地产博客 > 弼尖言论 返回
浏览人次:51187    回应:101
弼尖言论

想沽楼跟我玩期权?太迟了!

 

王弼

狮子山学会前主席
香港奥国经济学院创办人
2015年9月1日

  上一回讲到楼市将会於一年内转角,引起极大回响。老实说,王弼都觉得自己好矛,一年实在太长,不过觉得楼市周期通常超过十年,正如今次楼市由03年见底起计一升就是十二年(08年只不过是打了个喷嚏),说一年转角也不算太离谱。没办法,看见汤博士的细价楼爆煲论,爆煲只迟了几个星期,便要请食饭认输认低威,王弼不想重蹈覆辙,所以将安全系数有咁长拉咁长,怎知文章一出街,劈价报道便日日见,真蚀底。

  另外,我也发现,有一批网友非常关心王弼,例如我早前鼓励大家把组合多元化投资股市,现在暴挫,有网友便慰问我夜晚是否睡得著,又勉励王弼,说既然期权年回报20厘回报,应该很快翻身。

  首先,感谢网友们的慰问。股市暴挫,事实上也为难了我,日子真的较以前艰难。例如股票期权的回报,也由最好景的(6月)年率25%,大幅减到8月的13%,我也很怕有一天,如果玩股票期权也搞得像买楼收租一样得两三厘回报,那我有何颜面再见地产资讯网的父老?不过放心,今天是9月的第一日,本月的已落袋的期权金已录得年率15%的回报,要超越6月的25%是有点困难,但要挑战20%,不是没有可能。

  讲完期权,股票方面,有在明报追开王弼的读者,都知我在股市大旺的5月,已经话过牛市最多玩半年,更重要的,是高呼只沽不买。而手上仍持有的股票,大多是一些将来经济冰河时期,市民变得再穷,都要花钱光顾的例如中移动(941)、大家乐(341)、中华煤气(3),和早已把资金由中国抽到欧洲执平货的长和(1)。这些股份的派息,当然不会差过收租(更莫说上述股票中的蓝筹可以透过沽售期权增加收入),既然楼市塔利班认为银纸贬值,楼价长远只升不跌,一味死揸,我又何尝不可用相同态度,不理短期股价波动,把股票放在床下底收息?

  股票市场,波动远高於楼市,楼市塔利班视之为洪水猛兽,但他们看不到的,是股市不如楼市之单料铜煲,股市可以一鸡死一鸡鸣,就算是同一个行业,诺基亚(Nokia)之死,意味苹果之腾飞,苹果股价在早几年美国次按到欧债危机,仍然是反覆向上,甚至成为资金避难所。至於楼市,如果真的爆煲,则断不可能太古城升康怡跌,楼市塔利班根本是无路可逃。当然,没负债的,虽然租金会跌,但到时贱物斗穷人,生活应不会受影响,但这个道理,跟揸股票食息又有何分别?而股票更有的优势,是在紧急需要资金的时候,可以用多少,卖多少。楼,则一定要整个单位卖出,更会遭经纪压价放血,难道手头突然急需几十万,你可以只把厕所拆售吗?

  其实股楼之间,各有优胜之处,所以王弼一路讲的,不是叫大家尽沽所有物业,只揸股票,而是拥有一个平衡组合,甚么类型的资产都有,正所谓狡兔三窟,就是古人智慧。可是,揸到满手楼的塔利班,多谢政府的3D,就算今日想把一年前买来的一千万伪豪宅变现,跟我学玩期权每个月搵十几万零用钱,都已经太迟了。至於那些早前听了我把资产组合多元化的朋友,真的想学股票期权理论,可以Whatsapp 68898190 查询或到 fb.com/buytillsuspension PM 我。广告到此为止,下个月见。

 
 
我要回应
我的称呼
回应 / 意见
验证文字
 
会员登入
登入ID 或 网名
密码
1. 历史长河 2015-09-01 11:50:56
弼兄,可喜可贺,容小弟插几句嘴。

1. 你目前的战绩是年化了的回报率(annualised return based on monthly return ), 并非真正的年回报率。随著时间推移及以后的战绩,这个回报率会变化. 
2. 小弟一直有计算过去十年房产投资回报率,年化回报率都在25%,也有高达3x%,并且未计租金收入。主要原因是有杠杆。这里很多塔利班也应达到这样回报。如果今年初有人入市,3成首期,以目前9%升幅来计,回报率已为30%,年化后会更高。当然,您可以说楼市很快跌三五七成。
3. 从数字看,小弟看不出您的投资优势。当然,您可预期未来几个月回报可达三五七成。

2. 山高云低 2015-09-01 11:54:12

弼兄,

想纠正你少少野。就是揸楼变现十万八万无须折售厕所。按揭若是ALL MONEY的,可以随时加按多少,也可以随时还款。好方便。


3. 红色资本家 2015-09-01 12:13:24
记得股神讲过,当你觉得需要分散投资以对冲风险嘅时候,就正正系你唔知道自己做紧乜嘅时候,失败往往都系咁样发生。

唔知大家有冇睇过聂隐娘呢个传奇故事呢,里面有个绝世高手叫『空空儿』,呢个高手对敌永远只出一招,如果一招做唔瓜你就收手走人,不过,99%佢嘅对手都系比佢一招做瓜嘅,投资亦都要好似『空空儿』咁专一先可以长胜不败,千祈唔好周身刀无把利。

如果你无一二百亿身家嘅,就最好专一楼宇投资一样,唔好玩分散投资自误啦。
4. 谢谢 2015-09-01 12:41:05
TO:Admin

微调下你个Mirror程式啦, 下下都要借朋友手机留言好唔方便, Detect IP 同Mac Address嘅程式已经好落后啦, 何必玩呢啲小动作呢, 谢谢.

5. 过路人 2015-09-01 12:58:16
哈... ..., 叫人玩股,仲要期权?大鳄的老友,对,这个版块的人够肥美,在这里召集一下,应该可以为大鳄提供美点。
6. 待买楼 2015-09-01 13:10:41
加按要比息,仲要银行批。沽股,二日就有钱。
7. xx 2015-09-01 13:14:04
Rubber article. You just want to tell us that you are the more smart person in the world!
8. 害死人 2015-09-01 14:09:20
听你讲真系会死人....... !
9. 亮剑 2015-09-01 14:20:49
王弼兄……
你话要是投资期权,年回报可达拾几弍拾%,但请问:
1 喺香港能达标者有多少%?
2 大家都知期权系零和游戏,你执豆咁执,咁边个呕呢啲钱出来,系咪坐喺 lFC 甲厦盘房做那些班交易员?
3 请问你的身边人,包括你的同行、你的学生、你的朋友、你的同学……究竟有多少人,可达致单凭炒两转期指期权,就可搵两餐,甚至家肥屋润、创业兴家,而佢哋之前又交了多少「学费」?
4 又请问能达到「神级」炒野境界要有甚么条件,是否要学历好,FQ、EQ、lQ及AQ高,资本及人脉都有齐?
10. 亮剑 2015-09-01 14:38:11
弼兄……老实讲你系十年一遇的炒界奇才,上天对你不薄,这好比集智慧、美貌、好身材於一身嘅幸运儿麦明诗,能否同人讲:「点解你唔读好D书、点解你唔去留学、点解你唔选港姐、点解你仲系26腰?」
11. 亮剑 2015-09-01 15:28:52
其实高手玩期权,可跑赢你楼市塔利班不出奇!
但在期权市场,系九死一生;反之喺楼市,就阿猪阿狗,连唔识字既c9都可执一剂!
12. 笑无知 2015-09-01 15:37:14
讲咁耐,原来班塔利班咩叫「玩」期权都未知,以为只系高杠咁简单。
13. 亮剑 2015-09-01 15:57:31
楼上……咁唔识当然唔好去「玩」啦,呢家系咪要焗赌先?

亮剑 2015-06-03 08:53:01

王弼兄:马鞍式、勒束式、蝴蝶式、飞鹰式、吉斯式、海式、兰保式、争辩式、侧手翻式、围墙式……上述期权的攻略,小弟相信你耳熟能详,并能因应各种市况灵活运用,仲可随时开班授徒㖭。


但香几港有D咁嘅段数嘅人,极其量咪得拾几万人,严格来说连我亮剑亦可称为期权白痴!


在证券及其衍生市场中,就是钱多、能最快揾倒正确市场讯息、有投资知识及能掌握合适软件者胜,我唔系睇小散户,以中长期例如5年,用累计盈亏计,赢你好彩,输系应该。

这因为老散在明,等同你打开晒D牌,同人赌锄大 D 或 13张;而那班能掌握消息来源真伪、有钱、有投资常识者在暗,就可择肥而噬!


反之在2手楼市,无论买或卖,你的对手极可能都是老散,随时出现错价或有死鸡执。

楼、股及债市的升跌,其实同货币供应有密切关系,而小弟相信在对下两叁年,环球政府都是行量寞,正路当然要买股啦……若你自问是高手的话!!
14. Needless Self Fulfilling. 2015-09-01 16:42:46
王先生表示 :『正如今次楼市由03年见底起计一升就是十二年(08年只不过是打了个喷嚏)』。

历史重温一下2008年港股过足失常瘾时的惨况 : 美女股神王雅媛2007年参加港股大赛时,恰逢牛市,恒指曾在港股直通车的消息刺激下达到历史高位30000点之上,在接下来的一年里,恒指又跌至11000点的10年上升趋势线支撑位。恒生指数下跌幅度百分之63.33%「王先生形容当时楼市情况只是打了个喷嚏」。

我们再看看今年「大蠢袋」恒生指数最高点30.Apr.2015为例: 28588.52,到今天恒指收市位为:21185.43,恒生指数从高位下跌幅度百分之25.90%。股市升跌碓可影响楼价是事实,但是楼市12年上升周期,就是位高势危一定会爆或『楼市将会於一年内转角』,理据并不充分,更加无须急急  自我实现!
15. LYC 2015-09-01 16:44:10
能够长期可以靠抄期指和期权搵到食的人,万中无一.
买楼长期收租至富就大有人在.
请王生不要误导读者以为可以好容易就靠抄卖期货至富.
16. MAX 2015-09-01 17:02:26

弼兄,

在下30+岁, 单凭投资楼市6年已累过丰厚利润, 远超你果D咩年化回报,  点解要炒期权? 傻傻地.


17. Oscar Lam 2015-09-01 17:56:47
王兄,

在下对於投资股票没有意见。事实上我的许多朋友在投资股票方面都很成功。不过,对於阁下鼓励大家炒股票期权我则有保留,当中涉及许多专业知识和风险,非一般投资者可以承受。

另外,想指出一点,投资物业的回报除了租金回报外,还要考虑物业增值取得的资本性回报。事实上,物业的资本增值回报往往比租金回报多很多。

阁下说,目前投资期权的年回报有15%,以如此高风险投资的回报才15%,对於物业投资者而言,这样的回报率可以说是可耻的,不能接受的。

不过,大家也明白,现在是投资困难时期。王兄继续努力,总有成功的一天。哈哈!
18. PW 2015-09-01 18:00:56
玩期权每个月搵十几万零用钱, so exaggerate ????
19. 一句到尾 2015-09-01 18:21:45
冇水鱼入局,冇人输钱点会有人赢钱?

20. yyfan 2015-09-01 18:22:58
好想知道边个同王生讲想沽楼玩期权?
21. Desmond 2015-09-01 19:01:03
王弼兄主要强调要达致一个平衡投资组合,我觉得这样是正确的。


22. 70后小弟 2015-09-01 21:23:56
小弟的不少朋友,亲戚,在过去几个月,在股票及什么什么衍生工具上,都损手烂脚,少的输了几万元,多的输了几十万元,可怜他们月入只有万多元。虽说愿赌服输,打死无怨,也真的使人闻者心伤。

输了几十万的亲戚说,年初原来想买楼,但是手多多,把原来想作买楼首期的钱输了一半,现在上车无望了。

小弟最喜欢飞车,特别是电单车。早排有年轻朋友想学电单车,问我意见。我説,不要学,很危险的。
23. 历史长河 2015-09-01 22:20:59
小弟孤陋寡闻,唔知王弼为何人。网上查了查,好似咩狮子山学会,仍是一头雾水。有冇师兄帮忙解惑?
24. 引刀一快 2015-09-01 22:40:22
王弼兄

楼市好友依家最得力嘅讲法系大陆冧,资金跑晒去香港。
总之,度度唔掂净系香港掂晒,好似复仇者2个城市飞咗上天,俾铁甲人托住唔跌,D楼都唔驶冧喎!
25. 引刀一快 2015-09-02 07:02:09
王弼兄

百尺竿头站脚,千层浪里翻身,直挑一众好友神经,有信念,有guts,看你出文引刀真舒一口闷气。

26. 自我陶醉 2015-09-02 08:58:02
一衆楼市好友其实说得没错, 唔识期权真系唔好掂, 输死冇命陪, 不过未跟知人点玩就先否定, 呢种学习态度就真系好有问题。  唔信咪跟人学吓, 唔一定要玩嘅, 唔work先番嚟拆招牌就有说服力喇!

加按层楼同卖掉部份股票变现, 根本就不能比, 卖股是将资产化为现金, 加按只是将已有资产化为更多负债, 在下跌周期, 只会死得更快更惨。

你执豆咁执, 咁边个呕呢?  答案系大把人,要买保险嘅基金大户, 有手持重货, 或大量沽空的, 也有等位买货, 等位出货的, 更有唔知期权系咩就玩嘅老散。

过去十年房产年回报有25%?  咁由2015入市后十年呢? 仲有冇25%?  由97摸顶起计10年又有几多厘呀?  

乐观和有自信系好事, 但千祈唔好畀乐观自信影响自己嘅审判力。


27. 引刀一快 2015-09-02 09:25:41
自我陶醉兄

我觉得,其实唔少好友依家都系嘴巴在负隅顽抗,实情私底下做紧乜大家都唔知。

然而,比较好嘅系,仍然话楼市唔跌嘅人,比以前斯文咗好多。

你算中2014年年尾CCL132,都俾D“好友”删咗,呢度部份好友心态如何,昭然若揭。

好多时所谓乐观自信,系现成环境造就嘅,楼市一路升,买中嘅人以爲自己好乐观,其实呢种乐观系大陆资金送俾佢地嘅,要继续乐观嘅话,请讲讲理据。

讲到97年摸顶起计10年,有几多厘都死喇,俾楼价折磨7年,饮乜滋隂补肾嘢都补唔番,好多前几年卖楼嘅人,俾呢度D好友笑割禾青,其实根本就系解脱!97年以来嘅折磨,平复兼赚,渴望咗好耐嘅解脱加上对返家乡患得患失嘅心情,前两年卖楼实在无可厚非。


28. 引刀一快 2015-09-02 09:51:51
To 22楼    70后小弟

你朋友可能执到喇,首期跌咗半,好过楼价跌一半吖!

买股票,唔对路可以抽头,买楼你点抽头呀?
29. 自我陶醉 2015-09-02 09:52:37
引刀兄, 好友私底下做紧咩都已经唔重要, 最佳卖楼时机已过, 股市继续走弱, 经济继续转差, 唔劈价都几难卖, 看看成交便知, 总放盘有多少个?  每周成交量有多少?  里面多少是真成交?  多少真成交买了都不会蹋订? 

二手楼根本就有价冇市, 升得再高都只是纸上富贵, 就像停了市的股票一样, 得个数字而已。
30. 淡友才是塔利班 2015-09-02 10:21:31

把楼当成投资工具的正是一班淡友吧,很多近年来入市的业主只不过想有一瓦遮头,有个家的需要,不到万不得已,管你外边风云变幻,宁可少吃一碗饭也要继续供楼。我够知97年之后10年不好过了,但唔通拖家带口长期租楼?於是,刚需被你们说成刚衰,入市=自取灭亡,楼市塔利班恐怕是一众淡友!

退一万步以史为鉴,97年阿猫阿狗都入的市,如今在辣椒,收按揭下业主的实力根本比97高一大截。难继续升或许,有调整或许,大跌?你地就想喇!在媒体吹淡风只能吓吓贪婪的人,究竟是刚需定刚衰不如拭目以待!

今朝维记鲜奶22.9加到26.9,叫我减价卖楼?呵呵

31. Oscar Lam 2015-09-02 10:21:31
回29.醉兄,

你说得很对!最佳卖楼时机已过。在下於二、三个月前卖出二个物业,现已经全部成交。

我一直认为,如果已决定要卖楼,就不要太关注短期内CCL会再上升多少,这些是没有意义的。反而如何把握市场最佳气氛卖楼,这才是重点。
32. 自我陶醉 2015-09-02 10:39:09
恭喜Oscar兄!  果然英明, 能把握时机, 当机立断, 再次证明成功非侥幸。
33. 路人丙 2015-09-02 10:59:31
To:弼兄

波斯语『طالبان
‎』意即『伊斯兰教的学生』咁解,翻译成中文就即系『塔利班』,做塔利班在任何信伊斯兰教嘅地方和国家都系一件好神圣嘅事,王生你偏偏将人哋伊斯兰教咁神圣嘅『塔利班』名号强加於我哋呢班黑心又万恶嘅楼市投资好友度,你唔怕比信伊斯兰教嘅教徒『圣战』?
34. 过来人 2015-09-02 11:00:29
自己都有做期权组合,输起上嚟真系唔系人咁品。

其实楼并唔系一定要卖,要卖都卖俾银行啦。

IMHO
35. Jerry 2015-09-02 11:04:35
TO :醉兄 、OSCAR 兄,

两位高手都能在高位减持, 果然是强者! 哈哈 ^^

其实每种投资都各有长短,成功既关键在於时机。楼市和股市玩法很不同,期权就更复杂了。大家都在自己熟识既领域去投资,孰优孰劣就睇大家各自修为了! ^_^

从王弼兄既内容可知, 未来投资市场不容易,回报率趋向下。


36. Schumpeter 2015-09-02 11:23:46
炒股有一样好炒楼,就系赢就大大声,输左唔出声就冇人知。
不过未来一年只可以投资一种公具,就系认沽期权,套楼换put会系发达既终南捷径。
中国情况其实非常恶劣,正如债王格罗斯所讲,就好似有绝症既病人,每三个月换一次医生,就算系从未成功过既巫医都唔理得咁多,历史上几时有用margin炒高个股市就可以经济转型去内衰?
中国再换医生,就好可能系打仗,閲兵就系一个暗示,之后xdd再会去美国同黑马show hand. 
新中国成立以来,平均12年就打一次仗,韩国,印度,越南(打左两次),苏联,中国欠世界一场仗,XDD任内一定要找数!
著名博客yst有本惊世奇书,一定唔可以错过。

2020中国与美国终须一战:当中国的复兴之路遇上美国的重返亚洲

http://www.books.com.tw/products/0010642664
37. 引刀一快 2015-09-02 11:43:31
Schumpeter兄

咪吓死我呀,中国要打,对手应该唔系美国,系俄罗斯!我系从最大利益角度推断嘅。

至于南海周边嘅小国,亦系有可能嘅。


38. 引刀一快 2015-09-02 11:55:07
美国同中国一齐衰,同病相怜,惺惺相惜,重返亚洲搭上中国,咁就真系可以牵制整个亚洲,从而再次威震世界,最紧要中国识得点对付印度,同美国合作系笋位,未来呢个萧条唔系好过,中国千祁唔好重蹈覆辙,黐埋俄罗斯呢个食人唔𠼱骨嘅国家。
39. 引刀一快 2015-09-02 12:28:45
To 30楼 


唔驶惊,冇人打你间宝贝楼嘅主意,系叫D新丁唔好夹硬入市啫。

再讲多次:

住,系刚需

赚钱,系刚需中嘅刚需

唔接受到蚀钱,就系刚需刚需刚刚需。

40. XX to Adimin 2015-09-02 12:31:18
Why did you delete my post?!!!! I really think that this article is a rubbish. No useful information at all. The author only to show off that he is the most smart person in the world.
41. 引刀一快 2015-09-02 12:53:05
To 31楼 OscarLam兄

果然系好友中嘅典范,知进退,得天下!好嘢!
42. 自我陶醉 2015-09-02 14:26:32
To 35楼 Jerry 兄

非常同意, timing 是投资中最重要部份, 同一样资产, 不同时间入, 投资结果可以完全相反, 不顾时机盲目相信某种资产, 最终只会一败涂地, 只要问问90年代投资日本房地产的日本人便知。
43. 测试 2015-09-03 04:03:57
测试
44. 真识香梘 2015-09-03 07:30:23
阿好友--真识香梘--都未发表伟论, 大家不妨等多阵。 不过佢话佢唔昜请既。
45. 珍惜香港 2015-09-04 11:08:16
珍惜香港

唔知 44/F 喺唔喺话紧我?已经讲过好多次,我唔算好友,亦唔算淡友,唔好随便将我归类啦!今次回应王弼,喺迟咗啲,对眼唔好,冇法啦!

讲到伟论,就真喺唔敢当。我只喺长气,又钟意用埋哂啲眼花撩乱嘅粗字体连结,所以啲回应比较显眼啫!呢度咁多投资、投机高手,边敢班门弄斧?就好似引刀兄,成日搬番自醉兄果单年尾 CCL132 出嚟,人地喺高手嚟嘛,梗喺钟意低调啲,做乜强人所难?林一鸣估中恒指,咪一样俾我寸佢背后理据唔相称?估中一个数字,有乜咁大不了?

讲到高手,莫过於王弼啦!旺市赚 25 厘,冧市都赚 13 厘喎!嗱嗱嗱,呢啲咪就喺高手中之高手,神人中之神人罗!面对啲咁嘅神人,真喺唔认喺塔利班都唔得啦!

半年前我提过果对老人家,寻日,又撞见佢地。咁又缘,当然要吹下水,玩下嘢,最近股市大冧,梗喺要吓下佢地,将呢个网站嘅楼淡评论,一次过搬哂出嚟。讲到股灾之后,楼市好快大冧咁,跟住打蛇随棍上,问下佢地,会唔会谂住衬高沽哂啲物业,揸番 CASH 避避难,等到楼市大冧再捞底,翻一翻?

点知,俾佢地哦咗我一大餐。啲老人家长气起上嚟,真喺唔喺人咁笨;我就试下简短咁撮番出嚟先:

后生仔,我食盐多过你食米,股场十赌九输,个市冧有乜咁出奇?我收租咁多年,市好加租,市差咪减租罗!啲物业喺好辛苦捱出嚟,租金虽然唔多,但比起以前果种辛苦,依家退到休,已经好满足。有人临老都冇瓦遮头,发达边有咁容易?你叫我揸咁多钱,想俾人呃哂咩!我只喺要安享晚年,唔想日日睇住个市,晚晚瞓唔著觉喳!

原来,所谓楼市塔利班,只不过喺咁。但响我眼中呢?大智若愚是也!

其实,呢个网站嘅各位高手,实在太睇得起佢地罗!讲得好听啲,就话人地收租致富;难听啲,就话人地好彩买中咗就乐观自信,以为楼市长升不跌;再唔喺,就寸佢地买楼唔谂抽头、唔劈价都几难卖之类。

唉!人地边有话过要卖楼?唔卖楼,因为个楼价未创新高?你地咁钟意用自己啲高手、神人嘅主观思维,去睇塔利班,唔怪之得,会睇错市啦

所谓楼市塔利班,根本就唔喺要发达,只喺望生存、望退休啫

「唔想日日睇住个市,晚晚瞓唔著觉」 ..... 就喺咁简单!

仲有,唔好求其攞啲个案,就话楼市冧紧,真喺冧嘅话,大家唔会唔知。开价、还价、成交,根本就好闲。真正嘅跌市,喺个个要钱唔要货,甚至喺贴钱都要送走件货,就好似沙士咁,唔该各位清醒啲。你地危言耸听,威迫利诱,喺唔会令到呢班楼市主流持份者沽货嘅,冇佢地沽货,点推得冧个市?

所以做人,真喺唔可以咁 CHEAP,想人地沽货,用把口唱下就得?

王弼话:「想沽楼跟我玩期权?太迟了!」咁嘅服务态度,点得架!自醉兄提议,唔识期权呢,就跟人学下啦,唔一定要玩喎!喺唔喺同王弼卖广告?但人地依家话太迟噃!不过,学下学下,点会唔玩?唔想玩嘅,学嚟做乜?自醉兄真喺识得讲笑!

我就话,王生话哂都喺旺市赚 25 厘,冧市都赚 13 厘嘅神人,与其 SELL 楼市塔利班学玩期权,倒不如索性开只基金,价格保证不变,年息定为 10 厘。依家咁多人埋怨啲高息基金,价跌到收息都蚀突,定价定息基金,一定大受欢迎!就连啲咁保守嘅楼市塔利班,都唔会抵受得住呢只定价定息基金嘅诱惑,喳喳林割爱沽货啦!而王生响无本之下,旺市赚 15 厘,冧市都有 3 厘赚,咁正嘅生意,去边度搵?好过开班授徒吖!

咁我就预祝王弼,生意兴隆!
46. 淡友才是塔利班 2015-09-04 11:25:45
「唔想日日睇住个市,晚晚瞓唔著觉」 ..... 就喺咁简单!

所以做人,真喺唔可以咁 CHEAP,想人地沽货,用把口唱下就得?

Can't agree more !!
47. Oscar Lam 2015-09-04 12:08:15
回45珍惜香港,

阁下建议弼兄开只基金卖。据我了解,开基金卖要“证奸会”批准。不知弼兄是否有此能耐?另外,也不知弼兄如何保证?如果弼兄可以说服博士一起保证,那故事又不同了。哈哈!
48. FUN 2015-09-04 12:29:37
If there is such a guaranteed fund, I will sell my properties and get the "FUN"!
49. Oscar Lam 2015-09-04 12:33:46
珍惜香港兄,

还有一点,我对弼兄年赚25厘有绝对的信心。我只是有一点担心,期权乃零和游戏,如果对家是他的学生,和弼兄对赌而输钱,弼兄又於心何忍呢?
50. 亮剑 2015-09-04 13:18:18
珍港及OL兄………
在衍生工具市场,系智力及财力的比拼地方,比既系综合实力。
少部分人真的可以凭知识及资本不对称,而长期赢钱,而小弟深信王弼兄绝对是其中一份子。
我自认教而不善,无咁既能耐同精神去玩呢D高阶嘢,因为咁会死好多细胞,呢家只求食少多觉瞓,毕竟有D钱非普通人可以赚的。

早在年几前我提出,呢家你去买楼是儍的,但你去卖楼更儍。
呢家改为你现在走去买楼收租是儍瓜;但你走去卖走投资物业而投向衍生工具市场更儍,除非你有王生亲自教路。
51. 历史长河 2015-09-04 14:10:13
亮剑兄,今次小弟要同你唱反调了。如果佢有果能耐,仲在乎开班授课喱点收入咩?
52. 人生无常 2015-09-04 14:12:48
大势已成,讲多无谓,17年成交价见真章. 有人买左楼收租唧.等同用闲钱买左高息蓝筹股收息唧,可以忽略不计. 升跌主因在供应和无力防守的人身.17年看看那方强就有胜负了.只看冰山一角找出对自己有利的证据,然后说对方可笑的可能才会被人笑
53. Schumpeter 2015-09-04 14:21:47
听讲王弼第一桶金都系物业上赚回来,好似系老豆做律师定做生意可以比D积蓄佢投资。
佢讲既回报股神债王都做唔到,出名而做得既好似得马多夫。
54. 引刀一快 2015-09-04 14:43:17

To45楼 珍惜香港兄

人家自我陶醉唔系买大细,实牙实齿就系计到年底CCL132,中到应晒!有D人忌才,偷偷将自我陶醉嘅准确预测删咗。边个咁做?呵呵……………,大家睇番个比赛就会知道边个咁小家架啦。

55. Joe 2015-09-04 15:39:37

 

股神50年来平均年回报不过19.7%,弼兄能超越股神这神级阶段,相信不久将来世界首富是香港人囊中物了,可喜可贺....

 

56. 运输工人 2015-09-04 16:25:57
CCL:146.78
都晤知佢点解签?
57. Don't worry 2015-09-04 16:54:01

Don't worry, 3 months, 3 months and 3 months.....

 

58. 自我陶醉 2015-09-04 17:07:07
哗!  做咩个个都摆我上枱?  嗰个CCL游戏, 我随口噏之嘛, 估过咩我都唔记得, 引刀兄唔洗咁认真喎!  嘿嘿!

珍兄, 你又误会喇! 我只系话依家有价冇市, 改变主意要卖楼, 唔劈价好难卖啫!  冇讲过叫一衆楼市忠实粉丝要劈价喎!  卖唔卖梗系要睇番自己实力喇!  如果好似珍兄咁有米, 破产边缘都有钱去扫货, 多多都唔怕买喇!  至於首期都要问人借嘅, 咁就要自己衡量喇!

咁翘我喺银行又见到个伯伯, 问银行定期续期可唔可以高息啲, 八卦问下, 原来佢系定几球, 我又学人扮高人, 讲吓做收租佬有几好喇!  哗, 几乎畀佢闹到反艇!  佢同我讲: "后生仔, 你咪见人炒得咁过瘾就炒埋一份, 买楼赚梗㗎! 你有冇见沙士几多人炒楼PK? 收租? 跌7成喎, 收埋够唔够蚀先?你都懵懵哋嘅, 我几十岁人, 仲得闲同佢追租, 整水喉,整呢整恼! 系罗, 个个买层楼收租都赚梗唔洗做喎,食懵你喇! 信我喇后生仔, 努力工作唔好成日都挂住不劳而获!  "  我唯有答佢, 哦! 系嘅, 系嘅!
59. 四叔 2015-09-05 07:24:47
坊间流传(地代告知)四叔步署尽散旗下各类不同尺码货, 讲到似乎系散水一样。 
60. 人生无常 2015-09-05 12:07:07
珍惜兄同自我兄,买楼收租同定存或者买股收息唧系个人喜好,一般人都系想一动不如一静,突然改变一路以来做法唧老人家好少,基本可以忽略不计,而家讲紧楼巿转势,转势睇唧并不主要靠珍惜兄所讲唧主要持份者,套落股巿,上巿公司大股东唔卖股,唔通佢只股就唔会跌? 楼巿股巿都有投机者,都有实力不足的投机或跟风者.只要大环境转差左(已好明显),楼供应增加左,(好似股票玩发新股供股,股价自然无咁好). 东江鸭及重货投机者开始走货,跟风者及实力不足者下一步也会跟上,个势一成,唯一不放的可能就系果D收租实力阿伯,但佢地放唔放,对大巿影响唔大,(股巿里大股东跌巿回购都挡唔住股价跌啦,何况只系唔卖),主因买唧人少左,想睇定D, 个价越低越少人追买,一直要到个平冲点,卖唧人卖唔卖都无所谓,买唧人感觉买左都唔怕时才叫定落来. 而家大家都话跌2-3成,我就无咁乐观,起码四五成.无他,中国已经停左个发动机,香港仲要内部问题不绝,同03有中国政策,08有美国QE帮不同.香港已经开始边缘化了,我而家买楼都不买香港,只留自住同一个单位收租养老就算.人口老化,年青人减少,大陆人减少移民香港.仲点支持高楼价?
61. 历史长河 2015-09-05 12:23:53
人生无常兄,「我而家买楼都吾买香港」,可否分享一下在边度买丫?
62. 人生无常 2015-09-05 12:30:40

长河兄,

因为家人很多在美国,加上价位合适,买在美国

63. 引刀一快 2015-09-05 12:48:32

To 58楼 自我陶醉兄

你成日咁多一矢中的嘅预测,唔在意一次半次,不过我对于某D唔磊落嘅人,我实在系睇唔过眼。

其实,收租唔系唔好,但系利用收租作为诱惑,引诱人唔睇价入市买楼,呢种论调几时都要反驳,几年收租几十万,楼价蚀百几万,利息又系白俾多几十万。

64. 历史长河 2015-09-05 12:48:38
人生无常兄,多谢分享!应该已有不俗回报,祝君更上层楼!
65. 过路人 2015-09-05 13:50:46
奇才王现在应该明白,这个版块的人不是水鱼,看得痛快
66. 过路人 2015-09-05 13:53:52
共嘲之,哈哈哈
67. 自我陶醉 2015-09-05 16:04:52
To 63楼 引刀兄,

都人去留空喇, 仲咬住人唔放, 真系呀!  

好友淡友啲预测都系段估㗎喇,唔好用引诱咁严重, 讲到好阴谋咁, 你同嗰啲见到有人睇跌,就以为人吼住佢啲宝贝楼嘅人咪一般先识罗! 其实我觉得大家分别只系佢哋觉得买楼系财路, 我哋唔觉啫!  老实讲,蚀咗又唔系你钱, 又唔洗你赔, 赚咗又唔会多谢你嘅, 信唔信话之佢喇! 

68. 细价楼=死 2015-09-05 19:01:54
正如博士早前鸿文所言,细价楼租客质素差,今日又有一单居屋租客烧炭,收2-3厘既收租佬有冇考虑风险溢价?比小小租金引诱买楼收租既人,一定系呢一波死先,到时佢地可能羡慕套股买股票只系输二成本金果班人,至少冇咁大杠杆输入肉!

69. 引刀一快 2015-09-05 19:19:23

To67 楼自我陶醉兄

其实你同我喺度吹水都系当作消遣啫,我估计买入呢度D师兄嘅物业,机会接近零!佢地成日话叫人唔好理价位高低,查实佢地最在意!

至于你彪炳战绩俾人del咗呢单嘢,我真系要讨个公道,表面系"人去留空",实际上阴魂不散,佢久唔久就化名"牛牛"返黎为佢原型大吹大擂。

htnh

 

70. 自我陶醉 2015-09-05 19:36:47
引刀兄, 仲吹得几耐, 游戏已经开始, 过多几个月, 傻嘅都会知发生咩事喇, 投资楼市有几安全, 大家拭目以待喇!

今日苹果新闻
PMI劲跌 营商环境恶化
港企裁员速度 沙士以来最快
http://hk.apple.nextmedia.com/news/art/20150905/19283731
71. 地盘佬 2015-09-05 20:00:49
自醉兄维持依家系B浪嘅睇法定修正为大5浪寻顶?
72. 历史长河 2015-09-05 23:12:05
刀兄,陶醉兄,小弟对你哋讲个被删事件不甚了解,可否详解。据小弟了解,只有网站才有权删帖,好友怎会有此权利?
73. 引刀一快 2015-09-06 05:58:58
To 历史长河兄

事情乃误会,事缘早前在下多番搜索,均无法再搜出自醉兄早前对CCL所作之预测,如今又出现了,事情告一段落,若然是引刀手误也未可知。


74. Oscar Lam 2015-09-06 07:38:04
引刀兄,

不要过度估计、假设一些不肯定的事情,或者其他人背后的想法,很容易出错,也没有必要。只要讲出自己的想法便可以了。
75. 自我陶醉 2015-09-06 08:59:36
本来就是小事一宗, 都是相互不信任所造成的误会, 才把事情闹大, 放下成见和执著便是!
76. 引刀一快 2015-09-06 09:25:58
那就当作是引刀手误好了,我想法也是公正就好,没有其它的。
77. 自我陶醉 2015-09-06 09:42:51
To 71楼 地盘佬兄

CCL已超越原先预计的143, 看来很有可能是5浪寻顶,  时间上也与道指快将完成的supercycle 吻合, 可惜CCL的数据只能追溯到1994,很难估计未来的调整幅度和时间, 但如果真的是上升过百年的5浪尾, 可以肯定的是未来将要调整的度量, 必然是波澜壮阔, 时间漫长了。
78. 赌仔性格要不得 2015-09-06 11:51:20
   有刀手话内地楼市好快塌,讲左成年喔。。。
79. 十郎 2015-09-06 12:09:06


      楼市系点 ?  唔驶睇喇  !

      宝宝,  张活游,  执定行李比陶三姑赶走啦.

      昨日睇新闻,  学到一句北方语 :  ' 煮熟的鸭 '  肉淋,  只有嘴硬.


80. 引刀一快 2015-09-06 12:36:00
千祁咪信引刀呀,嗱嗱声番大陆买楼支持祖国喇。

(只对78楼适用,同胞勿近)
81. 自我陶醉 2015-09-06 16:48:54
78楼 讲紧系几十年升浪嘅转势, 一两年误差, 有咩出奇呢?  如果你咁劲, 不如讲嚟听下边日开始转势喇。
82. 引刀一快 2015-09-06 18:28:37
自我陶醉兄

其实78楼系引刀fans嚟架,系因爲佢想买大陆楼未够钱交首期,佢嫌依家减价两成仲未够,老婆仔大住个肚等结婚,等唔切喇!
83. Marie 2015-09-07 00:48:26
在香港,地产霸权及自由行多年来不断祸害港人生活。君不见现在满街金行药房海味店及所谓"电子免税店",而且全部都是"服务"内地人的奸商骗子!!! 香港真的需要这么多游客店吗? 政府又没有把关执法,导致现在香港旅游业声名狼藉。
 
事实上在香港消费真的是贴钱买难受,租金昂贵令餐厅商店地方异常挤迫,服务态度又恶劣,货品价钱又因租金贵得离谱,满街都是"服务"内地游容的老千骗徒,市容越来越差,计程车司机态度恶劣,车厢就像垃圾房般;去过日本旅游,回到香港一分钱也不想在此消费!! 商户为了交租千术百出,货品价钱每一区都跟游客区一样高昂,商户都要谋取暴利来交租,市民用大部分工资供楼房,根本无力再消费!! 
 
这些所有退步坠落跟民不聊生都是地产霸权跟自由行洐生出来的祸害。香港一年到晚只懂吹嘘自己是购物天堂,目的只是想赚尽内地人金钱,完全将旅客体验跟感受置之不理,连旅游业都因此弄得无耻过人。在地产霸权同自由行这些"容易钱"之下,香港人真的已变得又笨又迟钝……香港过去赚钱太过容易,引致各行各业都落后於人,现在大围环境逆转无力转身,根本完全不值一分可怜!!
 
另一方面,地产商根本没有当过"本地客"是人,好像尿壶一样,不需要时嫌我们臭,现在尿急(生意跌)又要爬过来要本地人救他,,真是厚颜无耻。现在香港自立能力已被地产商和自由行彻底毁灭,现在他们是大得不能倒(too big to fail), 依靠他们就比他们吸干,不靠的话香港人自己现在又已经什么都不懂。如此下去,香港人只会继续世世代代做地产商嘅奴隶。
 
所以大家要用实际行动say NO,坚决拒绝在香港消费。 不要纵容劣质服务/产品及地产霸权继续为害香港。 为了后代,其实身为香港人,无论什么派别都应枪口一致去殊灭此祸!地产霸权一日还在,香港旅业及民生都系死路一条!衣食住行基本需要消费当然不可拒绝,但我们可以选择不要一年换一次手机,拒绝一星期一次昂贵自助餐,不要买一堆自己都用不完的衣服同化妆品,尽量在家造饭,删减一些无谓的冲动消费,这样子已经足够。
 
没有自由行之前香港是否贫穷地区?经济结构同劳动力足会自动调节,正正香港人就系因为自由行跟地产太过赚钱,造成今日产业单一化跟劳动力流动性低,做老板投资地产坐定定年年超高回报,开金行药房海味店保证赚大钱,为什么要做实业慢慢来?人家星加坡产业均衡,互惠互利,他们一样没有资源,更加不像香港有中央支持xx通及什么贸易协定,人家人均GDP早已超越我们香港了,人家没有地产霸权,也没有一年几千万自由行撑住,看看星加坡,大家就知道根本整个剧本就是发展商、大商家这些既得利益者跟港府编出来的大话: 香港一定"需要"高楼价跟自由行去续命。
 
如对香港有心,请将上文用FB或WhatsApp广传出去,利用每分力量救救香港,谢谢!
84. 亮剑 2015-09-07 09:28:12
引刀你有无看有线楼盘传真?
星期六果集头15分钟的话题,根本就是我喺呢几年不停讲嘅野!
你有线编采,又唔早 D 扬声!
呢家你先话畀人知真实情况,淡淡同租住等会话:「真系多得你唔少」

http://cablenews.i-cable.com/webapps/program_video/property_videoPlay.php?video_id=12222805

我成日话根据 82定律,总要有人吃点苦头。
但呢家随时系打后弍叁拾年人生交叉点。
对上几年上倒救生艇嘅,不但可享受资产增值,随时有多D被动收入;反之放弃上救生艇的人,就不停交贵租、现金购买力给蚕食、上车条件不断给收紧……呢家真的求生不得、求死不能。
85. 亮剑 2015-09-07 09:35:12
根本香港大力发展旅游业,是用来照顾部分低下阶层就业需要。
请问大家,如果你系大陆水货客,要揾银开饭,你本土派出来「少够你」,你会不会洗手不干?
但调转头你系一个想寻开心的旅客,你又会唔会专登走来香港「畀人少」?
86. 哈哈 2015-09-07 10:03:37


      " 煮熟的鸭 "..............哈哈


87. 水四郎 2015-09-07 10:15:24


     下一回上映................上咗车的,  求生不得,求死不能.


88. 好好笑 2015-09-07 10:28:59


      为什么未上车的,     要求生不得,  求死不能  ?

      唔系业主就 ............ 要求生不得,  求死不能  ?



          
89. 引刀一快 2015-09-07 11:17:23
亮剑兄

根据你嘅二八定律,将会轮到超高价买细价楼嘅人”求生不得、求死不能“

我睇淡系呢两三年嘅事,其实我喺香港2013年仲有四围睇楼,不过,我想问问你,点解你依家强调前几年嘅嘢,你不如讲讲往后展望仲好喇。

好多嘢唔应该本末倒置,要搞旅游业,唔系一味拉人过嚟,系应该保持同创造旅游吸引力,等人地钟意过嚟,愿意嚟完再嚟,咁先系正路,单纯斟酌入境人数,系被动行爲亦系短视,想长玩长有,要再减!呢样嘢我唔奢求你马上明白,过几年就知道架喇。
90. 人生无常 2015-09-07 12:10:47
其实呢几年我对香港唧好感一路减少,香港已经把自己最核心唧识应变竞争力降为吵闹罗著数,地产霸权固然同曾贪果8年执政关系密切,但同时也看到年青人应对现实的不满,不是努力求进,而是怨天怨地.咁样唧社会环境,你俾层公屋佢住,佢会话点解无好唧管理同设施. 你俾佢仔女免费读书,佢会话点解无课外活动资助,咁唧心态,点会有竞争力呀. 楼价系普遍呢种心态唧年青人里面,点支持得住,现在接近全民就业,佢地仲可以搬出来租屋住,到失业人多左2-30万,呢到有一半估计返家人果到逼,你层楼唔减租租俾边个?而且来紧细价楼供应多左,真系想起都怕. 楼巿供求永远都系迟几年, 升巿时唔够供应,跌巿时供应刚好到. 留住钱到17年见真章. 永远都系系错配唧位买入卖出资产系最佳时机,但当然唔系一定捉到,不过有师兄系去年中到今年中卖楼成功唧,我感觉都捉到角了,之后就要睇眼光等买入位.
91. 地藏 2015-09-07 13:03:20

人生无常兄讲得好

知命者不怨天 知己者不怨人

92. 十郎 2015-09-07 15:24:25


      买咗楼即系上咗救生艇,  

      今年2月上咗 388 只艇,  6月时都有赚 70%.

      问题系,  识唔识得落艇.


93. 亮剑 2015-09-07 16:25:13
今日出7月差估指数,建成量到7月总数为5814!!
今明两年的落成量,因为出现铅水楼事件,令到合资格的水喉工人出现短缺。
你成幢楼起晒,争水喉未出倒纸,那可以入伙、能够住人吗?
建筑商呢家就算有持牌水喉匠开工,当然首先搅翻掂D苏州屎先啦,仲鬼得闲同你做靓个落成咩!

以前中央银行真的会收紧财政来调节汇率。'
但呢家就各家自扫门前雪,那管他人瓦上霜。
现在系你QE到1%息,我就0.1%,第二个国家仲要负息添。

呢年零似D样嘅三房,喺港九两区都要上仟个,那么从重置成本;按揭安排;从新入市计压测几方面,明知跌硬但都教你一动不如一静。

无人「肯」或「敢」放手,二手盘源能从天而降吗?
94. 引刀一快 2015-09-07 16:53:16
经济唔好,即系楼市冇展望,咁条数就唔系咁计。


95. 引刀一快 2015-09-07 17:04:57
唔讲经济大环境,净系讲D水喉,有点脱离现实

96. 亮剑 2015-09-07 17:48:02
4. 亮剑 2015-03-03 09:17:40

好文分享……


好多人不明白为何政府连番出招,楼价都不跌反升,其实政府可做的根本不多,重点是自由行逐年增加,楼价就逐年升,我来解说下


首先,影响楼价最主要的因素有二:1.供求关系,即单位供应及需求的关系,当中包括租楼的需求. 2.市民买楼供楼及租楼的能力, 以下详细说明:


1.供求关系:

即系多少人需要买楼租楼及有几多单位供应,众所周知,之前曾任权时期少起楼,做成供应少需求多,楼价自然会上升

2.市民买楼供楼及租楼的能力:

供应不足,楼价上升,但都要看市民的负担能力,能否负担得起供楼,当全港个个都冇野做,供唔起租唔起,楼价亦自然不会上升.


明白以上逻辑,就容易理解楼价升跌因素

今时今日因为最低工资,洗碗保安侍应以往只有数千元人工,今日都万多元人工,试想一家三口,即使两父母都只得万四五人工,他们未必买得起楼,但却租得起一间一万元的单位,当每个家庭只要肯做,就租得起万元楼,在供应不足下,投资者就可以将租金推高,租金足以盖过供款,甚至做成现金流入.这情况下,一个很好的投资呢,投资者又怎会愿意沽出或者降价呢?


有人说楼价很高,市民无法储首期.但不要忘记,香港是很多有钱人的,例如湾仔区每五个成年人便有一个有一百万流动资金,这是相当恐布的数字,足证香港是极度富有的城市. 这批有钱人,他们要买几间楼是非常容易的,所以在租金仍然向上时,投资回报吸引,他们就继续买,然后让低下层负责供. 你们明白吗?


如果明白我所说, 就明白今日的楼价并非天价.要楼价下跌,关键在於经济,即市民的可供款能力及负担租金的能力.有没有想过,为何03年后楼价不断上升?因为自由行,自由行带来庞大的就业率,基本上各行各业都因为自由行而令人工有增长,最起码不用再像98-03年一样年年减薪,随住一签多行及不断扩宽自由行城市,来港自由行不断增加,楼价亦节节上升.


某些报章及政客在愚弄市民,说自由行只占GPD 1-2%,对香港经济不重要,他们目的只是利用市民的无知去影响政府施政. 旅游业本身带来的GPD的确不高,但却对就业率有很大影响.举例, 一间金融公司如惠理(806),数十人的公司可以每年赚过亿利润,一间贸易物流公司同样数十人,可以赚过千万利润,但一间数十人的酒楼,却只能赚百多二百万一年;这就是为何旅游业带来的GPD不高,但却很重要,因为大部份人都不是做金融,许多人都只是做餐厅侍应厨师,售货员等.


又有人说,厨师售货员都只是个别行业及职位,自己没有因为自由行而受惠,反而因为自由行令物价上升而受苦,其实这又是另一无知!自由行来港购物消费,例如去百佳超市,卓悦莎莎,万宁,药房金行等,真的只是这些公司及店铺业主受惠吗?有没有想过一间零售店例如百佳惠康的货物,有几多百种类?来自几多间批发进口公司?这些批发分销公司多了订单,是否要请多了文员、跟单、会计、采购?运货多了,物流业司机的需求是否多了?仓务员是否多了?每年五千万游客,除了水货客外,他们都会在港饮食,对香港餐饮业人手需求极大,洗碗都可以有万多元了.还未计宾馆酒店主题公园的士司机旅行社等,单单计这些直接受惠行业,已经满足了香港许多人的就业机会.


再详细一点,律师银行会计等专业,生意主要来自什么人?他们生意主要来自商人,批发零售旅游等商人做生意多了,这些专业行业才能有生意.就业率多,楼价上升,地产经纪保险经纪又受惠.仲有医生护士等都因为自由行而令到人工不断上升, 各行各业有工做有人工加,连俾阿妈的买餸钱都多了,街市菜档的收入都多了.明白这些行业聘请大量人手,其他行业如保安等便人手不足,便连保安都可以加人工,这样就做成很低的失业率,当自由不断增加, 人手需求不足,就有人工加. 现在你们明白政府当年够胆让最低工资推行的原因吗?


以上所说就是简单的连锁反应,就是为何04年开放自由行后,香港人扭转98-03年的惨况,失业率不断跌,人工能够上升.人工升,楼价就自然升. 要楼价跌, 很简单, 看今日反自由行的程度去到什么程度, 只要他们继续骚扰旅客, 像泛民在街上派传单叫自由行不要来港,香港经济必定大受影响,市民收入下跌,楼价自然下跌.


最后, 有人说少了自由行,铺租下跌,物价自然下跌,即使收入下跌都没有所谓. 其实,这又是无知,被传媒政客愚弄.停一停,想一想,香港的资源,如食物、食水、石油、建筑材料主要来自哪里?都是进口的,大陆近十年物价升了多少?人民币升了多少,一个苹果进口一元,就算你不用租金不用人工,但苹果进口价亦在每年上升,你明白吗?起初物价会因为铺租跌而下跌,但之后便会跟通账上升,而当香港人工资年年下跌时,香港人就明白什么叫惨,这叫「滞涨」,物价上升但人工下跌,记住, iphone不会因为你人工跌而减价,去日本玩, 日本不会因为你人工跌而减价. 在这情况下, 香港人的可供楼及可租楼能力便减弱,楼价便会大幅下跌.


再深入一点,又有人说,香港不是只有自由行。但又有哪一行业能带来这么大的就业率及连锁反应呢? 60年代,香港因为有大陆庞大且廉价的资源,加上人工平,而以工业起家; 80年代,大陆开放做世界工厂,香港转型做贸易物流,做大陆及欧美的中间人, 聘请大量文员、采购等,货车司机都几万元一个月,全中国的货都来香港转口, 香港因此发达; 2000后,大陆发达起来,大量基建有港口机场,大量海归大学生,再不用靠香港了,香港优势占失,98-03年香港有几惨,记得吗?2004 香港终於又找到另一出路, 靠我们的法制,低税, 转型做服务零售业, 大做大陆有钱人的生意, 找到生存之道.


但去到今日, 香港未找到另一出路, 金融吗?大陆开始发展前海、上海自贸区;科技吗? 没有;工业吗?没有;贸易物流吗?在萎缩. 我们背靠大陆十多亿人的生意及资源,本来很简单的道理,就是继续大赚大陆人的钱. 另外,靠香港的法制法治低税率,吸引国际集团在香港设总部,但当中有一点很重要, 就是物流速度,包括货运及人的流动, 即是内地人很容易进入香港,在香港设总部的外国人要入大陆很快,几个小时就可以去到中国各地,明白吗? 这就是为何政府不断受到泛民反对,都要大起高铁及大桥, 与大陆接轨, 你失去了这优势,就失去做生意的机会,甚至被边缘化,变成大陆二三线城市.


今日香港,有班人要阻香港与大陆接轨,阻起桥阻起高铁,这都算了. 连最容易做的生意, 自由行生意他们都要骚扰,简直愚蠢至极,他们只是想玩死香港,算了,政治方面我不谈多了, 以上这些都是一些简单的经济知识, 当明白我所说, 大家若果希望楼价下跌, 有两方面 1. 要求大加土地供应. 但要问过泛民等团体先, 因为填海会被闹, 发展东北会被闹, 发展郊野公园会被闹, 大加供应并不容易 2. 削减自由行, 但政府内有经济知识的人, 又怎敢这样做呢? 这是在自掘坟墓, 他们可以做的, 只有勉强削减一签多行以平民愤.


我估计, 在削减一签多行后,楼价也只会有轻微下跌,除非有政策大减自由行数目吧..……


原帖由 wongjim 於 2015-3-1 11:11 PM 发表 





5. 亮剑 2015-03-03 09:25:50

其实在新一波收紧按揭条件前,大部分的买家:

已经可拿出四成以上首期出来;

只用月薪四成楼下供楼;

现在金管局只不过系将呢种情况写死佢啫!

而且大家不要忘记,呢家新上车的买家,绝大部分都是 一人做事一人当,唔会用联名呢种方式置业,那么「个人平均只用月薪四成上下供楼」,即代替他/她们仲有剩余供款能力做后援,当然前题系有如汤博士话斋,杜塞其他借款渠道或后门,例如果D不受监管的财仔,唔好畀不自量力的人「鼠」入来盲上车。


现在揸喺四大手上的生地,理论上够起拾几弍拾间楼,如何盘活呢批土地,就系打后十年能否做到供求平衡的关键!

我 1998 年已经上书叫政府将部分土地,以分期付款补地价……

到今时今日小弟深信,我呢条「屎桥」,系唯一可解决深层次房屋问题的解药

98. 引刀一快 2015-09-08 06:28:33
亮剑兄,自由行唔减,长綫冇得玩。

你唔了解大陆,亦未了解今次呢个经济巨浪,一切分析停留在上年年底。
我两年几前喺呢个论坛开始出帖,一直提到大陆经济唔好,去年已经明白确立大陆会有一波经济衰退大潮,你几时认真回应过?
依家唔系婆仔买菜斗智斗力,系国家以至环球层面嘅问题,香港可以以区区行政手段就完全避过?

99. To 引刀 2015-09-10 12:13:29
自由行唔减长綫无得玩,可否解释?
100. 引刀一快 2015-09-11 08:00:27
To 99楼 

依家减都迟咗喇,失咗时机。
101. To 100楼 2015-09-11 08:15:11


你真系扯王之王。


102. 香港人 2015-09-14 19:15:48
好在没有沽楼跟 你 玩期权?太好了!