CCL 喺97年6月底及10月中都冲破过102点,但最终唔能够企稳,形成双顶回落。
在呢两个双顶出现之前半年,即97年初,CCL 大约做 80点。
但踏入97年唔知D人系咪惊唔再买就以后无得买, 一窝蜂不问价咁扫货,买唔倒私楼嘅,就鬼揸猫挖,迫政府派首期,起公屋、居屋同夹屋。
根据本人推算,在97年1月起那些准买家所入的单位,大约比一年内平均数高两叁成,加上97上半年为数不少的买家,根本无上会准备,那么呢度已经炒过龙、果度D玩家又只系督手指,咁个市唔爆有鬼!
回忆90年代嗰阵,你够姜的话,可一次过买入几个物业,然后攞住一张粮单,走入几间银行借按揭。
但自从有咗正面信贷资料库之后,你想买多间来收租,都唔系咁容易啦。
真人真事就系我死党,他有自住同收租物业喺手,想话买多件砖头保值啫,银行要嘅资料,多得吓人。
唔记得讲埋,他是专业人士,只是借你银行一百几拾咋!
做咗二十多年业主,我发现你唔去买楼,都唔知你都可以轻松地供倒楼。
好多人做嘢好「有计划」,未毕业、未做嘢、未储蓄倒首十万,就话买唔倒楼。
再问清楚佢要买乜,他们就话最少市区地铁上盖两房,仲要有大型会所嗰只!
如果连学生哥都可买倒呢啲楼,咁我捞咗几拾年,屋企又有个銭,咁我住边?
E联 or 天会?
根本当你只系弍零岁一支公,就咪鬼搬出去住储蓄下先啦,到你弍多近叄拾,要是理财有方,储叄四拾个点会冇?
咁买一个新界一房或两房结婚,都够啦!
三十零生小朋友嗰阵,要是你系大学毕业的话,揾几皮嘢唔过份喎,到时先睇下有冇需要换楼,两公婆一人夹一啲,每人负责攞六七千出来供楼,东九将军澳唔失礼、唔过份啫。
现在楼市喺高位,我意见系就算你可负担一件4M,都唔好去到尽,先买件 3M,咁就算呢个市要回,你都可以喺第二层楼换楼嗰时较翻啱。
可能有人话我两公婆都系揾得两万头,点买私楼呀?
真是要叫你一声「大佬」呀!
香港呢个自由资产主义社会,系屈紧我们呢一班有少少嘅中产人仕,以济贫苦大众於水深火热,你唔系最顶端嗰几成人,又学乜人家做「善长」呢?
坐定定等居屋啦,CY同你哋发散人去找地啦!