【珍惜香港】TO:43/F、44/F
唔知乜水嘅,通常都唔覆,不过,既然有人捉错哂用神,我就写多少少。
我几时话过,亚视好睇过 HKTV?亚视衰咗咁多年,鬼唔知,讲质素,佢同任何一间电视台,都喺冇得比咩!
我喺一个生意人,
博士话,亚视嘅价值,就喺承托对手嘅价值,我当然非常明白。呢啲嘢,任何一个生意人,或者,就算唔喺生意人,都识得讲。但我认为,亚视嘅价值,唔喺响呢度。
咁亚视嘅价值,响边度?一个真正嘅香港人,
对香港有感情嘅人,喺唔会唔识得答呢条问题。我唔知你几多岁,或者你出世果阵,亚视已经喺咁衰。
皇后码头,留著无数香港人嘅足迹,到要拆果阵,就算喺一个年青人,无论支持,定喺反对,都会觉得可惜,希望保留番个回忆,除非个脑里面,钱以外,就冇其他。
今日,
亚视请番遣散咗嘅员工,就喺要做到四月一日。不过,
张建宗话,要啲打工仔只收一个月,四月前唔追番欠薪呢个做法,唔可取,会跟进喎!
有时,
生意人做嘢,真喺唔喺咁易睇得明。连个牌都冇咗,买嚟做乜?咁嘅财力,点起死回生?呢个亚视新老细,执只咁嘢番嚟,唔通喺傻嘅?
或者,人地由 DAY ONE 开始,都只喺想,用最少嘅资源,
帮香港,完成埋呢个历史任务啫!
咦?呢个投资者,只喺一个内地人,唔喺香港人噃!
如果,真喺咁嘅话,
我地身为香港人,何其惭愧!