地产博客 > 文亮言 返回
浏览人次:66947    回应:89
文亮言

连高收入族群也顶不住,楼市才会跌

 

汤文亮博士

纪惠集团行政总裁
2015年4月25日

  有评论员说,连高收入的族群也顶不住楼价,楼市就会跌。我觉得以此作为评论楼市是否过高,是非常危险,高收入族群究竟占香港人口的百分比是多少,我以该位评论员的每年收入350万为例,我估计占总人口不足1%,如果连他也觉得楼价太贵,那些低收入的人岂不是早已在水深火热之中,我相信他以事不关己,己不劳心的心态评论楼市,但倘若连他觉得楼价太贵,就真的是太贵,政府应该做一些工作来压抑楼价,不过,我认为政府到那时候才意识到楼价太贵,这个政府早已失去运作功能,比跛脚鸭还要跛的政府。

  全世界每一个政府都会做同一件事,就是制定未来政策,防范於未然,如果等到事态严重才考虑解决,唯有借用上一任郑汝桦的一句话,远水不能救近火。当日,曾荫权行勾地表政策,见冇人勾地就对外界说没有需求,如果有需求就自然会有人勾地,其实,曾特首当时唔知道,冇人勾地,是因为大家都不愿为他人作嫁衣裳,勾到地九成以上都拍唔到,点解仲要勾地。没有人勾地,不但令土地供应不足,楼价飙升,甚至令政府连开拓土地的准备工作也没有做,要增加土地供应,不但不知道从何处做起,而且需要很长时间,所以,郑汝桦才说远水不能救近火,不过,局长亦只是说了一次,如果不是给特首炳到晕,就是知道自己失言,就是局长这句话,我知道在往后数年,就算特区政府醒觉,供应依然会严重不足,所以,在这几年间,大部份评论员以不同理由说楼价会下跌,有些甚至说楼价下跌五成,我依然说楼价上升,讲足几年,主要就是局长那句话,不过,时移世易,现任特区政府在开拓土地上做了很多工作,而且渐见成效,供应将陆续增加,地产商感觉到春江水暖,所以卖楼绝不手软,如果我现在还说细价楼抵买,不是有所企图,就是无知,就算受尽冷嘲热讽,完美的数据分析,我依然会说,细价楼楼价将会下跌,如果连我也顶不住的时候才说楼价太贵,香港已经唔知道变成点样。

  在一个讲座,有听众问我买388理由,除了隐藏债务,未知赔偿金额保险,不派息,要供股的四大原则下,还有没有第五原则。有,就是货源不能够归边,388够大,参与买卖的人够多,货源很难归边。老实说,我唔识股票,更加唔识波浪,唯有发掘一些小节来分析,大家千祈唔好当真,我见字数唔够,写多两句,没有特别意思。

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. 亮剑 2015-04-25 08:48:48
亮剑 2015-02-24 

上年初小弟不停喺汤生呢度问长江三宝……鲩鱼、蓝衫同至南天几时开波,终於政府忍耐唔住开了一条DSD换楼有D松动作回应,李+x好识做投桃报李,系咁2开咗两个大盘出来应市,以解万人求楼若渴之苦。

现在轮到新地,下几年的重头戏有南昌站、沙埔村峻峦及YOHO Town3期,呢度夹埋成万伙。


要是新地睇淡中细价楼楼市,他们可能在 15~16 财政年度,尽推呢「三寳」,咁我亮剑敢写包单,个一手市唔冧有鬼。


呢家香港楼市食粥食饭 Or 食屎,还要睇江仔面色……哈哈

…………在今日(4月25日)小弟加少少嘢,如果江仔认为细码楼价格过高,仲拿拿声大规模用低於「市价」,推出新地旗下楼盘,咁可能就系楼市转角的重要启示!
2. 山高云低 2015-04-25 09:05:25
 博士:
好似现届政府所卖的地,都是上届留下的遗产。现届政府有为而治,房事被列为重中之重,并以本来曾悛华副手的大将茅波为土地发展局长。 
不过,到现在好似仍未开拓什么土地出来啊。 

3. Peter Paker 2015-04-25 09:15:41
山兄,2017年换界之时,香港土地供应必干,共等食糊之,哈哈哈....
4. Peter Paker 2015-04-25 09:22:55
山兄,北角健威2房低层租金已成到18,000蚊,一年前只是14,000蚊左右,叫住糊,又有租收,同时又有博士好文作陪衬,赏心乐事!
5. 亮剑 2015-04-25 09:37:00
运房局成日话 「3~4年有几多几多伙潜在供应」……
咁我想问一问政府,以下楼盘,你运房局在边一年、边一季放於「3~4 年潜在供应嗰度」!!
1 岚山
2 环宇海湾
3 致蓝天
4 长江油街项目
5 南昌站上盖
6 yoho 3
7 新地沙浦村峻峦
6. 八十后 2015-04-25 09:58:07
TO Peter Parker 兄, 

2017政府换届, 遇著土地不足, 现在未上车的如何自处? 
7. 经济报导 2015-04-25 10:46:43

私楼3至4年供应 7.8万伙新高

67%属中小型户 纾缓上车需求

私楼供应持续增加,未来3至4年潜在私楼供应达7.8万伙,按季增5%,创历史新高,当中67%属於中小型单位,同创新高。分析预计,供应续来,下半年楼价升势受压。

运输及房屋局最新统计数据显示,未来3至4年私人住宅潜在供应共7.8万伙,较去年第四季的7.4万伙,大增4,000伙,按季升幅达5.4%,亦是2011年第二季以来最大增幅,平均每年1.95万至2.6万伙,较政府供应目标的1.88万伙,高出4%至38%,反映供求趋向平衡。

政府加快批地 熟地大增4成

私楼供应大增,最主要受政府批地加快影响,期内随时可动工的熟地达2.1万伙,按季大增4成,创有纪录以来新高。

而发展商卖楼亦有所加快,建筑中而未售出的新楼亦有5.1万伙,按季减少2,000伙,但仍然连续8个季度企稳在5万伙以上水平,现楼余货则维持6,000伙。

细价楼市场炽热,新供应之中,实用面积少於753平方尺的中小型单位,涉及5.2万伙,按季略增3,000伙,占整体供应量约67%,比例属於有纪录新高,显示发展商积极兴建中小型单位,未来供应增多,预计可以纾缓市民上车需求。

运房局:未来数月18地转熟地

综合业界人士分析,过去几年私楼供应仅1万多伙,面对未来几年私楼供应倍增,短期内市场气氛较佳,仍然能吸纳单位,但供应持续推出,势必影响楼价走势,估计今年下半年至明年,楼价将现压力。

值得一提的是,运房局发言人透露,除上述7.8万伙潜在供应外,未来数月再有18幅住宅用地转为熟地,合共额外提供约1.2万伙,较对上一季的1.5万伙减少两成。分析认为,政府短期内批地减慢,如果发展商持续加快卖楼,短期内私楼潜在供应或有所回落。

落成量滞后 首季仅录900伙

另一方面,私楼落成量明显滞后,第一季度仅录得900伙,按季大跌74%,属於近3年季度新低,只及政府预测落成量1.3万伙的7%;而施工量亦只有2,000伙,按季下跌41%,按年则跌75%。

政府解释,动工量减少因新动工项目大部分为中、小型楼盘,而落成量则受落成楼盘规模、天气、物料供应、建筑工人供应量、发展商的商业考虑等因素影响,季与季之间的落成量经常会有所上落,预计未来的施工量及落成量均会有所增加。

撰文:余敏钦

 运输及房屋局最新统计数据显示,未来3至4年私人住宅潜在供应共7.8万伙,较去年第四季大增4000伙,按季升幅达5.4%。(张永康摄)

运输及房屋局最新统计数据显示,未来3至4年私人住宅潜在供应共7.8万伙,较去年第四季大增4000伙,按季升幅达5.4%。(张永康摄)


8. Oscar Lam 2015-04-25 11:11:07
现在是否买楼自住的好时机?

楼价的升跌受众多因素影响,除了供求因素外,还有经济和市民承受能力的考虑。有一点大家经常忽略的因素是大家对於未来楼价的期望,这一点对於楼价的升跌十分重要。如果大多数人认为未来楼价会升而加快入市,楼价自然会升。相反,如果大多数人悲观,宁愿暂时租楼不入市,楼价自然会跌。

总之楼价的升跌是无法估计的,再理性的分析也是徒然,升跌也是可以没有理由的。以目前的情况来看,楼价确实高,许多人无法承受,但又看不到楼价大跌的因素。因此,现在想入市买楼自住的反而要考虑楼价升跌以外的其他因素,并拥有以下入市的条件:

1.财政充裕,不借二按。
2.渴望有自己的物业,安居乐业。
3.强的心理质素,就算楼价下跌20%,自己依旧可以安然面对。

还有一点,就算大家现在不想入市买楼自住,也千万不要心思思将首期投入股票市场。一定要记住,买楼是长期投资,现在买股是投机、是赌博!


9. 引刀一快 2015-04-25 11:15:00
"就算受尽冷嘲热讽,完美的数据分析,我依然会说,细价楼楼价将会下跌,"



因爲接住冷嘲热讽不得逞之后,一定是支持的声音,揭开完美数据呢张面具背后,一定系痘皮擝鸡,实在太令引刀感动喇!
10. Peter Paker 2015-04-25 11:16:38
To 亮剑及经济报报导

政府成日话未来3-4年有70,000几伙潜在供应,等我同佢计计数,对比一下未来3-4年潜在供应目标之后3 - 4年的实际落成量,结果发现.......

3年后之实际落成量只及未来3-4年潜在供应之50%左右,而4年之实际落成量只及未来3-4年潜在供应之66%左右

而这个潜在供应应改为未来6一7年的潜在供应,这样就差不多

因此,要学懂看清事实之真相......
11. 引刀一快 2015-04-25 11:22:12
北角健威2房低层租金已成到18,000蚊”

太抵租喇!20000蚊我都俾!22000我都俾!

业主一年蚀40万嚟租间屋俾我,分分钟出年仲唔止!咁大无畏咁无私嘅奉献,值得喝彩!

无论边个接火棒都好,业主我感激你。
12. 打工仔 Andy 2015-04-25 11:32:49
需然小弟都有平价既388,不过,股票市场与物业跟本上都不同, 有人卖楼买股我不出奇, 不过,祝佢好运! 
13. 引刀一快 2015-04-25 11:37:34



两房低层,唔计佢叫高呢20万,600万,7个点就42万,两年夹埋15个点一次过计就系90万。15个点?分分钟有喇。


14. 打工仔 Andy 2015-04-25 11:45:19
Oscar兄

有道理! 
15. Peter Paker 2015-04-25 11:57:43
To 引刀

预祝阁下看跌成功,祝福你一路愉快
16. Teresa 2015-04-25 12:02:10
看你的文章太迟、(捧)👍👍
17. 亮剑 2015-04-25 12:04:33
PP兄……
在 7 楼经济日报那篇报导,好似有严重错误。
在 2013年,按照经济张图,落成量全年计系 14,100 伙,但我上运房局翻查资料,该年实际落成系 8,254 伙先真。
可能佢哋将施工同落成量调转咗,呢次经济日报爆。
18. 引刀一快 2015-04-25 12:08:06
Peter Paker兄

多谢先,引刀祝唔祝都咁愉快。同样地,楼市跌唔系我“睇”返嚟嘅。
19. 运输工人 2015-04-25 12:17:16
越跌得多,人与人之间的距离便会越缩越窄,到时聪明人和蠢人都是穷人,社会便越来越和谐.
永远支持汤文亮博士
20. 汪敦敬先生的新文章 2015-04-25 12:21:16
汪敦敬先生的新文章

后联系汇率年代:亚投行改变香港人命运 2015-04-24 


  我一向也认为:影响楼价最重要的因素,其实是货币!那么,亚投行的成立成为了改变大局的转捩点,其实也改变著香港人的命运了。
 
  以香港人的角度去看,谈世界大变之前,不能不由联系汇率的故事说起,1983年中英就香港的前途问题而谈判失败,当英国前首相戴卓尔夫人在北京人民大会堂门前摔下出名的一跤后,香港的股市、楼市,尤其是汇市也失控地崩盘,香港政府便推出了联系汇率,与美元挂勾联系7.8港元兑1美元。
 
  很多香港人自己也不知道,在97后联系汇率为祖国提出了巨大的贡献,中国在经济跃进的过程中必须要发展人民币普及化,但如果在美欧操控的传统金融平台兑换,必被不断欺侮,波折重重。但利用香港作兑换平台就安全得多,香港是中国自己的地方,香港自己更有足够的财力守稳联系汇率,中国只要调节好人民币与港元的汇价,其实也等於间接控制了人民币与美元的兑换价了,而且安全顺利,不怕美欧以金融大鳄作恶性狙击。因此纵使联系汇率给香港市民带来多大困扰也好,此政策也必须继续,因为这样令中国经济发展得到难得的稳定,因此香港贡献祖国不少,国家对香港的照顾也不是「白点」的灯。
 
  中共建国后不久已被美国为首的列国封锁孤立,香港一直是中国的「生口位」,透过香港祖国可得物资、情报资讯及货币等等的兑换,到了今天,香港和美国经济环境根本已不是同步对等了,本是应采用一蓝子作汇率挂勾才对,尤其是在金融海啸后,港元追随了疯狂量化的美国一起贬值,令楼价物价飙升,更加剧了贫富悬殊,形成了深层次矛盾,香港人付出的其实不少。
 
  美元在71年取消金本位后,其实已量化了数十倍之多,香港要追随其贬值,楼价又怎会不节节上升?当然,97年金融风暴令美元在长期「长期印银纸」下,因为「人祸」而需求增加升值,港元追随美元上升而令楼市进入了多年的结构性价格下跌!香港人支持联系汇率,一叶沧桑!
 
  美国在国际上即将大势已去,我很早已在此专栏上撰文细说,一个入不敷支的国家,只以货币吸血度日,当吸血功能衰退时会怎样?世人也迷信美国太久了,忽略了今天美国是入不敷出的事实,也忽视了人民币普及后,自然少了人用美元的事实。
 
  我也比喻过,一个国家的货币,就如一间上市公司的股票一样,只要制造了需求,印多了的钞票不单不会贬值,更可能会升值,美国之所以被称为「货币霸权」即是别人明知用你的货币会吃亏都被迫要用,也明知动乱由你支持,引起动荡令美元需求更大,都要听话,各国其实也长期敢怒却不敢言。
 
  但现在美国有如一间走下坡的上市公司仍不断发行股票后,已出现了需要减少因而有价格下跌的压力,因此「庄家」便做高个价,较早前的同一时间,卢布几近崩溃,油价及金价也大跌!这些美国大力做就的结果,就是令美元在败势下反而上升!所以美元上升的初期是「假升」,后期则是各国食住个势纷纷量化货币,令美元升得更高,是「被升」,如此一来,各国也化解了美国加息之险了,美元已立於被动之地了!
 
  香港楼市之所谓「加息危机」,我一向也嗤之以鼻,因为加息风险其实已被「压力测试」及「入息比率」所保护,再额外担忧会忽略对其他的风险准备,何况,多年来加息风险怎会高於加租风险!?
 
  亚投行的顺利成立其实也是美国欺人太甚的果。是各国集体稀释美元实力!美国已沦为末代天子,被各「诸侯」所离弃,美元将由盛转衰,而联系汇率亦进入了后过渡期。香港是雷锋,陪伴美国到坟墓前才脱鈎联系!不过,到时香港还有用吗?
 
  继亚投行后,中国再扩大以香港为核心的股票市市场,抢回香港股市「庄家」宝座,为了不令泡沫太大及不给予国际大鳄占有太多,香港股必在跌荡不定反覆向上,人民币需求更加大升!
 
  这的确是大时代!我们还需要盲从崇拜美国模式吗?不论在经济及政治,也不值得我们学习。
 
  看美国政治,何尝不是两大政党,几个大家族、数个大财团「玩哂」!? 香港的政客竟崇拜一个垄断的政治实体。也难怪,香港的民主政党,何尝不是「一夫当关」数十载, 何尝不是极少数人的游戏!?
 
  美式政治,是领导及引导盲目的群众在最后一战的选举中分裂,大家不觉得有问题吗?但香港政改的内容中,如果将来提名委员会可以有足够的代表性的话,这中途就酝酿出主导的方式,的确是可减少撕裂下取得更多共识的方式,相信是未来政治的新趋势啊!
 
  香港楼市无论短期有多少阻挠也好,长远楼价一样是「升到你唔信」!因为当美国霸主引退,中国便更强势崛起!只是,中国同样会以「印钞」加强国力,货币既量化,楼价会如何!?
21. 引刀一快 2015-04-25 12:36:23
越升得多,人与人之间的距离便会越拉越远,到时根本就唔系以聪明人和蠢人去厘定社会地位,社会便越来越冇竞争力.

永远支持运输工人
22. 支持运输工人 2015-04-25 12:40:17
支持共产,支持民主派,支持贫富共享,咁就和谐
23. 支持运输工人 2015-04-25 12:40:18
支持共产,支持民主派,支持贫富共享,咁就和谐
24. 好人兄 2015-04-25 12:55:00
信引刀一成,双目失明,哈哈。

博士d文章愈来愈有夏虫不可语冰之感觉。
25. 引刀一快 2015-04-25 13:00:32
多谢多谢,好人兄兄你要信多一成,咁就医好埋你嘅青光眼。再信多一成,仲可以免费得到双眼皮𠻹喎!
26. Oscar Lam 2015-04-25 13:11:43
回刀兄,

答得好,支持!
27. 引刀一快 2015-04-25 13:16:28
Oscar Lam兄

多谢多谢,有你实力咁强横嘅人认同,系今日引刀嘅鷄血针。
28. 引刀劏淫亮一快 2015-04-25 13:16:58
冧得89成,引刀呢d冇产阶级就比博屎呢d负家产优越.
29. 引刀一快 2015-04-25 13:17:55
To 28楼

点解你阿妈改个咁嘅名俾你嘅?
30. 好人兄 2015-04-25 13:18:07
信引刀两成,失明变畸形。哈哈
31. 引刀一快 2015-04-25 13:19:38
To 28楼

你跟我姓就好合理,但系你阿妈改到个名咁长,我惊你恶写喎。
32. 珍惜香港 2015-04-25 13:53:51
珍惜香港

博士提到高收入族群,令我谂起早前果六篇系列里面,提到依家啲有楼人仕,主要嚟自金字塔中上层,又或者喺呢个中上层支持下嘅新一代。好彩我唔喺乜嘢评论员,而只喺一个小小嘅实战投资者啫,俾人以为博士继连开三傻之后,轮到开我就唔喺咁好啦!

任何分析,都有变数,而我亦唔例外。我嘅分析,其中一个关键变数,就喺房屋新供应嘅增加。不过唔好话我知,每年一万几千个供应,仲唔知喺兑唔兑到现果只,就可以将楼市,响个金字塔嘅涵盖范围推低。唔好净喺睇住点样满足每年嘅新需求,就扮唔记得以往 N 咁多年积聚咗果啲,仲未被满足嘅需求泡沫至得架!

睇好定喺睇淡,唔喺最重要,重要嘅喺,你可唔可以道出个关键。好多人话,大陆个市冧紧,净喺响呢个网站度,就已经听咗成年几,唔知仲要听多几多年?问题喺,要呢个具十三亿人口,拥有庞大实体企业群嘅超级大国,冧成点,先至会搞到呢粒弹丸之地,好唔掂?冇一条具体嘅界线,呢啲评论喺冇意义,亦唔算喺乜嘢预测,点解?原来条界线太低,未冧到条界,就已经转势翻咗身嘅,咁对香港,又点会有影响?正如又有人话,香港嘅零售大跌,吉铺多咗,个市要冧啦!其实,咪又喺同一个问题,经济要衰成点,先会影响到个市?条界线响边度?又冇人讲得出。

所以,果个评论员话,连高收入嘅族群都顶唔住楼价,个楼市就会跌。博士只喺话,呢个评论非常危险,但冇话佢错喎!我喺非常认同博士呢个讲法,因为果个评论员,将条界线 SET 得太低。真正负责任嘅评论员,喺应该订一条市场发出警号嘅界线,而唔应该订一条无可挽救嘅界线。因为,市场只喺发出警号,都仲有得救嘅;但到无可挽救果阵,就真喺做乜都冇鬼用啦!

要真喺搞倒个楼市,就得先过基层果关。第一个讯号,将会喺最低工资制度嘅崩溃,即喺话,当社会出现压力,要求降低甚至取消最低工资果阵,大家就要提高警觉。呢条,就喺我订嘅界线。

关於博士嘅财仔同爆煲论,我话过,唔再评论。但有一点,我要重申,就喺,行直线,讲真话,几时都唔会有问题;玩曲线,同玩火喺冇分别。如果有人自以为是,以为一味唱跌,个市就会跌,又或者一味唱升,个市就会升嘅呢,就请你先落去楼下,搵一条石屎柱,出尽你铺牛力喺咁推,睇你推唔推得郁。

今时今日,好多嘢,已经唔可以一味靠呃。香港喺一个金字塔型经济社会,贫富喺会有差距,而个差距亦会好大,呢个喺现实,真喺要变,就先要大幅加税。羊群需要嘅,喺明白,认清,同接受呢个现实,而唔喺一个脱离现实嘅梦。要自知自己响呢个金字塔里面嘅角色,先至能够,以真相为起点,力争上游。

所以,博士将责任推俾前特首,喺大错特错。庸梁嘅诚信问题,引申成佢治港之道,先至喺关键。用一个大话,去掩盖另一个大话,可以捱得几耐?当羊群惊醒,期望原来喺冇可能兑现嘅,心魔,就会被触发。羊群成魔,真喺唔嘢少,难道黄虫之患嘅教训,仲唔算大?

八风吹不动,一论催成魔

希望博士,唔好犯同一个错误。
33. 引刀一快 2015-04-25 14:01:08
好人兄兄

你信开边个搞到你畸形呀?以后转信引刀喇。
34. 历史长河 2015-04-25 14:20:53
珍惜香港兄是真正的智者。
35. 路人 2015-04-25 14:24:11
多年来,引刀兄的评论最有道理,预测最准确。
36. 山高云低 2015-04-25 14:28:35
睇淡内地,将不能在中国进入世界舞台过程中分一杯羮。
37. 肥婆四 2015-04-25 14:28:49
政府公布的数字,得PP兄这种对数字有认识的人解释就最清楚 。不过,佢咁一解释,我就唔谂咁多,一於著住的烂棉衲,事因照政府讲的数字,我都认为唔够供应!咁得返几成喎,难怪四叔叫人投资股票喇,的楼唔忧卖呀。否则,的楼卖唔出,有乜理由四叔密密入12/16呢?
38. 路人 2015-04-25 15:01:40
388从上市开始就见有一位叫关百豪嘅仁兄,久不久大手大手咁吸,相信佢手上弹药很多。
39. 刀仔切酸葡萄 2015-04-25 15:22:44
北角健威2房低层租金已成到18,000蚊”

太抵租喇!20000蚊我都俾!22000我都俾!

6百万嘅楼收租收18,000元,即系有3.6%回报一年,还想怎样?
40. 引刀一快 2015-04-25 15:44:49
内地俾咗我嘅嘢,点止一杯羹?

好就讲好,唔好就要讲唔好。

唔投资内地,一味做西南二伯父就有杯羹?




41. 引刀一快 2015-04-25 15:54:01
肥婆四兄

对数字认识嘅人好多,捻数字嘅人亦好多。

有个3年10000个负资産个案嘅牙铰战,有人想搵D糊涂数捻引刀,不过引刀系街市仔,唔系白痴仔。

肥婆四兄经常北望神州,应该睇到依家大环境系点,要讲数,香港可以唔计大陆条数?
反过嚟讲,我又唔信有人计得掂大陆对香港条数喎。
42. 路人 2015-04-25 15:54:50
刀仔哥你唔好走数喎,去年年中你话2014年12月31尾中原城市领先指数收几多话?我想睇你点样切jj啫。
43. 引刀一快 2015-04-25 16:02:01
俾几蚊阉鸡佬帮你搞掂晒,你想悭咁你攞岀嚟我帮你切罗。

一家大细想食救济粥果个原来系你!
44. 路人 2015-04-25 16:08:54
刀仔哥你面皮都几厚喎,普通人2015年一定自我消失,直至大家都忘记有刀仔呢个物体,你真系非常人!
45. 看毕博士近期文章 及 20楼推荐 汪敦敬新文章后 ― 读后感 2015-04-25 16:09:55
虽然出发点同为香港未来发展著想,但感觉水平却是马马虎虎的!
坦承地,跟下面几位学者比较,真是天壤之别没法匹比!


港台访问 林奋强 先生。

http://podcast.rthk.hk/podcast/item_epi.php?pid=175&lang=zh-CN&id=53216

http://podcast.rthk.hk/podcast/item_epi.php?pid=175&lang=zh-CN&id=53217

陈文鸿博士东方日报

坦言集:A股再涨有限 12-Apr http://orientaldaily.on.cc/cnt/news/20150412/00184_001.html

坦言集:中美股市战 13-Apr

http://orientaldaily.on.cc/cnt/news/20150413/00184_001.html

坦言集:中国金融稳步前进 20-Apr

http://orientaldaily.on.cc/cnt/news/20150420/00184_001.html

坦言集:中美金融角力 21-Apr

http://orientaldaily.on.cc/cnt/news/20150421/00184_001.html

坦言集:需要战略应对寡头 22-Apr

http://orientaldaily.on.cc/cnt/news/20150422/00184_001.html

坦言集:中国中车 25-Apr

http://orientaldaily.on.cc/cnt/news/20150425/00184_001.html

  • 郎旋风郎咸平
  • 「一带一路」逐步实施,中国对外战略全面升
  • http://lifestyle.etnet.com.hk/column/index.php/wealth/langxianping/31815

46. 引刀一快 2015-04-25 16:16:08
系喎,引刀面皮够厚呀,点似得你要戴几十个面具做人吖,捞波弟!

你系咪走咗去三姑间美容院换皮呢?日日要戴唔同嘅面具出现。


47. 文鸿 2015-04-25 16:25:41
如果各位在80年代有幸在港大听张五常D堂,你对陈文雄并不会陌生。因他在张五常口中就是stupid的化身。今日竟有人认为其文章在博士之上。 
天大笑话。
48. 支持淡友 2015-04-25 16:52:06
只要齐心,大家不买,再聨同引刀同运输工人,一齐唱淡,一定得
49. 路人 2015-04-25 17:18:28
真系服左呢个捞波弟个契哥引刀成一块,乜佢见到插亲佢嘅人就大叫『捞波弟』咁怪嘅!
51. 肥婆四 2015-04-25 18:10:30
引刀兄,讲国内野我知有限,唔似引兄咁系上面长住,投资物业可观又有社会主义的爱,国内好 ,引兄一定好,可能引兄投资彼大,有小小担心唔出奇。我上去同亲友食下饭,倾下偈,据说生意系落左D,做出口的最差,内销的生意还可以,私家车也日多,饮食业也旺,生活整体安稳,真的不觉得有大问题,但我接触面细,有些地方可能唔系咁样,不如睇睇知华专家,前澳洲总理陆克文点睇呀。
52. 「中国残局论」 知华专家不认同 2015-04-25 18:10:42

「中国残局论」 知华专家不认同

撰文:邓中建
栏名:国情知闻

前不久美国中国问题权威学者沈大伟指中国共产党统治的最后阶段已经开始,皆因沈大伟是有名的「知华派」,这些言论引来热烈议论。

陆克文指理论站不住脚

但最近多名专家、包括前澳洲总理陆克文均指出,最近美国流行的「中共残局论」站不住脚。这位中国通在刚刚发布的一份报告,除了谈中美关系外,他还认为,在习近平的领导下,中国将会更多的动用日益扩大的实力来确保她在外交和安全方面的影响力。

陆克文是有名的「中国通」,说得一口流利的普通话;另一方面,他并非「亲华派」,在陆克文担任澳洲总理期间,赞同联合美国压制中国在地区的影响力。因此,他的分析令人更觉客观。

陆克文在担任哈佛大学甘乃迪政府学院资深研究员期间,专注於研究美中之间建立新的战略关系的可能性及影响,并撰写了一份报告。陆克文指出,当中国的经济产量在今后10年的时间里最终超越美国时,这将是自英王乔治三世统治时期以来,首次出现世界最大经济体的桂冠属於一个非西方、不以英语为母语且非自由民主的国家。

陆克文的报告核心论点认为,尽管最近出现了中国即将发生政治和经济崩盘的时髦评论,这种结论在证据面前是站不住的。第二点,对於美国来说,持这种看法并以此作为制定政策的基础将是不明智的。

虽然,近期中国宏观数据一直低迷,也令「中国崩溃论」看来言之有据。但陆克文认为中共十八大以来中国经济改革和增长模式是可持续的。

陆克文给出了他上述论断的依据。他不仅参考了有关近期中国经济增长放缓的官方和非官方数据,也考虑到世界对中国出口需求的减少、较高的国内债务、人口问题导致劳动力减少等因素。他说,一旦中国经济出现波动,中国有足够的财政和货币政策能力对经济进行干预,确保增长率保证在6%以上。

这位澳洲前政要也不认为中国从旧有的经济增长模式(基於大量的国家基础建设工程和依赖低工资、劳动力密集的出口)转变为新的模式(基於家庭消费、服务业和富有创新能力的私有企业)注定会失败。在他看来,中国领导人对这一宏伟的蓝图已酝酿多年,中国能够通过不同的需求驱动,保证中国的未来经济运作轨道,「就目前而言,进展和成果都是合情合理的」。

另一位日本经济学者的论点也和陆克文相类。这位经济学者叫濑口清之,他也研究了中国经济多年,且坚持每年都要到中国考察。

他认为,2003年至2012年的执政时期,中国经济维持了高增长,但也的确伴随着高通胀。在上一个执政期,中国发行货币太多,经济出现「畸形肥胖」。当然,这并不是说上个执政期举措全错。

因此,当下,中国的增长模式正在逐渐修正,比如过剩的房产开发、石炭产业,中国政府正在通过市场原理使之倒产或收益下降,中国经济体身上的一些「赘肉」正在被慢慢削掉,经济在向着更有「肌肉」的健康体态发展。

料2030年增长期将终结

濑口清之指,对华经济悲观论者,只是因为不懂中国经济罢了。不管中国还是日本,大多数人都对经济过热持支持态度,真正冷静看待经济增长放缓现象的人是少数。中国经济增速一放缓,立刻就出现各种负面评论,其实不足为奇。

他认为,中国最要担心的是2030年左右,届时中国增长期将终结,若那时出现世界性金融危机,中国必然会受到巨大冲击。那时的中国,如果出现连续5年至10年失业率居高不下,社会不满和不安将无法被释放。若是民主制度健全的国家,会通过选举、轮替等方式来消解,但中国缺乏这一可能,政治制度的改革、调整对中国而言是迫切且必要的。

 
53. 引刀--快 2015-04-25 18:35:36
我引刀讲嘢你哋要信,一个大浪好快打过黎,我讲就喺,吹呀!
54. 技持运输工人 2015-04-25 18:49:31
技持运输工人
55. 珍惜香港 2015-04-25 19:04:55
珍惜香港TO:自我陶醉

真喺唔好意思,我呢篇咁痒眼,又有啲离题嘅超级长嘢,其实喺对果边 129/F 自醉兄嘅回覆。

论坛里面,自醉兄算喺一位好实在同稳阵嘅投资者,所以我决定花啲时间回覆你。但鉴於我嘅时空有限,过咗咁多日至写好,所以 POST 咗响呢度,同时果边另作通知。阁下少上嚟,唔知睇唔睇到,唯有随缘。

我每一篇长嘢,都喺好真实,你觉得似是而非,喺因为你 TUNE 唔啱个 CHANNEL。我响呢度留言,唔喺要教人发达,而喺要同各位展示,响背后推动紧呢个世界嘅宏观因素,同因果关系。呢啲嘢,比我话你知,边样会升,边样会跌,更重要。而呢啲宏观因素,同因果关系,亦喺我作出每一项投资决定嘅关键,点会唔重要?

正如我写果六篇系列嘅第一篇果日,刚刚就喺联储局删除「耐性」一词之后。响全城唱加息嘅环境之下,我反而提出,美国今年内唔会加息,原因喺,佢已经加咗,仲加突埋添!响呢个地产网度,我喺第一个用呢个理由,去否定美国加息嘅留言者。而我只喺吹下水,冇搬出实质嘅数据资讯,但后嚟就陆续有人响度发表咗更详细嘅剖析。当然,我嘅预测,始终喺预测,唔一定兑现;但问题喺,点解我唔使计,就可以达至与其他人嘅分析,相同嘅结论?因为我睇嘅,喺好基础嘅宏观因素,同因果定律,呢啲嘢,无论你点计,结果都喺一样。

低入高出,响投资嘅范围里面,只喺好低层次,好片面。我字典里面,呢啲唔算投资,只可以话喺投机,甚至喺赌博。就好似呢排个股市咁,一时大上,一时大落,一边厢全城唱跌,另一边厢阿爷出手。你冇内幕消息,喺估佢唔到,就算俾你估到,都要捉到个关键时刻架!咁你点赢?港股已经成为咗一个中西战场,而响股海里面,我地只喺万尺巨浪之下嘅舢舨!有人炒股赢咗钱,我会恭喜佢,但唔会赞佢,因为赞佢,即喺害咗佢。

真正嘅投资,喺增持有价值之物,同沽走即将丧失价值之物。至於价钱,只喺反映价值嘅其中一个参数。最重要果部份,唔喺你买入同卖出呢两个时刻嘅价钱,而喺你持有果一段时间内,有冇充分行使佢嘅价值,为你带嚟最大利益。而利益,可以喺金钱嘅回报,或者喺其他无形嘅好处。

投资定义里面,提到获利嘅成份,要有孳息,即喺我上面所讲,行使价值带嚟嘅利益。阁下讲嘅投资,针对目标嘅买卖价位差获利,只喺算投机,唔喺真正嘅投资。不过,芳间大部份人对投资嘅睇法,的确喺同你一样嘅。我喺一个生意人,深深体会到真正投资嘅过程,就如你投资一间公司,回报就喺公司嘅盈利。到你结束呢门生意果阵,可能一个仙都攞唔番,甚至要贴钱结业,但只要公司盈利俾到你嘅总收益,远大於你嘅总投放,咁就已经喺一个成功嘅投资啦!

所以,一个真正嘅投资者,沽走有价值之物,唔喺因为个价位几高几低,而喺为咗用嚟交换更有价值之物。啲人成日话首富卖嘢,其实佢卖嘢,就喺为咗要买嘢。被减持嘅资产,唔等於被睇淡,只喺佢嘅价值,唔及佢要买嘅新目标啫。正如佢地两父子果次话,好嘅物业,当然喺留响度收租,十几厘收益,边舍得卖?估价,都喺超级保守,根本就唔会卖,估咁高嚟做乜?

阁下曾经透露过一啲投资目标;有次我话,你手持嘅一只基金,减咗息。你咁醒目,一定已经沽咗,又或者换咗码,唔好话我知你仲 HOLD 住,你知我讲乜。又有位朋友,手持内房债基;近年成日有人话大陆楼市冧,真喺听到烦,唔知阁下有冇揸呢啲?年头一连几剂内房债出问题,搞到只基金急跌一成几,果位朋友问我点算,我话有咁高息收,冇有怕,跟住梗喺搬出我果套似是而非,话阿爷喺绝对有能力去成就一个软著陆嘅理论啦!可惜,果位朋友,最后都喺忍唔住蚀水离场;依家升番哂,就好后悔当日冇听我讲喎!

不过基金,始终有人为管理呢个透明度问题。今时今日,响我嘅投资规模里面,基金只喺零钱,点可以俾啲三唔识七嘅基金经理,将我座山当玩具咁乱舞。如果你揸紧只股票,赚咗 10%,知道见顶想放,噤下个制咪得罗!好简单喺咪?你手持嘅货值,几万蚊嘅话,OK 吖;几十万?都 OK!咁几球呢?几千万呢?几亿?几十亿?你点放?当你每次舞动你嘅投资,都喺要 PLAN,要 FORECAST,唔喺一朝一夕果阵,就要识得睇宏观,同了解你手头上啲嘢嘅价值,而唔喺价位。声明,只喺举例,我冇几十亿咁多,边有咁夸!

我讲果堆宏观理论,就喺我一生投资之道嘅入门,而资源论,更喺不可或缺嘅基础中之基础。你连基础都睇唔明,喺因为你冇用个心去睇,你带住对有色有铜锈嘅眼镜,点会睇得清楚?今日,你有市值五千万 FP 物业,你会点做?趁高卖咗佢?咁就叫投资?资源,喺唔可以乱卖。你卖咗佢,唔喺因为佢「价值」嘅消失,佢嘅价值,喺冇变过,只喺你认为,佢嘅「价位」已经到咗顶啫,而你呢个「认为」,又唔一定啱喎!你咁喺叫投机,唔喺投资,因为你冇响应该持有资源嘅时候,继续持有,更加冇响持有嘅过程中,充分行使佢嘅价值,为你带嚟最大利益。

今日,你果市值五千万嘅 FP 物业,保守啲,已经可以令你,年赚四球,进取少少,年赚八球,仲未计租金收入呢啲零钱。咁点解要沽咗佢?攞嚟炒股搏一铺?赢硬架?咦?五千万砖头唔卖,边可以好稳阵咁,年赚四至八球呀?唔好问我点玩,呢个唔喺入门。你唔识玩,喺因为你冇用心去对待你嘅资源,只当佢喺投机工具,成日谂住几时沽至喺 RIGHT TIME,边个价位沽,至喺最高。咁你就唔会睇到佢真正嘅价值,更加唔会去揾办法,配合现时嘅经济环境,充分行使佢嘅价值,为你带嚟最大嘅利益。再者,行使价值嘅同时,有机会要锁定资源,短期之内唔可以卖出,咁你一定唔会考虑啦,容乜易错过咗高沽嘅机会架!

咁如果个市转势又点?市场转势,喺唔会影响呢件资源嘅价值,佢始终如一。所以,宏观环境改变咗,你就要变阵去配合佢,用新嘅思维模式,嚟运用你嘅资源。吓?一定有办法架?喺!一定有!虽然环境改变咗,资源嘅价位亦同时改变,但佢嘅价值,喺冇变过,一样可以为你带嚟最大嘅利益,只喺方法同形式唔同咗啫。呢啲就叫顺势而行,凭嘅,就喺你话我果堆似是而非嘢罗!

真正嘅投资者,视投资为一门生意,唔喺师奶炒股。呢排股市大上大落,风高浪急,连博士都要讲下 388。人家追寻刺激,我就成只闷蛋咁,投资嘅规模同形式,丝亳不动,静观其变。我奉劝各位,唔好卖楼炒股,更加唔好按楼炒股。做唔到真正嘅投资者,唔紧要,反正大部分自称投资者嘅,都只不过喺投机者嚟啫。

投机,都喺冇问题嘅,但喺,千祈唔好成为赌徒!
56. 回49 2015-04-25 19:06:47
从9楼的回应得知,引刀的契哥是汤生。
57. 支持引刀运输 2015-04-25 19:08:44
我有朋友1997 顶位沽了自住楼等跌,去到今天,仍是租紧楼,我介绍佢来这里寻找一些同道中人,永远支持引刀同运输工人
58. doraedog 2015-04-25 19:09:13
我都唔知有什么好拗,楼价走势不会因在这里看好或看淡而改变,就是博士言论也不能。
59. 打工仔 Andy 2015-04-25 20:18:51
"越升得多,人与人之间的距离便会越拉越远,到时根本就唔系以聪明人和蠢人去厘定社会地位,社会便越来越冇竞争力" ! 

引刀兄, 

充满智慧的回应! 支持! 
60. 引刀切七一快 2015-04-25 22:27:01
叫引刀估楼市,即叫引到去食屎.

因佢一向屎屙饭,反常人所为,
61. 修正60楼 2015-04-25 22:35:34
系食屎屙饭.
62. Oscar Lam 2015-04-26 00:10:18
回珍惜香港兄,

小弟真心想请教珍兄:

小弟是一名稳阵之人,有用心对待自已嘅资源。平时利用逢三退一卖出一个物业后会很快购回另一个小弟认为更加优质的物业,既珍兄所指的资源。这个优质资源我也没有打算沽咗佢。请问珍兄如何可以做到"你果市值五千万嘅 FP 物业,保守啲,已经可以令你,年赚四球,进取少少,年赚八球,仲未计租金收入呢啲零钱。"
63. 引刀一快 2015-04-26 04:54:26
Oscar Lam兄

唔好爲难珍港兄喇,只买不卖理论喺呢度系最圆滑嘅理论,基本同所有人论调都冇正面抵触,你话升,唔卖有著数,你话跌,唔卖冇有怕,楼市横走,唔卖啱吖!
有李光耀风范,珍港兄我终于开始了解你。
64. 引刀一快 2015-04-26 05:08:00
打工仔兄

我今晚行咗深圳,同师弟打冷,深圳市道胜过广州,我明白点解,依家IT 同 金融都强,而深圳主打呢两味,外围唔好所以资金人材流入,气氛同广州回异,我开始钟意深圳。
要留意嘅系,周边皆差深圳独好。东莞旺区同南山区楼价差十几倍。
65. Oscar Lam 2015-04-26 08:07:32
回刀兄,早上好!

珍兄只买不卖的投资策略小弟虽不太认同,但本身也没有问题,相信很多投资者也是这么做的。

我见到珍兄写在保守下仍有8%年回报的投资,所以真心想向珍兄请教,并无其他意思。
66. P&P 2015-04-26 08:20:57
同意博士文章但认为只有小幅度及短暂调整,想信到下个月已经调整完而转回升市,市场平盘亦已经尽放,发展商已经做好人将一些新楼价压低10-20%做成见底市,奉劝等待市底者应该尽快在这两个月内入市,否则当市况回升,一下子市场上已见快速回升。
同意20/F及非常欣赏汪生对市局、政治、经济的超高视野,如果一向有看汪生文章,你总不会错过近年仼何一个升市及有信心长期持有物业。这一辈近50前后的港人,也是目前楼市最大支持者也是实力最强者,楼市每次回调也意味著将要迎接下一次升浪,97年时中国尚未崛起已经令香港楼升到几高,现在中国如日方中,楼市升到连政府都要惊。现在才刚刚高已经近20年前的97价小小,大升浪尚未开始,唔信?大家不妨看看三年后楼价再升左几多。再看回这个网上的文章。
67. Oscar Lam 2015-04-26 08:24:32
回刀兄,

小弟因业务需要每个月均会来往深圳一、二次,对深圳印象不太好,感觉太多外来人口,人口质素、街上整洁程度、安全、整体城市气派等方面均不如大上海。

小第个人感觉。
68. 八十后 2015-04-26 11:48:32
谢谢珍惜香港兄的教导。小弟似乎明白了投资和投机之分, 投资不在於其价格之高低, 重在其内在价值。小弟会继续努力增持师兄所提及的资源。将来有能力, 可以帮到自己和别人。 
69. 珍惜香港 2015-04-26 12:18:25
珍惜香港TO:62/F Oscar Lam

Oscar 兄,好彩我心中无粪啫,唔喺嘅话,就一定会话你同引刀兄一唱一和,前呼后应啦!哈哈!

我之所以肯花咁多时间同心机,覆自醉兄,喺因为欣赏佢嘅为人。我对呢度每一个留言者,都有细心去观察。虽然自醉兄好多睇法,同我唔一样,但都只喺意见上嘅分歧,唔会谂多;而佢嘅言论,亦好实在。记得有人响度请教过佢关於投资嘅目标,佢真喺可以连买边几只都写埋出嚟。

关於你嘅问题,答案响环球经济新常态第一个系列果度,就已经提过,只喺当时冇响数字上举例说明啫。呢度有啲留言者,亦有类似嘅投资模式,但佢地好少提。其实,我已经写咗好多,亦唔想写得太详细,以免读者因为一知半解,而误入歪路。

阁下曾经话过,住宅物业,除咗第一层自住之外,其他均属投资产品,同股票、基金等无异。既然喺投资产品,除咗租金收入以外,更加应该要追求价格嘅升跌。

但我认为,物业,唔喺投资产品,而喺资源。而对资源嘅投资,更加应该要睇长线,同必须响持有嘅过程中,充分行使佢嘅价值,以取得最大利益。即喺话,除咗租金收入以外,一切因资源价值衍生嘅特性,都要充分被利用。所以点解我果次会提出优质资产嘅定义,同列出高回报,可抵押,同保值呢三个特性。充分利用呢三个特性,先至可以完全发挥物业嘅实用功效,带嚟最高嘅回报。

最稳阵嘅做法,不外乎只买不卖,收一世租;就算喺沽,都只为换上更优质嘅资产。果次写咗环球经济新常态第一个系列之后,记得阁下同自醉兄,都有质疑过我嘅风险。其实,好多人投资物业,都要攞尽埋个价差利润,咁嘅话,佢地咪一样要面对市场变数?佢地嘅风险,唔见得比我低,所得嘅回报,亦唔见得比我高。

我喺一个生意人,自然有所盘算;真正嘅投资者,视投资为一门生意嘛

阁下喺聪明嘅投资者,应该知我讲乜。
70. 打工仔 Andy 2015-04-26 12:19:09
引刀兄, Oscar兄, 

深圳是移民城市, 人流多及多元化系事实, 但优点是回港快速, 对外交通十分方便! 
这是与上海不同之处, 深圳是窗口城市, 上海是国家金融重点, 各有所长! 
71. 打工仔 Andy 2015-04-26 12:22:41
引刀兄

有时间去南山行一转,非常好! 
72. Oscar Lam 2015-04-26 13:39:07
回珍兄,

"Oscar 兄,好彩我心中无粪啫,唔喺嘅话,就一定会话你同引刀兄一唱一和,前呼后应啦!哈哈!"

知我者,珍兄也,哈哈!

物业,喺投资产品,或者喺资源都不要紧。最重要的是我们都非常珍惜它,且大家都是睇长线,虽然大家对於长线的定义有点不同。

真正嘅投资者,视投资为一门生意嘛!"

这一点我十分同意。所以我视投资物业为种植果树。

至於兄台说我是聪明的投资者,小弟实不敢当。小弟只是尽力种植果苗,并每天浇水、施肥,但最终是否能够生长出果实还要看天气,靠运气。
73. 引刀一快 2015-04-26 14:19:48
珍港兄

就算一唱一和都同粪唔粪无关,我讲亲都系真心话,我认为只买不卖适用范围唔广。

另外,如果我咁様答句嘴就叫一唱一和,咁我日日对住咁多幪面超人三重唱、四重唱,仲驶发言嘅?咪咁敏感喇,珍港兄。
74. 引刀一快 2015-04-26 14:32:32
打工仔兄

见微知著,行一小圈已经发现今日深圳大不同,以前我同OL兄一样唔钟意深圳,再深一层嘅体会系深圳满是外地人,但系人情味比广州还要淡薄好多,但系发展又远未可以同香港比,意味著呢个地方存在好多不合理、不协调。我历年经过深圳超过1500次,留底行下就十只手指数得晒。
寻晚同师弟食饭,发现深圳气氛变咗,而且睇到唔少长足嘅改变,虽然我仍然觉得楼市好大机会冧,但系深圳明显穏过广州。
75. 引刀一快 2015-04-26 14:39:45
Oscar Lam兄

我明白你嘅感觉,主要系同上海嘅对比好大,我少去上海,上一次已经系几年前嘅世博,但系长期留上海工作嘅朋友有讲过上海嘅排外情况,我相信唔会比香港好几多,所以好处系大部份外来人口喺呢种气氛下都比较克己,而广州、深圳就相对迁就外来人,所以比较乱。
76. 引刀一快 2015-04-26 14:49:06
Oscar Lam兄

我老婆刚刚喺北京返嚟,北京楼价仲系好癫,呢个我认爲系败兆,哀鸿遍野嘅惨像已经唔系太遥远。
77. Li 2015-04-26 15:16:22
刀兄,小弟是很多年也没有过罗湖桥的人,对大陆情况非常大熟。!
最近得知一位 45 岁的物流公司中层管理人员朋友失业了,因为分司生意唔好!
佢同我讲,其实珠三角D物流业都开始唔掂!
主要是去了是长三角!
可真有这情况!?
另刀兄常提大陆爆镬,是政治还是经济上呢?
78. 引刀一快 2015-04-26 15:42:55
Li兄

大陆物流业系进入整集时期,汰弱留强,系咪去晒长三角我有保留,政策倾斜系一直都有。

大陆经济系有问题,政治好稳健,无论听到乜小道消息都好,中国政治好难出大事,呢点唔驶惊。
79. Oscar Lam 2015-04-26 15:47:21
刀兄,

我对於大陆一线地区的房地产还是较乐观的。现在大陆的经济实体是差了一些,但政府放水、降息,许多钱反而流到股市、楼市那边去了,对楼市有支持。所谓生意淡薄不如赌博。当然这个情况不知能维持多久。
80. 引刀一快 2015-04-26 15:53:59
Oscar Lam兄

大陆太多人,加上人口老化,呢个情况系我最担忧嘅,假如美国依家锁国,本土资源养得起全国人,如果大陆锁国,本土资源养十几亿人就好凄惨。
我讲紧乜你一定明白。
81. Li 2015-04-26 16:28:05
多谢刀兄指教。
82. 引刀一快 2015-04-26 17:32:22
To 51楼 肥婆四兄

引刀只系小打小闹小人物,喺大陆咩都唔系,物业边度比得上呢度嘅师兄吖,饮食业依家系复苏,势头好劲添,抢铺好进取,因爲A股掂嘛,中高级消费会好咗好多,但系呢个牛市玩几耐就难讲。
政坛人物讲嘅嘢,我一般都系带批判有戒心,可以参考唔会尽信,産能过剩唔系呢两年嘅事。
83. 肥婆四 2015-04-26 19:19:29
引刀兄,你唔系广州姑爷咩?使乜咁谦啫。政坛人物讲嘢聴得出嘅,虚实有个普,聴多啲,又睇埋其他人分析,八九不离十吧。
84. 引刀一快 2015-04-27 01:05:36
唓!肥婆四兄唔驶咁嚟讽刺引刀卦,引刀did咁多嘢只及糊口,姑爷就冇份喇,咕喱就日日做紧。

依家大陆系点,最好就系到处走走,成日留系一綫城市睇国家。只会睇到繁荣嘅部份,就如我寻日行深圳,市面喧閙繁华,谂深一层,正系外围惨淡,加速有条件嘅人向繁华地靠拢、进发嘅徵兆,但系终归系同一个国家,地方之间总系相连相关嘅。
85. 自我陶醉 2015-04-27 13:03:15
To:  楼 珍惜香港兄

多谢珍惜兄的回覆!  兄台对投资和投机的定义, 确实与衆不同, 令小弟大开眼界。

想请问兄台, 如果你认为买股票就是投机, 那么像股神买可口可乐股票那样只买不卖, 又是否投机呢?  在全球的退休基金里, 很多钱都投进了股市及债市, 那他们又是在投机吗?  我之前也在这里说过买股票要用投资入股做生意的心态买入, 长线持有, 我觉得自己与入股私人公司做生意无异, 分别只是那家公司是否上市。在阁下口中怎么又变成投机了啊!

个人认为投资与投机不在乎钱放到那里去, 只在於放钱的人的心态, 买楼可以是投资, 也可以是投机, 同样买股可以是投机, 也可以是投机。至於兄台说的5千万物业, 除租金收入外还有额外几球的“唔系入门”业业收益, 我和Oscar兄一样都很有兴趣向兄台讨教,请问是否涉及再融资及投入其他投资活动呢?  那些不知算是投资还是投机呢?



86. 运输工人 2015-04-27 14:21:31
珍惜香港兄:
多口插句,小弟认为投资都是由投机开始的.
87. 引刀一快 2015-04-27 20:16:15

自我陶醉兄

最近系咪好忙?

88. 自我陶醉 2015-04-28 08:20:59
回引刀兄

是的, 这几个月要打醒精神。 随著股市狂升, 有些股价已变得不合理了, 是时候调整投资组合。 
89. 自我陶醉 2015-04-28 10:38:01
Oscar兄, 早晨!  知道, 我太懒惰了。
90. 珍惜香港 2015-04-30 00:32:51
珍惜香港TO:85/F 自我陶醉

自醉兄,我边有话,买股票就喺投机?

我只喺话:

真正嘅投资,喺增持有价值之物,同沽走即将丧失价值之物。而最重要,就喺持有果一段时间内,必须充分行使投资物嘅价值,以带嚟最大嘅利益。

所以我对投资、投机嘅睇法,喺符合投资定义,请参考蓝色字连结导向嘅 wiki 解释。当中提到孳息,就喺我上面所讲,持有投资物过程中,行使价值带嚟嘅利益。

买股票,一样可以喺投资,但必须要长期持有,赚取孳息先至算喺。响冇孳息嘅情况之下,单凭预期有价格增长而投入资金,严格嚟讲,都喺投机。关於呢一点,投资定义里面喺咁讲:「事实上,根据效率市场假说,即使针对股市资料来完整分析者,也不算是理性。依此定义延伸下去,所有自以为理性的股权持有者,也不能视为投资者,而是投机者」。

其实,买股票嘅人,有几多个喺为咗赚取孳息,又或者因为睇好股票内在价值嘅增长?佢地多数都喺为咗想食住个浪,短炒图利;就算喺长期持有,都只喺为咗等待下一个经济周期嘅来临,希望凭货币、政策、同环球经济呢啲外在因素,推动股票市场,带动股价上升而间接获利。呢啲根本就唔喺投资,只算喺投机,甚至喺赌博啫!

至於 55/F 嘅后半部,讲关於资源投资,喺一个 SUB-TOPIC。我唔喺话,只有投资资源,先算喺投资嘛!希望阁下真喺用心去睇我嘅回覆,唔同意唔紧要,误解咗就唔喺咁好啦!

关於五千万物业嘅例子,租金收入以外,八至十六厘额外回报,当中的确涉及融资同购入嘅活动。呢样嘢,可以用两个唔同角度去睇嘅。行使物业嘅融资价值,再投资响另一门好似财仔咁嘅生意度,赚取孳息;又或者,一个较宏观嘅睇法,就喺将物业资源嘅实质价值,影射到现今嘅经济环境度,以赚取配合呢个经济环境最高嘅孳息。

严格嚟讲,果八至十六厘孳息,完全喺由物业资源本身嘅内在价值衍生出嚟,而涉及嘅融资同购入活动,只喺运用资源生产最可观利润嘅一部机器啫!