【珍惜香港】哈哈!今年霸头位,又喺我啦!依家喺
零时零分,先同大家讲声
「新年快乐」!
同
2015、
2014 年嘅祝愿一样,首先,梗喺要讲讲楼市。
相信大家一定会,估到我想讲乜 ... BINGO!又喺横行罗!吓?真喺横行?乜咁冇新意架?
其实,各位身在香港,尤其喺投资者,好多嘢,不言而喻。每当楼价升到咁上下,金管局就会出招,将按揭成数调低;但如果楼价下跌呢,又唔会放松番喎!咁,即喺代表乜?好简单,即喺今时今日,香港嘅砖头融资,已经被封咗顶,仲喺有上限,冇下限果只!咦?乜咁似 ACCUMULATOR 啲条款嘅?响咁嘅条款之下,楼价上升,喺俾唔到著数投资者,但楼价下跌呢?虽然银行唔会 CALL 你,但楼价同本土经济,喺有交叉相互嘅关系,楼价跌,即喺经济唔好,咁无论同楼市,有冇直接关系嘅行业,都会受到伤害。
既然,楼价升,冇著数;楼价跌,又伤害到好多人。咁嘅话,当然喺横行最好,但点样,先至叫做横行呢?不如,就大致定响,+/-10% 嘅范围之内罗!
咁我就再祝 2016 年,香港楼价横行啦!讲到本土经济,自从中港股市大跌之后,社会气氛,的确差咗好多。各大传媒,出动九牛二虎之力,唱到香港好似沙士重临咁。记得当年沙士,响旺市时段,走入一间酒家,真喺只得三几丁客,果种萧条、果种恐怖,可谓毕生难忘。唔该各位,瞪大啲自己对雪亮嘅眼睛,睇清楚身边,周围嘅环境。我话,
本地消费,仍然强劲,绝对唔喺胡吹,千祈唔好,
误受社会气氛嘅影响,错判形势,响事业上、生意上,作出错误嘅决定。
其实睇淡,喺冇问题嘅,但
「望淡」呢,就真喺唔要得。睇淡嘅人,如果唔喺太清楚,自己算唔算「望淡」,咁好易啫!做个测试就得:家阵经济环境,俾人唱到咁差,无论喺真喺假,你心底里面,点感受?喺好开心,希望个境仲衰啲;定喺好忧心,希望尽快有转机?唔好话我知你点谂,心中有数算啦!
请大家紧记,
正能量,喺非常重要!咁乜嘢,先算喺正能量?好简单,
正确嘅方向,善意嘅心,就喺果一股正能量!
咁我就祝 2016 年,香港嘅经济同社会,旺气兼旺财啦!三年嚟,我都喺拣,响汤博士嘅回应箱里面,一马当先,写上我嘅祝愿。今日,
资深会员专栏,百花齐放,但我仍然保留呢份坚持,写响博士嘅回应箱度,喺因为,
大家嘅缘份,源於地产博客,源於博士嘅主场。2015 年嘅地产网,发生咗好多,难忘嘅事情,人来人去,令我好感触。
虽然
「序」嘅承诺,已经解封,但我仍有
心事未了。
真正嘅朋友,在乎一个真诚。大家响好多方面,或者各有分歧,但始终,都喺朋友一场,亦有过一段,互相扶持嘅经历。我衷心希望,各方好友,可以放下成见,源於此,再聚於此!
咁我就祝 2016 年,地产资讯网,人气超旺,各位专栏作家,新旧网友大团圆啦!最后,我想再讲嘅喺,
2016 年嘅投资环境,将会非常严峻。
祝大家,乘风破浪,更上一层!五、四、三、二、一 ... 新年快乐!! HAPPY NEW YEAR!!