前言

今日出文嘅主题，喺《结缘》，亦喺我《专业机构投资者系列》里面，最后一篇文章。大家唔好误会，我依然喺一个专业机构投资者，而我亦唔喺封笔，只不过唔再用呢个系列名啫。至於点解唔再用？哈哈！都几无厘头，因为个名太长罗！系列名咁长，往往淡化咗后面嘅主题，尤其当列响例如「全部文章回应」果类 LIST 入面果阵，就会睇到头睇唔到尾。讲真，主题，先至喺最重要嘛！

另一个较次要嘅原因，喺佢会令读者错觉，以为我嘅文章，一定喺讲关於投资嘅项目，甚至推荐埋哂啲乜嘢投资法。虽然我唔介意遭人非议，话我挂羊头卖狗肉，但如果真喺有人俾呢个名吸引，到睇咗成篇水蛇春咁长嘅文章之后至失望嘅话，咁始终唔喺太好嘅。

我谂公认最贴题嘅，应该喺第二篇《市场嘅角色》，呢篇嘢，仲上埋债券通。不过正如我响《遗憾》一文中话，我嘅目的，只喺要通过自己嘅分享，带出有如做生意一般嘅投资之道，而唔喺要演啲乜嘢「三个十倍」。或者大家有所不知，原来《专业机构投资者系列》嘅出现，喺嚟自一位网友。两年几前，我同佢激起咗一场关於投资嘅争辩，拗咗成半年，最后仲拗到上「专业」呢个 TOPIC。两个月后，我就顺手开咗呢个系列，第一篇题为《所谓专业》。

所以今次既然喺完结篇，我就必须要多谢呢位署名「自我陶醉」嘅网友，呢个多谢喺真心。我想大家明白，响「因果」呢种错综复杂嘅关系里面，喺无分好坏，亦无分对错，只有「缘」。冇「自我陶醉」，就唔会有《专业机构投资者系列》，所以呢位网友，就喺呢个系列嘅「因」，即喺因「自我陶醉」而结缘。呢个缘，维持咗年半，都喺时候要划上句号。

一个交代

《结缘》，可以喺「缔结缘份」，亦喺可以喺「结束缘份」，咁今日嘅主题，究竟喺边个意思？可以话两者皆是。为咗唔令大家混淆，我会用「缘结」嚟代表后者。结缘也好，缘结也好，必然有因，所以一定要有所交代，我写咁大篇前言，就喺要作出交代。正如一个男仔，无端端约一个女仔行街食饭，又唔喺要表白，而女方亦肯赴约喎。之后佢仲每个月约人地一次，谈天说地，风雨不改，但唔知点解，约咗十几廿次之后，就忽然间停咗，咁你估女方会点谂？都喺果句，结缘、缘结，必然有因，人地唔问，唔代表你唔使讲，亦唔代表人地唔介意。或者男方以为，大家互不相欠，但其实，就喺欠咗一个交代。

所以待人处世，一定要有头有尾，冇头已经唔喺咁好，冇尾简直就喺 BAD。正如我写《致亚视员工的信》，只希望佢地把握最后机会，作出一个交代。全港七百几万人里面，得果 160 位有呢个机会，但结果呢？真喺好可惜，可惜嘅，唔喺亚视，唔喺观众，亦唔喺香港人，而喺呢一班人自己。当日之后，冇人会记得佢地，而响佢地嘅人生历程之中，果一日，亦不值一提。

讲到交代，我又谂起胡须曾。就今届特首选举，我为佢写咗《出阵》、《政经》、《阵痛》三篇文章。我之所以欣赏呢位前财爷，除咗因为佢喺大师级之外，仲有佢果份待人处世嘅情操。选举过后，缘结之时，亦不忘作出交代，之后完全退隐，不再为政事说三道四。仕途走到最后，能够抓住时机，适时进、适时退，无论输赢，都写下光辉嘅终结，可谓不枉此生。

法式胡须曾

记得法国总统大选前夕，我响汤博士嘅回应箱度留言，话马克龙会赢，仲将佢形容为「法式胡须曾」，又强调呢个唔喺预测。有网友自作聪明；讲真，要威威嘅，使鬼等到果晚至嚟写。强调唔喺预测，只喺唔想抽博士水。就如我话，听朝太阳会响东边升起，唔喺西边；结果到听朝，个太阳真喺响东边升起喎！咁你话我威唔威？呢个算唔算预测？

我话马克龙喺「法式胡须曾」，有朋友嘅即时反应喺：有冇搞错？年纪差好远啫！佢地嘅共通点，当然唔喺响个年纪度，而喺两者都具备化解阵痛，以及带领一个国家或地区，步入新常态第三阶段嘅政治能力。马克龙出身建制，曾任经济部长，亦跟当时嘅总统奥朗德有理念分歧，於是部署民望，适时辞职参选，最后以修补国家撕裂为大前提，以超过六成六嘅大比数普选胜出。咦？乜咁似边个嘅？

好多人大惑不解，点解胡须曾可以响两个月之内爆红，尤其喺果班泛民，简直离地到冇人有。早前见卿姐访问罗永聪果阵，仲死鸡撑话当年通过预算案唔喺妥协。人地已经讲得好清楚，喺要慢慢经营去令到大众响价值上认同你，佢仲好寸人以前净喺识写 BLOG，搞乜呢几个月咁受欢迎。睇嚟佢真喺要自我检讨一下，话哂贵为民主派元老级，做埋个 SHOW 你睇都仲喺咁执迷不悟。人地已经部署咗两年，早就认清香港条路应该要点行，不过唔知有几多人睇得出？

港式马克龙

有人问我，既然法国有马克龙，香港有胡须曾，咁点解法国得，香港就唔得？喺唔喺因为小圈子选举？因为香港冇普选？可以话喺，亦可以话唔喺。吓？咁即喺点？我谂有一点好重要，就喺我地必须要从心底里面认同，香港喺中国嘅一部份，一个城市，唔喺一个国家；唔肯承认自己喺中国人嘅，就唔好话自己喺香港人。我地冇普选，喺因为我地唔够爱国，唔好误会，我唔喺指港独，果啲只喺少数；大家不如问心果句，点样睇自己嘅祖国？有冇当内地人喺自己人？试问一个国家里面，啲人民唔爱国嘅话，点可以有普选？呢个道理太简单，唔好要我解释。

结缘，除咗要有「因」，仲要有天时、地利、人和，而人和喺最重要，因为呢个就喺埋门一脚。芳间评论普遍认为，阿爷信唔过胡须曾，呢个完全喺错判。阿爷信唔过嘅，喺香港人，所以宁愿放弃一个叻人，去拣一个妹仔，最多自己睇紧啲。可惜有一点，阿爷睇漏咗，香港喺一个资讯自由流通嘅社会，教下中史，要啲后生认识祖国，呢啲只喺基本嘢；用家长式嘅训示，对抗式嘅打压，更加唔会凑效。关键喺，你可唔可以令到人地，响价值上认同你？

「要解决社会上唔同嘅问题，我地喺须要对话，而唔喺须要对立」。

所以，港式马克龙当选嘅话，港独之类嘅激进本土派，就唔会有市场，既然冇市场，又使乜要「好打得」？就睇下人地，法式胡须曾一出现，极右国民阵线，就即时失咗市场，只攞得果八席，少得可怜。不过投票率低，亦显示咗法国人内心嘅矛盾，始终，喺要妥协嘛！ANYWAY，法国将有望成为，全球首个步入新常态第三阶段嘅国家，各位拭目以待。至於香港，就冇呢个福份啦！无他嘅，大如美国都唔得，选咗个特佬出嚟；英国玩脱欧，提前大选又搞到一镬粥咁。佢地欠嘅，就喺一个能够化解阵痛嘅政治家，呢种政治家，喺好罕有，失咗嘅话，好难再搵到下一个罗！

离地嘅好打得

胡须曾仕途之缘结，造就咗林郑与香港结下五年之缘，呢个已经喺铁一般嘅事实，所以都喺果句，我地当然要支持呢位新特首。记得当日我寄语林郑，期望佢建立正确嘅宏观理念同大原则，予以坚持，唔好只喺著眼於个执行性。但睇嚟呢个 MISSION 似乎太大，我谂有啲基础嘢，佢真喺突破唔到，尤其喺果种离地。我唔喺指唔识搭地铁、买厕纸，或者俾钱乞丐之类果啲。

话说旧年年底，警方捣破咗一个跨国网上情缘呃钱集团，受害者都喺啲高学历嘅专业女性，而林郑呢，就正正喺呢一种。吓？唔喺嘛？乜咁大镬？我唔喺讲笑，唔得世故，就喺咁啦！你要呃胡须曾，可谓难过登天，但要呃林郑呢，就真喺易过借火，问题喺，你有冇一推够照嘅沙纸先？不过咁，阿爷就喺贪佢呢味嘢，而果班乡亲、商界、金融界之类嘅持份者，咪又喺一样！同林郑倾，梗喺好过同胡须曾倾。正如我话，所谓「好打得」，只不过喺流於表面，或者准确啲讲，只适用於佢权限以内，而权限以外呢，就无能力。

所以，响权力在自己之上嘅人面前，佢喺 NO SAY。就算你唔喺在佢之上，只要唔喺响佢之下，一样可以用啲佢唔识嘅专业嘢大佢，但如果你喺响佢下面呢，咁就惨啦！有网友话，冇一个领袖样样精，最重要喺识用人，林郑唔识金融 NO PROBLEM，有任志刚喎！有名你叫啦，金融沙皇，真喺阿茂都识得拣，咁就叫识用人？最近有朋友提起，究竟任志刚好啲，定喺陈德霖好啲？我话好难比较，就好似李小龙同张三丰咁，边个好啲，都要睇下响边个时势度。

过气沙皇

大家唔好误会，我依然好欣赏任志刚，当年错过咗佢个签名会，家阵都仲觉得几可惜。只不过，金融沙皇嘅年代，真喺已经过去啦！最近见佢发表回归廿周年感想，都仲话要用 08 年果套嚟救火。FINE，呢啲技术嘢，我唔评论，但既然讲到咁担心香港被边缘化，咁做乜仲要撑林郑？你话要做大个规模，讲真，大得过成个祖国咩？我地喺要同中央争取，例如响亚投行、一带一路、国家对外融资、港元嘅定位以及同人民币之间嘅相互关系等各方面，俾香港去担当一个不可或缺嘅前线角色，而唔喺墨守依家呢个现状，去做大个唔知乜叉不可或缺嘅规模！

就睇 CY，成日游去啲内地城市度 SELL 金融服务，乞求生意。内地各大城市之间，互有竞争，人地根本唔使俾面你，唔好乜叉都赖哂去港独度。你喺要直接同阿爷去争取，中央肯 GRANT 你嘅，啲内地城市就自然走嚟搵你倾，使乜周围去乞？但阿爷今日唔信你喎！咁点算？慢慢经营罗！通过协商、通过承诺、通过表现，最终令对方响价值上认同你，呢家嘢，唔喺一个响上头面前 NO SAY 嘅妹仔就做得到，旨意佢同阿爷争取，真喺可以悭啲。

所以点解我话，金融沙皇嘅年代，已经一去不复返，就算冇 LOOK 过佢篇廿周年感想都知。就睇今次特首选举，沙皇做咗林郑嘅代言人，我话佢交行货，已经好俾面。想当年佢撑唐英年果阵，都唔知几威武，好一句「一个成功嘅行业，唔等於喺霸权」，记忆犹新，如今果鼓气去咗边？林郑当选果日，我见沙皇响镜头度出现过两次，第一次可称之为「路人甲」，而第二次呢，就喺企响度等，一有机会就游埋去同林郑握完手即闪。

主宰命运嘅人

所谓，观人於微，唔知各位对呢两个镜头，点样睇法？我就睇到好多嘢。正如响《加辣．砖家》一文里面，我话睇咗政府个加辣记者会，就发现到一啲唔讲得嘅东东，到写《出阵》嘅时候先至揭盅。两个人之间嘅互动、神态、反应，加埋讲嘢内容嘅理念分歧，就已经足以睇得出，边个喺庄，边个喺闲，同成件事情，大致上喺点样发生。真喺唔好意思，我就喺留意埋哂啲咁嘢，唔喺点睇得出果啲所谓「现在嘅基础因素」？几日前，何柱国上 TVB 讲清讲楚，关於廿三条立法，个主持问咗佢三次，大家可以细心睇下何生嘅反应，今次我唔会开估。

「主宰命运嘅，喺人，唔喺数字」；我曾经以呢个为题，写过一系列回应。记得有朋友话过，我写啲嘢好玄；最近亦有朋友问，唔知我指出形势，定喺形势依我嘅见解运行？我谂大家都听过，人望高处，水向低流；你明白呢个道理之后，走去话啲水会流落下面，咁究竟你喺指出水会向低流，定喺啲水依你嘅见解流动？如果我话，阿爷信胡须曾，多过信林郑，肯定好多人会唔同意，喺唔喺？咁不如我问，你会唔会信得过，一个好易氹嘅妹仔？

组班疑云

你用一个人，唔代表你信佢，只不过你认为佢啱你用啫。刚才我话，金融沙皇，阿茂都识得拣；莫讲话林郑唔识得用人，我谂佢连点先至算喺人才，都未必分得出，呢家嘢，阿爷一清二楚。话说林郑组班果阵，遇到困难，好似话冇乜人肯落踏喎！无他嘅，边有人用「热厨房」嚟形容自己个政府架！至攞命果句口号：「有心、有力、有承担」，每次听到就想转台。我第一次喺听任志刚咁讲，已经觉得好唔妥，唔知喺咪佢谂出嚟？喺嘅就真喺多得佢唔少。唔好问我呢句嘢有乜问题，最近有朋友问我点睇财爷茂，我话：「有心、有力、有承担」罗！你估我喺褒佢，定喺贬佢？

所以呢，唔好净喺识得赖啲乜嘢政治争拗，传媒监察之类，你嘅下属，最终都喺睇你头。你咁叫人入局法，我喺人才都唔愿跟你，容乜易做到呕血仲要俾你问责。谭志源、陈家强、高永文相继表态离任，究竟喺俾人叫走，定喺冇鞋挽屐走，各位自己判断啦！跟住谣言满天飞，例如话请陈美龄做教育局局长，扰攘一轮人地又否认，唔知喺真唔喺。不过有样嘢就珍珠都冇咁真，就喺张德江义正词严咁话，中央有责任监督公职人员嘅组成标准，仲话要制度化向特首「发出指令权」喎！哗！搞乜？咁多届特首上任都冇咁夸，呢届真喺经典。背后发生过乜嘢事，阿爷有几信林郑，我谂唔使划出肠啦！

结果原班过渡，乜嘢管治新风格、大换血、引入年青人、女性，之类之类，当然喺泡哂汤。未上任就已经受挫，真喺有啲同情佢，不过我都喺同情香港人多啲。响「新」班子入面，有位新面孔，嚟自民主党嘅罗致光，未上场就话要搞啲乜叉资产增值税、高收入人士多徵税之类。我唔明白持呢种理念嘅人，点解可以入局，但当醒起家阵喺林郑做特首呢，就真喺明白哂。呢个新局长，令我谂起一位地产网友，早排有篇回应，俾人擧咗上专栏，建议埋啲乜乜投资物业税、楼宇增值税同租管喎！呢啲针对金字塔中上层，遏抑上游动力，以及挑拨阶层之间互斗嘅消极施政，就连 CY 咁消极都冇去到咁尽。佢仲好讲到自己咁撑胡须曾，但人地喺话要团结社会，修补撕裂，而最重要喺，人地已经强调咗 N 次，话私楼一定唔会平！佢究竟有冇留心听书？

来届五年喺利好

写咗咁长政治嘢，有一点我必须澄清，就喺我嘅目的，唔喺要踩边个特首。正如我话，响「因果」呢种错综复杂嘅关系里面，喺无分好坏，亦无分对错，只有「缘」。我只喺想带出，今次换届之后，嚟紧呢五年，香港嘅画面会喺点。记得当年，我批 CY，会为香港带嚟横运，批消极施政，会令社会撕裂，结果中哂。但另一方面，香港经济强劲，金融稳健，楼市坚固，皆因香港喺一处汇聚人才同投资嘅福地，而呢个就喺我地「现在嘅基础因素」，而嚟紧五年，呢个因素，亦唔会改变。

啱啱提到果位网友，最近嘅文章，讲到香港政治格局嘅明显改变，呢个「因」，我基本上同意，不过佢推断嘅「果」，我就不敢恭维。如果有人以为，阿爷会打压楼价，帮你地班香港人上车，就可谓太天真。人地得鬼闲同你话果啲「大孖沙」作对，只不过喺响佢地手上，攞番香港经济命脉嘅话事权啫！

近年有内地企业，响香港插紧旗，佢地以天价入货。我早前已经话过，唔好笑人地接火棒，更加唔好以为人地会蚀钱沽番出嚟益你。就好似恒大、海航呢啲，冇阿爷默许，喺冇可能走得到出嚟扫货。尤其喺海航，竟然有人以为，金管局收紧地产商建筑贷款，喺针对呢啲中资，但又唔去 CHECK 清楚，人地同香港银行借钱，个借贷比都只喺四成几。唔单止咁，海航仲走去扫曼哈顿摩天大厦、买德银、买香港王牌基金集团。如果就咁 SCAN 下人地个资产负债表，就判佢地唔掂，咁美国咪死得？依家呢个世界，已经唔同哂，唔通仲学过气沙皇咁，用番 08 年套思维？

简单而言，嚟紧呢五年，香港嘅政治、经济、金融、以及楼市呢啲命脉，将会由阿爷全面操控。至於妹仔，就当然喺做番啲妹仔嘢，例如社福、教育之类，洗下钱派下糖，俾啲甜头为所谓社会撕裂降下温罗！不过几有效呢，我就唔喺咁睇好啦！总之，大人嘢细路唔好搭咀，阿爷全面话事。而作为长线投资者呢，当然喺睇好，点解？香港经济强劲，金融稳健，楼市坚固，阿爷会保住哂呢啲嘢，咁我地又何必介意，边个话事？

因果错配

所以都喺果句，响「因果」呢种错综复杂嘅关系里面，喺无分好坏，亦无分对错，只有「缘」。冇「自我陶醉」，就唔会有《专业机构投资者系列》。同样地，冇爆煲论，就唔会有三傻嘅离去；冇三傻嘅离去，就唔会有「序」；冇「序」，就唔会有资深会员专栏。最近我将《法子》嘅访问放上专栏，有朋友问法子会否回归，我话，既然资深会员专栏嘅出现，喺由三傻离去而触发，咁回归入资深会员专栏，就喺因果错配，既然喺因果错配，就唔会发生。

好多矛盾，都喺源自因果错配，例如社会矛盾、中港矛盾之类。正如我话，有啲嘢，香港唔得，喺因为我地唔够爱国。要化解因果错配，只有一个办法，就喺感因。

缘结

或者各位有所不知，资深会员专栏嘅前身，喺地产论坛。专栏也好，论坛也好，都只喺一个名称，就好似《专业机构投资者系列》咁，唔一定篇篇贴题嘅。咁究竟呢度喺专栏，定只喺个论坛？呢家嘢，当然喺由网主决定啦！

专业机构投资者（一）所谓专业
专业机构投资者（二）市场嘅角色
专业机构投资者（三）致亚视员工的信
专业机构投资者（四）明灯．答案
专业机构投资者（五）加辣．砖家
专业机构投资者（六）归边
专业机构投资者（七）遗憾
专业机构投资者（八）出阵
专业机构投资者（九）政经
专业机构投资者（十）阵痛

《专业机构投资者系列》已经写咗十一篇，年半前结缘，今日缘结於此。没有死亡，就没有重生，没有缘结，就没有结缘。下次出文，将会喺一个新嘅系列，至於个系列名喺乜，哈哈，未谂到喎！咁几时会再出文？

未知何时！

宫崎骏：永远常在