蓝黄对话
蓝:点解要训街呃?
黄:我要普选、要梁振英下台、要踢走自由行、买唔到楼、申请唔到公屋、大陆人攞综援要香港人养 ………(下删100个理由)
蓝:普选你认为有咩好?
黄:我地自己拣,唔系个政府自己话哂事,民生可以改善…..(又再重覆而家人工低、买唔到楼、自由行抢贵哂D野….)
蓝 : 但你争取诉求训街阻到人喎?
黄: 我抱歉我阻到你,但系我系为紧全香港人著想先咁做,法律责任我会承担。
蓝 : 点承担?
黄: ar……….咪坐监留案底罗。
蓝:咁被你地影响到开唔到饭、要执笠、要破产个D点计呃?
黄: ar…………….都系个句,我系为佢地好先至咁做,佢地应该体谅我。
蓝 : 你地占中既理念系?
黄:爱与和平、非暴力 (仲摆出和平手势)
蓝:旺角个班都系非暴力?
黄:个班同我地唔同,我地系金钟既(好自豪咁既样)
蓝:但系你地D占中领袖话旺角个D都系非暴力,仲成日叫人去支援既?
黄:呢个问题就………你问番佢地…….
蓝 : 讲下收$既传闻?
黄:我地一路都话反占中个D收$架啦,又黑社会又盛。
蓝 : ar…….其实我系问紧收黑金议员同美国支持占中个单喎?
黄:(扮听唔到)
蓝:自由行有咩唔好?
黄:佢地抢贵哂D野,周街疴尿。
蓝:亲戚朋友有冇人做sale, 服务性行业?有冇问过佢地D大陆人占佢地几多生意额?
黄:有……….点都好佢地系衰格嘛……..就算我D friend做sales都系咁话架….
蓝:即系边赚人钱边闹人衰格,你问清楚佢地冇左D大陆人得唔得先..
黄:…………………………………………
蓝:点解买唔到楼?
黄:人工咁低,D楼咁贵点买呃、而家净系交租都去一大截啦,点储钱啫!
蓝:以前有首次置业你有冇考虑过买楼?
黄:当时未准备好嘛。
蓝:9成半按揭时呢?好少首期之嘛?
黄:个时我想再睇定D先。
蓝:咁沙士时D楼咁平你唔买?
黄:个时边有人敢买喎,份工都危危乎。
蓝:咁几时先系你要买楼既时机?
黄:我而家今日即刻买得起咪系最啱时机……….(又开始闹而家买唔到楼…….)
蓝:讲下公屋问题?
黄:我申请左几年啦都冇声气,系咁系度捱贵租!
蓝:你认为咩问题几年都上唔到楼?
黄:咪个仆街政府将D地卖哂比发展商,唔爱黎起公屋罗。
蓝:董伯伯当初推8万5,全香港闹到死架,如果当初起左你觉唔觉得好D?
黄:……….系好D………系好D。
蓝:可惜呃当时又系比班议员搞风搞雨实行唔到,你知唔知个时梁振英有份协助策划8万5架?
黄:……….ar…………….……….
蓝:咁而家东北发展你又反对,可以有几万个公屋单位喎?
黄:…………..……….(滴汗中)
蓝:大陆人攞综援你都好不满呵?
黄:梗系啦,香港人纳既税要养埋佢地,仲要由7年改为1年就可以申请,食穷我地!
蓝:其实你知唔知当初落黎香港7年先可以申请综援个阵,单程证只占全部申请综援人数唔够15%?
黄:系咩………咁而家改为1年就申请到实多好多人申请啦,你话呃呢个政府几无能呃!
蓝:你搞清楚,呢个唔系政府政策黎架,系有班PK议员个时帮条友做司法覆核最后终审法院判左改为一年。香港法治社会黎架法院判左冇得改架!
黄:边个仆街议员咁贱!
蓝:咪而家叫你出黎占中个D罗,白痴!刨下文先出黎撑占中啦!
http://www.singpao.com/xw/yw/201312/t20131218_478820.html
http://cueric.tripod.com/article/new_page_13.htm
蓝:忍唔住送多个”李啅淫”发言比你,佢系立法会仲话要派$6000比来港一年人士添。
https://www.youtube.com/watch?v=wMVWkh76lDU (由2:00开始听)
蓝 : 好啦针对你上面讲既问题,全部都唔系梁振英搞出黎架喎,你做乜反佢呢。
黄:总之唔系普选出黎既我唔满意。
蓝 : 就算普选出黎个个都可能改变唔到你最先训街既理由架喎?边个做你认为得?
黄: 我唔知边个做会好,但我唔理起码要试下,呢个系我地天赋既权利 (头75度向天,眼泛泪光)
蓝: 如果差过而家呢?
黄:我唔理未试过点知。
蓝:咁如果真系衰到贴地呢?
黄:我再训街…..再争取。
蓝:%@X(@^Y!@7
蓝:几时先肯收手?
黄:满足到我地诉求就收手。
蓝:即系最开头你讲个堆问题?
黄:唔。
蓝:大佬呀……….个度9万几个问题,解决哂你先彻?解哂比你知啦喎。
黄:我唔理,满足唔到我我唔会走,就算689下台我都要留守到最后!!!!!!!! (开始自言自语:学联唔代表我、尸峰唔代表我、三子唔代表我)
蓝: ………(面青中)……. 究竟我同紧个咩人倾偈呢????