會有股災,咁就可以摸頂離場,賺盡而退。我只能夠話,股災,喺估唔到,大家量力而為,見好就收啦!

    基於我之前嘅預測,美國今年內喺唔會加到息。不過唔加息,唔代表一定冇股災嘅,就好似閣下講到中國,好似死路一條咁。中國冧,真喺會引發股災架!不過,「冧」呢個字,唔知又點定義?

    其實,今時今日,環球資金嘅流動性,喺相當高。阿爺要搞人民幣國際化,就自然要接受呢個現實。況且,貨幣亦只不過喺虛擬數字嚟啫,今日流出,聽日流入,都只喺閃電之間,驚個乜?貨幣,可以「印」嘛!最驚嘅,唔喺貨幣嘅流出,而喺資源嘅流出。如果通過「印」錢,就可以增持資源,咁就點「印」都值得,點解?好簡單,貨幣、債,都只喺數字。數字,喺可以處理嘅,但喺,冇資源,就冇得處理啦!

    所以點解我成日話,中國嘅領導層,喺好清楚國家需要啲乜嘢。搞個亞投行出嚟,仲要豪俾你,出埋一半法定資本,就喺要用錢話事,唔喺點可以吞噬他國嘅資源?依家全球排住隊 QE,美國佬喺咁俾人變相加息,搞到想郁都郁唔到,只有見步行步。阿爺當然唔客氣,梗喺玩埋一份啦!大好機會,增持資源,點會錯過?

    不過,好多人又好驚,問全球喺咁 QE,個「泡沫」點算喎!但喺唔知點解呢,又冇乜人可以好具體咁講得出,個「泡沫」究竟喺啲乜嘢嚟?喺錢?喺債?我剛才話過,呢啲數字嘢,喺可以處理嘅,咁究竟點樣處理?

    「蒸發」囉!吓?咁都得?

    有乜咁出奇?金融海嘯果陣,美國鬼一句清盤唔還,就「蒸發」咗你啲錢啦!不過,我地喺中國人嚟,喺人,唔喺鬼嘛,做人,要講「信用」嘅!咦?咁個氹,搵邊個嚟填?

    「投機者」囉!

    呢個世界,咁多投機者,尤其喺我地中國人,賭性咁強,有賭未為贏嘛!果次我話,人仔跌,只喺人為,要保住個大局,總要犧牲一下啲投機者嘅利益,所以做人,真喺唔好咁投機

    最有效嘅數字蒸發工具,莫過於股市啦!借錢唔還,分分鐘搞到要還資源,就真喺偷雞唔到蝕渣米;不過用股市蒸發數字,就喺你情我願,冇得投訴。呢排,阿爺响度玩操練,一時放下,一時收下,睇睇個效果點先,到真喺落刀果陣,梗喺要快、狠、準!

    所以,股災呢味嘢,一樣可以喺人為。不過又唔使咁驚,我只喺老吹,講嘢又冇乜根據,冇事嘅!

    總之,玩還玩,大家量力而為,見好就收啦!
    27. Oscar Lam 2015-04-30 07:06:37
    回珍兄,

    同意你的看法。小弟亦絕少涉及股票。買賣股票因為交易成本低,出、入太容易,多少涉及投機成份。如今是股市大時代,如果真的想參與一份,也只能抱著小賭怡情、見好就收的態度。
    28. 蜕变中嘅懒人 2015-04-30 07:33:41
    同意珍惜香港兄,豬仔都係實際資源,升咗趺咗都係嗰隻豬仔。

    我救經濟用QE,出咗QE後我經濟好咗,變咗你經濟唔好,輪到你救經濟用QE,於是你經濟好咗,跟住輪到他經濟唔好救經濟用QE,卒之又變番我經濟唔好.............。

    你我他QE效應------->形成咗樓價温室效應------->樓價脱離任何經濟因素,緩慢而恆定上升------->人心驚覺樓價長升不跌-------->萬友引力令樓價只升不跌。

    豬仔、豬仔我愛你,無論什麼人講什麼,永遠守護著你們,永遠.....永遠。
    29. 蜕变中嘅懒人 2015-04-30 07:49:27
    隔離仁兄話:成吉思汗揮軍只搶土地、搶資源,銀紙佢唔要,遲的自己印,有道理。

    保資源至係智者、保銀纸係儍瓜。

    珍惜香港兄、懒人跟定你。
    30. 支持博士 2015-04-30 08:02:00
    博士一定無錯,盡快賣樓
    31. 蜕变中嘅懒人 2015-04-30 08:07:08
    30樓兄

    兄台有幾多間賣、邊度、放幾銀?

    資源掠奪者:成身大汗來了。
    32. 路人P 2015-04-30 09:00:00
    所以我一向都話政府心黑,明明買樓可以興家致富,財爺就和眾高官就出盡法寶叫大家唔好買樓,明明買股票會導致傾家蕩產,財爺就建議大家去買股票,好彩有呢個地產網,唔係嘅話大家死咗都唔知邊個先係仇人.
    33. 亮劍 2015-04-30 13:04:56
    新淡友兄……

    我睇好中國中長期前景,係基於中共呢幾年行對路,呢個趨勢我估仲可行多十年八年。
    反貪腐……我不排除呢個係中共高層喺度權鬥,但肅貪倡廉,始終係好事,相信百分之九十的中國人,都認為呢個周永康,橫睇掂睇係抵死果隻!
    汰舊換新……淘汰高耗能、高污染、低產出的工業,換來高付加值的產業,相信你都同意啩。
    亞投行……中國喺一窮二白嗰陣,都勒緊褲頭幫忙窮親戚去攪基建,以爭取政治空間,呢家中共只不過係將呢啲政治投資規範化,這有如之前用國家名義去做善事,呢家就成立慈善團體去做,這次亞投行開個局不錯,起碼中共振臂一呼,就立即引來大家參股玩大佢,在呢度小弟睇倒,中共可憑借呢個平台,廣交朋友、將過剩產能輸出、使人民幣國際化,除此之外,亞投行如果得以成功,亦可使中共增加施政透明度,加速中國同世界普世價值接軌,在呢度我相信新淡友君亦會同意。
    34. 引刀一快 2015-04-30 16:19:37

    亮劍兄

    你今世都唔駛旨意入中宣部,你0U丅喇。

    35. 亮劍 2015-04-30 17:27:45
    中宣部要嘅係根正苗红的共產黨人,我呢D飽受資本主義薰陶,開口埋口就係物競天擇、適者生存的市儈佬,中央點信得我過?
    小弟連賺 5毛的本錢也沒有!!
    36. 引刀一快 2015-04-30 22:02:27
    亮劍兄

    我咁講係因爲下午用手機上,唔得閑慢慢打字。

    你講得太理想化喇,嘻嘻,直頭5毛都冇你咁“正能量”呢。

    簡單嚟講,如果咁簡單,好多年前已經做緊,唔駛等依傢,唔講多,咪等你以爲引刀又出言不遜。
    37. 新淡友回 2015-05-01 16:55:09
    新注冊無法登入,現改名先回各位

    在下基本上認同珍兄的新常態,低波幅理論,但前題是,政府必須全力做去stabilising force,但現時中國政府所做的,是把過去政府作為stabilising force的政府反過來變成 destabilizing force, 加上大陸人的高槓桿一窩蜂機會主義,過去被壓下的波幅有機會隨股市爆破而井噴!
    (其實香港以前也是,只是97後受到教訓改收歛。)

    資源也會因市況逆轉而改變,大基建時代的煤和螺紋鋼,現在賣不出還要用錢去處理,鋼在生銹,煤還要澆水,恐情要等亞投行成功才有出路。

    另外,小弟認為人民幣能以如珍兄一句”犧牲一下啲投機者嘅利益”就實行,因為中國匯率己被”債務綁架”

    QE能令經濟復甦,匯率下跌是其中一個重因素,令外資流入,減小人人民出國消費投資,但中國QE後發制於人,又唔眨值,反而加速資金外流,同時因為過去以政府係經濟做得太多,國企佔去大部份貸款,令企業難以在國內借錢,但人民幣匯價又人因為人為因緩慢升值,結果誘使大量企業海外舉債,外國投行亦樂意做deal,單係香港已經借左3萬億去大陸,現在已經無法逆轉。老實說,中國國力實在雄厚,有能力控制匯率令企業營運時不用考慮匯率波幅,但這也使很多企業失去學習在匯率波動的情況下經營,有點財技知識的更學會以外幣舉債,認為未來幾年可以越借越平,越還越小,但這就令由或失去一個重要的調控工具,人行被企業的債務綁架(日本則沒有此問題),在利率/資產價格/匯率的互動是市場跌律,利律下降,自可令資產價格,匯率下跌,減少牛市所耗的資金,就像一個一用兩隻手支持市場,一隻手提高,其實另一隻手下降,實際上也不要提出額外之力,但要利率下跌又保持匯率,就是要兩手齊舉,引體上升,耗力之鉅前所未見,也許以美國的國力也難以做到,這是中國QE的一大隱憂!


    亮兄所謂走對了路,其實是一種單邊市錯覺,例如一個月入兩三萬既年輕人,的確可以同時出十多張信用卡,借入大量金錢去投資消費,順市時當然以可以過著蔡+盞式的生活,還可以四處吹噓,一但市況逆轉,又沒有父幹,就無力回天。
    中國的margin ratio同企業借貸,可以同美國1929相比,當時的美國人都認為自己過去二十年走對了路。
    38. 必爆 2015-05-01 17:24:42
    陳啟宗竟然話細價樓今年升得較多,一睇就知陳啟宗唔係撈地產呢行嫁啦,陳啟宗一定是外行人,他在大陸是做洗碗還是掃街的?竟然唔識得香港有位湯博士,話咗細價樓三個月爆就一定爆,大家坐定定喺度,睇多七日就可以見證細價樓爆煲啦!
    39. 劫數難逃 2015-05-01 17:38:02
    但願小業主能逃過爆煲的災難.

    上天保佑,小業主不是奸人.
    40. 引刀一快 2015-05-01 18:19:44
    新淡友兄

    強哉強哉!
    41. 珍惜香港 2015-05-01 23:12:51
    珍惜香港TO:37/F 新淡友回

    其實,閣下提到嘅每一個問題,內鬥、一窩蜂、讚空子、機會主義之類,難到只喺中國獨有?

    咁美國呢?歐洲呢?仲有,香港呢?

    你所講嘅,根本就喺人類嘅本性,你走入去任何一個地方度,都會睇到類似嘅問題,只喺响程度、種類上,各有不同。但起碼,中國人,都認自己喺中國人,唔會認英國佬做祖宗,美國佬做恩師,日本佬做主人。幸好中國未有民主,未有福利主義,呢兩樣嘢,至喺真正嘅要害,尤其對尚未成熟嘅經濟體,簡直就喺超級殺手。你講果堆問題,根本就喺小毛。就睇高鐵,已經貫穿全國啦,咁,個香港站呢?

    高鐵,已經喺一項資源。我講資源,喺好廣義,唔好淨喺睇到啲煤鋼至得架!由天然、土地資源,到人為產物、企業、科技、基建、房屋、甚至喺人力,都喺寶貴嘅資源,而資源嘅價位,只喺貨幣賦予嘅一個虛有數字。唔通,樓價跌一半,同一個住宅物業,就會由可以住人,變成唔住得人?房地產嘅升跌,只喺貨幣世界嘅一種假象啫,何必睇得太重?

    以前,美國佬喺咁迫中國開放人民幣,要人民幣升值。中國守咗咁耐,到依家,人民幣已經喺半國際化,阿爺雖然可以响某程度上作出調控,但唔喺你想點就可以點。QE,亦本來只喺成熟經濟體嘅產物,而中國作為一個發展中嘅經濟體,行 QE 的確喺早咗啲。不過,响呢個環球經濟新常態之下,全球排住隊 QE,難道你又可以獨善其身?難道要揀番條回頭路,閉關自守?倒不如順勢而行,取其利,淡其害啦!

    千祈唔好將自己嘅眼光,局限咗响自身嘅問題度,好多嘢,已經喺國際性。中國要改革開放,就要頂硬上,而有效嘅管治,就好關鍵,唔喺點頂?點解我話,港股直通車,一笑置之;滬港通,就令我驚嘆?因為我見到,好大喜功嘅年代,已經成為過去式,取而代之,喺深思熟慮,謹慎行事嘅果。至於羊群嘅取向,自然會因勢自我調節,又冇我啱啱提過果兩個超級殺手响度搞搞震,使乜咁驚?

    所以,你見到連餐廳服務員都炒股,服務又慢又差,根本無心工作,咪當喺睇「大時代」囉!個服務員,炒股贏咗,可以帶動消費,唔錯啫!咦?咁輸咗又點?咪當買個教訓,重新投入工作,呢件人力資源,咁就被優化咗啦!其實,過往幾十年,好多內地人,搵錢太容易,你講果啲人民儲蓄,有幾多喺同付出成比例?或者喺時候嚟一個財富大整合,換嚟優化嘅人力資源。每逢股災之後,都會衍生呢個優化現象,未償唔喺一件好事嚟嘅!

    股市,除咗有我之前講果種,蒸發數字嘅作用之外,原來亦有財富整合,優化羊群嘅作用。

    呢個世界,好多嘢,有正面,亦有反面,問題喺,個揸 FIT 人,有幾大決心,而你對佢,又有幾大信心?早前大鱷殺到,阿爺降準,唔好太認真;都喺果句,QE 新仔,操練下啫!對於債,呢個 QE 嘅主角,閣下似乎好有戒心。都喺果句,數字嘢,喺可以處理嘅。至於利率、資產價格、匯率嘅互動性,涉及嘅,亦唔止喺一條公式,响現今嘅經濟環境之下,唔可以一味直抄歷史嘅。

    其實,世界各地行 QE,有幾多資金,真喺直接咁流入去實體企業度?間接流入,已經好 GOOD。依家個局,已經發展到資源同債之間嘅問題,恐怕又喺一個大 TOPIC,屬於環球經濟新常態第三系列,真喺要有閒情至寫得啦!

    如果你問,中國究竟喺行啱咗路,定喺行錯咗路?我嘅答案,好簡單。

    路,喺由人行出嚟嘅!
    42. 引刀一快 2015-05-04 04:44:37
    新淡友兄

    你嘅睇法好貼住現實,大陸咁大,問題必須正視,希望你多分享。