地产博客 > 文亮言 返回
浏览人次:27114    回应:51
文亮言

迟到好过唔到的施政报告

 

汤文亮博士

纪惠集团行政总裁
2019年10月17日

  林郑几经艰苦,但仍然唔能够在立法会宣读施政报告,谁是谁非大家都无谓争拗,不如讲番份施政报告。有人话睇到份施政报告立刻火滚,这是一份推初次置业者落火坑的施政报告。现在楼价仍然处於高位,政府竟然将按保的金额提高,九成的由400万去到800万,八成的更加去到1,000万,绝对是替地产商托市。我的睇法与他们不同,我认为政府是听从民意,所以才大胆提高按保金额。在过去十年,我们不时听到有人话买唔到楼,错失了楼价上升良机。他们并不是供不起,而是唔够首期,唯有买那些一个人都唔够住的纳米楼。今次特首大胆提高按保,不但可以帮助那些有心上车的人,同时啓动换楼链,并且给予正在下跌楼市一点承托力。至於是否要用九成按保买楼,就要视乎各人能力,与放宽按保的影响不大。

  政府打算以两折出售租者有其屋余下4万2千个单位,我相信全部会由租户承接,不会有大问题,但政府以后都唔好将公屋出售,否则就会好心做坏事。我了解到有不少公屋租户以低价买入了自住公屋单位之后,抵不住诱惑将自己拥有的公屋单位卖走,最后要露宿街头,但政府现在唔卖又唔得。否则在一个屋村内有政府单位,又有私人单位,在维修,管理上是很麻烦。而事实上出售公屋是一个最劣的房屋政策,希望政府以后唔会再犯错。

  林郑在上任之后,搞了一个土地供应专责小组,但始终解决唔到土地供应不足问题。小组提出了18个方案,但并没有提及要用土地收回条例,向地产商徵收土地。林郑在施政报告内提及未来五年,要向地产商收回450公顷土地,足够起30万个500尺单位,再加上政府现在的土地储备,地产商补地价得到的土地,土地共享计划以及由工厦改用途所得的土地。如果可以落实,土地供应根本不是问题,上述这些都是中期供应,还有各项填海计划,供应充足,楼市应该在未来一段长时间会平稳发展。

  今次施政报告令地产商最担心的地方就是限购令,好彩林郑连提都冇提,只是提供1,000个港人港置单位应酬大家,地产商应该松一口气。有不少人问我林郑这份施政报告值几多分,如果是去年的话,我会俾80分,今年我扣10分,只值70分,原因是迟了一年。不过,迟到好过唔到。

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. 真真薯片 2019-10-17 10:36:34
同一层楼,同一个成交价,借八成去买同借五成去买,防守力天差地别

减首期成数系好,但系一成首期买800万楼真系太癫,一个月就足够变负资产,500万以下一成,800以下两成,1000以下三成会正常少少

我好难想像沙田第一城350尺眼镜房有一日会卖800万,但系新政策下,唔系冇可能,然后经济郁少少变左负资产,ssd 3年又未过既话,点搞?
2. 引刀一快 2019-10-17 10:43:59
投降。

不过我唔会买港楼。

留返俾对香港充满憧憬嘅新鲜人。
3. 十一哥 2019-10-17 10:46:41
按保会唔会爆煲 ?  边个跟尾睇数 ? 比唔起首期…但供得起嘅…系建基於佢目前收入…仲以后都长揾长有、目前香港环境…除咗正苦铁饭碗…都冇边行咁有信心啩 !

4. 十郎 2019-10-17 11:18:15


      记唔记得次按风暴 ? 记唔记得 “ 房利美 ” 同 “ 房贷美 ” ?

      香港 , 你都有今日 !

5. 都有今日 ! 2019-10-17 11:48:13
十哥, 压测唔放松有冇帮助呢? 禾觉得可以话有可以话冇, 有好过冇, 但压测千测万测, 都测唔到(大规模)冇粮出果日点算, 反过来说, 能批出的可能不是太多, 但未签约又不能预批, 啫系等买家局挞?
同埋按保的价值, 其实都建基於楼价不停上升, 否则保费都好甘, 真系好甘。
6. 引刀一快 2019-10-17 11:50:27
咁香港肯定唔会。

死都系死一批等买楼等到迷失理智嘅本地人啫。
7. 真真薯片 2019-10-17 11:54:21
假如有一日人人上晒车,沙田第一城眼镜房炒左上去800万,之后出现大规模爆煲,到时就系全香港人下跪求祖国放水救命既时候,然后国家队作为白武士黎低价接货,港人跪住讲多谢,之后香港地产业权正式回归,得地产得天下,香港稳了
8. 鸟5 2019-10-17 12:31:06
今年楼市股巿,最后星光灿烂... 完成最后反弹阶段
9. 鸟5 2019-10-17 12:45:27
LeeD位玩3O年十倍杠杆?
10. Fisherman 2019-10-17 13:00:31
香港嘅核心问题系高地价政策,唔系话放弃,改变少少都唔得掂!钱从何来,掹大眼,公务员出粮,医管局(医生,护士)要钱,免费教育(老师)要水,福利(社工)要派,老弱(2蚊鸡,长津)要照顾,返工(搭车有津贴)要人帮。高地价政策尤如食丸仔,愈食愈High.
11. 不正不负 2019-10-17 13:03:24
买楼一笔钱全付,不怕风吹雨打。
12. 十郎 2019-10-17 13:04:24


      5楼 , 我其实一直冇讲 , 点解千方百计要推人上车 ? 呢 d 系面子同心理问题 , 我觉得冇楼一样可以生活 , 网友话现在有冇人瞓街 ?租楼住 , 要搬唔系好麻烦 ,5千蚊搬运费加佣金 , 业主搵新客 , 都要时间、佣金、装修同好客。各有各盘算。


13. 鸟5 2019-10-17 13:06:54
十一哥, 公务员 高身嗰班 基本上55岁 就系上限。。 55岁冇得捞,得份长俸。。 香港人工高新嗰班。 其实呢啲工作岗位55岁后。 系越嚟越少嘅三角形。 中低薪嘅职位 就长寿啲。 日本一样...
14. 鸟5 2019-10-17 13:08:35
CdS 系统计错数, 唔系新鲜事
15. 鸟5 2019-10-17 13:10:35
5F,所以你谂既野冇错。 坏帐 数据系滞后( 因为呢个人性)
16. 鸟5 2019-10-17 13:13:46
楼市劲爆嗰时.. 系冇谂过 有著裤畀冇著裤累。。。社会入面每个单元收入系千 丝万缕。。 电脑系统都计唔掂
17. 引刀一快 2019-10-17 13:15:42
真系有事,咪放BSD罗,一放,又升。

所以,淡友投降。


18. 鸟5 2019-10-17 13:19:33
十一哥,今日入3愧刀片, 熊仔打靶价28800
19. 鸟5 2019-10-17 13:27:02
刀兄,鬼佬都玩5掂呀!实死呀。家债7成时侯仲 放工干。。国内5成多D。但GDP 衰极有六个percent以上... 香港而家喺空转塘水滚塘 ,家债去成七成放工干。。 同去死冇分别。。
20. 十郎 2019-10-17 14:51:08


      5楼&15楼 , 唔止杠杆咁简单 , 管理费$5/尺 , 仲未计加价。


21. 仲未计加价 2019-10-17 17:11:51
十哥, 管理费贵, 虽然唔知管理左乜野, 不过响正苦角度, 会叫做保就业喎, 你唔见回归后扩张得最紧要嘅职业系看更?
22. 儒来 2019-10-17 18:20:24
引刀兄,

自住一定冇问题,计好数便可以。林太呢个报告对渴望拥自住单位而希望少首期自已又高收入之家庭来说实在是好政政。
23. 儒来 2019-10-17 18:22:56
一般来说,随住工资上涨,业主每二至三年提早清还部分本金之后,实质供款年期会由30年大幅减至12年左右便供满。
人生目标便更容易达到!
24. 黑衣人 2019-10-17 19:05:34
修例风波好似慢慢收敛,香港人又再关心楼市的方向了🤭
25. 引刀一快 2019-10-17 20:18:01
鸟5兄

如果将国内GDP有6 percent增长,当系真嘅嚟考虑中国经济,比零首期卖楼仲危险。
不过,好在有大湾区,呢个缓冲好有效,阿爷会全力托住港楼楼价,然后?新买家就以“自住”两个字蒙住对眼,一路喺天台嘅栏河上面行,有可能真系乜事都冇,过多廿年,若果冇事,咪冇事罗。

26. 鸟5 2019-10-17 20:35:45
23/F...哈哈哈哈。。
27. 引刀一快 2019-10-17 20:40:08
儒来兄

自住有冇问题,基本上系於收入能否一直维持压测水平。
至於未来工资上涨,我就觉得唔好咁大安主意。
今时今日,香港楼嘅价同值,好应该重新估量,我会将佢同十分一价钱嘅大湾区做比对。
28. 鸟5 2019-10-17 20:40:10
5系托5托,系点还?地霸都会托。系家债7成,再 放工干。 上边系收紧公干。。。 香港系借个窿呀(死因)。。
29. 鸟5 2019-10-17 20:48:45
刀兄,昨日讲果个低调的。 畀啲贴士呀谂咗成晚? 疑犯 实在太多
30. 真真薯片 2019-10-17 20:53:13
新政策既另一个重点系,过去两年大部份用地产商高成数按揭买楼既业主,将会全部松绑。。。
31. 引刀一快 2019-10-17 21:03:44
真真薯片兄

成个大湾区都俾佢保住咗喇。

呢个世界,祸福相连。
32. 真真薯片 2019-10-17 22:17:49
刀兄,我担心最后变真。揽炒

D人话林郑系揽炒之母,佢真系当之无愧
33. 业主 2019-10-17 23:09:18
何解会揽炒呢?
34. 真真薯片 2019-10-17 23:37:56
上帝要你灭亡,必先XXXX
35. 鸟5 2019-10-17 23:44:41
好好享受, 烟花最后灿烂... 小弟都未见过 , 实体经济全歼。。 最后购买力都揸干埋
36. 鸟5 2019-10-17 23:50:47
你去谂下几十 一百万嘅金主 ...最后一批..都变成几百万债仔钱从何来呢?
37. LC1 2019-10-18 00:37:10
重记得老解演练系讲E 句,大陆唔派老解出黎,林郑自己出招,九成按贷,后果自负,后果自负! 

     香港九成日供断楼,好难可以揽炒,林郑出E 招,以高价引供断楼既人卖左层楼,当可以转既货都转晒系弱者手上,股市成日睇到既夹仓行动先会出现。
38. 引刀一快 2019-10-18 01:29:15
鸟5兄

我呢铺真系惊冇命,讲得太明好危险,我身材差,俾人剥光猪掷落海,会影响市容喎。

如果讲可疑,不如讲最唔可疑又最多人误解果个。
最唔想香港死嘅,系匙煎片,唔好误会佢。
咁你睇睇佢对家罗,唔系讲侵侵呀。
39. 上车客 2019-10-18 09:23:44

13/F 鸟哥,旧制公务员很多到60先退休。新制公务员没有长俸的,可以做到65.


身边的后生(30岁)同事们月入56万, 以往只差首期,吴怕供不起。现行政策下, 个个都惊楼价被推高, 想尽快入市。



40. 鸟6 2019-10-18 10:26:00
你去谂下几十 一百万嘅金主 ...最后一批..都变成几百万债仔钱从何来呢?

啲钱咪从鸟5的银行存款拎泥用罗。
41. ~~ 2019-10-18 10:47:50
对付乱局最好的方法是买升个楼市,反向操作。
42. 吴怕供不起 2019-10-18 10:49:10
系真唔系呀?
43. 十一哥 2019-10-18 11:14:18
典型事丹利、开大档…温馨提示小赌怡情、9官好心地…尽职、尽责、尽心、…歌纯…小心…地滑。

成个香港除咗公务员…都系供冇完…乱咗好难分。
44. 乱咗好难分 2019-10-18 11:27:19
唔难分, 上错车的帮佢落车, 未上车的强太公钓鱼。
45. 黑衣人 2019-10-18 11:51:50
政府能放宽按揭成数,梗喺同发展商吹过,我放宽,你畀返D农地出嚟,大家有好日子过。
46. 100fun 2019-10-18 12:02:14
楼价咁贵点买吖 

47. 十一哥 2019-10-18 12:21:08
9官的疑惑、由出校门…就食皇家饭、执笠、失叶、冇人工加、拖粮、冇粮出、qouta叶渍、揾工、超 ! 全部刁民幻觉大话西游……想呃正苦攞着数。

48. 谁可估计 2019-10-19 12:02:51
任谁在街头抗争,又或者只在地产网哈哈哈,有楼嘅就系有楼,冇楼依然冇楼。
49. 引刀一快 2019-10-20 15:47:06
唔使惊唔使惊,一撤BSD,即刻大把人接货,估计随时有两三万被bsd阻住嘅准买家。
50. 引刀一快 2019-10-20 15:47:48
唔使惊唔使惊,一撤BSD,即刻大把人接货,估计随时有两三万被bsd阻住嘅准买家。
51. 一撤BSD 2019-10-20 16:12:24
基本上已经切左一蕉,或者可以讲立左一条负辣椒。