地产博客 > 敢说亮话 返回
浏览人次:24073    回应:10
敢说亮话

茶餐厅乱话(1009)阿妈一叫,离家出走的孩子就会回家

 

汤文亮博士

纪惠集团行政总裁
2021年6月9日

  今早去到茶餐厅,见到一件很温馨的事,就是两母子正在食早餐,母慈子孝,很难想像孩子在几日前离家出走,在弹尽粮绝情况下,阿妈叫佢回家,於是顺水推舟,食完早餐就回家,阿妈仲拍心口担保,老豆方面佢搞掂,叫阿仔不用担心。

  香港有不少人以柴娃娃搞旅行心态流亡去了台湾,据路边社消息透露,大大话话有4,5千人,现在唔敢返香港,唔知道有冇流亡人士做了白老鼠,帮台湾开发的新冠疫苗作第二期测试,估计那些流亡人士现在心慌慌,有办法的好似影帝之流就早已回流香港,什么香港冇自由民主的说话早已置诸脑后,人命关天,所以,香港政府现在应该伸出橄榄枝,帮助那些流亡台湾的人士回流香港,少少惩罚就免不了,总好过在台湾等死,林郑也是阿妈,如果她的儿子离家出走,唔通真系一世唔见面,要打破这个僵局,一定要阿妈出手。

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. 活在当下 2021-06-09 09:19:07
等佢哋痛够, 先好畀佢哋返嚟。 
如果唔系……返嚟之后又唔甘心,再搞事, 真系攞嚟搞。
4. 十一哥 2021-06-09 10:24:11
惯咗老奉…逆子扮着草…先至体验到…离家就乜都冇得老奉嘅、逆子易教…易子而教…

5. 望东楼 2021-06-09 11:54:03
道不同不相为谋。如果再加埋困兽斗更加会暴乱重演。虽然English菜同波叔与其他政客一样都系无好心,但提供咗畀各方面更好嘅机会/希望亦可以视为德政。
起码相信香港未来嘅后生一代会因为少咗竞争而有更佳/快嘅发展空间。走咗嘅如果生活得更好当然要恭喜佢哋。但好抑或唔好需要有足够沉淀先可以体现(更大机会系有得、有失:凡事都有代价,好与唔好视乎阁下价值观)。咁短时间显现嘅最大机会系激情退却。
6. C叔 2021-06-09 12:52:15
先回来啃老,啃完再讲。

7. 引刀一快 2021-06-10 03:35:19
父母喺大湾区买间大屋俾佢地,或者净系俾首期,等佢地改善一下生活质量,人生多咗希望,就好大机会返嚟㗎嘞。
8. 十一哥 2021-06-10 10:08:13
刀刀 当年被北送嘅原因?
9. 引刀一快 2021-06-11 05:48:47
十一仔,咪酸人喇。
10. 引刀一快 2021-06-11 05:59:22
东楼兄

“走咗嘅如果生活得更好当然要恭喜佢哋。但好抑或唔好需要有足够沉淀先可以体现(更大机会系有得、有失”

可能叫必然好啲,人就系应该趁有魄力嘅时候历练多啲,我当年返大陆读书,周边好多O嗮嘴,不过我冇丁点动摇,依家对当时嘅决定,觉得系执到。


12. 望东楼 2021-06-11 12:42:13
小刀,

相信内地系当今世上少数可以(相对上)仲有大把机会俾千禧代爆发嘅大经济体(中小型嘅系孟加拉),完全理解日本千禧代系经济高增长后失速之下无奈接纳以小、确、幸为人生目标,但听到话内地都竟然有人要躺平就真系震撼。不过你训身大湾输面好细。
世事难料,有时跟大队(做大妈)发过猪头,比方买BITCOIN,买FAANG;但好多时亦死得好惨。例就不举啦,无谓引起个别人士惨痛回忆。
14. 引刀一快 2021-06-12 02:54:53
东楼兄

我估躺平系部分住一二线城市嘅年青人嘅一种控诉态度啫,亦系因为底层社会福利相对稳定咗,先有人咁谂,我前几年不知几怕经济下行啲穷人会出现人道危机,依家睇嚟可以稍稍放心。
买大湾区又唔想死得好惨的话,只要睇住性价比嚟买,蚀嗮都唔使死,刚刚有个朋友,前几日发恒大高明嘅楼盘,十二栋毛坯一次推出嚟,400蚊尺。刚刚又系恒大,佛冈400蚊尺带装修,买一千尺先几十万,两千尺仲系几十万,蚀嗮都有间大屋住吖。