地产博客 > 弼尖言论 返回
浏览人次:59827    回应:125
弼尖言论

三厘半的大志

 

王弼

狮子山学会前主席
香港奥国经济学院创办人
2015年6月2日

  明报上月的一个投资讲座,找来了王弼评论未来半年的股市走势,详情可按这里,在此不赘。讲座中,王弼讲了一句话,可能会伤了不少地产资讯网朋友的心。著名的地产评论员陆振球先生是这样引述我的:「王弼说,他看到一些人拒绝投资『砖头』以外的其他资产,认为收那约2厘的租金回报,只要高於近零的存款息口,便已觉得满意,其实是没有『志气』的表现,当然楼价升了多年,也有人会说租金回报低不紧要,只要楼价升,赚价便成,在王的投资思考里头,买入的投资工具不能提供合理的现金流回报,只是博别人抢高价,然后转售图利,那其实投机高於投资成分。」

  首先,关於「投机」和「投资」的部份,王弼是实用主义者,可以捉到老鼠的就是好猫,赚到钱的,那管是投资投机,况且我觉得企图为两者定义,非常多余。我认为楼市目前不值得投资,是基於许多买楼的人已经是不管租金回报,只渴望楼价升值,这明显是牛市末期的现象。客观上,零售已死,自由行概念玩完,大陆实体经济亦败象已露,我已经有一半的资产是地铺、工厂和住宅,不再跟人癫,就是如此简单。

  至於租金回报方面,我看见有网友说:「2厘回报?王弼不懂找笋盘吧?我可以找到3厘多的!」首先,2厘没志气,3厘半就有志气吗?那么恭喜这位兄台了。做人如此容易满足,一定身心康泰。事实上,王弼收租的经验所得,3厘半gross yield,扣除经纪佣、管理费、物业税、空租等,厘数不就变为2字吗?不过砖头塔利班很奇怪,他们竟然可以用自己多年前的买入价,来衡量自己的租金回报,例如一间与2009年以1600万买入的单位,业主现以3600万放售,同时在市场以7万元放租,年收84万,塔利班可以和跟自己说,回报超过5厘!实在对金融有些少认识的人都会明白,如果该单位现市值3600万,回报就是2厘多一点。有人可以如此阿Q精神,称回报率5厘,除了香港楼市,实在罕见。

  至於我认识在楼市的真正劲人(不是一些手上只有几个单位便也文也武的散户),例如最近我在饭局遇到的蔡志忠老板,他当然仍在市场活跃买卖。在这个楼市牛市末期,他仍有能力赚大钱,理由非常简单,就是蔡老板的层次,已经远远超越了普通投资者。例如许多「铺王」,他们有能力把整幢大厦或停车场买下,然后拆售,把潜力释放,并非像许多散户,买楼收租然后被动地等大市把价值推上。王弼就是看通这点,如果不能够专业得像蔡老板一样(更不要说自己不够规模,有笋铺位经纪也不会给我这现实了),只有退而求其次,投资国际股票市场,买卖期权年收15-20厘息好了。三厘多的砖头回报,还是留给别人赚吧。

 
 
我要回应
我的称呼
回应 / 意见
验证文字
 
会员登入
登入ID 或 网名
密码
1. yyfan 2015-06-02 15:58:22
作为六十后生意佬本人绝对同意三厘半微不足道,我借钱比帮我做Oem加工厂随时三四分起步,但我地卖货嘅毛利可以由2%至100%完全视乎产品同风险而定,此道理用系楼市投资上也一样,对於一个冇其他投资经验嘅人来讲,与其摆旧钱系银行,有番三厘收又唔可以笑佢on 9

利益申报,2010年中已停止买住宅投资,2013年停止商厦投资,上年卖出所有写字楼除自用果层以及质数差嘅住宅货,上年换入一D质数好而尺价近二手嘅一手货
2. My good fan 2015-06-02 16:38:39
Bond, security and other financial investments are suitable for those experienced
and knowledgeable players. Not even experts can make money, so
new comers an easily be the 'dim sum' of the sharks. 
3. 引刀一快 2015-06-02 17:12:23
例如一间与2009年以1600万买入的单位,业主现以3600万放售,同时在市场以7万元放租,年收84万,塔利班可以和跟自己说,回报超过5厘!实在对金融有些少认识的人都会明白,如果该单位现市值3600万,回报就是2厘多一点。有人可以如此阿Q精神,称回报率5厘,除了香港楼市,实在罕见。”

其实有一些情况之下(我要强调一下,系某一些情况),的确可以一直以1600万作爲本金计算,更甚者,将过去收到租金扣除各项开支之后的历史纯利,以买入物业价钱减之,例如1600万买入物业,每年得纯利160万,十年之后抵消全数买入成本,即系归本,之后以本金为零去计算,都得!再去尽D,就系归本之后纯利,计入“负成本”,以负成本计算回报率。
到底系咩情况之下,可以咁计法呢?小弟心里有个计算方法,夜少少揭晓,希望各路大仙不吝指点,睇下有冇师兄有同样嘅谂法。
4. 历史长河 2015-06-02 19:26:46
王生,你花了很大篇幅攻击楼市塔利班,却对文章重点 '投资国际股票市场,买卖期权年收15-20厘息好了' 一笔代过。小弟愿闻其详。
5. 亮剑 2015-06-02 20:07:35
历史长河兄……畀着我系 RM,小弟会咁sell你。
X兄,上次听你讲,如果汇丰跌破66元你想入几拾手,而升破77元你就想止赚转买941,不如同你设计一个 short strangle 好唔好?
运用呢个方案,如果汇丰在66~77元内上落,咁你两个月后可收取3元期权金(利息),如不幸汇丰跌破66元,你可用折让入汇丰,无坏;反之汇丰升破77元,你横掂都想喺呢个位楼上沽啦。

仲惊的话你可做 long condor,用回汇丰做例子,你沽出66及77认沽及认购;同时用部分收回的期权金,分别买入60及85认沽及认购,咁你根本立於不败之地。
6. 期权游戏 2015-06-02 20:09:27
做option一年可以有十几厘系会比人一种安心聪明既感觉,但可以一输输清光,当年大刘都系输都要卖古董,当然,如果有D好似中移动咁慢升慢跌,short covered call呢招都几可取。
我有朋友当年用50万中移动正股加上short ratio call,之前一年回报over 30厘,结果2007年升到上150蚊要打把输净5万。
7. To 6 2015-06-02 20:52:58
有正股在手做short call,点可以由50万输剩5万?short put仲有些少可能。唔该指教下,你朋友一定叻过毕非特,或者老作塔利班至得。
8. 无敌神人 2015-06-02 20:54:31
又一个无敌神人,我老豆点解唔系李嘉诚。
9. 70后小弟 2015-06-02 21:24:24
小弟是楼市塔利班,我有朋友是股市塔利班,2007年后,八年过去了,你估下边过赢得多?
10. To 9 2015-06-02 21:34:03
系你的朋友,点会有运行?
11. 历史长河 2015-06-02 21:44:26
亮剑兄,我明你明,哈哈,共乐之!
12. yy 2015-06-02 22:06:25
无论任何投资,风险永远存在,财技令中信荣家离塲,买实物也可以令胡家失去虎豹别墅。
赚两三轮钱就认屎认屁你人,香港多得很。记否神童辉?Alan Bond?陈松青和今天不知身在何方的黄坤。总之够胆讲投资心得的人,肯定是自命成功,可能有些人以为有三数十亿就算成功吧,当中又有几人敢肯定可以终生拥有呢?公园的伯伯当中也不乏潦倒富豪呢!
13. 亮剑 2015-06-02 22:14:13
历史长河……
正常计你随机喺街问一百个人,呢个 long condor 要点买同沽,小弟保证答倒正确答案者都唔知有无十个。
而用过呢个策略者,有无5个?
最后可赚倒使费者离场,可能只得真正期权高手,例如王弼兄。
呢个就是知识不对称!!
但买层楼收租,理论上连文盲亦知点玩。
14. 朗晴 2015-06-02 22:51:06
十个炒股七个输,一个打和,一个赚鸡碎,真正最终修成正果只有一个.
至於当年买正Lehman既就total loss.
15. 云在青天水在瓶 2015-06-02 23:18:29
曾经讲过 "楼市赚钱,绝大多数靠的是运气;股市赚钱,方显出英雄本色。" 结果在此网站激起了少少涟漪。

如今王生讲楼市投资者胸懹大志,但不过三厘半,恐怕⋯⋯。


16. 大宝二宝 2015-06-02 23:29:59
投资嘅嘢各适其适,边样熟咪玩边样罗,我都费事驳佢! 悭番啖气。

17. 蜕变中嘅懒人 2015-06-03 01:40:18
王弼兄话:至於我认识在楼市的真正劲人(不是一些手上只有几个单位便也文也武的散户)

本来只想做塘边鹤,既然有feel就回应两句:
懒人13岁辍学捱世界,到今日都系投资盲毛,回想呢世人无任何记录嘅不知谓投资结果:
股票:总投资约100万元、现总值约30万元。
楼市:总投资约200万元、现在幸成为拥有几个单位也文也武的散户

如果重头嚟过以股票为重点投资,今日王兄路边见到推着木头车执纸皮维生者,中一人嘅背影应该系属於懒人无误。

木头车,共推之,唱着:鬼叫你傻,顶硬上。
18. 明白了 2015-06-03 02:38:34
一班低能仔,撞正牛市,有两三层楼,物以类聚,就系咁简单!
19. 大宝二宝 2015-06-03 03:45:02
午夜梦回,学人夜观天象,星星就睇唔到,喜见昔日风趣、幽默、抵死嘅懒人兄归位,可喜可贺!

共贺之,哈哈!
20. Fund佬朋友 2015-06-03 06:21:37
傻瓜都睇得出有人想帮基金做势、引D经验浅楼市投资者出货转买股票。我班基金fund老朋友话最近楼市又转好,生意难做,好多人不买基金转番买楼,叫大家帮帮手唱番淡楼市,之后再出货。王生必然系有D个人用意,不便致评,大家用雪亮的眼睛看清楚,身边有几多朋友在基金𧶄到钱?做大鳄点心就有份。
21. 打工仔 Andy 2015-06-03 07:29:08
作者
不要睇小人, 不要眼似狗! 你无资格批评小投资者! 
22. Oscar Lam 2015-06-03 07:34:54
王先生,早上好!

有一点投资常识的人都知道,高回报的背后一定是高风险,期权年回报有15-20厘,不知它的风险如何?如果只讲回报,不讲风险,这是不负责任的行为。

另外,王先生以蔡先生作为例子似乎是找错对像了,大家都知道,蔡先生极少投资股票,他就是靠房地产致富的最佳例子。在香港靠房地产发达的人大有人在,靠股票或期权发逹的人我至今仍未找到。

万里寻他/她千百度,共寻之,哈哈!
23. 蜕变中嘅懒人 2015-06-03 08:08:10
懒人三大憾事:少年失学、中年炒股、临老执纸皮。

好彩无儍!
共执生,哈哈。
24. 亮剑 2015-06-03 08:53:01
王弼兄:马鞍式、勒束式、蝴蝶式、飞鹰式、吉斯式、海式、兰保式、争辩式、侧手翻式、围墙式……上述期权的攻略,小弟相信你耳熟能详,并能因应各种市况灵活运用,仲可随时开班授徒㖭。

但香几港有D咁嘅段数嘅人,极其量咪得拾几万人,严格来说连我亮剑亦可称为期权白痴!

在证券及其衍生市场中,就是钱多、能最快揾倒正确市场讯息、有投资知识及能掌握合适软件者胜,我唔系睇小散户,以中长期例如5年,用累计盈亏计,赢你好彩,输系应该。
这因为老散在明,等同你打开晒D牌,同人赌锄大 D 或 13张;而那班能掌握消息来源真伪、有钱、有投资常识者在暗,就可择肥而噬!

反之在2手楼市,无论买或卖,你的对手极可能都是老散,随时出现错价或有死鸡执。
楼、股及债市的升跌,其实同货币供应有密切关系,而小弟相信在对下两叁年,环球政府都是行量寞,正路当然要买股啦……若你自问是高手的话!!
25. 小小业主 2015-06-03 08:55:36
喜见风趣的懒人兄回来,good!
另外,小弟好奇一问,何谓楼市搭利班?好像带有眨意,唔明。
26. Robert 2015-06-03 08:59:39
呢个世界行嘅系森林定律,成王败寇,你赚到钱攞,人哋咪话你投资成功罗,如果唔好彩输咗嘅,人哋梗系话你投机失败架啦.
27. Oscar Lam 2015-06-03 09:21:50
王先生,

你说投资期权年回报有15-20%,是不是搞错概念了?实情可能是投资期权的赢钱机会率是15-20%,既10个投资期权的有一至二个人赢钱。

共避之,嘻嘻!
28. AH-HO 2015-06-03 09:59:44
我的个人经验,都是买股票唔输已经当赢了。FUND,除左MPF焗买外,我更加唔会买,一入场已经输手续费、管理费。

买楼就真的帮我财富增值,而且楼可以安心用来保持财富。

29. 历史长河 2015-06-03 10:03:46
Oscar 兄,要知如何有10-15% 回报,请参加王弼的讲座。文章中两幅照片已说明。哈哈,不知办讲座回报率是几多?
30. 路人丙 2015-06-03 10:22:11
的投资讲座有时的确系好有问题,记得几年前参加过一次,个主持人由头到尾都讲佢啲投资方法系几咁容易赚钱,过去投资记录系几咁威水,一啲都唔讲啲投资方法嘅风险,加上由头播到尾嘅火箭升空背景音乐,搞到啲听讲座嘅师奶和阿伯对眼好似有个$$字咁,傻Q晒!

唔知王弼果啲讲座系唔系都系果啲嘢.

31. Oscar Lam 2015-06-03 10:22:24
回23楼懒人兄,

小弟三大幸事:少年努力学习但成绩一般,中年投资物业、临老估计应可以丰衣足食。

好彩无投资期权!
共执生,哈哈。
32. Oscar Lam 2015-06-03 10:37:06
回29.历史兄,

为讲座宣传没有问题。但写文章要客观,要有广濶的胸襟,更不应该随意攻击人。什么叫楼市搭利班?
33. 自我陶醉 2015-06-03 11:33:09
王先生:期权15~20厘回报, 不会是运用杠杆后的回报率吧! 如果真的是用杠杆后回报与楼市没有杠杆时2厘多回报来相比, 确实有点误导之嫌, 王生精於计算, 相信不会像阁下口中那些阿Q一样犯这些低级错误吧!
34. 大宝二宝 2015-06-03 12:05:49
王兄,

每个人投资取态同投资产品种类都系建基於:

1. 对投资产品熟悉程度
2. 预期回报
3. 风险承受能力
4. 个人EQ
5. 机会成本
6. 变现能力等……

当然,世事系绝对,高回报高风险系必然,而结果又会间接受个人EQ同以上因素所影响,所以只可取个平衡。因此,各人投资系各适其适,各取所需,系冇一条硬性数学公式应用系投资道路上。

王兄可能见到呢几日留言版闷闷地而出文想增添吓网友火花, 你嘅理论好比药丸理论,系你身上嘅良药可能系别人嘅毒药, 你啱食其他人未必啱,何必要其他人跟你食同一只药? 或去踩其他人?

要知股楼息息相关,传统智慧股市走在楼市前方,股市旺楼市旺,楼市跌股市也好不到那里。

王兄用到咩'也文也武','楼市塔利班',似乎有心想向呢度D物业投资者挑机。对於一个初来步到嘅笔者,似系不智嘅行为。望王兄三思!

35. 蜕变中嘅懒人 2015-06-03 12:06:06
TO 大寳二宝兄,打工仔兄,Oscar Lam兄,小小业主兄,早上好。

亚乜生篇劝人弃楼买股鸿文,字里行间充满挑逗性,令懒人兴奋莫明。

懒人若股艺超群(唔好会错意),想hard sell人帮趁买股,一定会用甜言蜜语、花言巧语嚟请君入瓮,唔会窒亲班准老细,系今时今日扯客嘅应有态度。

共温柔扯客买股,哈哈。
36. 明明白白 2015-06-03 12:26:57
一班低能儿,肯认蠢认傻,知道碰上牛市好彩买左D楼赚钱,仲有得救。
37. 期权游戏 2015-06-03 12:29:28
to 7
short ratio call 即系short 多过自已有的,正股被call走,多左仲要补钱
佢之前果年回报30%, 
正常covered call 会有10%咁上下,仲要你手上够多先可以有低overhead.
王兄现金多,我估佢做埋short call等接货,所以有15%。
38. 亮剑 2015-06-03 12:33:11
各位巴打,如果大家仲年轻,其实上D讲期权的课程无坏。
呢个世界有强奸无焗赌,在学完期权28式后,就当学一门知识傍身,最低限度,都知基金大户、庄家大鳄,点玩财富转移,同埋果D外资大行,点揾咁多钱出来交租、请埋精英之余,仲可谋取暴利!
39. 期权游戏 2015-06-03 12:34:34
王兄系高手,但炒股一要心理天份,二要时间,09-12年还好,而家个市咁高,如果得一百几十万本唔通一日用几个钟睇几个市?玩埋期权仲忙!如果唔系家族本身都有D钱,一个要养自己同父母既人,都系用完买楼丁权先好考虑玩股。
40. 自我陶醉 2015-06-03 12:39:34
37/F

我估你意思系short "put" 等接货。Short call 多过手上持货就系naked call, 理论上风险可以无限大, 制唔过。
41. 期权游戏 2015-06-03 12:41:36
fully covered call可以做到1年10%无杠杆回报无报,但典解?因为你一个short option, 正股一年升三年你都冇份,即系give up the up side to make your 10% return more likely.  如果定力唔够,系正股升左3成再去short call想用低市价几个%接翻,又可能会跌突,正如2007-2008果次咁....
进入大时代,short call/put既黄金时期已经过左,除非你有王兄咁多buffer,比钱学就无谓,因为上youtube大把免费教学。
42. 各有利弊 2015-06-03 12:46:39
投资市场各有各风险,各有各周期,但金融产品可以沽空和无限供应,是对睹。物业则周期很长和抗通胀特性。假若不是太大杠杆,长远可守。还有,物业投资需要相对少的时间管理,金融产品要时刻睇实,可能忙到无时间叹世界。
43. Scoliosis 2015-06-03 12:52:30
好高兴又见到各位旧友,懒人兄,亮剑,大宝.... I missed you all!
44. 打工仔 Andy 2015-06-03 12:53:10

懒人兄你好,

好高兴看见你!

讲到作者,无啦啦系到挑机向小投资者作出攻击 ,真系无品!

要睇期指期权都睇梁×豪既分析啦!

 

哈哈哈!

45. 新丁 2015-06-03 14:40:20
王弼一句三厘半的志气真掂!
引得一众前辈师兄共聚!连引刀兄都唔够快呢😆
46. 两餐一宿 2015-06-03 14:47:14
哈哈! 本人正是王兄口中的阿Q...

本人早10年前用了75万做首期,买了将军澳一个约250万的单位。住了几年,有幸再置业。原来的屋仔租了出去。

早两年加按,套回120万现金。月供都是1万左右。

在阿Q的概念来说,我是已经回本了,(我拿出去的75万首期再加头几年的供款都全拿回来了)。现在层楼已经是零成本。而且每月有几千元正现金流。而且刚刚同租客订立新租约,加了两千大元。租客还谢谢我们加得少。

再者有少少现金在手,可以买下大蓝筹收息。基本上,我们打工仔都没有时间跟得个市大贴。起码我自己就不是“有胆有识”嘞!但我赚的钱,自己睡得著觉。

而且,人人的机会成本不同。叫我套楼换股,真的是有心无力了! 
47. To 29 & 30 2015-06-03 15:08:48
Very successful - my son borrowed $3000 from me to listen the talks!
48. to 38 2015-06-03 15:21:49
My son has spent over $40,000 in the past few years to learn "kung fu" from the
investment experts. But so far he has lost at least 20% of his mother's investment managed by
him. These talks must have a kind of seductive power and push for some special purpose.
49. 蜕变中嘅懒人 2015-06-03 15:38:13
TO 44楼 打工仔兄

都系45楼 新丁兄心水清,王先生真系可能用激将法增加回应率,王先生你好嘢,佩服。

TO 45楼 新丁兄

兄台好眼力,心水清,老手也,佩服。
50. 蜕变中嘅懒人 2015-06-03 16:04:18

番睇王先生之前文章回应率,客客气气文章零回应。 

后来几篇老实不客气回应即上升近50,原来击石真系会生火,热闹好多。

策略成功,恭喜恭喜。

51. 引刀一快 2015-06-03 16:16:29
To 45楼 新丁兄

呢匀你搞错嘞,引刀咁啱不在被踩之列,事关引刀一件港货都冇,原来唔关我事呀。
52. 新丁 2015-06-03 16:22:17
懒前辈,新丁好用心看你们的意见架!
因为正苦三蕉限制再入楼市,现在迫向股山行!
听完你哋讲,真系😨
53. 新丁 2015-06-03 16:33:31
To 引刀兄
今晚夜少少,等你教数✌
54. 路人甲 2015-06-03 17:24:55

刚看到王生有新文章.
在投资巿场上有人赚, 就一定有人输架拉.

要赚上10%以上, 我唔敢妄想. 乜权乜期都唔识的我, 真系几蠢, 除了自己份工外,
至叻系手上物业升值与租金上升所带来的效应.

有好多人认为你拥有不是自住物业, 其实, 就系与想买楼的人对著干, 不是好人!
这点我不认同, 虽然系, 对社会发展不算有任何益处, 但是, 收租不是什么坏事, 没有需求, 地产也不会提供SUPPLY.这些道理谁都懂!

今时今日, 有乜唔系商业化既呢, 我们不喜欢, 并不代表不存在或不能存在.
好似商场咁, 绝大部份都是连锁店, 以往的个人化/小铺, 根本无空间, 生存唔到.
做生意的, 走LINK STORE的路, 
做商场的, 选LINK STORE的客路,
做客户的, 选择不到其他的门路, 买贵货,选择又少, 
唔通就唔俾到佢地做咩?
全球化后, 情况更严重, 贫愈贫, 富愈富.

我们小业主只系求生存, 不是在剥削人家, 情况与大企业/大业主或许有多少出入.

有得,必有失, 只是看谁在那一个位置!

55. CD ROM 2015-06-03 18:26:25
自醉兄, 

"用杠杆后回报与楼市没有杠杆时2厘多回报来相比" <-- 似乎最无醉果个系你wor ~~~

懒人兄,

远处有好多你既老朋友在想你呢!?!?
56. 新新新丁 2015-06-03 19:11:29

给王弼兄


如阁下想打向头炮,可推介一条三个月或半年内保证年化回报有15~20%的期权组合,咁三个月或半年内成绩真喺有15~20%回报或更甚,就真喺立即声名大噪过远方嘅细价楼爆煲论了。


57. 运输工人 2015-06-03 19:23:17
呢D言论早几年讲都唔敢讲
58. 历史长河 2015-06-03 22:31:25
银行志在2厘,Fed志在2厘,澳门赌仔志在100%, 买六合彩志在万倍。哪个志更大?
59. 引刀一快 2015-06-03 22:57:53
开六合彩嘅马会志最大。
60. Joe 2015-06-03 23:58:16


三厘半的租金回报,同股市比较,真的是少得可耻,印象中楼市近二十多年来,就算最高租金回报也不过五、六厘,仍和弼兄最低要求的15-20厘回报相差甚远。

所以,如人人都有弼兄如此大志,莫说香港,全世界任何地方的楼市都不值得投资,人人都系巴非特、索罗斯了....

然而,楼市正是在回报如此低的环境中不断上升,就是长期都得到那些毫无大志、砖头塔利班们的支持,而高踞不下。

可以说,楼市因为具有某些特质,非常符合大部份毫无大志的小市民的投资偏好,而我等盲毛又无如弼兄般的才高八斗,就只能独孤一味乐做砖头塔利班,睇住D高人换楼炒股算了。

其实小弟相信,很多楼市投资者,只不过想在不断有直升机派钱的环境下,尽量减少自己的资产被吞没,或避免每隔几年成为金融大鳄之晚餐... 

每年三厘半回报,系好冇大志,但系呢十多年又真系好安心,15-20厘回报,只会令我每晚睡不著....


61. 潘朵拉 2015-06-04 00:18:45
咸鱼清菜,各有所好
甲之熊掌,乙之砒霜
有人以改为守
有人以守为攻
最紧要揾到适合自己嘅方法
62. 小小业主 2015-06-04 03:46:58
小小愚见,不喜勿插:
楼除了投资需要,还有自住需要;
楼有安全扛扦,不怕日日俾call loan;
楼冇得put, 唔似股票期权可short sell 或naked put;
楼较难做假,又不怕大股东抽水, 更加不用担心忽然停牌;
楼有实物参考,好睇过年报;
楼较难受外围因素影响;
楼较难变现,但可加按及有mortage link 作后盾;
楼是实物,不能无限加印,风险较易管理;
买了楼后,不用时常看市,对打工仔来说最方便;
最后,相比银行零利息,三厘半回报不算可耻。

当然,现在是不是timing 买楼及以上所讲永恒不变则另作别论。

还有,小弟是穷一代,买楼事实上有血有泪,少D定力及智慧都冇可能成功买楼。
63. 小小业主 2015-06-04 04:01:25
对本人来说,买楼收租是将租客断供及跌市风险转移到我身上, 收取租金就像保险收premium 一样天经地义。老来又不用靠政府还要付差饷地租物业税。另外租客能够安居乐业,将买楼的钱用在其他地方贡献社会,因此我不觉得是邪恶,对坊间很多人将此妖魔化不吐不快。

以上只是个人感想,不喜勿插。
64. 引刀一快 2015-06-04 04:43:25
当然,现在是不是timing 买楼及以上所讲永恒不变则另作别论”

呢个就系重点,以今日呢个价格买楼,当然系高喇。
65. 亮剑 2015-06-04 06:25:37
48 楼……
在不少投资市场中,输赢的比率系 8 对 2。
你上过投资理论课程,咁就可於投资路上驰骋吗?
投资有时都要讲慧根,除睇你能否融会贯通外,一个成功的炒家还需时间浸淫、沉淀,输几次大钱才能得道。
要知道你买卖股票果阵,你的对手可能系一个全职的基金经理。
而在你落盘买卖期权时,开价畀你果位人兄,可能系一位精算师。
66. 汤文亮 2015-06-04 07:29:41
弼哥,
你比美斯仲好嘢,一个扭四十几个,班友平时向我果边也文也武,吟诗作对都识,你一句三厘半的志气,他们air 都冇得air,好嘢
67. 路人Q 2015-06-04 07:51:21
被逼系王弼嘅场留言都系比汤生你逼架啦,只不过系你嘅"沙士文"批评咗汤生少少就无情咁用"镜子程式"封杀,大家睇睇啦,我以下嘅留言讲得公唔公道? 有无道理 ? 汤生真系伤透我呢个100%汤粉嘅心.

---->"唔同嘅身份地位应该要讲返符合佢身份地位嘅嘢,举个例子,大刘个仔含住金锁匙出世,成世人都未经历过储钱嘅辛苦,就好心佢醒小小唔好口轻轻咁教啲穷人学储钱啦,猪八戒照镜,唔衰攞黎衰.

同样地,汤生揸住过300亿嘅中上价高档物业,就唔应该系咁唱衰啲中下价嘅细价楼,又同时话啲高档物业今年会继续系咁升,利益冲突就系呢味嘢, 汤生呢排俾人系咁踩就系源於呢种错误嘅做人方法."
68. 汤文亮 2015-06-04 08:15:38
留言非常好,不过要识得数王弼。
69. 汤文亮 2015-06-04 08:17:03
驳王弼
70. 小小业主 2015-06-04 08:32:00
早晨博土,王弼兄及各位网友:
小弟见呢度咁多高手云集才落场push 一下,不喜勿插,哈哈!
71. 引刀--快 2015-06-04 09:49:51
今次好罗,弼兄会拎出一条保证年回报有15~20%的期权组合,咁香港嘅房屋问题及各深层次茅盾都会一一剔除,港灿同废青都变精英,再加今日汤生推波助澜,各位要给力推呀!
72. 路人Q 2015-06-04 09:51:26
To:汤大大

呢7年我每年系物业投资嘅回报率至少都有100%,王弼嘅15%-20%同我无得比,加上我唔系佢嘅粉丝,就唔花时间批评佢教精佢啦,至於佢讲果啲三厘半大志,其实系王弼先生小看了天下英雄了,可笑.
73. 亮剑 2015-06-04 10:22:04
弼兄会拎出一条保证年回报有15~20%的期权组合,咁香港嘅房屋问题及各深层次茅盾都会一一剔除…………
理论上唔得罗,因为呢个 implied volatility 及delta 的变化,会影响你成套期权策略,呢度真的要成日实佢,否则赢变输系弹指之间嘅事。
74. to 65 2015-06-04 10:31:47
Agree. It is always the case that professionals make money out of the novices. Lessons
are to be learnt.

75. 占士 2015-06-04 10:59:13

弼兄,博士,各位老友早晨!

 

弼兄,我都认为厉害。正所谓招不怕旧,最紧要受!

无论如何,谢谢您把我们的一些好朋友请了出来。

激将法,厉害!

激之, 哈哈哈

76. 地盘佬 2015-06-04 11:05:04
其实王生串少少但不无道理。网友无必要比较股票同物业投资,Why not both?事实上王生认为楼市现价唔值得投资而唔系否定物业投资价值,佢无论点讲依然有一半资产系物业,做法好正路亦相信同大部份人相似。反驳王生嘅又有几多会现价买入物业?就小弟而言,投资物业可以锁定自住支出,低call loan风险低息推大杠杆兼创造现金流,而且长远都保值,另一方面债券回报稳定可抵押而股票转身快波幅大,整体投资组合多元化好d
77. 引刀一快 2015-06-04 12:09:16
To 75楼 占士兄

王生系好嘢呀,连捞波弟都请咗出山喇!哈哈哈哈
78. 发财立品李十X 2015-06-04 18:04:46
原来发了财不立品,学下+x哥,几千亿都不大口气
79. 蜕变中嘅懒人 2015-06-04 18:06:12
根据隔离闲人兄嘅贴士:首期俾3成=480万,当6年租金=6年供款同总支出,6年后估值3600万。

即系话,投资480万坐6年连本带利共3600万,赚3120万。
6年赚3120/480=6.5倍。
年度复利率以倍计 = 1.36 x 1.36 x 1.36 x 1.36 x 1.36 x 1.36 = 6.3275倍
即系年度复利率多过136厘

如果无计错,懒人一定懒得炒股;到底懒人系数盲,定系王先生俾咗个反面教材。
80. 蜕变中嘅懒人 2015-06-04 18:12:20
TO 72楼 路人Q兄

呢个例子如果无计错数,足以证明兄台无晒命,而且系谦虚咗啲。
81. 蜕变中嘅懒人 2015-06-04 18:23:35
谂谂吓,懒人呢10年楼市投资成绩.........会心微笑。

股市投资成绩.........不消提。
82. To懒兄 2015-06-04 18:40:45
香港地,有$人大L把,何必介意,或者根本无得介意,何不试试想一下所谓专业投资人仍要帮人挽x!!!!!!!试想下也许只打手,不过高级些吧!
83. 雷曼兄弟再现江湖 2015-06-04 18:46:01
讲果时天下无敌,而家阿爷放水,水到渠成,吹嘘十足,无法的timing 问题,搵吃友想出位。
84. 路人Q 2015-06-05 08:51:27
TO:懒人兄

其实,我讲嘅嘢已经好低调好谦虚啦,可惜我嘅谦虚一向都系人哋嘅高调,有时做人真系好似郑少秋首歌咁~~~~~~~无敌是最寂寞,最是痛苦......


85. 蜕变中嘅懒人 2015-06-05 13:36:27
多谢隔离闲人兄老师指正,小学生懒人改正重交功课。

首期俾3成=480万,当6年租金=6年供款同总支出,6年后估值3600万,还银行1120万,赚2000万。

即系话,投资480万坐6年赚2000万。
6年赚2000/480=4.1667倍。
年度复利率以倍计 = 1.26 x 1.26 x 1.26 x 1.26 x 1.26 x 1.26 = 4.0015倍
即系年度复利率多过126厘

人兄老师批阅,如果正确,都系low tech 投资楼比股票理想得多。
86. 珍惜香港 2015-06-06 22:14:20
珍惜香港

汤生赞王生,话佢一个扭四十几个,又话我地 AIR 都冇得 AIR 喎!我当堂 O 咗,呢度几时变成咗擂台?我真喺唔明白,王弼呢篇撩交打,有乜咁值得回应?我地留言,喺为咗讨论议题,分享心得,唔喺要帮边个造势。撩埋啲无谓嘢,我一定要覆架?坦白讲,我连搬番啲旧文出嚟嘅兴趣都冇。

但既然王生提到「投机」同「投资」,似乎有影射我早前对投资定义嘅讨论之嫌,咁响礼貌上,我都应该要俾番啲「反应」嘅。不过我呢份人,从来都唔钟意咁高调,到今日呢个留言箱已经冷清哂,就喺咁易写少少。都喺果句,我唔介意有几多人睇到;你睇到嘅话,就喺你有缘

其实,好多人都好似王生咁话,唔会关心自己究竟喺投资定喺投机,总之赚到钱就得。「捉到老鼠的就是好猫,赚到钱的,那管是投资投机」喎!呢啲咁好听嘅说话,开班授徒,用嚟做开场白,振奋一下士气就得。到真喺教人地实战果阵,就唔该王生认真啲,唔好累人地输走哂啲血汗钱啦!

我同人讲投资、讲投机,从来都喺咁唔啱听。我认为,你唔先去了解乜嘢叫做「蚀」、乜嘢叫做「输」,就冇资格学会点样去「赚」、点样去「赢」。至於,投资、投机、赌博,呢啲王生认为咁无聊兼多余嘅定义,我就非常重视。因为,你唔知道自己做紧啲乜,或者搞错咗自己心态嘅话,个风险就会好大。

所以,如果我开班授徒,就一定会拍乌蝇。

要了解投资,了解投机,可以从唔同嘅角度去睇。例如,投资者,喺唔会用「输赢」去衡量自己赚钱嘅成果,但投机者(或赌博者)就会。响投机世界里面,你赚到嘅钱,喺人地「输」俾你;而响投资世界里面,你赚钱喺基於投资目标本身嘅「值」衍生出嚟,而唔喺赚人地「蚀」果啲。所以,买楼收租,喺一种投资,亦唔可以叫做「赢」,因为人地「用」你个物业嚟住,交租喺住房费,唔可以话个租客「输」俾你。

当一个投资者,开始用「输赢」角度,去睇自己嘅投资果阵,就会不由自主咁,由一个投资者,转化成为一个投机者,而因为心态嘅转变,就会决定佢行为嘅改变。

其实好多时,就算做生意,都会有投机嘅成份,要好清楚自己做紧啲乜。我之所以分得咁清楚,喺基於以前做生意果阵得嚟嘅体验。一定要知道自己赚嘅钱喺点嚟,你自己个价值响边度。人地喺基於你嘅价值俾你赚,定喺要人地输俾你至有得赚。如果喺后者,就要搞清楚,边啲人输俾你,同点解要输,因为人地输俾你,可以喺赢你嘅第一步。

以前做生意,研发产品,搵厂生产,再卖俾啲海外客,可以话喺赚辛苦钱。记得有个客,越做越大,唔够一年,走货量已达总营业额嘅一半。我俾佢嘅价,喺高於市场同类产品,但佢从来都唔介意;而唯一嘅唔好处,就喺要放数,而随著走货量越嚟越大,个应收账亦随之扩大。其实呢个世界,边有咁著数?佢只不过当我喺银行,卖贵俾佢,我赚多咗,佢蚀果啲,咪当喺利息罗!而当我深入了解咗,呢个集团其他嘅生意之后,就决定终止同佢再做,而最后仲好巧妙咁,成功收番哂所有应收账款添。后嚟听闻其他行家就中哂佢招,真喺一额汗!

我嘅生意,喺一门实业投资,投放资源,以制造出嚟嘅产品价值,获取利益。但喺,当我以高於市场价去卖,而又唔去了解自己赚多咗果啲,究竟喺嚟自乜嘢果阵,咁呢啲额外利润,就喺投机嘅成份。如果我好似王生咁讲,话之佢喺乜,总之有赚就得嘅话,咁今日,大家就唔会见到我,响呢度也文也武。

同样地,我唔玩股票,喺因为睇唔穿股票背后嘅操作,太多人为因素,而呢啲人为因素,又冇得参考。例如,最近一间上市公司,发行可换股债,股价即跌一成,你真喺吹佢唔胀。不过,佢嘅旧债价就升咗,皆因新债嘅票面息低咗喎。揸佢股票啲人,就真喺喊三声啦!而我呢,就揸紧佢旧债,买债券,只喺为收息啫,佢升咗,我又唔会卖嘅!

芳间一般认为,赚钱越多,风险越大。其实,真正嘅风险,唔喺嚟自你赚几多钱,而喺嚟自你嘅目标,究竟有几多喺投资成份、几多喺投机成份、几多喺赌博成份。点样可以得到最大嘅利润,而同时面对最细嘅风险,就睇你对自己投放嘅目标,了解有几深入啦!
87. 打工仔 Andy 2015-06-06 22:52:23
To 86 珍惜兄

你讲得好有道理, 好精彩! 我觉得作者为咗出位, 无啦啦攞小投资者来过桥! 
真低庄! 
88. 小小业主 2015-06-06 22:54:13
珍港兄,说得好,十个赞!

对我来说,买楼收租是将租客的风险转移到我身上,租客可腾出金钱做他们想做的事,升值是bonus, 并不是零和游戏。相反股票期权我觉得是赌搏,而且嬴面不大,因如亮剑兄所言你的对手可以是一team专业人士,当然小赌怡情并无不可。只要认清投资的我及投机的我,正如楼上地盘佬师兄所言,why not both?

回引刀兄,小弟也觉得现在不是good timing 买楼收租。对二十出头后生仔我会说储吓钱等多几年,但对一些早时卖了自住等跌又近40人士,我就不敢多给意见,因实在买又死,唔买又死,真的不知点算好……

小小感想,不喜勿插!
89. 知足 2015-06-06 23:12:08
王生这篇根本就是江湖术仕揾两餐的技俩,低手.
90. Niceman01 2015-06-07 02:04:12

三厘半的智慧,财演你懂吗 ? 

http://www.investfans.com/2015/06/06

三厘半的智慧,财演你懂吗 ? by 李寻欢

近日有个财演表演高难度动作「阿Q式15-20厘息买卖期权」,又话收租佬无大志只懂搵到三厘半租金的就满足,又话自己识边个炒家,做炒家才是劲人。睇完佢讲野真系唔识就比佢吓死,识就比佢笑死。等小弟逐点踢爆佢。
1. 阿Q式15-20厘息买卖期权 :
真系年年有咁好搵就真系「有财演,无穷人」,要年年赚到佢所讲既回报真你系要年年行好运才得。财演你懂吗?
2. 收租佬无大志 :
要做到收租佬唔系难亦唔系易,此话何解呢 ?如果你得一间自住楼当然不能叫收租佬。收租佬最低入场费要有一层楼收租,当你有第一层收租楼自然有动力推动你买入更加多物业收租。正如小弟经过多年买入物业收租,每年租金收入等於特首年薪,财演你懂吗?

3. 识乜识物劲人:
呢个财演真系识小小就扮代表,真正既富豪你又识几多呢? 财演你懂吗?
小弟又睇下呢个财演靠咩生存呢? 原来靠开班搵大钱。哈哈。
财演我同你做一个实验你就知你做人几失败,如你有财困,比你打一个电话你可借到几多钱返来解困?小弟曾经做过最大银码是6千万,财演你能吗? 哈哈。
下期预告 : 细说往事,的士借贷

91. 引刀一快 2015-06-07 03:55:09
To 88楼 小小业主兄

相反股票期权我觉得是赌搏,而且嬴面不大,因如亮剑兄所言你的对手可以是一team专业人士,”

亮剑兄呢个讲法有商榷,因爲证卷呢个“赌博”,往往唔系同一team专业人士对赌,而系赌能唔能够同呢team人企同一边。

至于“对一些早时卖了自住等跌又近40人士,我就不敢多给意见,因实在买又死,唔买又死,”

投资当然有赚蚀,但系大家都入咗一个误区,就系将过去嘅回顾,偸换为未来嘅展望,明日系点大家都只不过估估下。
或者我话如果买会死,咁唔买就唔死,反之亦然。
92. 八十后 2015-06-07 13:54:55
谢谢珍港兄。
93. 小小业主 2015-06-07 19:36:06
回91 楼引刀兄,

第一点同意。即是搭顺风车。不过要懂'华丽转身',此乃小弟弱项也。

第二点建基於小弟认为未来数年楼市不会大升(not good timing for 投资),但亦不会大跌,可惜租金年年加。身边有朋友刚被业主加租,他正正是早两年卖了自住的。年近40, 不想降低生活质素住cheap d, 小朋友教育开支又不断增加,所以我才说买又死,唔买又死。

上年年头法子兄爆边论前已叫他买住细价收租对冲,可惜又谂住占中令楼价跌,事与愿违。博士的爆煲论一出佢即时forward条link 我睇(佢唔知我有上开这纲),谂住实跌,现又收紧按揭, 所以佢要再睇定D,我都唔识再俾意见。

小小分享,不喜勿插。
94. 引刀一快 2015-06-08 00:36:59
小小业主兄

我一直都讲占中唔会影响楼价,相反有机会带上楼价,当时喺一片讨伐声浪里面,好少人聼得明。
其实买楼嘅嘢,冇话死唔死嘅,最紧要大把钱兼睇得开,买贵买错都唔介意嘅人,冇咩投资难得到佢地嘅,系咪?如果喺呢个网站搵唔到答案,可以睇睇胡孟青讲乜,女流之辈有大将之风。
95. Good point 2015-06-08 08:27:45
投资当然有赚蚀,但系塔利班都入咗一个误区,就系将过去嘅回顾,偸换为未来嘅展望
96. 引刀一快 2015-06-08 11:29:05
楼上唔好篡改人地嘅发言,唔该。
97. 聚沾沾 2015-06-08 18:10:55
王弼先生,你既为金融界人士,应该对金融术语很清楚.
借问一下,为何房地产投资非要用ROE,但用ROIC来计却不可?
何况房地产投资耆一向很少FULL PAID.
请赐教.

98. To 2015-06-11 11:19:48
2. 如果有能力,会不会只投资细价的资产,公平d  2015-06-11 10:30:10
不同人不同角度,正如李十X话没撤离香港当然是真的,但他的儿子有没有谁会知道,当然人人想搵钱,你有能力背景,人脉,玩大码野易过借火,人家也想搵钱条件不一,谁不是以自身利益行先,只不过你做大茶饭,人家吃糊仔,有分别?都系一句话,公平d。没底子的人只能慢慢储下储下,等时间等时机,香港地没有専业者,都系被大财团控制生死,以人工的递增,你等一世都未必交到豪宅的管理费,重话买豪宅,都系一句公平d,要爆的阻也阻不到,最好洗牌论能力再来一次,否则上等人有永续发展,下等人都系等,等等和等等,好快又一世了。哪里会有公平,例如(新红机),大部分的收购的地皮点解刚刚有鐡路呢,果然神算,个世界话你知人地玩的东西你们都系等下吧!
99. Peter Paker 2015-06-11 11:54:10

最近有财演讲收租佬系咩楼市塔利班、什么3厘半的大志、收租佬冇大志等等之类发 up 疯的言论。


我真想回一句,财演呀财演,住宅物业不是一张定息债劵,或者固定收益的投资产品。住宅物业本身是一件必需品、投资品及/或奢侈品的混合体。在分析住宅价格时,除投资品的角色外,亦必须同时考虑其必需品及/或奢侈品的角色。


撇除豪宅奢侈品不谈,一般住宅基本是普罗大众的必需品,每个人亦须有瓦遮头,难道财演可以不用住屋而睡在街上吗?从A - C类过去20多年的长期空置率趋势去看,今天普罗大众的住宅市场(A - C类住宅)正处於严重的供不应求之中。试问财演有冇听过一样必需品,在持续供不应求及新供应不足的情况下,其价格(售价及租金)会出现大跌?


若然财演你只以3厘半的大志去形容收租佬的行为,你根本没有考虑到住宅物业有其必需品的角色,好明显阁下只以一件3厘半的固定收益产品去看住宅的收租行为,可见财演对收租行为及住宅市场是何等的不理解。根据差估署数字,20121月至20154月,占存量>8成的A - B类单位,其租金指数每年平均约10%的速度上升。老实说,3厘半的智慧你懂什么?
 
不如这样,既然阁下认为住宅物业投资是何等的差劣,不如阁下考虑写一篇文章去分析未来住宅市场的走势及发展,让小弟可以跟您学学野及回应吧!
100. 收租王Tony 2015-06-11 12:38:45

王先生贵为受保护人士挽鞋专员,忠心护主系必然的事~

 

财演国际股票市场,买卖期权年收15-20厘息,方显出英雄本色~

 

年收20厘息,好快就由100万变成10000亿,好快就买起全港物业!

 

我地收租佬靠运既识条铁咩~

101. 交易员 2015-06-11 15:05:36
'买卖期权年收15-20厘息'  如果你年年做得到的话 为何 “我已经有一半的资产是地铺、 工厂和住宅 ”  ??? 你 应该 100 %  资产 TRADE OPTION 啦。。。
102. 正所谓 2015-06-11 18:00:49
正 经人家只教人投资篮筹和物业,点会鼓励散户去炒轮证期权??
唔系个个承受到风险,见过鬼嘅人才会保守!买几个物业收租就算!
你笑人没大志都系咁话!
103. 知足 2015-06-11 19:24:52
洗米华话百家乐回报最高,几年间由欠债几十万到身家几百亿。
104. 苦前业主 2015-06-11 20:50:08
4厘半至5厘六,又如何??
现时入货仲有冇??
搵位德高望重人答!!
105. ooo 2015-06-11 21:05:47
呢度真系多收租白痴!乜都唔识,就知乱吠。
106. 苦前业主 2015-06-11 21:22:56
版主,
有人违规!!!
107. 正所谓 2015-06-11 21:38:18

为何身边有朋友突然富起来,而自己永远原地踏步呢?

by  | Jun 5, 2015 | 地产博客 | 3 comments | 245 人已阅读

系呢十几年,现实世界为何身边有朋友突然富起来,而自己永远原地踏步呢? 好少人会思考呢个问题,人们只会人云亦云,什么楼价高,什么逢三退一,什么爆煲论,什么沽楼买股,什么不要加按买楼,买楼得三厘半无大志。本来我想提出M1,M2,M3既理论,但我估这里大多数朋友未必明,咁我就简单些来讲全球印银印既现象,相信大家会较易明白。

今次我们经历紧一个自有人类历史以来从未遇过之灾难,就系全球QE大海啸,点解我会用海啸来形容QE ? 我记得我亚爷同我讲过,国民党在内战末期因为要应付军费开支,一要用钱就猛印银纸,最夸张时他去茶楼饮茶是比一喼钱找数。即系咩意思 ? 意思是超级通货膨胀,引起物价每日都上涨。

简单来讲,全球竞赛印银纸引起超级通胀,再引致货品及资产上升,但群众始终幻想有一日可等到价格回落,一年等下又一年,始终等不到,大家系唔系好有共呜呢? 我及你们身边总会一批人,当楼价低时如沙士期间,他们会说迟些连工都无得返,你仲敢买楼 ? 当经济好时他们又会说花无百日红,楼价太高了,好快下跌,迟些有好多业主BBQ了。


108. 正所谓 2015-06-11 21:40:33

我们香港政府也好像中左毒一般,认为好快加息楼价又会如97年一样大跌,,由09年政府不断出招打压楼市,令我想起「出师表」有句名句就是 : 六出祈山无寸土,九伐中原枉用功。香港政府根本不知道或不想市民知道今次楼价之所以上升,根本同炒家无关,主因是全球QE。全球不单只楼价升,食品价格比香港楼价升得更快。在香港我们不能自己大量种植粮食,我们要保持购买力的只有买楼一途,好多人以为业主买贵晒楼宇,他们始终没有察觉到超级通胀之来临,业主们买楼只为保命而已。

如果现在你既身家唔多过十年前既三,四倍,你既人生可算失败。咁而家仲有冇得追呢?一定有,既然全世界印银纸竞赛仍然发生,即代表超级通胀继续发生。

现在要做的有两件事:

1. 有能力的尽快上车或买多间收租

2. 低过年息5厘的贷款要尽借,要知道负债是固定及持逐减少的,通胀都帮紧你将负债减少。负债减小身家自然水涨船高。

109. 苦前业主 2015-06-11 22:40:23
正所谓:
你系边个??殊不是凡夫俗子!
所言说及QE带动资产上升???

照我看法有4个简单嘅观点:
1.当朋友觉得新沙士时大跌才入货?
 》仲有边间银行愿借钱出嚟比你!

2.真的是沙士杀埋身,大跌5成好未?
》冇人同你争货!冇一炮过你都唔够力同人争过!

3.沙士经已在南韩爆过嚟青衣城!
》而家有青衣业主鉴平鉴贱卖走自住单位吗?

4.新沙士为何不及旧沙嘅恐惧情绪?
》人们已经消化了,睇嚟要等到颈都长埋嘅朋友失望!
110. 小小业主 2015-06-12 11:15:29
多谢PP兄的回应,实在说出小弟的心声!

点解要矮化收租佬为楼市塔利班?有冇股票塔利班?或许真的有基金塔利班,我的强迫金(MPF)利润去了哪里?

一句到尾,楼价上升是货币现像。小市民最终只能买楼自保。

香港人经历了这么多风风雨雨,除了战争或核爆,想不到原因已供满的业主要纷纷贱卖(唔计个别情况)。共想之,哈哈!
111. Peter Paker 2015-06-12 12:17:27
我件细野,19000蚊租,9000几供款,2011年入

另一件,9800蚊租(预交6个月加2个月按金),供6100,2012年中入

自住果件,月供16000,市值租24000,2012年BSD前入

这就是当年3.5厘的大志,你有冇计算过,塔利班?老实说,收租佬收租得罪你呀?
112. 小小业主 2015-06-12 12:33:10
PP 兄,真的得罪了,小市民买楼抗通胀咪冇余钱买股票lo. 我的'理财顾问'自08年从来冇叫我买楼,如听佢话就……
113. 引刀一快 2015-06-12 12:42:26
To 111楼 Peter Paker

你入咗一个低级误区,将过去嘅回顾,当成未来嘅展望,如果攞2004年入嘅货作爲例子,当年3厘半到依家升幅比率仲高,点解你2004年唔入货先?

今日19000蚊租,你有冇打十年约同攞住一年押金?冇嘅话,今日就系今日,将来可升亦可降。
114. Peter Paker 2015-06-12 14:09:07

空置率持续下跌,且创10几20低新,未来几年落成供应不足 (最多只有约1万头),10年后租金太远 la,点估?但起码未来3年,based on exisiting data of work-in-progress and completions, 租金每年升10%一定冇难度


我认为根据每年各项数据,每年做一次3年期预测,够哂,使咩做10年!

115. 正所谓 2015-06-12 14:09:34
TO 109
 本人系小市民一个,现实世界系好无奈,货币供应若无节制地增加,确实系稀释紧货币嘅实质购买力!
而本人亦是三子之父,大仔正是二十,还在外国读书,我亦非常担心孩子未来进入社会嘅苦况!
所以常常告诉他们要储蓄金钱,留在有时机才出手投资,莫要贪威识食,怨天尤人!
危机系相随,只要自己准备充足,耐心等候,再量力而为,相信上天系会眷顾!


116. 凸^.^凸 2015-06-12 14:14:58
To:113 引刀兄

你亦犯咗一个唔熟读历史嘅常识错误^.^凸

因"楼市短中线先会有升有降,长线就必定只升不降",历史已经印证咗呢样嘢.
117. Peter Paker 2015-06-12 14:25:10
租金在供不应求下会跌?我有冇听错
118. 引刀一快 2015-06-12 14:48:42
先 To 116凸哥

你冇犯错误,你用紧嘅正系最王道嘅“长綫楼价只升不跌”理论,不过,当别人一间变两间嘅时候,你升时人家升双倍咁解之嘛。
119. 引刀一快 2015-06-12 14:52:05
又系一堆伪命题,咁你又有冇听过经济唔好会百业兴旺吖?

从来只有贱物斗穷人,奢侈品点同穷人斗呀?
120. 义烧一快 2015-06-12 15:58:51
义烧一块,好快半价出售,因为好快通缩,而家吾吃住先,等半价先吃,因为俾哂细价业主炒高左.我想用15元买一碟,可怜下我好吗?
121. 切J一快 2015-06-13 01:29:45
13年CCL 11X开始月月估跌,估到14X都错,连错20个月都仲咁厚面皮死撑,佢阿妈真系生旧"义烧一块"好过。
122. To 119 引刀一快 2015-06-13 01:36:41
乜依家香港经济已经转坏咗? 失业率上升咗? GDP下跌咗? 通缩紧咩? 一厢情愿嘅9up唔好当秘笈。
123. 引刀一快 2015-06-13 05:15:37
乜又放狗呀?点解只roro咁听话,一叫就到嘅?唔通..........系人扮嘅?

点解讲嘢要扮鬼扮马?真可爱。

真正估到142嘅人,只有自我陶醉一个咋,咪搵人地条裙冚自己只脚喇。


124. 请问王sir 2015-06-17 08:24:38
6个月见顶后系咪进入熊巿?
125. 正所谓 2015-06-17 09:56:40
股市里只有一赢,二和,七输嘅道理!
呢排输到摊摊腰嘅人都唔知有几多!
唔系个个可以受得暴升暴跌嘅气氛!