有老友话星期六早上到公司,有好嘢益我,原来老友有一个住宅单位要卖,问我有冇兴趣,我话有兴趣,不过冇Quota ,再买住宅单位就要俾辣招印花税,反问老友点解要这个时候卖楼,老友话一言难尽,我话可以讲两言。
老友话其实很小事,在生意上有纠纷,双方半步不让,唯有打官司,双方都用了很多钱,搞到老友要卖楼。我记得在两三年前,老友与我及几个朋友一起晚饭,老友问我有冇同租客打官司,我话做了三十年,大家唔啱倾到啱,从没有与租客打官司,老友话只有两个理由,是我很胆小,或者是我不著,我本来想话,退一步海阔天空,打官司很贵,但始终冇讲,仲话老友讲中,我两样都系,大家开心。
老实说,很多人唔知打官司烦处,以为律师可以搞掂,谁不知搞搞好似系自己唔啱,但已经洗湿左个头,唯有继续下去,如果唔打官司,损失可能只是律师费的3几个%,除了钱之外,仲要花时间,打官司与打仗一样,是很昂贵,在打之前最好想清楚,觉得肉赤就唔好打。