地产博客 > 文亮语 返回
浏览人次:29021    回应:23
文亮语

海航完美演译什么是大好友

 

汤文亮博士

纪惠集团行政总裁
2018年2月13日

  我刚写完一篇文章话现在卖股票的才是大好友,买股票的是执鸡友,不少人话我乱作,我当然是乱作,自古文人多大话,每一个写文的人都是乱作,讲得中就叫做作家,讲唔中才是乱作,今次,正当我无从狡辩的时候,海航帮了我一个大忙,将啓德四幅地之其中两幅售予恒基,在未计算使费仍有微利,老实说,即使不用使费,所得利润都唔够买惊风散,友人话我错,四叔才是大好友,海航绝对不是,甚至大淡友,睇唔好前景,所以才将两幅地卖给恒基。

  我没有说海航现在是大好友,但在2016年11月,海航的确是大好友,否则就不会以当时其他地产商认为是超高的地价买入四幅啓德住宅地,但可惜守唔住,被迫出售其中两幅,所以,我才说海航完美演译什么是大好友,以海航为例,如果大家现在见到一些业主低价出售他们的物业,千祈唔好话他们睇淡楼市,他们其实是大好友,可惜力有不逮,被迫出售他们的物业。

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. 引刀一快 2018-02-13 11:00:32
引刀都系大好友,可惜力有不逮,被逼去大湾区喇。
2. 自我陶醉 2018-02-13 11:34:32
一早话呢间垃圾公司迟早赖嘢啦! 其实到现在佢依然系大好友,只系一个冇自知之明嘅大好友,如果佢唔系大好友,以佢拮据嘅环境,一早就将四幅地卖哂喇! 仲点会博命发债?

四叔咁嘅出价,睇得出佢比较厚度,唔想承人之危,亦可能系怕佢会乱嚟累街坊。

3. 博士粉丝 2018-02-13 12:19:34
我原本以为海航只卖49%或51%股权,共同开发,起码分番卖楼收益一半。点知原来两块地全部权益卖走,水紧得太夸张。

之前仲话提前还少少钱比银行换取延期,话自己有足够资金。。。信不信由你。

印象中鸭利洲好似都有块曾经既地王系中资投得,睇下佢够唔够资金开发先?够钱开发又够唔够钱做呼吸plan高按卖楼呢?

假设佢地有能力,提供呼吸plan收唔番现金点还银行贷款?不断延期当银行傻既?呢个延期理由金管都唔批得

最后一个问题,假设佢无能力提供呼吸plan, 同二手楼业主地位差不多,咁凭咩卖咁贵?

如果卖唔到咁贵,蚀到入肉,不到学海航,早啲放手,平手离场,都算执到。
4. 真真薯片 2018-02-13 12:25:44
即系话启德地果口价, 得到4叔确认, 附近万5蚊尺既新楼, 将来冇得输
5. 普通香港人 2018-02-13 12:27:29
四叔出价唔系厚道, 而系为咗自己. 如果任由海航割价求售, 地价必定大冧, 到时就会火烧连环船, 连自家的楼盘销售都会有影响. 所以【枱面】购入价一定要比之前高, 才能顶住楼市.

6. 博士粉丝 2018-02-13 12:30:02
我觉得本地地霸,有资金慢慢卖,什至借埋资金黎卖。防守能力同先系地霸本钱。

内地地霸,无料扮四条,以为起楼易,卖楼易,暴利易。海航话比佢地知原来起楼都咁难,莫讲话卖楼,睇怕更加难
7. 十一哥 2018-02-13 13:02:34
泗叔呢两件系16年抢嘅、位置、大细、都正过另两件、高多少当老表帮泗叔储两年货咁解、食咗龙口位先、其他两件要揾人哽、位置大细次一级、其他陀地未必肯食二围、泗叔老谋深算…趁你水紧食咗上肉先…下栏再阉你、可能Hi多少比埋泗叔算啦!


8. 真真薯片 2018-02-13 13:15:26
大陆富豪既创富方程式系关系+借钱+大胆, 另一条路系白手套

香港富豪既方程式系先赢而后战之, 系单deal完成之前已经布好晒局倾好晒, 只做sure win既deal, 唔赢就no deal

大陆人多, 100万人搏命, 1个中奖, 都有成百上千人中奖, 佢地果种心态系钱唔系问题, make左deal先, 钱之后自然会搞惦, 当然有时都会搞唔惦, 例如亚视就系咁, 而有一样野要留意, 就系阿爷永远唔洗出钱, 只系出面, 钱既问题下面班人自己搞
9. 十一哥 2018-02-13 14:23:05
大到不能倒…呢个传统概念…害死好多老表、习大大离经叛道…牵一发…正系要动你全身、朝中有人…冇人敢再为你办事、万字号老子招积…儿子臭寸…冇嘢多就系钱多、很大・摆明全托同大榴玩搓波、老习点解拣呢个时候迫贼交赃…玩咁大呢?而家市好…有价又卖得郁、就个个要交数、收番债仲要有肉、风暴咁先叫完美、缩骨识条铁咩!


10. Koichi Fuyumi 2018-02-13 15:46:01
To 6/F

海航事件系政治原因居多,唔好因为一次性事性睇低中国发展商实力,好多公司商业模式已领先香港发展商好多。香港发展商除咗新地同恒隆做得好少少(但规模好细),其他系国内发展都一般

好多人以为内地有关系大晒,如果禁简单,恒大/碧桂园/融创呢的民企点可以切低华润/保利/招商/越秀一大班国企央企先?就算净系计央企国企,华润,保利,招商个个都系大佬,市中心好地比边个好?内地政府自已都有KPI,好大压力,交唔到税,拉动唔到GDP,导入唔到人口,关系几好都系假,好现实的
11. 拭目以待 2018-02-13 17:34:28
四叔不是执鸡友,实际可能是放数加参股,大家拭目以待
12. 真真薯片 2018-02-13 18:13:48
FM兄,

在下唔系话有关系内地大晒, 系内地关系可以话系necessary factor, 不过唔系sufficient factor

而内地做大生意一般玩开高贡杆, 因为d人普遍有guts, 人人都借大黎玩, 你唔借就输了, 所以高贡杆系大陆巨企系常态, 海航既玩法以大陆黎讲其实系正常, 恒大万科万达都系咁, 系香港人睇唔惯先笑人就爆就爆, 可能十只有一两只真系会爆, 但系唔爆既上左岸既咪威罗
13. 大家不要太担心,最多升15% 2018-02-13 23:59:19
新一轮「白居二」计划将於3月底连同新一期居屋逾4,400个单位一同推出。美联物业首席分析师刘嘉辉表示,除居屋外,今年尚有「白居二」等供应,市场上小型物业供应上升;但由於需求仍然强劲,相信供不应求局面仍然存在,维持今年整体楼价升10%的看法,细单位与居屋料升10%至15%。香港文汇报讯

居屋今年最多升15%,应该唔使2万一尺。引刀同班淡友仍然可以上返车,不要太灰心。


14. 自我陶醉 2018-02-14 08:53:23
高杠杆低杠杆做生意并唔系成败重点,略懂投资嘅人,都知道点样分咩系good loan, 咩系bad loan,只要有眼光,用高息高杠投资暴利项唔会系问题,但用高息高价投地,换取低回报项目嘅发展权,已经说明呢间嘢好大喜功,叻极有限。  识唔识分good loan, bad loan 先系成败关键。

就好似赌仔博命借钱去赌一样,未去赌都知佢要去跳楼喇! 哈哈哈!

15. 回14楼 2018-02-14 09:29:22
哈哈哈哈😄,你不用担心四叔啦!本地地霸大把现金。自己连楼都冇层,居然敢教人理财。穷淡有时真是穷到儍咗。
16. 真真薯片 2018-02-14 09:30:01
自醉兄,

先唔理海航高唔高贡杆, 依家果两块地比4叔以稍高价钱承接, 代表当日海航投地果口价, 最后卖楼绝对有利可图, 4叔计数, 唔会死错人
17. 十一哥 2018-02-14 09:32:45
痕窿陈6个月前至感觉到,原来最劲是我,条白头片中标果曰…就肯定筹旗实衰硬!泗叔肯定同佢拆咗好耐,拆到白头片冇弯转跪低,以近期地价计真系冇得输,账面和和果果,睇番佢比嘅息口…输小当赢啦!

18. 自我陶醉 2018-02-14 09:54:49
薯片兄,

其实我想法同11楼差不多,枱面一条数,枱底可能二分息三分息贷款,用另外两块地抵押。Who knows?  大家生意人,点会咁益佢!
19. 十一哥 2018-02-14 10:10:22
两三分息犯法㗎 ! 枱底咁玩…比人一阉住…成世深圳、谂多咗嘞、泗叔上门亲家…操正就得…冼倍你咁癫  ? 




20. 自我陶醉 2018-02-14 10:11:53
回15楼

乜你觉得我在担心四叔咩? 

其实我担心你多啲㗎,理解能力咁低,点开单呀大佬! 哈哈哈!

21. 自我陶醉 2018-02-14 10:18:54
十一哥,

你记错喇!  香港放债人条例第24条规定,任何人以超过年息60%的实际贷款利率贷款先至犯法,两、三分息借俾呢啲赌鬼,绝对合理。

22. 十一哥 2018-02-14 10:24:57
成单嘢说明、笃手指…笃到金都周身屎、买卖平贵自己心水、计住荷包得嘞。


23. 十一哥 2018-02-14 10:38:16
醉哥…谢过 !