地產博客 > 資深會員專欄 返回
瀏覽人次:44098    回應:53
資深會員專欄

專業機構投資者(二)市場嘅角色

 

珍惜香港

法團專業投資者
SMIEEE.MSc(ICDE)
http://facebook.com/hongkongtruevalue/
2016年1月18日
上文提到,我會再同大家,分享自己嘅體驗同體會,包括早前提過果三個十倍。但由於呢部份,曾經响近一年半前嘅「環球經濟新常態之一(債嘅機遇)」回應系列中詳述過,大家可以先 CLICK 番去重溫一下,而我亦會盡量避免重複。不過,唔好意思,點寫,呢篇嘢,都會好長。

尋覓商機嘅生涯

我喺一個生意人,2000 年創業,2009 年結業。之前打工、之後做生意,我都好慳,成世人跑到依家,除工幹以外,都只喺去過一次旅行。我將所有賺番嚟嘅錢,放哂入磚頭裡面,所以結業之後,單靠收租除成本嘅淨收入,已經可以養家。幾年以嚟,我同戰友,不斷奔走,尋覓、BRAINSTORM 新嘅商機,除咗最熟嘅科技老本行,以及同互聯網有關嘅創新嘢之外,仲計劃過搞藥房、找換店之類,真喺乜都諗齊。

對每一項計劃,我地都好認真,自己出資,定喺搵投資者夾?生意模式、運作是否可行?只喺短線,定喺可以長遠發展?唔熟行嘅,使唔使搵合作對象?而對方又信唔信得過?有時,唔喺信任問題,而喺响盤生意裡面,自己會擔當乜嘢角色?呢個角色,是否長遠?成事之後,人地仲使唔使靠你?唔好以為我地只喺老吹,真喺物色咗合作伙伴,連計劃書都出埋。就好似創新科技項目,有哂 SCHEDULE、BUDGET;而找換店呢,連內地對沖嘅人事,都隨時可以商議。但到最後,呢啲計劃,全部告吹,而大部份,都喺我地自己決定剎停。

後期,終於有咗結論,自己都唔再年青,又有哂家庭,响百業歸邊嘅大環境之下,復出搞實體企業,要面對嘅風險,始終唔喺我地可以承受,亦冇必要去搏。於是,我地開始諗下啲投資項目,用磚頭融資,由掃幾十個發展商拆售嘅車位,到買起一間教育機構嘅大舖,都考慮過。其實,响 BRAINSTORM 嘅過程中,包括上段提及嘅各項計劃,都有同合作多年嘅銀行,商談融資嘅可能性同模式。所以,我地非常了解,所謂低息、QE,根本就落唔到去實體經濟度。搞實業嘅融資成本,喺 P+;而購入金融資產嘅融資成本呢,就只喺 P-,甚至喺 H+。到最後,由搞實業,變成投資金融項目,只不過喺,勢之所趨啫!

債券投資簡述

我地選擇投資項目,非常保守,要融資,就唔可以炒價圖利,一定要有穩定,同可預期嘅現金流,為主要嘅收益。身為生意人,我地唔接受只喺响數字上,而唔了解自己實質角色嘅投資,呢一點非常重要,我稍後會解釋。結果,我地選擇咗高息債券,要留意,喺直接購入同持有債券,唔喺債券基金,呢兩味,喺天淵之別,我稍後亦會解釋。

投資債券,門檻高,一個單位要廿萬美元。基於匯價風險,我地借港幣,就唔會考慮美元以外嘅債券,果陣市場睇好人仔都喺咁話。記得我當時講過,匯價始終喺相對嘅,升跌冇得估,家陣人仔點樣,各位有眼睇。融資方面,個別債券要視乎評級,同銀行內部嘅風險評估。投資級別嘅債券,可按六至七成;非投資級別嘅債券,可按五至六成;太低級嘅債券,喺冇得按。按得嘅,當然有槓桿風險,呢啲風險,主要嚟自債價,同違約呢兩部份。

債價方面,每隻債券,喺以 100 為發行基礎,有升有跌。其實,買債,即喺借錢俾發行企業,只為收息,唔喺要賺價;反正到期之日,發行企業都喺以債價 100,即喺廿萬美元,還番錢俾你。期間債價升跌,只喺基於市場對個別債券,實質收益率(YIELD)嘅評估,造成交易雙方嘅轉手價,偏離 100。例如,一隻非投資級別嘅高息債,升級成投資級別,就會被市場追捧,直至債價升到個 YIELD 同市場其他投資級別嘅債券睇齊。又例如,一間企業有非常負面嘅消息,令市場擔心佢還唔起錢,導致違約,咁佢嘅債價就會大插。一般債價,好少會跌破 90,跌穿 90 嘅,一定唔慌好嘢。企業違約,可以喺停止派息,以低於 100 還錢,甚至喺唔還錢,呢個就喺債券投資嘅最大風險。

第一個十倍:資產

我地買債,喺先用現金購入,再混合磚頭一併融資,以投資機構模式運作,响融資方面,就有較大嘅彈性,同攞得到最盡。就以磚頭為例,商業融資,可按高至八成以上,再加上槓桿投資,規模就會做到好大。假設你响後沙士期間,以 100 萬買咗個兩房單位,升到 300 萬,已經供滿,咁按八成,就即喺融資 240 萬,再以五至七成,即喺平均六成槓桿買債,就可以買到 600 萬債券,加埋市值 300 萬磚頭,總資產就喺 900 萬,升咗九倍。不過,呢個只喺起動,擴大資產,即喺擴大咗現金流收益,再槓桿,再投資,運作幾年,當然已經超過十倍啦!

果次我話,幾年之內,將原始資產,由原來嘅三倍,再擴大至十倍,就喺咁嘅意思。100 萬原始磚頭資產,由原來升值咗嘅三倍,即喺 300 萬,再通過融資同槓桿買債,先擴大至九倍,幾年運作,已經超過十倍。但我嘅原始資產,可以令我結業後養到家嘅,當然唔止 100 萬,至於個基數幾多,SORRY,喺私隱,唔方便公開。再者,我以上嘅數字,已經比較粗略同保守,真正嘅規模,當然唔止十倍。

第二個十倍:現金流

既然喺以現金流,唔喺以賺價為收益,資產擴大,現金流就自然擴大。我嘅債券,都喺八厘以上,就當平均九厘;而銀行對金融資產嘅融資,喺好低息,就當佢兩厘,淨收入都有七厘。用以上例子,600 萬債券,每年淨收益 42 萬,每月就喺三萬五千。當年 100 萬嘅兩房單位,租金除成本,收入都只得六千左右,依家租金升咗,就當一萬啦,咁即喺,現金流收入,由六千,擴大至四萬五千。咦?只喺七倍半,何來十倍?

都喺果句,呢個只喺起動,每年 42 萬收益,再槓桿就可以買多一球債。大家唔好扮醒捉錯,話債券單位廿萬美元,一球喺買唔到。都話,呢個只喺數字例子,我嘅規模,何止咁小?回正題,每年多買一球債,複式上,運作三年,每月總現金流就會超過六萬,即喺十倍啦!

第三個十倍:風險承受能力

大家都喺識得計數,今時今日,响香港,擁有市值幾千萬物業嘅人,為數不少;而租金淨收入,只喺得果兩至三厘,每月都唔夠十萬。呢盤生意,可以令佢地身家過億,每月成球收入,邊度搵?我早前話過,經營多年,之後衍生咗一系列抄襲同變種個案,而佢地經歷過兩個大浪之後,好多都搞到損手爛腳。

對風險嘅承受能力,呢個十倍,先至喺最重要!

近半年嚟,無論股市、債市,都大幅波動。恆指由二萬八,跌至近二萬,最近仲穿埋,直逼萬九。咁債市呢?幾乎全線下跌,連表現最好嘅債券基金,都下跌一成。市場一般嘅金融資產,普遍下跌三至四成,而我嘅資產市值,响最差果陣,都只喺跌咗 3-4%。呢個就喺我所講,經歷近期連串市場波動嘅試練,我對風險嘅承受能力,証實為市場一般能力嘅十倍。

大家可能會覺得,我有啲取巧,人地跌三至四成,我跌 3-4%,咁就叫十倍?好多人以為,手持現金嘅多少,先至喺對風險嘅承受能力,因為有事果陣,就睇你有幾多現金自救。不過,作為一個生意人,我想問大家一句,依家你喺要自己果盤生意,可以承受到市場嘅風險;定喺要你自己,去承受你盤生意嘅風險?如果你盤生意喺唔掂嘅,就不如摺埋佢,好似我當年結業咁,唔好等到真喺唔掂果陣,先至抬自己副身家去救!

不過,話分兩頭,响 2015 年,我已經將一部份現金流,以非槓桿模式購入資產。我嘅增長,雖然慢咗,但借貸比率,已經大幅下降至安全水平。當然,增加咗嘅槓桿額度,隨時又可以攞嚟買嘢,但有乜嘢好買?唔通喺股票咩!

正因為我盤生意,面對大市風險,具十倍嘅抗跌力,到市場資金醒覺,就自然流向我嘅資產類別。跌 3-4% 之後,跟手已經回升 6%。到依家恆指直逼萬九,我嘅資產市值,仍然高企,當中手持重貨嘅高息債,已經俾人搶到有價冇市。點解?因為阿爺減息之後,穩陣嘅高息債,已經唔會再有新貨啦!

專業機構投資者:市場嘅角色

當日我講三個十倍,即刻就有人出嚟,笑我做 MARGIN 買垃圾債投機。其實,傳統銀行肯做得槓桿嘅債券,就算喺非投資級別,都經過銀行內部嚴格審視,不過,自己當然亦要對發債企業,作出評估。我以前都話過,買債,即喺借錢俾人,呢盤喺生意,喺投資,唔喺投機,唔喺炒股搏升賺價。簡單嚟講,借錢俾人,人地點風光,唔關你事,有啲人,有錢都唔想還。所以,我反而要睇佢點衰,佢衰果陣,點樣處理危機,先至喺你對佢有冇信心嘅關鍵。基於呢個標準揀債,結果我手持最重貨果隻,由非投資級別,升咗上投資級別,債價急升,槓桿又由六成變七成,呢一劑,喺最經典。我嘅債券,已經唔再喺垃圾,或者正確啲講,從來都唔喺垃圾!

响第五段度,我提過一個重點,亦喺呢篇文章,最重要嘅部份。

生意人賺錢,一定要清楚知道,自己賺嘅錢,喺點樣嚟,俾嘅成本,去咗邊。真正嘅投資,唔喺依賴啲乜嘢必贏投資法,或者乜嘢數字、流程、公式。最重要喺清楚自己,响市場裡面,擔當乜嘢角色,咁你就會知道,幾時應該出手,幾時應該收手。我之所以,花咁大篇幅,寫自己買債之前,多項計劃嘅告吹,喺希望大家明白,响一個發展成熟嘅經濟體裡面,創業喺好難,因為你好難搵到一個,可以長遠生存嘅角色。搵到嘅,就喺機會難逢,捉唔住,未必會再有下次。

我好清楚自己嘅角色,喺為發債企業,提供發展嘅未來錢,收息,喺分享佢地發展嘅利潤。點解我會响人地,享受緊美債基金嘅高收益果陣,叫人睇緊啲?家陣美債問題,芳間睇法,以為喺長期低息,令企業濫發債,但唔通啲企業,個個都想呃人錢?美國已經冇可能,好似發展中國家咁,有超過 5% 嘅經濟增長,既然喺低增長,融資成本就一定要低,因為冇人俾得起。所以,新常態之下,長期低息,喺合理;唔合理嘅,喺點解咁低息,啲企業債,仲可以上十厘?即喺話,高息差,只喺嚟自投資需求,夾硬俾投資者瓜分,人地根本就俾唔起,咁點好嘅企業,都變垃圾啦!

所以,我投資嘅債券,都喺內地企業發嘅美元債,低息港幣融資,投放高增長市場,享受高息差,先至喺合理。不過,內地企業,尤其內房,芳間嘅評論,都屬高風險。ANYWAY,最近云云債基之中,似乎只有內房債基,表現最好。記得早前,對於為咗個樓市,死等爛等嘅人,我問:你究竟想買件物業,定喺要買個「市」

專業機構投資者,令人聯想起基金,而基金嘅角色,喺幫客人,唔喺幫自己投資。所以,基金一定要分散投資,一方面,降低風險,另一方面,購入一籃子金融資產,即喺買個「市」。咁基金價格下跌,就梗喺因為個「市」跌,喺個「客」冇眼光,買錯「市」啦!關隻基金乜事?唔好唔記得,你贏又好,輸又好,基金都喺咁賺你錢,人地喺「幫」你投資嘛!呢個,就喺基金嘅角色。

而我,呢個專業機構投資者,就要用自己嘅錢同資產投資。所以,規模幾大,都喺集中哂响果幾隻債券度,至於債基,都喺用買債淨低嘅零錢購入,佔總資產少過一成,順便勘探市場,唔喺點識咁多宏觀嘢。呢種高度集中,有違一貫分散風險嘅做法,正喺因為,我唔喺投機,唔喺要買個「市」,一隻都唔輸得!呢個就喺我第五段尾講嘅,天淵之別。我嘅角色,喺為企業,提供發展嘅未來錢,值得借嘅,唔介意借哂俾你一個!

後感

Alan打工仔,最近嘅文章,寫得短,但我好欣賞。物業買貴咗,唔喺問題,但最緊要唔好唔記得,自己買嚟做乜。大家用股票同物業比,喺冇意義。買件物業嚟「用」,講乜輸贏?但股票,又可以「用」嚟做乜?自住物業,响生活上,擔當住好重要嘅角色;收租佬,响實體市場上,亦有明確嘅角色。如果你炒股票,玩牛乜熊乜期乜,你又知唔知道,自己响實體經濟裡面,喺乜嘢角色?還是,只喺响一個大枱面上,同人對賭?

各位有冇深思過,自己嘅事業、生意、投資,擔當緊乜嘢角色?對社會,對市場,有乜嘢貢獻?

我寫嘢,從來俾唔到大家答案,因為答案,每個人都唔一樣。
 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 打工仔 Andy 2016-01-18 12:08:52
沙發先!
2. 望東樓 2016-01-18 12:44:07
High yield bond都係我嘅至愛資產類別,不過只係買fund(係駛入水雷區嘅航母)。
3. 打工仔 Andy 2016-01-18 12:46:14
珍兄

債券投资嘅学問的確比買樓收租高好多! 小弟學到野! 
多謝分享! 
4. 蓄芳待來年 2016-01-18 13:24:44
「買件物業嚟「用」,講乜輸贏?」貌似簡單,實深得價值二字之精髓。
如果認為在香港「買樓住」係「必需品」,就無謂去諗乜賺蝕。反正都要「食」,視乎個人能力,有錢就「食」好d,冇錢就「食」平 d。成日諗住天日後日會平d,所以今日忍下餓吾食住,或者用「麵包」頂住先,唉,人生何苦如此?
計較生活必需品之價格者,腦海除了錢之外,應該沒有其他。
只要決定出於「量力而為」,心𥚃根本不需有任何包袱。

多謝珍惜師兄無私分享。
5. 占士 2016-01-18 14:21:23

謝謝珍港兄好文分享!您一直是我敬佩的師兄!我自己也有參與不同種類的投資項目,也有和朋友合作經營實業,有的現在還在進行,有的已經停止。這些年,很多做實業的朋友都艱苦經營,如果可以的話,我會繼續經營,甚至不斷拓展業務!所以在市場上,我有好幾個角色,我會分配好自己的時間盡力做好每一個角色。

6. Taiwaner 2016-01-18 14:26:48
感謝,,這篇要看多幾次才能體會, 我想大概的意思就是“眼光要好”
7. 請教珍港兄 2016-01-18 14:44:37
閣下提出的港元高息債,是否能在高開市埸買得到?謝謝。
8. AH-HO 2016-01-18 15:00:34
謝謝珍兄的無私分享。
3個10倍,等左甘耐終於知道了。
最同意就是:對風險嘅承受能力,呢個十倍,先至喺最重要!能夠做到個scale甘大但又可以嚴控風險,確實厲害!

9. CDROM 2016-01-18 15:48:28
我知道珍兄既分享唔係志在掌聲, 不過小弟睇完第一次忍唔住拍爛左手掌.
響近年財務自由之路幾近斷絕之際彷彿見到一線曙光, 多謝珍兄帶來希望同正能量俾我地呢d新手走下去既力量.

10. Jerry 2016-01-18 15:51:32
謝謝珍兄分享!

要知道自己既角色呢一點真係好重要。

了解自己投資的是什麼?能承受多少壓測、風險?在別人恐懼時增持有價值之物,一直持有價值之物直到它失去價值。

了解多了債券操作,感謝! 贊
11. 向饭民说不 2016-01-18 16:41:10
今日研究了台湾的22k问题,结论就是台湾大学生根本唔值22k。虽然台湾人怨声载道,但是22k应该是比多左。
12. 向饭民说不 2016-01-18 17:16:39
我都话,PEG系统只会一次有一次的引大鳄攻击,今日见到了彭博系度煲,

CHKMA Pledges to Keep Currency Peg: These Are Some Alternatives

http://www.bloomberg.com/news/articles/2016-01-17/hkma-pledges-to-keep-currency-peg-these-are-some-alternatives
13. 無奈 2016-01-18 17:19:24
坦白說,可能今生都難有機會、膽量學珍兄這般在投資市場操作,服!
買基金,命運操作在別人的手𥚃,正確。小弟多年投資大陸物業,管理託他人,回報時好時壞,只是託賴地產價格水漲船高,如此說來也不算什麼投資,要重新考慮下啦。

期待珍兄在後續文章里分享一下如何選擇債劵,謝謝。
14. 望東樓 2016-01-18 17:27:14
饭民兄,以我所知,台灣99%年青人係學士,20%係博士。供求呀嘛?
15. 向飯民說不 2016-01-18 18:51:53
樓上,你說的有道理,但是也是顯示22k
其實是ovetpaid。
國民黨的失敗其實是民進黨將22k問題推給國民黨,成功了年輕人對國民黨失去信心。
看來,空心菜要解決問題,還是量化寬鬆,將台幣貶值,同時解決18%問題。
16. 工商舖百厭星 2016-01-18 21:03:37
珍惜兄,

實在太好的一篇文,一定要入來支持吓!謝謝分享




17. 珍惜香港 2016-01-18 22:17:57
珍惜香港

TO:7/F 請教珍港兄

債市,唔同股市,唔喺公開市場,但銀行、證券行之間,喺有一套系統做交易。客戶可以通過佢地,點對點進行買賣,所以債價嘅透明度,喺比較低,以致各銀行、證券行對債劵市值嘅估算,會有差異。但呢啲差異,都喺好輕微,對槓桿 MARGIN 嘅計算,影響唔大。

我講嘅高息債券,喺美元債,唔喺港元債。內地企業,可以通過香港發美元債,向外融資。呢個就喺香港,作為國際金融中心,同時與內地接軌,一個好特殊嘅角色

同一個經濟體裡面,息差太高,投資者嘅角色,就會變成吸血鬼,蠶食市場,而唔喺為市場提供增長嘅資金。但香港呢個特殊嘅角色,造就咗跨經濟體投資,令成熟經濟體嘅低息融資,同發展中經濟體嘅高融資需求,匯聚於同一個地方,再加上聯繫匯率嘅保護,去除埋美元同港元之間嘅匯率風險。結果,成就咗一個千載難逢嘅機遇,但呢個機遇,將會隨著內地經濟放緩,人行減息,以致息差收窄嘅大趨勢,而逐漸消失。

息差收窄,喺後新常態現象。如果依家至起步,可能已經近水尾。

TO:16/F 工商舖百厭星

難得見閣下,一位咁資深嘅實力投資者,肯在此留字。

好榮幸!好開心!
18. anggie T. 2016-01-19 00:25:30
Thank you big brother.  Very inspirational!!!
19. 請教珍港兄 2016-01-19 00:25:55
多謝珍港兄指教。

正如13樓 無奈兄所說

期待珍兄在後續文章里分享一下如何選擇債券,謝謝。
20. 感激 2016-01-19 01:51:42
你這編文章打通左我既腦袋同思維!謝謝您!
21. 神算 2016-01-19 09:09:18
感激珍港兄無私嘅分享投資心得!投資債券市場,控制得宜,的確會有穩健的發展。請問珍兄的組合裏有否考慮歐元區國債?小弟相信閣下會靈活調動組合,息差收窄不會是大問題。
22. little property guy 2016-01-19 10:38:07
珍港兄, Thanks very much for your sharing!! You put money into my pocket!!
23. Taiwaner 2016-01-19 10:55:41
歐洲的利息低,息差應該會更窄吧??
24. 一命二運三風水 2016-01-19 13:23:43
珍兄高見,睇嚟都要係債卷方面做的投資,分散一的風險。

仲有今年屬猴、屬虎、屬蛇、屬豬嘅兄弟姊妹都要小心啲。

屬猴的朋友今年值太歲,有『劍鋒』、『伏尸』兩星入宮,易受到銳器所傷。
屬虎的朋友今年沖太歲,有『歲破”』兇星入宮,為2016年四大犯太歲生肖之首,要小心。
屬豬的朋友今年害太歲,遭遇“亥申相害”流年,犯小人,輕者主口舌之爭,重者有官司及牢獄之災。
屬蛇的朋友今年刑太歲,運勢吉中帶兇,工作往往節外生枝。
25. 磚家 2016-01-19 17:43:51
雖對債券不熟悉,經珍惜兄分享,可上一課
也非常認同說每個人應站在什麼角色,自己需要什麽。
26. littlemun 2016-01-19 18:29:11
好強的文章,謝謝珍惜香港兄無私分享!

剛巧近期有緣聽了一個私人銀行負責融資的經理介紹他們的產品,配合珍兄的文章令小弟更了解當中操作。雖然小弟現在未有財力資產達到門檻,但未來日子會更留意此類操作並作部署。

再次多謝珍惜香港兄!!
27. 珍惜香港 2016-01-19 21:29:20
珍惜香港TO:21/F 神算

投資歐債,除咗匯率風險,同太低息之外,都喺最基礎嘅,角色問題

借錢俾人發展,將未來嘅成就,拉到今日,咁人地得益,你分一杯羹,呢個喺雙贏。

不過,人地唔夠錢花,借錢俾人燒,我就冇呢個資格囉!

至於息差收窄,喺大趨勢,無可避免,所以呢盤生意嘅模式,唔會喺永久。如君所言,調動組合喺必須,而尋覓投資機會,亦唔可以停。
28. 山高雲低 2016-01-20 14:29:17
好久沒見好文,真的要金睛火眼再睇一次。
29. 二少 2016-01-20 19:18:55
地產網最值得睇嘅文章,多謝珍惜香港!
31. Gordy 2016-01-22 21:44:10
謝謝分享, 簡直大開眼!
32. 歷史長河 2016-01-23 23:08:34
珍兄這篇文章已超越咗投資範疇,不如說人生分享更為合適。

人生的幾次轉型,皆順勢而為;拿得起,放得下,能放能收;不冒進,不保守,進退自如;兼顧家庭,攜手戰友,勇闖新高度。

志當存高遠,路在腳下行。痛快!

33. 打工仔 Andy 2016-01-23 23:53:58
長河兄,

講得好!
34. 幸運儀 2016-01-25 18:30:49
謝謝珍兄的無私分享,
請教珍兄如現在要投資高息債券, 那些是閣下認為現該段可買?
35. 亮劍 2016-04-10 14:04:15
雖然幾年前已經知道珍惜香港兄的投資部署,但呢一刻再反覆细讀,都有好大得益,講真投資就如八仙過海,各顯神通,而珍兄將歷年投資心得大公開,真係普渡眾生。 

不過呢個世界並無一條放諸四海皆準,又可適合不同人士既致勝方程式,珍港兄的靈丹妙藥,別人可能覺得係山埃。

因為每一個人的際遇有所不同 ,因此所能承受的風險亦各有差異,有人希望搏一搏單車變摩托,亦有人只想晚上睡個好覺。

所以珍港兄最好加多幾句:「上述文章所提的投資建議,並不構成要約,總之在決定投資前,要自己作出評估及承擔,不要事後賴三賴四。」

哈哈!
36. 惜緣 2016-04-10 14:37:35
亮劍兄

好一句「 搏一搏單車變摩托」,妙!
37. 珍惜香港 2016-04-10 19:07:58
珍惜香港TO:35/F 亮劍

多謝劍兄捧場!不如响專欄出番篇嘢,咁大家就一定會好開心!

閣下嘅關心,先行謝過,但又無須太顧慮嘅。成就呢條方程式,真喺要過五關、斬六將,唔喺吹下就得。如果有人真喺照做,而又做得出嚟嘅,咁無論成敗,都一定喺佢自己嘅責任,非我之功,亦非我之過

正如我早前話,鼓勵人買樓,喺冇問題,唔通鼓勵人買股?樓市買賣,門檻高,過程複雜。當中,有 N 咁多個理由令你卻步,亦有 N 咁多個旁人指指點點。所以,成功買咗樓果啲,一定喺自己嘅決定,自己嘅責任。至於前人,肯將體驗分享,睇嘅人,吸收到幾多,理解到幾多,達至乜嘢結論、乜嘢決定,就始終喺因人而異。

經過深思熟慮嘅,就喺自己嘅責任,冇經過深思熟慮嘅,更加喺自己嘅責任,關個前人乜事?

不過,如果我回答 34/F 果條問題嘅話,就真喺要加番你講果幾句啦!

所以,我從來都唔讚成,各位响網站度,評論個別嘅金融產品,應該只喺以分類為基礎。例如,可以評論唔同類別嘅股票、基金、債券,但就唔應該講埋喺邊一隻;而公開自己持邊幾隻貨,亦最好盡量避免。因為人地信你,先至會問你,即喺話,公開自己嘅持貨,等同向對方推薦果幾隻貨。公開得持貨嘅,到自己沽果陣,喺唔喺又要公開提番先?莫講話未必記得,你又唔知對方喺乜水、仲有幾多人睇過,就算真喺記得提番,人地都未必會睇到啦!

曾經有人,响網站公開自己嘅持貨,當中,有一隻美債基金。不過,一段時間之後,佢開始對美債,作出負面評論,甚至講到會爆咁,但偏又唔記得,自己推薦過一隻美債基金喎!我絕對唔喺要怪責果位網友,因為佢只喺無私分享,出發點喺善意,我反而好欣賞。我只喺想話,隨便公開自己嘅持貨,真喺可大可小

股票、基金,入場門檻低,响網上 CLICK 下,或者俾銀行錄下音就買得。就算做槓桿,用股票、基金做抵押融資,手續都非常簡單,邊有樓按咁麻煩。特別喺基金,可按成數高,貸息又低,真喺好吸引。而果隻美債基金呢,就算喺普通嘅銀行,都可以提供到七成槓桿。

2015 上半年,喺銀行嘅 CALL 客潮,佢地鼓勵客戶按股、按債、按基金,甚至按樓,去買金融產品,而高槓桿、低貸息嘅高息債基,更加喺力推。不過,到 2015 下半年,就變成銀行嘅 CALL LOAN 潮啦!股票跌、基金跌;而果隻美債基金呢,減派息之餘,仲屢創新低,喺 CALL LOAN 潮其中一個重災區。有人因為咁,搞到要資產重組,我唔喺講笑,絕對喺真人真事!

至於我嘅投資業務,運作咗幾年,到金融扭曲第三波,第一班車開走之後,尾班車,亦差唔多要開出。家陣,要啟動呢條所謂方程式嘅門檻,已經高咗好多。我出文嘅目的,唔喺要提供乜嘢致勝投資法,或者乜嘢靈丹妙藥,而喺想帶出,無論做生意,定喺投資,一定要先了解自己,响市場裡面,擔當乜嘢角色

呢一點,喺非常重要。如果你,了解自已,响市場嘅角色,配合自己,响市場嘅角色,咁無論你用乜嘢生意模式,乜嘢投資方法,雖然冇保證一定會贏,但起碼都唔會點輸
38. 自我陶醉 2016-04-11 08:24:44
珍港兄,

點解叫人買股就有問題,叫人買樓就冇問題呢?  世界上跟本無一樣投資係只會賺唔會蝕嘅, 包括樓。做任何種類嘅投資,都要先自己用腦分析,唔好靠貼士,唔好信有唔會蝕嘅投資,只要用正確嘅投資態度去分析,諗清楚值唔值得做,自己輸唔輸得起先去投資,不論樓、股、債、基金、貨幣都可以係好嘅投資。

我唔認為網友攞任何一隻股,或基金出來分析討論買與不買的理據有咩問題,有問題嘅只係嗰啲人有冇認真思考,認真分析,先作出任何投資決定。

博士上年公開同人講自己買咗港交所,有人一聽到就諗都唔諗仆去買,以為可以升足一世唔會跌,仲要做盡孖展,就算今日真係破產,都只能怪自己, 你認為這是博士的錯嗎?你上年同網友講現在息口咁平無理由咁笨唔借,咁人哋真係信你話借到盡然後轉頭又被銀行call loan, 搞到債務重組,你又覺唔覺得自己要負責任呢?呢度有人成日同人講無論咩時候咩價位都可以買樓,如果有人真係信咗,點知有日發覺自己份工有問題,結果做咗空中飛人,又洗唔洗番嚟搵番嗰班人負責?

至於你講嗰個會講垃圾債爆煲嘅人,我諗除咗我呢度冇乜邊個。 我仲記得我14年8月曾經提過幾隻美債基金,我亦好清楚記得我在提這些基金前,講明兩個月後股債都會因美國退市而有大波動,我亦講到明自己2015年初就會減持美債。  我想請問如果真係有任何網友明知我對2015年美債睇淡,而且預早半年同佢講咗,兼且我日日叫人減槓桿,佢仍然決定入市,仲驚死執輸聽你話借到盡去買而導致損失,應該關邊個事?  我諗正常人都會知道呢啲只係個人投資決定,要怪亦只能怪自己,他們敗也只是敗於自己嘅貪婪。

同樣,如果有人聽我講後在2015年初減持了自己嘅垃圾債同在CCL140以上減持物業,因而避過一刧,佢哋都唔洗嚟多謝我,因為呢啲係佢哋自己嘅英明投資決定。


以下係當時小弟在2014年8月時回覆toplight兄嘅內容,唔洗你搵得咁辛苦。

******

44 樓 toplight 兄

我唔介意同大家公開, 不過預先聲明, 美國十月停買債後, 股債可能會非常波動, 小弟十月初會減持部分股票, 明年初亦會減持債券, 各位必需注意風險。

債券基金, 我較喜歡以下幾隻:
....

*******

最後,都要學博士咁買個保險先,如果有網友聽我講上年沽咗垃圾債同140樓上沽樓,現在任何時候買番都已經賺咗,所以各位自己執生,唔好因為樓市債市廿年後升番嚟搵我。

39. 引刀一快 2016-04-11 09:01:29
自我陶醉兄

敘利亞嘅宗教狂熱份子,有好多派系,從人性角度出發,主要不外兩種,一類以宗教約束自己,而另一類利用宗教約束別人。

樓市何嘗不一樣?
40. 自我陶醉 2016-04-11 09:37:03
引刀兄,

其實如果有人嘅投資會因為資產價波動一兩成就要搞到資產重組,呢啲人應該諗諗自己到底係做緊投資,定係做緊賭博活動就當自己投資。無論佢投資啲咩資產,都只係死路一條。 哈哈!
41. 珍惜香港 2016-04-12 03:47:47
珍惜香港TO:38/F、40/F 自我陶醉

自醉兄,都話,唔喺要怪責你,反而好欣賞閣下嘅無私分享,唔止喺今次,上次都喺咁講啦

經過深思熟慮嘅,就喺自己嘅責任,冇經過深思熟慮嘅,更加喺自己嘅責任

本來,就憑上面呢幾句,理論上,我地响度公開點寫都得,喺唔喺?咁嘅話,各位就唔應該互相指責,話鼓勵人買樓,喺累人接乜棒、跳乜燒乜之類;或者話鼓勵人買股票、基金、以及其他金融工具,喺累人輸到 P 乜破乜之類啦!又喺唔喺?

當然,每個人,對自己嘅公開言論,都會有條底線。正如有啲嘢,我唔會寫,因為市場本身,喺好敏感,尤其喺門檻低,容易成就果啲。推薦人買隻嘢,人地轉個頭就買得,自己個責任咪好大?就算喺債券,門檻較高,但做七成槓桿嘅話,入場都只喺港幣五十萬有找。債市喺非公開市場,交投量同股票冇得比,我手持重貨,如果公開自己嘅持貨,令到多啲去人買,就可以推高債價,咁就算我唔沽,對我嘅 L/V 都好有利吖?咁點解我仲唔肯回答 34/F 果條問題?好簡單,我嘅原則喺,如果要影響市場,就應該响市場度做嘢,同其他市場參與者交手,而唔喺通過一個公開渠道,興風作浪。

我嘅文章,都喺好慨念性、宏觀性。你見我講揀債,都只喺談慨念,唔會寫埋喺邊一隻。我話果隻升咗上投資級別嘅,就算俾你估到,佢依家個價,你都未必肯買。揀債,你估話咁易?又要高息,又要隱陣,做下功課,吹下水還可以,用到真錢,仲要做埋槓桿,你落得手咩?睇咗我啲似是而非嘢,到真喺成事,都要經歷一個困難同複雜嘅過程,你做得到嘅話,關我乜事?我講果三個十倍,你又試下搞間投資公司,搭呢個棚出嚟?你睇咗我篇嘢,可以好似買股票咁,响電腦 CLICK 幾嘢就做得到咩?所以,亮劍兄講果幾句免責聲明,在我嚟講,根本就冇必要。

關於你回 toplight 嘅內容,其實冇乜問題,只喺如果唔透露喺邊幾隻貨,就會好啲。據我所知,買高息債基嘅人,好多都喺諗住長期收息,買咗唔會短時間內放,既然你都諗住幾個月內沽嘅,寫出嚟,就唔太適合。不過,呢個都只屬我個人意見,千祈唔好好似,引刀兄話齋,乜嘢宗教約束別人之類。你點寫,喺你自由,而我只喺發表意見,你亦可以唔接受,我都話過,喺 NO PROBLEM 嘅!

至於你提到,博士寫 388,我當然亦有意見,不過冇乜觸發點,又冇乜親身嘅見聞,令我去評論。希望閣下明白,喺因為 34/F,再加埋亮劍兄嘅觸發,先至令我又諗起果隻基金。真喺要針對你嘅話,早就可以寫,使乜等到依家?不過,如果因為引用到呢件事,令你覺得不快,我可以致歉

講番果隻基金,七成槓桿,你出三球,就可以買一千萬。跌兩成,就即喺要補一球四,或者得番一球。大唔大鑊,就要睇你果三球喺點嚟,同埋有冇其他股票、基金嘅分散投資,做咗槓桿。我話,好多買高息債基嘅人,都喺諗住長期收息,唔會短時間內放,佢地自己賭緊錢都未必知。關於你 40/F 嘅回應,我只能夠話,芳間嘅投資者,同埋呢個網站嘅讀者,唔喺個個都好似你咁醒

所以,留多啲空間、門檻俾讀者,自己思考、體驗、選擇

不過,都喺果句,個人意見,唔喺宗教約束。唔 BUY,NO PROBLEM
42. 自我陶醉 2016-04-12 08:52:22
珍港兄

請你唔好混淆,你講嘅資產重組例子,重點唔係因為一隻基金上落十幾個%而造成,就算佢真係幾個月後唔賣,基金每月派息,除息後虧損係幾多?10%? 如果佢係長收息,基金一定係虧損?好明顯唔係。

如果有人其中一樣資產淨虧蝕10%就要資產重組,呢啲唔係賭係咩?  所以我從來都反對年青人借到盡去買樓,6個月就冇15%, 有冇問過自己係咪輸得起先?

你講嘅例子,唔係敗於所買嘅嘢,佢正正就係敗於貪念和槓桿,亦係我一直最反對你成日話啲錢咁平唔借就笨呢個講法嘅原因。 平就要借嘅咩? 你有冇問過自己輸唔輸得起先?  報紙同你講澳洲紙長線會升值,你就去做盡20倍槓桿,結果一舖玩完,之後澳紙升幾多都唔關你事喇!  

所以,真係好希望你認真檢討吓自己嘅言論係咪有問題,我認為息平唔係借錢嘅理由,輸唔起的話就算唔收你息都唔好借。

43. 歷史長河 2016-04-12 09:00:06
「請你唔好混淆,你講嘅資產重組例子,重點唔係因為一隻基金上落十幾個%而造成,就算佢真係幾個月後唔賣,基金每月派息,除息後虧損係幾多?10%? 如果佢係長收息,基金一定係虧損?好明顯唔係。」

哈哈,以為陶醉兄講緊樓市,原來喺債。債可以從長計議,樓則一向短線思維。
44. 自我陶醉 2016-04-12 09:16:48
長河兄

買樓係用緊未來十幾年嘅收入嚟投資,而基金係你現在有100萬就買100萬,輸到盡都唔會多過100萬。樓同基金有咩分別都睇唔到,我仲幾乎以為你真係會醒過阿胃燶㖭!哈哈哈!
45. 歷史長河 2016-04-12 12:20:10
陶醉兄這樣的大戶規模唔會咁細吧?唔使槓桿?
46. 自我陶醉 2016-04-12 13:07:10
長河兄,

我嘅建議一直都好簡單,除非你打算同個市賭身家,否則,諗清楚自己輸得起幾多先槓幾多,輸唔起的話,千祈唔好因為息平就亂槓。呢個係避免火燒連環船嘅唯一方法。
47. 歷史長河 2016-04-12 14:01:50
陶醉兄,這句話雖然冇咩錯,不過也冇咩用處。借弓力兄話講,即廢話。哈哈
48. 引刀一快 2016-04-13 05:57:21
廢話唔駛借,係永遠屬於長河san嘅
49. 自我陶醉 2016-04-13 08:31:15
48樓 引刀兄,

唔洗咁勞氣嘅,如果有人廢話得過佢,我都會好佩服㗎。 人哋有心有力呀嘛!怕咩賭大啲。 人哋係叻仔嚟(自以為), 你估好似珍兄講嗰條友咁無腦咩!  哈哈哈!


50. 珍惜香港 2016-04-14 01:33:47
珍惜香港TO:42/F 自我陶醉

自醉兄,唔好扭曲我嘅言論

我話,債仔,最失敗嘅,就喺低息唔借,高息先至嚟借,呢個只喺好基礎嘅道理;同話,平唔買,貴先至嚟買,道理喺一樣。

冇人話過,息平,就「一定要借」;借唔借,喺要睇你借嚟做乜。
正如價平,亦唔等於「一定要買」;買唔買,亦要睇你買嚟做乜。


仲有,閣下 38/F 第三段嘅理念,好有問題。借咗錢,一定要依時歸還,呢個就喺借錢之道。你同銀行借錢買樓,準時供款,就算個樓價點跌,銀行都唔會 CALL 你。你喺絕對有責任,努力搵錢,去填番你,為咗今日要得到,本來他日先至可以擁有嘅嘢,而洗咗嘅未來錢。

所以,點解我成日話,物業嘅風險,從來都喺响業主嘅供款能力度,而唔喺响個價度

借咗,就喺借咗,抗風險,唔喺旨意你買咗果舊磚頭,嘅所謂市價;因為市價,從來都喺冇保證。你喺要靠自己嘅「努力」抗風險,而唔喺靠「估」去抗風險。如果,你對自己嘅欠債,冇絕對承擔嘅決心,而只喺抱住,到唔掂果陣,總可以賣走舊磚嚟填泵,嘅果種僥倖心態,咁我就奉勸你,呢一世,都唔好買樓,或者,到有錢 FP,先至諗買樓。
51. 引刀一快 2016-04-14 04:34:44
插下嘴先。


我話,債仔,最失敗嘅,就喺低息唔借,高息先至嚟借,呢個只喺好基礎嘅道理;同話,平唔買,貴先至嚟買,道理喺一樣。

幾時需要借錢,好多時係冇得揀嘅,絕大多數係時機問題,撞正低息,唔係叫成功而係好彩。

冇人話過,息平,就「一定要借」;借唔借,喺要睇你借嚟做乜。
正如價平,亦唔等於「一定要買」;買唔買,亦要睇你買嚟做乜。


仲有,閣下 38/F 第三段嘅理念,好有問題。借咗錢,一定要依時歸還,呢個就喺借錢之道。你同銀行借錢買樓,準時供款,就算個樓價點跌,銀行都唔會 CALL 你。你喺絕對有責任,努力搵錢,去填番你,為咗今日要得到,本來他日先至可以擁有嘅嘢,而洗咗嘅未來錢。

所以,點解我成日話,物業嘅風險,從來都喺响業主嘅供款能力度,而唔喺响個價度

物業嘅風險,價同供款能力係相對而關聯嘅,業主供款能力係衡量其中一把量呎如將業主供款能力視爲功率而價就係佢負載。不可能只看其一,更不能將供款能力視爲恒定,高負載個案尤甚。

借咗,就喺借咗,抗風險,唔喺旨意你買咗果舊磚頭,嘅所謂市價;因為市價,從來都喺冇保證。你喺要靠自己嘅「努力」抗風險,而唔喺靠「估」去抗風險。如果,你對自己嘅欠債,冇絕對承擔嘅決心,而只喺抱住,到唔掂果陣,總可以賣走舊磚嚟填泵,嘅果種僥倖心態,咁我就奉勸你,呢一世,都唔好買樓,或者,到有錢 FP,先至諗買樓。

呢段我睇唔明,自我陶醉兄講過咩?
52. 珍惜香港 2016-04-15 02:01:56
珍惜香港TO:51/F 引刀一快

引刀兄,唔借唔得果啲,唔屬討論範圍之內。

至於閣下唔明 50/F 尾段,喺因為你誤解咗我成篇回應嘅意思。樓價越高,負載越大,呢點我當然同意,不過我唔喺講呢部份。況且,負載亦喺相對於個別嘅能力,因人而異。總之,量力而為,唔好投機,我已經強調過好多次。而响呢度,大家鼓勵買樓嘅各項言論,都冇話會好過份咁,叫人冇能力,借財仔都要迫上車。

50/F 後三段,主要喺回應 38/F 第三段之中,提到無論乜價都可以買樓,結果之後冇咗份工,做咗空中飛人嘅極端情況。首先我冇話過,無論乜「價」都可以買樓,我只喺認為,無論乜「市」都一樣可以買樓。買唔買,喺睇個別人士嘅需要同能力,而唔喺睇個「市」。所以點解我話,97 買樓,HOLD 到依家,冇問題;有問題嘅話,都喺自己嘅問題。

買樓、冇咗份工、空中飛人,喺冇一個絕對嘅因果關係。發生呢三件事,當中嘅整個歷程,涉及好多其他嘅選擇同決定,而將最後嘅結果,完全歸咎於買樓呢個決定,喺唔公平,同不負責任。你評估好自己嘅搵錢能力,借咗錢,買咗樓,就有責任保證自己可以依時歸還。一個人嘅事業,主要喺掌握响自己手上,你搵份隱陣嘅工,定喺高危嘅工?你努力向上,定喺練精學懶?有冇得罪人多,稱呼人少?對自己行業嘅前景,有冇不時評估?有冇部署?呢啲嘢,全部都喺自己控制。如果公司裁員,揀你唔揀第個,唔通喺你唔好彩?你冇咗份工,唔怪自己做得唔好,反而怪自己點解買咗樓

物業嘅風險,從來都喺响業主嘅供款能力度,而唔喺响個價度。

我成日強調上面呢句,講嘅,唔單止喺事實,仲喺一種態度。如果你唔認為,物業嘅風險,喺响你嘅供款能力度,反而去相信,樓價嘅下跌,先至喺你面對嘅風險,咁就真喺好大鑊。點解?我响 50/F 話,借咗,就喺借咗,就算樓價點跌,都喺要還。除非,你心存僥倖,諗住到唔掂果陣,總可以賣走舊磚頭嚟填泵啦!咁即喺,你對自己嘅欠債,冇絕對承擔嘅決心囉!你話大唔大鑊?

唔難理解,呢種人,樓價一跌,就算自己冇事冇幹,都會好驚青咁「止蝕」沽咗佢!

我買樓,從來都喺,買咗,就喺買咗;借咗,就喺借咗。做人,喺要向前看

專業機構投資者(二)市場嘅角色呢篇文章度,我反問咗大家一條問題。其實,無論你喺一個生意人,定喺一個借錢買樓嘅人,成敗關鍵,在乎嘅,都只喺一個態度。

家陣你要自己果盤生意,可以承受到市場嘅風險;定喺要你自己,去承受你盤生意嘅風險?
家陣你要自己嘅競爭力,可以承受你借貸嘅風險;定喺要你舊磚,去承受你競爭力嘅風險?

53. 自我陶醉 2016-04-15 08:52:59
珍港兄,

所以我話你錯:

債仔,最失敗嘅,唔係,喺低息唔借,高息先至嚟借。

債仔,最失敗嘅,係唔去評估自己嘅貸款風險,而只望住個息口平定貴嚟決定借定唔借。

你37樓舉嘅例子,正正就係一個最失敗嘅債仔例子,佢要債務重組,唔係因為佢買錯一隻有十幾%價格波動嘅資產,而係因為佢嘅投資態度有問題。 


54. 珍惜香港 2016-04-16 01:25:38
珍惜香港TO:53/F 自我陶醉

我咪話過,唔好扭曲我嘅言論囉

除咗引刀兄講嘅「被動目的」,即喺唔借唔得之外,任何人借錢,都有個「主動目的」,例如買嘢自用,或者作出投資。我幾時話過「息平」就喺借錢嘅「主動目的」?而我又幾時話過,為咗「息平」就可以借嚟「做乜都得」?

閣下所講,唔評估自己嘅借貸風險,而作出借貸決定,呢個喺失誤,唔喺失敗。既然達唔到最基本嘅借貸要求,例如,唔量力而為,不惜越過金管局嘅限制,借財仔都要夾硬迫上車之類,咁呢種做法,就連「成敗」嘅層次都講唔上啦!

咁點解,低息唔借,高息先至嚟借,喺最失敗

以做生意為例,低成本嘅時候,我地會主動尋找機遇,借勢擴展業務。但如果成本上升,我地就會轉趨保守,就算見到有生意擺响面前,都未必會肯上,以免過度增加成本,搞到收唔切制。有啲生意人,為咗急於求成,唔睇成本,結果過度擴張,最後搞到一敗塗地。呢啲例子,大家都見唔少。

借貸,都喺一樣。買樓,或作出投資,用 CASH 嘅話,當然冇問題。但如果要動用借貸,就一定喺低息環境果陣最有利。環球經濟新常態系列一,第四節裡面,我提到,行使槓桿嘅原則,就喺一定唔可以投機,唔可以憑溢價收益作為投資嘅目標,寧願價格死牛不變,再以可觀嘅現金流回報,抗衡僅存嘅價格風險。

或者簡單講,動用槓桿,就唔能夠以賺價為目標。近年,响低息環境之下,通過行使槓桿,好多物業投資者都上咗位。表面上,佢地似乎因為資產價格上升,以槓桿倍大咗規模,但實質上,呢班人之所以咁成功,喺因為佢地嘅,原始投資目的,喺賺取孳息,而資產價格上升,只不過喺額外嘅驚喜。果啲以賺價為目標嘅投機者,晨早就已經沽咗貨,邊會 HOLD 到依家?

高息環境之下,借貸投資,喺賺唔到孳息,甚至要貼息,咁長期持貨,就冇咗個誘因。賺價,成為咗借貸投資嘅惟一目的,咁投資目標,就自然放咗响價格敏感嘅投資物度。槓桿投機賺價,違反行使槓桿嘅原則,喺非常冒險嘅行為,但又正正喺,高息借貸投資,一個幾乎必然嘅結果,咁你話,喺唔喺最失敗?

買樓嘅情況,有啲唔同,但不同之處,唔喺你 44/F 講果種,樓同基金,一樣可以做槓桿。物業之所以唔同,喺因為有佢嘅「實用值」,同金融產品唔一樣,而住宅嘅實用性,更為貼身。槓桿方面,只要依時供款,銀行喺唔會 CALL 你 LOAN,响持貨風險上,又可以睇成好似一件,價格死牛不變之物。

如果有人,用對股票、基金嘅態度,去睇物業嘅話,呢種人,喺唔適合持有物業;同樣地,用持有物業嘅態度,去睇股票、基金嘅人,亦唔適合沾手呢啲金融嘢。

我响 37/F 提到果件,搞到要資產重組嘅個案,就正正喺後者。