地产博客 > 文亮言 返回
浏览人次:89087    回应:151
文亮言

辣招,按揭,租管

 

汤文亮博士

纪惠集团行政总裁
2015年2月6日

  最近,细价楼楼价飙升,在楼市供应量未能满足市场之前,政府可以做的事情不外乎加辣,收紧按揭,或者推出租管。前两种方法政府不但已经做了,而且做了很多次,辣招不断加辣,SSD之后,推出BSD及DSD。再之后,延长SSD年期及增加其税项。如果不在物业市场搵食,我相信未必有人可以立刻讲出上述三种特别印花税详情。可想而知,政府修改了几多次,老实说,辣招到现在已经辣无可辣。再出招,倒不如禁止市民买楼还显得干脆利落。
 
  银行收紧按揭,亦达到史无前例,当然,在日治时代,市民根本不能向银行借到钱买楼,现在的情况是稍佳,只不过,现在不是日治时代,用日治时代的方法管制楼市,是不能长久。香港经历三年零八个月的日治,便再次重光,政府为纪念这日,特此放假一天,叫“重光纪念日”,现在,未知银行几时可以放宽按揭,会不会有重光的一日。如果银行继续收紧按揭,又让那些财务公司肆无忌惮参与物业按揭市场,很快,物业按揭将会变回日治时代。我不是说笑,虽然大多数日本银行早已撤离香港,但“日立”在较早以财务公司身份重回,不但可以避过金管局监管,可以放任借尽,更加可以收取高利息,银行家早已牙痒痒,但又没有奈何。正因为政府放生财务公司,导致细价楼业主可以向财务公司借钱而不受政府监管,最后,细价楼楼价急升。只要政府将银行和财务公司一视同仁,细价楼楼价才有望回落。否则的话,唯有出租管,我一讲租管,很多网友便发出反对声音。从回应来看,他们并不认识租管。我会另外写一篇关於租管利与害的文章。
 
  政府一向以来打击楼价,都打正稳定民生旗号,但所做的事,出的招却又反其道而行。辣招,收紧按揭都是针对豪宅及中型单位,细价楼影响轻微,如果真的出租管,都只是管制豪宅及中型单位,细价楼一样会飙升,故此,出租管,一定要从细价楼着手。我认为,二万五千元以上租金就不用管制,因为那些物业市价应该超过一千万,不是民生楼。其次,要有一个年期,五年就差不多。在未来五年内到期物业,都可以冻结其租金或加租不得超过10%,上限二万五千元。在这五年,政府解决房屋问题的工作就是增加供应,待供应稳定之后,便应该如期放寛租管及逐步放宽辣招,即使是如此,SSD推出已经接近十年,不是一个临时措施,如果政府未能如期增加供应,楼价继续飙升,再出招都没有用,所有问责官员应该下台,让新官员再想办法。

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. 收租王Tony 2015-02-06 09:12:33

其实租管都唔会有用

我租俾人一定打大租约先,然后提供租金折扣,然后搵一个肯配合的租客立约...

如现租金$10000,新租管租约打定$17000,再提供$7000折扣不入约,

收租佬不会有损失,但租客如果唔交租就......

仲有最大问题,差饷估价会上升,租值上升,得一间楼d业主就会增加成本,因为差饷就会狂升..

其实博士冇乜细价楼系手,唔好俾咁多提议干预市场,因为越出招只会越乱,你持有咁多中高价楼,有冇兴趣谂多d方法打残埋中高价楼既楼市呢?

2. pp leung 2015-02-06 09:27:59

I don’t support the point of "推出租管" will down regularate the rental market as most property investors are now too strong that they will select the best tenant to rent rather than those low middle class tenant. Even let the flat vacant. The property market will soon shortage of rental flat suddenly. This measure is very very dangerous if the government adopted. The Government had done it wrong at the very begaining, the government should not do anything that deform the normal market leading to the situation not difficult to control.

3. pp leung 2015-02-06 09:29:39
now difficult to control
4. 打工仔 Andy 2015-02-06 09:40:39
《明报》报道,过去於豪宅市场经常出现「一盘多按」的现象,近期似有蔓延至中细价物业的趋势。标榜 「港人港楼」的长沙湾喜雅於2012年开售至今,短短2年多竟惊现4按银主盘。代理指出,该银主单位位处2座极高层,原业主於2012年斥571.5万元向房协一手购入,过去1年先后向银行、房协及私人财务公司(俗称财仔)承造4次按揭,最终因无力偿还债务而沦为银主货,近日获多组买家争购,并以688.8万元沽出,成交价创屋苑2房新高。
5. 亮剑 2015-02-06 09:41:53
汤博士……

呢次我唔撑你,因为我老友 PP 做咗一份研究,佢发现呢家上细码楼买家的实力,并非普通人睇咁弱,而且佢哋可班出来的首期同供款能力,竞然强过好多换楼客,详情请你去 PP 果度瞄一瞄。
如果你真的有少少时间剩,亦可顺便睇埋小弟的回应。
6. Peter Paker 2015-02-06 10:14:58
博士,小弟今次不同意您关於租管的看法。首先,根据1950 - 1960,由於民革逃亡朝,香港人口由50 - 60万十年间急升至200万(印象中,per 王于渐一本讲房策的书),当时租金急升,因为住宅严重供不应求。於是乎,港英政府实施租管。由於租管当时限制物业应有的价值,冇人买楼,当然亦冇人起新楼。冇人起楼,就解决唔到供不应求呢?除非政府包底起哂所有屋

但是,供不应求的问题是须要新供应才能解决。最后,使到出现更多、更细的劏房,其次,在当时,有超过1000间开发商,不过他们是起木屋及尞屋,唔系起正常楼。

去番今日的香港,若然政府今日出租管,我敢写保单,一定冇人去投地及起楼。冇新供应,又如何解决供不应求?运房局所谓的70000几个的潜在供应冇5-6年都出唔到市场,根据歴史数据的 pattern。同时,果70,000个潜在供应在冇新供应下可以顶到几耐?不要忘记,香港今日日有112万间屋。

现时租、卖盘已严重干水,再加上每年香港有3-4万新增家庭,以及冇人愿意起楼,但需求持续,你估我有冇计在租管以外的额外金钱?到时,我恐怕系租客迫我收$叫我租俾佢。

博士,小弟如有得罪,还请多多包涵




7. Weinilourson 2015-02-06 10:17:47
The international experience of rent control is that it doesn't work. Low income families will not be able to rent what they are renting now, and there will be a shortage of rental flats immediately. Developers will not build new flats anymore. 
You can look up the experience of rent control in international cities like New York. 
Please do some research before making such comments. 
8. 打工仔 Andy 2015-02-06 10:49:27

博士

你今天的文章如果比人利用, 大造文章话你支持实行租管就大件事了!

9. 挪威拟立法禁施舍乞丐 2015-02-06 10:53:01

 

应该学吓发达国家如挪威,所有受资助或去资助他人的都是违法,甚至判囚,天下太平。

 

挪威政府拟立法在全国禁止行乞,甚至连民众向露宿者施舍金钱、食物或提供庇护所住宿,也属违法,最高可被判囚1年。当局指法例旨在打击经营行乞网络的犯罪集团,但有议员斥当局变相提倡「穷人有罪」,「欧洲最富有的国家当欧洲最穷人口是罪犯,连求助都要褫夺」,亦有志愿团体担心日后或因向露宿者提供食物和食水而被监禁。
10. CY撑本土,本土爱租管! 2015-02-06 11:14:09
最好亦最容易实行的租管系禁止租楼比非香港永久性居民,佢地一系唔来香港,一系就比BSD买楼,咁就最有效,打残收租佬,楼淡租楼日日赚,政府又可以多税收,以CY连投资移民都可以叫停,行呢一步都唔系冇可能。

11. 路人 2015-02-06 11:23:59
租管在2014年7月时取消,当时行政会议召集人是CY,林郑是房屋及规划地政局常任秘书长,要他们今天已经高升的我打倒昨天的我,太阳从西方升起来比较容易些!
12. lga908 2015-02-06 11:46:59
博士  你咁样提议  很快所有楼租金就会以各种名目加到$25000
13. lga908 2015-02-06 11:49:07
1楼 Tony 嘅讲得十分好!
14. Richard Tong 2015-02-06 11:49:58

Very appropriate opinion!  Like
15. 路人 2015-02-06 11:58:32

生约是指租客有权以协议的租金,再续租该单位,换句话说,业主无权不续生约;当然,如果租金下降,低於协议的生约租金,租客宁愿不要生约的权利,再与业主达成租用协议,所以生约基 本上都是对租客有利的。

以上正正就是有租管时的情况,但在今时今日一切都是要按租约执行,现在一年生约一年死约,租约会写第十三个月之后双方都有权终止租约,而并非只有租客有权以协议的租金,再续租该单位,业主无权不续生约,一切合约都是对等的!如果只有一方可以做而另一方不可以做,这就是不平等条约,律师会请你们马上将你们网站『法周刊』的有关内容更正,不要误导市民!

16. 亮剑 2015-02-06 11:58:58
最近买咗迎海星湾的小业主陆续收楼,K 宝话成个2期 8xx 个单位,只有几 % 单位放租,实尺租两房平均成 34 元,叁房就系 32 。

其实呢几年因为政府打击房价打得实在成功,因为佢好成功地将首置客外的所有潜在买家,打得 7086!


旧阵时每当大型楼盘收锁匙,定必有短线客,因为唔想上会而平沽,但现在有咗 SSD 3 年锁定,呢D「执死鸡平盘」,无晒!

那发展商啲货尾,再无人同佢搞乱档,当然做埋清一色,唔通仲同你食一番或鸡糊?


往日大盘收锁匙,如果长线投资者「 踊跃认购」的话,地代果 D 锁匙真系多到要用苹果箱黎装,咁那些有实际租楼需要的小夫妻,真系可以「任拣」!

你要高层、有靓景、个则实用、向南向海,任君选择。

而且因为租盘海量供应,你当然做果班收租佬世界啦,长达两年死约之余,一手有会所泳池全新楼的尺租,竞可低过同区百无半新旧,大家已经耳熟能详,但现在无呢支歌仔唱啦,因为买咗呢 D 大盘嘅小业主,绝大部分系分支家庭或上车客,他们大多在装修完之后,就搬去自住,那租盘从何而来?

因此有租住需要的人,一来拣无可拣,二来你希望压人价,唔该过主!


因为有人打房,咁发展商当然就住玩唔同你癫,之前间唔中攞D农地、工厂、发电厂及货仓去同政府倾换地及补地价, 当然「彭美拉伤」,无人再去搅啦。

政府呢个打房政策,讲句衰 D 系用火水来救火,嗰班边缘置业者及有实际居住需要的租客,直D讲「 真系多得你唔少 」!
17. 顺口开河 2015-02-06 12:11:15

汤博士近日顺口开河,好易走火入.......魔。


18. windyhk 2015-02-06 12:15:41
在供应没有大增加的前提下,成个POOL无大变过。
根本塘水滚塘鱼的情况。
但原本塘水还有一些流动。卖出买入,出租完约等等。
3D已经减少卖出买入的流动,还要向出租完约打主意?
3D挟升楼价不认,将来租管挟升租金更不会承认。

池塘不加大,又减少塘水流动,塘鱼岂有不窒息而死...
19. yylam1126 2015-02-06 12:33:28
大家不用讨论太多, 最王道租管分析一定是张五常的:

theory of price control 
20. 同意1楼Tony 2015-02-06 12:42:03
唔该笔者都建议吓租管,管吓自己D中价贵价楼以及写字楼店铺嘅租金,唔好剩系话呢D物业唔系民生
21. 恕我直言 2015-02-06 12:55:18
博士点解吾打冧豪宅市场先,点解要推冧细价楼先?推冧细价楼,现有业主点算,反而推冧豪宅,正如你所说不是民生楼,对普罗大众影响冇咁大,只要豪宅楼价同租金下调,自不然细价楼跟著下调,吾通贝沙湾租万三,D人仲用万几租沙一咩。再者租管点解要有分水岭。老百姓就不能享有楼价升幅,租金收入。我觉得博士今次比较自私。
22. HK CHE 2015-02-06 12:56:22

 Poor Analysis mr. Tong ,

 Those buying property less than 6M, are real investors nowadays, they already sold their luxury property, and in return buy 10x small flats to collect rent. Due to the rental return, bank mortage advantage, and bigger market ;

 That is the reason why small flats rise up so suddenly and signicantly !

 

23. 收租王Tony 2015-02-06 12:57:54

我其实都好欣赏博士既文章,不过佢话$25000租金以上唔系民生楼,唔应管制,我就唔系好认同,大家都系收租佬,靠收租搵食,要管,就一齐管,要赚一齐赚,要仆街就一齐仆街,点解要分化?佢自己同佢千金有大量中高价收租楼就唔管,管自己手上冇既上车盘d租盘政策,好彩佢唔系政府官员,否则系下一个松松...

就算推租管,我地收租佬都会有方法应对,除非你唔租,高价租盘租唔起,上车租盘你都要租住先!

一推租管,冇新收租佬入场再买楼放租,因为怕烦,阵间租左俾但阿婆拉柴仲大镬,即变凶宅,长者一定冇楼租,因为业主唔会租俾你,然后地产商唔起咁多楼,冇新收租佬买楼放租,市场缺上车租盘,租盘价升,优质单位业主就会选个优质租客,到时你就知租管既利害!

我之前讲过我会打大租约将$10000去到$17000,会推高差饷,其实唔止..

呢个价真系会慢慢成为市场价,因为市场已冇准确租金数字,$17000就会成为真正租值!

我都好有兴趣如果租金可以好似车保咁有NCB都唔错(当然NCB可以每2%/5%咁上),

第1年$17000个月,第2年续租如第1年冇Claim过任何野有5%NCB,即第2年月租$16150,如此类推,咁都几好,起码租客为左下年多d NCB会锡住你d野黎用...

呢度真系学到好多野,我有几间楼收租,都要多谢大家对楼市既睇法,各位作者加油,多谢你地!^_^

24. dz 2015-02-06 12:59:16
租管无论以任何形式推出,一定会制造大量黑市交易及(经济学)无谓损失,对而家民望处於水深火热政府,一点好处也没有。

另一方面,租管立竿见影系即时推高租金,政府何必推出一个在三个月内便可在RVD看到不利效果的政策?

难道政府乐见租金升幅比楼价升幅大?不太可能吧。

博士,今次真系好难同意你的看法。
25. 大宝二宝 2015-02-06 13:08:41
又讲租管,唔通博士写到冇嘢好写?
26. 博士老懵佐? 2015-02-06 13:21:48
to 一楼收租王tony
非常支持你的论点
博士今日傻q佐,好似系比人冒名写篇文甘
几年博士d文章都唔系甘架风格,今日呢篇真系不敢苟同
简直鸠up一样
27. 不敢苟同x2 2015-02-06 13:24:40

又讲租管,唔通博士写到冇嘢好写?x2
看完篇文,我想撕烂同博士的合照😂

28. 亮剑 2015-02-06 13:32:14

亮剑 2014-03-24 11:31:10我咁写

截到昨晚止,贴市价推盘的长沙湾丰滙未开卖先旺场,久违的睇楼排队人龙再现,现时累积入票约3 千张,日内有望加推,预料本周六(29日)开卖。昨午现场所见,售楼处外集结人龙,并且打晒蛇饼------

 

现在新盘开价有一个现象,就系三房有折让、两房贴市价!

而一房单位,因为之前开卖嘅新盘及货尾,镬镬一炮过清仓,因此地产商不单止冇平卖俾人,仲会开出溢价揾翻少少,以补贴大码货滞销之损失。

政府之前推限尺限量地,本想增加整体楼宇供应来造数,那发展商仲唔借题发挥,先落个低价来食你政府库房头注?

再借政府呢个 3 D笨招,锁死那些 2AB类中下价供应,地产商便可提供各小业主不能承受嘅弍按安排,以及 SD回赠吸客,因此呢 D限尺限量地所起嘅楼,好大可能食埋 2 岛」!

再计埋呢个打房政策,话就话打击需求,实际上连供应都打击埋,因此政府随时输埋个尾!

呢几拾铺政府同地产商玩嘅十三张,真系好可能头弍尾到输晒,随时通派!!

 

现在嘅状况系:-

上车客买楼冇平到,随时同大码楼买家代找 SD

政府加埋晒整体上土地供应冇多到,楼宇库存龟速增长。

整体上平均卖地价低咗,成交狂跌印花税少埋,库房收入减咗唔少。

搅到小业主鬼揸、地代猫挖、装修及律师小露宝!

剩下有米嘅 D E类买家,可用「平价」买倒楼!!


…………………………


楼上各位C兄,大家少安毋躁,请睇小弟上述回应,政府呢几年所出的花椒八角,全部都是「表面打七你、其实帮紧你」;反之「表面帮紧你嘅,实在系玩九你」!

请大家醒目D,「正言若反」!

现在政府「话」将会收紧细码楼的按揭成数;加压测去到4厘;按保只按到八成;与及汤文亮放风搅租管……全部都要用半杯水理论去考量。

29. 惜缘 2015-02-06 13:38:13
我谂博士系用心良苦,大家讨论下租管的害处,等班官员唔会乱推出百害而无一利的租管,我是这样理解的,请各师兄多多指教、多多包涵。

30. 正义之士 2015-02-06 13:44:57
楼上既收租王tony真系仆街 走法律罅不特止 仲做假文件 香港真系好多好似你咁仆街既人
31. 岛半山红 2015-02-06 13:48:36
博士近日出文有点奇怪, 是否别人借博士之名吹风, 为租管试水温
32. 收租王Tony 2015-02-06 13:54:03

30楼正义之士:

你黎帮衬我租楼,我租约打$17000,唔俾折扣你,收实你$17000点系假文件,

如果跟据厘印租金俾折扣都系犯法,咁唯有收足你啦...^___________^

有租管后黎租楼必须提供验身证明及不少於5年的粮单及收入存款记录,

有以上文件又不少於50岁先谂下租唔租俾你,

5年喎,你60岁身体健康,但64岁拉柴点算?

 

业主都有风险的,哈哈,到你租到60岁你就知!哈哈!!!!即管推租管啦!

第一个冇楼租果个就系你!!!

33. 正言若反 2015-02-06 13:54:23
博士都系为大家好,QE又杀到,政府冇法,唔想j176-689做傻事,唯有尽力叫投资者唔好买,大家睇左博士咁多,多数都了解楼市法则,后市如何心照不宣,而家都系少说为妙。
34. 平淡 2015-02-06 13:55:35
楼上D人冷静下先啦!

咪听到D唔啱听既就嘈先得架!?
所以咪人地有几百亿身家自己无既分别LAW!



35. 满记 2015-02-06 14:05:10
若果汤生大部份物业是上车盘,汤生写淡细价楼时,会否轻手 D 亚?
36. 打工仔 Andy 2015-02-06 14:26:52

平平贵贵都好, 私楼就系私楼!

要管可以管已出售的"公屋及居屋″, 因为在楼价已有资助!

37. 不负少年头 2015-02-06 14:35:30

to 1/F 收租王Tony

如果按你的方法买层一千万的楼标价一蚊再回番差价俾卖家stamp duty 咪悭好多.

咁样做是犯法的, 如果收租王通利之前咁样收开租, 证明你同租客的关系很不错, 人脉广.

共勉之, 哈哈

38. 中女社社长 2015-02-06 14:39:53
细看RVD的租金指数, 不难看出当中走势, 系AB类升, C类平稳DE类下跌. 将会出现有人冇楼住 (细价), 有楼冇人住 (大价)既情况出现. 租管是Intervention, 对自由经济体系相当不利! 现时市况正是因政府错判形势导致.

政府既错, 比佢一句飞埋黎已经妖化业主, 政府政策失当推行辣招, 锁盘效应令楼价飞升! 政府如果又想攞业主比租民消消气? 咁业主道气边个黎帮我地消?
39. 岛半山红 2015-02-06 14:47:34
博士今次俾人插到飞起, 人身攻击都有埋, D信徒粉丝都唔出来帮口, 睇怕尽失人心
40. 大宝二宝 2015-02-06 14:52:59
回37

未必系犯法,你系用$17,000 去打厘印,唔系$10,000 。 已经比多左厘印费。折扣回赠可以用住客帮业主清洁费比返租客。只不过系你搵唔搵到租客信得过业主信用啫,不过第时冇咩租盘怕又不是冇可能。

纯讨论,不喜勿插。

共勉之,哈哈!
41. 二万五千元以上租金就不用管制 2015-02-06 14:54:44

博士既然讲得出 " 二万五千元以上租金就不用管制,因为那些物业市价应该超过一千万,不是民生楼。"

你懂的 ~

43. 读者 2015-02-06 15:25:08
博士, 听讲你有个年宵摊位, 系咪只卖书? 会唔会连租金都蚀埋? 有无啲乜特别搞作? 如其他博士出嘅纪念品卖?
44. 蜕变中嘅懒人 2015-02-06 15:33:59
懒人在40年前,当年廾几岁时买弟一个细单位,当时正实行租管最严励之时,每2年加租不得超过百分之廾,加多过百分之廾若租客反对要法庭批准,若租客要续租业主不能反对,想收楼要求个租客同意(当然要俾够着数益个租客),否则要向法庭排期至少六个月,期间不能收租,最惨就系请埋律师打成功率都低过一成,因为法官当时考虑嘅因素系困难大嗰一方至可得值胜诉租客困难多数比业主大、而且以相同租值一定不可能租到同様质素单位,业主几乎一定输硬,当时懒人要靠租金补贴否则人工未够供楼兼食西北风,所以一定要出租帮补供楼,可惜屋漏更兼逢夜雨,我个租客系租管个仔叫做租霸,佢一年之后开始直头唔交租,懒人未到月尾就无钱开饭,当时同亚妈住唔驶交租都唔掂,亚妈一边借钱俾我一边叫我悭啲使,当时实在悭无可悭,郁涩无奈、伤痛最深是无泪亦无言,当时懒人心中埋怨天理何在、法理何存、什麽是合约精神!

博士话:(我一讲租管,很多网友便发出反对声音。从回应来看,他们并不认识租管。我会另外写一篇关於租管利与害的文章。)懒人已尝够租管嘅害处,好想知租管对当嘅我作为一个如厮小业主有好处!
45. 蜕变中嘅懒人 2015-02-06 15:35:07
懒人在40年前,当年廾几岁时买弟一个细单位,当时正实行租管最严励之时,每2年加租不得超过百分之廾,加多过百分之廾若租客反对要法庭批准,若租客要续租业主不能反对,想收楼要求个租客同意(当然要俾够着数益个租客),否则要向法庭排期至少六个月,期间不能收租,最惨就系请埋律师打成功率都低过一成,因为法官当时考虑嘅因素系困难大嗰一方至可得值胜诉租客困难多数比业主大、而且以相同租值一定不可能租到同様质素单位,业主几乎一定输硬,当时懒人要靠租金补贴否则人工未够供楼兼食西北风,所以一定要出租帮补供楼,可惜屋漏更兼逢夜雨,我个租客系租管个仔叫做租霸,佢一年之后开始直头唔交租,懒人未到月尾就无钱开饭,当时同亚妈住唔驶交租都唔掂,亚妈一边借钱俾我一边叫我悭啲使,当时实在悭无可悭,郁涩无奈、伤痛最深是无泪亦无言,当时懒人心中埋怨天理何在、法理何存、什麽是合约精神!

博士话:(我一讲租管,很多网友便发出反对声音。从回应来看,他们并不认识租管。我会另外写一篇关於租管利与害的文章。)懒人已尝够租管嘅害处,好想知租管对当嘅我作为一个如厮小业主有好处!
46. 蜕变中嘅懒人 2015-02-06 15:44:34
好想知租管对当时嘅我作为一个如厮小业主有好处!
47. 大宝二宝 2015-02-06 15:47:24
CCL136.35 又破顶,唉…………

共勉之,哈哈!
48. 打工仔 Andy 2015-02-06 15:54:08

懒人兄

我估租管利与害都是以租客为重心, 目的是打沉小小小业主!

我相信博士只想带出来讨论而以。

49. 打工仔 Andy 2015-02-06 15:54:36

孖宝兄

CCL136.35 又破顶!!就快死得, 哈哈哈!

50. 您当博士傻?! 2015-02-06 15:55:00

人地博士令千金啱啱先入左四个红山半岛收租;

您叫博士支持租管管埋豪宅....

您当博士傻?! 倒自己个女米.... Ha..ha... ha....

51. 蜕变中嘅懒人 2015-02-06 16:04:58
TO 48楼 打工仔兄
懒人呢2日嘅感觉系:跟咗好多年、最睇自己嘅大佬竟然系卧底!
讲吓笑啫,睇多2篇博士嘅文章就明白系误会嚟嘅。
52. 蜕变中嘅懒人 2015-02-06 16:31:18
人不为己,最够抵死!
懒人现在DIY紧嗰2只小猪迟啲至租岀,满咗生约嗰只小猪就出信收番,睇定啲先租,因为闻到租管味,唔收够筹几大都摆喺猪栏养住先,暂时咁做睇定啲先。
53. 不负少年头 2015-02-06 16:32:55

to 懒人兄

推咗租管会唔会在法庭上叶主同租客比边个够我惨(唐伯虎点秋香)

共勉之,哈哈!

54. hkcl88 2015-02-06 16:51:54
将军澳一个3房都2.3万-2.4万,2.5万有几难, 咁都唔系民生有关?
55. Ssandy 2015-02-06 17:02:57
如果有租管就不会一年生一年死, 每年加5%, 永无减租啦!
56. 运输工人 2015-02-06 17:03:29
汤不入地狱,谁入地狱.
无间地狱,哈哈!
57. 收租王Tony 2015-02-06 17:20:24

其实租管最应该推既系商铺

做生意最大既问题系加租,小铺生存唔到都系加租。

如果工商物业都推租管(博士收紧租果d),影响民生就最小!我话既!!

工商铺一签5年,咁租客就会放心投资、装修、咁就会对民生有最好既影响,

 

唔知博士同唔同意??^____________^

58. 亮剑 2015-02-06 17:21:14
锐变中的懒人…… 不如你咁睇啦,呢家就当汤生喺苏豪区整咗个场,佢好「好客」,日日呼朋引类来劈酒,但有D友仔,就好唔「生锈」,有阵时饮大咗就嘈喧巴闭……
你成晚嘈住人地瞓觉,咁佢哋咪狂打 3 条 9 报寸罗!
成班警察到场,咁汤生作为埸主,当然叫佢自己请黎的老友畀下面……大家冷静点!

大家饮到猫晒,有D爸打以为汤生帮差佬做野,但你设身处地同埸主谂一谂,要是大家再玩到咁尽,咁咪盏差人同你日日查酒牌,晚晚同你去扫场!
而且苏豪区楼上既住客系咁投诉,呢个场嘅酒牌,肯定畀 D 区议员否决你续牌,那么咁既后果是否你所想?
街外那些三唔识七的过路人,汤生真的无佢哋乎,但作为场主的老友,都唔想呢个场散啩?哈哈……
59. 法子 2015-02-06 17:29:31
法子《10间屋的村》

2013年3月2日

其实这是简单的道理。

一条村有11个家庭,得10间屋。村长话「抽税」就可改善大家居住空间。你信唔信?

这是我对 DSD 的意见。

--------------

2015年2月6日

其实这是简单的道理。

一条村有11个家庭,得10间屋。汤生话「抽税」就可改善大家居住空间。你信唔信?

这是我对 租管 的意见。
60. 法子 2015-02-06 17:30:33
法子《10间屋的村》

2013年3月2日

其实这是简单的道理。

一条村有11个家庭,得10间屋。村长话「租管」就可改善大家居住空间。你信唔信?

这是我对 DSD 的意见。

--------------

2015年2月6日

其实这是简单的道理。

一条村有11个家庭,得10间屋。汤生话「抽税」就可改善大家居住空间。你信唔信?

这是我对 租管 的意见。
61. 法子 2015-02-06 17:32:56
法子《10间屋的村》

2013年3月2日

其实这是简单的道理。

一条村有11个家庭,得10间屋。村长话「抽税」就可改善大家居住空间。你信唔信?

这是我对 DSD 的意见。

--------------

2015年2月6日

其实这是简单的道理。

一条村有11个家庭,得10间屋。汤生话「租管」就可改善大家居住空间。你信唔信?

这是我对 租管 的意见。
62. 运输工人 2015-02-06 17:36:29
此处不留人,自有留人处.
场主既然送客,想留也留不得……
63. 收租王Tony 2015-02-06 17:43:41

现在一间铺租40万一个月,本年每月盈利80万,扣除租金净袋40万,

一年后业主见你咁好搵,加租到60万,一年后见你又做得住,再加,

老细谂住加人工,点知要俾埋租,加少d。

租管后一间铺租40万一个月,本年每月盈利80万,扣除租金净袋40万,

一年后业主见你咁好搵,都冇得加,5年后储到2400万,可以买铺自己做业主

老细加人工,努力做,香港精神。

 

租管用工商物业最有用,系咪呢?^_____^

64. 满记 2015-02-06 17:47:00
虽然我在这里有说不敬之话,但无可否应,
我在这里学的东西,一生受用。多谢你呀汤老师。

65. Peter Paker 2015-02-06 17:47:47
天神村发展商在决定建屋量的时候,佢只考虑究竟有多少人会同佢买楼(即20户家庭),而发展商并不会考虑另外10个租户家庭的需求,因为这10户租户家庭并不打算且无能力买楼。因此,天神村出现10伙租盘、住屋短缺的情况。当住屋短缺出现,租金及售价上升便是理所当然的事实。去至厘度,我地可以睇到,辣招虽可以抑压部份「买楼」的需求,但整体刚性住屋需求并不会因辣招出现而消失,相反辣招的出现只会制造一个假象俾供应者去减少供应,以调节收窄后的客源。若然村长以「需求管理」作为佢出招的依据,基本上系「出师无名」,因为村长的视线只集中在「买楼」的需求,而忽略左其他非自置的住屋需求,亦忽略刚性需求不会因辣招而消失,但在不减需求的情况下辣招反而会减少供应。
66. 某君 2015-02-06 17:47:52
见到博士呢排不停唱淡,不少回应已经失去冷静
网上讨论就话无问题,如果管理物业时都用这心态就大件事了
67. 蜕变中嘅懒人 2015-02-06 17:58:37
TO 58楼 亮剑兄
懒人一朝被蛇咬,十年怕井绳,对租管必生租覇深恶痛绝,作为小业主,懒人唔理解博士讲租管有什么好处,只觉得系政府不公义行为,而博士嘅论点有利益冲突之嫌,懒人亟祈待博士随后嘅论点可以令懒人信服。
68. 亮剑 2015-02-06 18:01:39
场主既然送客,想留也留不得……
唔通场主个弦外之音你听唔出?
1 政府出招前,请睇一睇呢度嘅回应。
2 如果今一季 CCL 只是系咁2去到 13X 就停止上升,咁 party 咪继续罗,否则你半年就将 CCL 铲上天花板,例如 18X,大佬呀,畀你系CY,做唔做嘢先……
69. 引刀一快 2015-02-06 18:09:17
真系学到嘢,原来网络文字可以咁刺激人嘅情绪。
大家慢慢睇埋汤生讲咩先喇,冷静D。讲真,我对租管都好反对,将租客同业主放喺对立面,部份大陆持货土豪分分钟谷气凋空唔出租,情况仲壊。
封存咗好多年冇用嘅嘢,世易时移,无论业主租客会点对应都唔知,到时又出乱象,近年事与愿违嘅情况咁多,如果真系出租管,我买升!
71. Small Potato 2015-02-06 18:33:13

太阳今日呢篇文 "上车盘愈买愈贵 置业风险再升高" - 呢类文章系呢几年无日无之, 即阿妈系女人咁, 但咁又对想上车既人有乜启示或帮助?

72. 博士做人要厚道 2015-02-06 18:49:05
呢篇野抵销了我对博士多年的崇拜
73. Small Potato 2015-02-06 18:50:19

If government has to implement ""推出租管"", I would rather to keep my flats vacant to avoid trouble. Dr Tong keep saying : " People are willing to risk to run any kind of biz as long as they have profit, but no one would bother to do any biz that has no profit tho. "  If  the landlord don't have reasonable income from leasing out their flat while they still have to pay all the various Taxes / management /maintenance fees ...   who would bother to rent out their flat?? ? But more important is - its just an unfair term solely to landlord. On other hand, would government waive us all the TAXES for those renting apt.?

So if government has to do that, that will be very dangerous and  the down side is obviously to those people / tenant who needs to rent apt.

74. 亮剑粉丝 2015-02-06 18:51:17
都系偶像亮剑兄好野,一针见血
75. CH 2015-02-06 18:59:34
其实睇个标题,将三样野咁摆埋一齐,就知到含义了,大家唔好错怪汤生。
76. 运输工人 2015-02-06 19:17:57
明天一於同囡囡红山睇楼,放晒D细价货尽入.
77. 大宝二宝 2015-02-06 19:30:42
小弟愚昧,如果想曲线唱跌细价楼,过去几篇文章已做到,做咩又提租管?

如果出租管,公平D就全部都要管,如果好似博士讲法就只会令人误会博士谋私,引人争拗!

共勉之,哈哈!
78. 蜕变中嘅懒人 2015-02-06 19:37:36
懒人觉得作为小业主其中之一,到目前而言同意博士嘅租管论点系不智,对小业主不公,只对租客、商铺及豪宅有利,更唔想误导政府。
79. 大宝二宝 2015-02-06 19:44:29
回67 懒兄

博士都系嗡吓啫,佢又唔系局长,你使咩咁惊咁大反应呀?

我打死都唔觉得正苦会推租管。还掂你想换楼,惊嘅话咪卖哂D金猪转上红山自住罗!哈哈……

共勉之,哈哈!
80. 运输工人 2015-02-06 20:02:07
好喎,大宝兄,懒人兄一起转战红山.
坐言起行,我明天就同囡囡去.
81. 惜缘 2015-02-06 20:08:05
在下很同意CH兄的说法,希望各位大哥大唔好错怪博士,因为博士在文中写的只是“如果真的出租管”,这代表博士都唔支持“出租管”。现时细价楼比大价楼的PE高很多,面对如此“疯癫”而且进入“非理性亢奋”的细价楼市场,无论任何人对细价楼拨下冷水,都是出於良心的警告,值得尊敬。
各位大哥大,茫茫人海,有缘相聚,希望大家珍惜。
82. 副业致富 2015-02-06 20:09:48
如果推租管,那些唐楼小业主仲会否租套房出去?因为这几年的出招后,已少发展商主动收购唐楼。要靠政府收,政府自住的有多三份一赔,小业主没有租出,便是自住。如果行租管。不可叫租客迁出。小业主宁愿不收租,当5%一年,都不想收少三份一楼价。估计市区劏房十几万。有一半是小业主。即有几万个套房供应,即时消失。我唔知有否说'错,请指教。
83. 蜕变中嘅懒人 2015-02-06 20:26:39
TO  大宝二宝兄、运输工人兄
懒人都好想做红山业主,不过食力唔够。

博士若果想以25000租管论曲綫唱低上车盘楼价,咁有无考虑到网友想法:
1. 令人怀疑博士帮政府吹风。
2. 已知政府有意推租管而作此带私心论述。
3. 向政府发出错误讯息。
希望博士再为文点醒懒人谬误。
84. 收租王Tony 2015-02-06 20:42:27
唔使兜啦,我睇左博士啲文咁耐,今次咁具体举例$25000以下民生楼应推租管,宜家摆明过河抽板。咁都唔明?

我一路都系cd-rom,今次写到咁应该系佢既心声。

如果只系讲下,我谂佢玩大左,呢度有好多cd-rom睇紧,相信博士本人亦睇紧,最紧要系决策官员都有睇,

你以为博士蠢到以为得佢d粉丝睇?佢老早就知道呢篇文既对象唔系你,亦都唔会系我,明白冇?
85. O mouth 2015-02-06 21:20:47

佢自己同佢千金有大量中高价收租楼就唔管,管自己手上冇既上车盘d租盘政策

 100% agree !! Everyone see this article will immediately feel Tong is a fit selfish !

 Why only impose such rental control to small flats ?? Lux property tenants no need to be protected ??  or lux property landlord needs to be protected ??


86. 小浪 2015-02-06 21:23:43
要管就紧系管豪宅哪.如果红山只准租一万为顶,所有民生货应声下滑,沙一租四千都未必有人租,讲d理论都反转黍讲,珍系催鸠象.
87. 亮剑 2015-02-06 21:25:44
你以为博士蠢到以为得佢d粉丝睇?佢老早就知道呢篇文既对象唔系你,亦都唔会系我,明白冇………………

哈哈……如果有主管房屋政策的官员上黎呢度,咁我就插埋你班友先瞓!
早几年我同无数爸打,不断呼吁兄弟们快快手上车,但果阵系边D人喝住人,一时出乜D、过一阵又出物D,成日就话美国加息,整到唔少人卖自住或者等运到!

呢家系你们搅到人半天吊咋!
88. 惜缘 2015-02-06 21:28:18
To 84楼 收租王Tony兄

即使师兄解释得咁清楚,在下还是唔明,因在下太蠢了,蠢到连在下手上揸的物业全部都是细价楼,亦都唔想细价楼再癫落去。
在下系81楼说:“现时细价楼比大价楼的PE高很多”,请问师兄同唔同意?
89. 运输工人 2015-02-06 21:49:00
博士其实想带领我地放弃细价楼,转投红山级豪宅,咁人地千金食头啖汤都好应该啫.
90. Oscar Lam 2015-02-06 21:56:01
同意81楼惜缘兄的看法。由於最近细价楼的升势实在太快,租管是其中一项政府有可能推出的打击楼价的措施。博士只是把这个课题拿出来讨论,并不代表博士赞成。

和各位师兄一样,在下一向不赞成任何干预自由市场的行为,包括租管。在下认为,如果租管可行,那价格管理,即限制楼价上升的措施是否也是可行呢?

虽然我们不赞成租管,但不代表政府一定不会实施。通过讨论,我们会更加清楚自己将面对的这个政策风险,使我们得以预先准备,我们实在不应责怪博士,应该多谢才是!
91. 大宝二宝 2015-02-06 22:02:21
回88 惜缘兄

相信大家都同意现时细价楼升得系过份左D,太急太快,亦明白咁样系唔襟玩。问题系博士拣租管黎曲线唱跌细价楼系拣错题目,令人怀疑佢动机,像好心做坏事罗。唱跌都有好多方法,拣个同自己有利益冲突嘅subject (因佢千金刚买了红山) 同不平等倾斜豪宅嘅方案似乎不智,比人究病。博士,得罪了。

共勉之,哈哈!
92. 大宝二宝 2015-02-06 22:07:54
回Oscar 兄

万一正苦真系推出'细价楼租管', 你估网友们会多谢博士嘅忠告定闹爆呢? 我相信系后者咯……

共勉之,哈哈!
93. 惜缘 2015-02-06 22:23:30
Oscar Lam兄&大宝二宝兄

2014年3-4月左右,有地产经纪致电在下,介绍一个嘉湖山庄细单位大约240-250万,现在同类单位差不多要350万了,只是9个月时间,上升了40%, 真的令在下目瞪口呆。
94. Oscar Lam 2015-02-06 22:28:08
孖宝兄,

政府的政策不会因博士的言论而改变,博士没有这样的能力。如果博士总是讲我们喜欢听的话,那对我们有何意义呢?

共勉之,哈哈!
95. 大宝二宝 2015-02-06 22:36:02
回Oscar 兄

如果巧合地正苦推出租管,我就真系 no eye see 罗!

共远之,哈哈!
96. 蜕变中嘅懒人 2015-02-06 23:16:29
TO 15楼 路人兄
当年租管系分年份管制,例如今日公布,1年前签落嘅租约收楼日即时失效,除非租客肯走,否则业主最叻就系每2年加租20%,但系当年通涨高,加人工每年闲闲地十几巴仙,即系话业主年年蚀通涨,好惨,已经无所谓生约、死约,而系每2年复式加20%嘅长命租约。
97. 打工仔 Andy 2015-02-07 00:14:08
各位大哥

睇咗博士文章几年, 不过睇完今日既文章后, 的确有点不安! 问题不在是否真的会租管, 所谓见招拆招, 感觉这编文章, 博士好似化身成房策官员角度睇细价楼一样, 言词中带有一点火! 
希望博士只是提点一下大家啦! 


98. 丽娜 2015-02-07 00:17:10
同意 90楼 Oscar Lam 前辈。理性讨论。

不过我都不同意租管。设分界线也没有用。5年不准加也没有用。道高一尺,魔高一丈。我相信所有业主一定马上起码:1.计算5年平均租金,因为无得加,即是把后几年的加幅平均了。或者:2. 索性调转租价,第一年是最高价钱,如租客继续租就每年递减,到最后应该可以令业主避免无得加租的损失。但是,租务市场马上就会错价!
而且,像24楼讲的黑市,假文件全都有可能出现。
还有,有很多封盘,业主费事烦,供应更加马上更干塘。
还有我不明白为何博士觉得推细码租管可以压抑细码楼的楼价呢?租管不能压抑细码楼租金,反而引起错价。难道可以令租客需求减少?还是令业主放卖多点货?
99. 打工仔 Andy 2015-02-07 00:20:13
老老实实, 小弟虽然持有细价楼, 但系都唔想佢飞天! 
100. Joe 2015-02-07 00:51:10

细价楼的飞升,是辣招废策所衍生的副作用,如想为压抑其升幅而对细价楼行租管,无疑又系再用另一消极废策来管理楼市,头痛医头,脚痛医脚....将会是业主、租客和政府三输之局。

香港点解要行埋D打击自由经济、社会主义的绝路??

101. 多嘴街 2015-02-07 00:57:06

我支持博士。

1 博士开声讲租管已经知道好多人会反对,因为唔明利害关系。

2 博士只不过将「租管」带出来比大家讨论,大家就冇耐性分析。

3 最重要的当然是触及大家的利益神经啦!唔使那么紧张,七情上脸!

4 博士提出各种政策对楼市的影响,值得参详,其实是塞钱入我袋。

5 博士睇问题又深又远,如果想在物业投资方面有小进步、大进步要研究、要参考总结下佢的策略。

6 作为小投资者的我,会低调,要谦虚!理性讨论,要受教,多谢教你的人!



102. 按居 2015-02-07 02:00:07
大家已中了博士的圈套!

我相信有官员曾经接触博士。
以博士性格,对官员「不可不亲近、不可太亲近」,我相信他不轻易做官方喉舌,但是不会拒绝帮他们试水温。他亦很珍惜这个blog,要不是高峰期怎可以每日三篇!?

大家想一想,在现时房屋问题中,除叫嚣的那一班人外,哪一班人令政府头痛?就是有自住但有细单位出租/仲有少少钱的又喜好砖头的人 - 因为这些人也对细单位的供求最有影响。哪一个平台最齐这班人?就在这里!

政府可能会推出$25000以下租管,if the majority respond as:
1. 无计,都要放租,否则供唔𠶧
2. 惟有放卖出租的细单位
3. 放卖几个细单位去买大单位(租>25k)
4. 本来想投资细单位的$同人夹份买一个大

政府并没有兴趣想知业主将会有什么方法去出古惑,因为系人都念到。只要条文包含租客有怀疑可以举报、能立䅁调查者其间不用交租不准迫迁,哪有业主敢乱来!

所以大家乜都唔驶做,只要留言「封盘不租不卖且加息3厘也供得𠶧」,政府就知点做!

讲真,我估多数人都系后者... 系啲官硬系唔信博士、搅到佢做番次调查向他们交货!
103. 珍惜香港 2015-02-07 02:43:24
珍惜香港

记得响一年前,博士赞庸梁玩仲裁,话喺一个突破喎。果阵我出文反对,仲话如果庸梁以同一理念出招,搞到博士叫苦连天,我就一定会攞番段留言出嚟。一个月后,我重提仲裁,话仲裁同租管,喺基於同一理念,而我亦再进一步重申,如果政府玩租管,我会好似我讲仲裁果篇嘢嘅最后果段咁话,攞番段留言出嚟!

唔好俾我乌鸦口讲中,真喺嘅话,就千祈唔好怪我唔预先通知,我会好 Q 串!

既然仲裁同租管,喺同出一辙,咁博士当日赞成玩仲裁,依家又提议租管方案,又有乜咁出奇?或者佢认为,租管,本身喺冇问题嘅,以前租管失败,只不过喺用错方法啫!所以依家博士咪提出一个,佢认为喺可行嘅租管方案罗!但如果你问我,点睇租管,我会好直接咁答你,不敢恭维啦!

任何一个直接干预市场价格嘅政策,无论点样去实行,都喺唔会 WORK,结果只会严重扭曲市场,为社会带嚟灾难。所以点解我成日话,消极施政,喺死局,冇得救!一个基础有问题嘅理念,喺完全无须要考虑,亦无须要浪费时间去研究,因为,点做都死!

呢度有人话,博士玩曲线喎。不如我打个比喻,问下大家,点先可以响超级市场度攞件嘢出嚟,又唔会俾人拉?答案好简单,咪俾钱买罗!如果博士真喺玩曲线嘅话,咁我就奉劝佢一句,做人,都喺行直线好啲;玩曲线,同玩火冇分别。蝴蝶效应嘅结果,唔喺你我可以操控架!

呢度又有人话,我地喺物业持份者,梗喺反对租管啦!咁又喺,人,喺自私嘛,几有道理吖!咦?博士个租管方案,好似只喺影响到啲小型收租佬,影响唔到佢自己噃!唔通佢惊政府出租管搞到佢,所以揸揸林出文推啲小型收租佬去祭旗?如果有人咁讲,你估博士会唔会发火?我地睇文、评论,啱就啱,唔啱就唔啱,凭对方嘅身份同利益关系,以阴谋论否定对方嘅言论,非君子所为也!

讲番租管,如果仲未明白,点解我话个基础理念有问题,咁我就搬番下面果句出嚟啦:

真正嘅「无良」,唔喺啲茶餐厅要加价,而喺政府鼓励啲人走去食霸王餐!
104. e_kam 2015-02-07 05:58:12
支持租管。月租25000蚊楼下同30年楼龄做分水岭最啱。

跟住最多免业主差饷同免税。
105. 蜕变中嘅懒人 2015-02-07 07:22:20
懒人去年在政府轻微放宽换楼DSD时提议过,要上车盘价格自然回落,应该将向上换楼链放宽限制,鼓励更多有能力者换大单位,改善居住环境而释出上车盘入楼市,以市场力量平衡上车盘价格,方为快速王道疏导上车盘需求压力方法。

以现时情况而言似懒人一样,想放2至3个上车盘换1个中大单位者大有人在,但政府偏偏舍近图远,盲抢地去起多多远期上车盘,远水难救近火更有笃数假象,致令全部人心、意愿、需求全部堵塞、局限在上车盘,令其价格日益热火朝天失控是谁之过?

以任何覇道堵塞方案,如租管意图改善上车盘困局无异鸩止渴饮,使困局衍生更多恶法出台变成死局,禹与鲲之历史教训三尺孩童皆知,独港府高官茫然惘然?
106. 收租王Tony 2015-02-07 07:59:16
从回文中见到“道高一尺,魔高一丈”呢一句,正正系政府辛辛苦苦为我地默默耕耘,努力工作,买楼自救,不靠政府既收租佬最成功既标签。。

道。。。租客?
魔。。。。业主?

你冇楼住,我租俾你,你有个安身之所。。。唔感恩

通胀,楼宇准备大维修,加租。。。无良业主

中女社长讲得啱,我地业主忍左咁多年,边个帮我地出气?
我地应对既所有方法系避险,佢地见到既系违法行为。

博士系租客中同我地一样系魔,而且系大魔,
今次呢篇文,其中一个信息,就系转移目标,细价民生楼先系大魔,佢自己果啲工商铺,千金既非民生楼业主唔系魔,我同市民一样都系道。。。。明未?所以我冇细价盘,因为我知道细价盘业主都系魔。。。。

至於细价盘升得快,系因为互联网既发达,各作者巴打既功劳,多左人识避险,做既选择。。

当租金升到$17000,回头一望,回报率其实也不错。。。

各业主或收租佬,请准备避险策略,努力自救,加油!

107. 支持收租王Tony 2015-02-07 10:10:12
同意Tony观点,博士咁努力吹淡细价楼,无非都系吾想影响中高价市场,人做事必有诱因。一支笔既威力不用忽视。
108. 自我陶醉 2015-02-07 10:15:32
To 103楼 珍惜香港兄

非常同意你说: "任何一个直接干预市场价格嘅政策,无论点样去实行,都喺唔会 WORK,结果只会严重扭曲市场,为社会带嚟灾难。"  

当日我们讨论现时之联滙制度是否合适时, 我也是基於此理由, 楼市现时之局面, 全因联滙令息口无法按经济状况调节而起, 任何对楼市的人为干预, 只会错上加错。

兄台和大多数人一样,明知联滙扭曲市场,对整体社会有害无益, 各人维护联滙的唯一理由, 就是因为自己就是错误中的既得利益者。 如果人人都这样想, 楼市问题有办法解决吗?  就等美国加息, 或经济崩溃吧! 楼市问题自然能够解决了。
109. 冷言 2015-02-07 10:16:08
收租佬的大忌,是租金管制。无产者的佳音,又是 租金管制。 一把双刃剑,很难两全其美。可叹!
110. 珍惜香港 2015-02-07 12:01:01
珍惜香港TO:108/F 自我陶醉

自醉兄,响呢个烽头火势嘅 MOMENT,请恕我唔想另外开坛同你再详谈联滙。

阁下似乎犯咗一个严重嘅定义上错误,简单嚟讲,你将「直接干预市场价格」广义化咗。价格,从来都喺由人定出嚟,我拥有一件货物,自然可以制定呢件货物嘅价格,我制定价格,唔可以话喺干预市场,因为我喺市场嘅参与者,唔喺第三者。市场呢只无形之手,只喺好宏观咁去影响每一个市场参与者嘅定价。仲裁、租管,喺响市场以外,以第三者裁定或判定市场价格,所以喺「直接干预市场」。

金管局发行货币,当然喺市场嘅参与者,唔喺第三者。
111. 不同点博士租管观点 2015-02-07 13:01:21
不同意博士说法, 现时租管可以控制细价楼升势。
112. 自我陶醉 2015-02-07 14:58:45
珍惜香港兄,

对我来说, 不论滙率、利率都直接由市场决定, 这便不算干预, 像香港这样无视自身经济发展状态、 贸易伙伴组合改变、环球息率等情况而固步自封, 在超出那数十年都一成不变之滙率区间时,便进行干预, 任由香港资金过剩还咪着眼追随美国的利率去守护联滙, 那不是破坏自由市场定律, 又是什么呢?  我看是珍惜兄的定义太窄义了。

如果美息突然抽升至15厘, 相信那些现时大义凛然维护联滙的人, 便会出来说联滙不合时宜了, 那不是为一己私利又是什么?  放眼历史, 自定滙率与单一货币挂鈎, 最终失败的例子多不胜数,这也是拖着我们后腿, 被星加坡逐渐抛离的原因之一。
113. to 自我陶醉 2015-02-07 15:25:18

港岛多区都出现大量抵买的楼盘,港岛区实在不用增加供应,政府只要在九龙新界增供应就够了
港岛西2013年的成交
柴湾非常抵买的楼

鰂鱼涌非常抵买的楼

西营盘非常抵买的楼

114. 惜缘 2015-02-07 16:40:24
重要的是: 现时细价楼比大价楼的PE高很多。
请问各位大哥大, 有边位唔同意?

115. Ng 2015-02-07 19:47:17
若果细价楼自住pe高与底又何干,只要自己可应付每月供款,容易上车,你比间二千万楼pe超底,对小市民又有何用
116. Oscar Lam 2015-02-07 20:55:34
自醉兄,

和美元挂勾目前是最好的选择,日本经济已经迷失20年,欧洲经济现在半死不话,不知会迷失多少年?人仔又不流通。当然,长远来说,这个政策是要检讨的。

不过,有一点我是赞同的。大多数人是自私的,包括小弟我。但是,我的原则是不要害人,君子取之有道。
117. 初学者Tony 2015-02-07 21:27:25
可以有税务上优惠俾租客吗(为期5年)? 去代替租管

118. 呢道成班白痴仔 2015-02-07 23:51:13
一讲租管就即刻个个长毛上身甘,身有屎呀?
根本就唔应该有租管呢样野!政府立例系要针对不能拥有多一个以上物业!如果唔系系刑事!
如果每人祗可以拥有一个物业更加唔存在供应问题!
每年政府自己做承建商提供新供应同以成本价卖楼先系一个有承担既政府!
教育下一代楼系一样纯民生既产物!投资请去玩番stock market!
119. To 118 2015-02-08 00:09:04

不如等我毛主席番生做香港特首好唔好?

120. 回 119 2015-02-08 00:12:04
不用教118楼个白痴仔。
121. 引刀一快 2015-02-08 06:24:03
119楼

你真系大胆,将毛主席炖冬菇。
122. 在水的另一方 2015-02-08 08:04:24
不明白点解大家反应咁大。租管是其一方法将租金稳定下来。美国三藩市已经用了很长的一段时间。效果见人见智。对租客是有一定好处,起码可以计划明年的租金可不可以付担得起。总好过现在香港年年搬屋。对业主也有一定的回报率比放在银行好。我相信大家都同意香港楼市已经到达一个令人不敢相信的地步,迟早回爆,政府有一定的责任想方法将伤害减到最少。汤生只不过是将租管拿出来大家一起分享。希望有不同意见来找一个可行的办法。如果政府不敢将有争议的问题拿出来讨论,我们小巿民又不讲,怕人哋闹,这样好吗?
123. 蜕变中嘅懒人 2015-02-08 08:43:20
60年代港英实施嘅租管对出租楼业主嚟讲系超大辣冬荫功汤。
正如佛国孖宝:印度神丹、印度神油,试过先知原来真系好劲。
好想知有无师兄当年试过,请讲吓用后感受。
124. 大宝二宝 2015-02-08 09:03:14
回懒兄

60 年代仲着紧开浪裤,所以未试过,不过我相信魔(租管)高一尺,道(业主) 高一丈。

吸收左果阵嘅经验同呢代人醒目嘅思维,业主会有更周详安排,合法技巧去对抗呢只魔头。唔使咁担心!

共勉之,哈哈!
125. 在水的另一 2015-02-08 09:11:21
我想现在的地产龙头,李生等才会经历过六十年代的租管😀. 
126. 自我陶醉 2015-02-08 10:33:59
Oscar 兄, 

八十年代的美国国力, 与现今相比已今非昔比了, 在作为国际交易货币及储备货币的角度看,地位更是大不如前, 只要我们像星加坡一样,将货币与最大之几个交易伙伴之货币挂鈎, 那管它是大国小国, 利率和输入通胀便会稳定下来也, 重点是要取回息口之控制权, 由於息口是货币政策的重要工具, 我们绝不能被人拖着鼻子走, 至於人民币,相信不出五年便会是成为世界储备货币了, 在此之前, 我们也可增加人民币资产的投资比重, 为此作好准备。

http://www.bloomberg.com/news/articles/2014-12-11/yuan-has-real-shot-at-imf-blessing-on-reserve-status
127. to 120 2015-02-08 11:52:33
你教旧屎都冇资格啦on 9 仔
128. Oscar Lam 2015-02-08 16:31:36
自醉兄,

你的分析也有道理。不知你对於美国利率的走势有何看法?你估计美国这次加息的幅度是多少呢?谢谢!
129. 蜕变中嘅懒人 2015-02-08 18:57:37
回124楼 大宝二宝兄

睇怕由於年代久远,懒人呢个60年代租管慰安男俾租覇蹂躏嘅惨痛遭遇,同战时慰安妇嘅惨痛遭遇咁,渐渐被今日嘅人忽略同遗忘,今日重提租管勾起当年伤痛,反应大咗少少人之常情,租管系身为小业主嘅懒人屁股上一颗火疔疮,同老虎屁股一样,请求不要摸。
130. 引刀一快 2015-02-08 19:38:45
懒人兄

我细个听过一个老街坊,遇上租霸,拖租唔交,警察肯上门,佢唔开门,逼到要揾地头蛇上门吓佢,佢就报警,传票一概当冇到,最后贴钱送瘟神,临走一晚,个租霸用红毛泥封晒全屋去水道。
至于租管,我年资低未见过。
131. 蜕变中嘅懒人 2015-02-08 21:21:51
回130楼 引刀一快兄。

老街坊应该无作大,呢位老街坊系60年代租管慰安男/妇,当年典型被冷血租霸蹂躏嘅凄惨场面,懒人当年几经折腾后收番间屋当日,全部门穿晒窿,坐厕、洗面盆烂咗,墙身、地板、天花污迹处处,今日倡议租管者以为自己识租管,又点知当年租管衍生纵容极多无良租霸,可以无法无天地恣意滛辱租管慰安男/妇。
132. 引刀一快 2015-02-08 21:22:56
懒人兄

讲讲点解租管衍生租霸,呢点我唔明。
133. 蜕变中嘅懒人 2015-02-08 21:32:41
回124楼 大宝二宝兄。

当年租管慰安男/妇嘅保命绝招就系空置、多多钱都唔租,只会卖。
134. 蜕变中嘅懒人 2015-02-08 21:44:44
回132楼 引刀一快兄

要回答兄台呢个问题系一篇好长嘅血泪史,懒人爬字好慢,请先睇睇懒人之前嘅留言,特别系45楼先。
135. 大宝二宝 2015-02-08 21:54:12
回懒兄

咁冇咩租盘,D租金咪升到砰砰声?

当年有否租金唔包管理费,差饷,内笼维修,冷气机滴水,地台渗水等等……,一概租客自理,包租公剩袋(假设唔系租霸)。
136. 蜕变中嘅懒人 2015-02-08 22:16:45
回孖宝兄
当时60年代有鬼冷气机,电风扇或者拨纸扇就有,多数4、5层高旧楼有鬼管理处,无乜人愿出租楼俾人除非供唔掂,不过当时有包租分租,霸搭天台、山边木屋卖俾人嘅建筑商多到极,无业主会维修你唔租仲好。
137. 蜕变中嘅懒人 2015-02-08 22:22:31
孖宝兄,话明租管点加租?每2年加租不超过20%,唔准唔租,但系当年通涨系十几巴仙,死未?
138. 大宝二宝 2015-02-08 22:30:44
回懒兄

哈哈!都话小弟仲着紧开浪裤,咩都唔知喇。既然系咁,做咩行租管?边条契弟提出㗎?


139. ID 2015-02-08 23:07:31
自c精,自己无上车盘,就叫政府罗去制旗,中产一向都无政策帮,自己辛苦努力工作买楼收租,就会比人打压,这是什么世界,不如正苦出招吾比人买楼,全港排公屋,咪吾洗烦law
140. 照妖镜 2015-02-08 23:42:07
魔镜魔镜,究竟呢度边个系自C精?
141. 蜕变中嘅懒人 2015-02-08 23:47:53
孖宝兄
当年有一个专业好出名,叫做专业租霸,租金不论几贵都ok,星期6下午俾票业主攞锁匙,星期1入咗屋业主知道弹票悔恨己迟,或者星期5入张空头支票叫业主星期6上午去打簿,簿仔有数业主就俾锁匙,星期1簿仔条数打回原形,但专业租霸已入咗屋,当时开空头支票当民事,租管慰安男/妇一个仙都无收过但悪梦由此不断,俾专业租霸任砌无还架之力,勒索金额不受管制。
租管系一座山坟,碑文系小公业主,生於....,卒於....。
142. 引刀一快 2015-02-08 23:53:59
所以投资最好就系车位、然后先系商铺,车位冇得頼死,断估都唔会整单车位藏尸案你叹下挂!
143. 蜕变中嘅懒人 2015-02-08 23:55:48
孖宝兄:边条契弟提出㗎?
懒人:港英条契弟个名我唔记得,系港督啩,查吓先。
144. 三T 2015-02-09 00:10:29

我觉得因为细价楼升得急所以要出招打压,好难令人信服。好似话股巿升到三万点,好危险就要打压;黄价升到二万蚊一两好易跌,危险,要打压等。

各路英雄唔好讲粗口住,好多人都会话楼同金股唔系同一样野。系唔系呢?第一,佢地会话楼系必需品。我同意,咁必需品系唔系一定要系呢个时候买入?买家贵贵都买即系话佢地觉得而假系买入的时候(不论出於往何原因),亦有出於投机目的,而任何人做出闗乎最少数百万的决定,想必己有仔细思考过,亦会或需要对自己的行为负责。而假买楼的人原本系唔系瞓紧街呢?居所系人生必需,但而假买楼系唔系必须?所以以其话因楼系必需品,所以政府要控制价格,更合理的讲法应该系政府打压楼价系要对付赚大钱的发展商同高位买楼的巿民!楼价跌亦唔会令人更易得到所谓的必需品。

第二样,佢地会话楼有刚性需求,政府干预有合理性。首先置业的刚性需求我系唔认同的,你话有投机的刚性需求我都仲可以接受。刚需令楼价上升?定系楼价上升令需求更具刚性?大家应该心中有数。我当你真系有刚需呢样野,既然系刚性咁坚,打压自然无助於事啦,又话刚性,又想政府整返软?你当政府政府系神(政府可能都觉得自己系)?最大问题系要将刚的整柔,而出手的唔系神,真系好易整出个大头佛!

广东有句说话叫"易请难送",干预系政府一向强烈的欲望,做开又易上瘾。真系唔好以为利用政府干预方便自己上车系醒目,咁醒目的话一早上左车啦!

145. 大宝二宝 2015-02-09 00:17:00
回141 懒兄

呢个就系你嘅遭遇?点解你唔系收现金或支票过数先比锁匙嘅?起码袋左几个月租金帮补吓嘛。
146. 蜕变中嘅懒人 2015-02-09 00:24:35
孖宝兄:既然系咁,做咩行租管?

当年港英由於实行低税制免入口税自由港政策成功,经济开始腾飞,於是以高价为主要间接税,做成租金飞涨,一家七口一张床、一屋72家房客好戏上演,业主猛加租,包公/婆加租X2,无租交连人连床掟出门口,又因当时工业须大量人手,偷渡客及难民适时抵垒涌入,人多屋少,公屋起唔切,亦无咁多资金支持咁庞大工程,於是唔知边条契弟谂到条绝世好桥--------------------租管。
大致系
147. 大宝二宝 2015-02-09 00:41:30
谢谢懒兄免费帮我上咗课香港历史科 -- 租管血泪史。

共远之,哈哈!
148. 蜕变中嘅懒人 2015-02-09 00:45:11
孖宝兄,呢个唔系我遭遇,当时啲人无咁醒,不过醒都无用,港英租管好阴湿系以签租约曰期分段管制,即今日公布即时生效,一年前签嘅所有租约即时受租管法例管辖,之后嘅就不受租管法例管辖。

懒人间屋1年前租出,咁就入咗册,呜呜,条租客即时起唔交租,懒人由即日起因供楼月尾无钱开饭。
149. 大宝二宝 2015-02-09 00:55:50
懒兄

乜咁唔小心呀?下次要带眼睇人。呵呵!

提议你帮人DIY,鱼翅都有得食。哈哈!
150. 引刀一快 2015-02-09 01:43:11
懒人兄

我谂最仆街嘅,其实系出谋俾你租客果个,当时肯定有D师爷谂到就教俾朋友用,当年都冇几个人读过书,普罗大衆点会识得D咁嘅嘢。
151. 蜕变中嘅懒人 2015-02-09 08:41:27
TO 150楼 引刀一快兄,早上好。

租管持续多年,好似超过20年,筲箕湾道山边连绵累积潜建木屋住咗50万人,年份实际数字要番查至确定,咁长时间薰陶下人人都识租霸ABC唔使人教,稍为用心即成专业租霸,只要你够狠,懒人父母都系包租,佢哋识但唔会咁做,老实人也。

现在唔交租到俾执挞吏赶走须时约2个半月,所以租霸无市场,CASE少至咁快,一旦实行租管,CASE即大增,到时要2年半都唔奇,死未,租管系政府鼓励好人做贼。
152. 自我陶醉 2015-02-09 09:15:07
Oscar 兄, 

个人认为美息在2016年中前应不会大升, 只会增约四分三厘左右, 原因有两个:
1. 全球正在通缩边缘, 而美国现时之通胀压力不大
2. 美滙已大升, 大幅加息会进一步将美滙推升,对贸易、失业率及企业盈利都有负面影响,所以相信到欧洲QE完结, 欧美息口才有较大变动

话虽如此, 小弟认为加息不在乎多少, 而在乎趋势之改变,即使加幅不大, 却代表著加息周期的一个开始, 所以绝不可轻视。 从美国宣布结束QE后, 高息债、油价、波罗的海干散货指数均创出多年新低, 美滙及美债价急升, 2015年开局, 瑞郎与欧元突然脱鈎, 欧洲更出现负利率的企业债券, 在在说明了现今投资市场的risk off 情绪有多高, 风险有多大, 风高浪急, 等的就是息口转向, 如果油价反弹后再创新低, 对俄罗斯经济、其他产油国和美国页岩气等打击难以估计, 倘若俄国经济崩溃, 后果不堪设想, 人仔和中国经济不能幸免, 香港又会如何, 可想而知。还是小心为上, 急流勇退, 所以我很佩服博士能力排衆议,叫大家小心, 可惜往往忠言逆耳。
153. Oscar Lam 2015-02-09 17:07:25
自醉兄,

非常感谢你的意见和忠告!忠言很多时候都是不受欢迎的。老实说,再这样下去,我也担心细价楼随时爆煲,最终受害的还是那帮没有实力的小业主。

希望兄台有时间有点上来发表意见,互相交流,丰富这里的不同意见。谢谢!